- إنضم
- 25 أغسطس 2020
- المشاركات
- 5,845
- التفاعل
- الدولة
كل اللي انت قلته ده حقوق انسان كان من ضمن حقوق الانسان الحرية فى التظاهر السلمى علشان نعترض على سياسات زى الزفت فى كل المجالات الانتخابات النزيهة لناس محترمة لمجلس الشعب مش شوية فسدة ومرتشين ومعينين انتخاب رئيس يحس بالناس فى حق الحياه الكريمة بأجر محترم من حقوق الانسان مش الحكومة لسه بتفكر تحط حد ادنى مرتبات للقطاع الخاص 2400 فى الزمن ده يعنى 152 دولار ياراجل بلا مسخرة دول ميعيشوش كلب لا وبيحطو قواعد ممكن صاحب العمل ميطبقهاش لحبايبهم طبعا"
قوانين عمل يتم مراقبتها من دولتك تمنع استبداد أصحاب العمل الى بالمناسبة كانت بتطبق كويس جدا" أيام مبارك ومرسي علشان عارفين ان مرسي كان متربص للطبقة دى من الشعب أصحاب العمل مخدتهمش الشجاعة غير فى حكم السيسي واحد صاحب شركة لما حد كان بيقلة هروح مكتب العمل ايم مرسي كان بيترعب بعد السيسي يقلك اخبط دماغك فى الحيط عارف ان الفساد رجع دى حقوق انسان كل الإصلاحات الى انت قلتها دى بتمس شريحة صغيرة جدا" من الشعب المصري ربط الرواتب بزيادة الأسعار حق الشباب انهم يلاقو محلات فى بلدهم بأسعار مناسبة علشان يبتدو مشاريع ونشاط تجارى مش جايب لهم شخرمويت مليون من بره مصر ينافسوهم وكلهم شغالين من غير تراخيص ولكن يجو لحد المصري ويتحبس لو مشتغلش بكل التراخيص اعلام غير موجه يقول هموم الناس ويظهر الفساد دى حقوق انسان طيب هل تعلم ان فى ناس خرجو من بيوتهم على أساس يستلمو شقق ولسه لحد دلوقت مستلموش حاجة والدولة بتديهم 700 جنية بدل ايجار لحد ما يسكنوهم قولى هيسكنوهم فين دول المبلغ ده مفهوم حقوق الانسان أوسع واشمل من الى النظام بيحاول يوصلو للطبقة البسيطة مشكلة مصر مش الفقر مشكلة مصر العدالة الاجتماعية اما موضوع الشذوذ والارهابين يكش تركبوهم بس مش كل حد يتكلم يتقال عليه إرهابي اعرف دكاترة جامعة علشان اتكلمو على الناس الى عينهم السيسي فى الجامعات انهم مش كفائات اتقال عليهم ارهابين وتم عزلهم من مناصبه بالرغم من انهم قامات حق الطالب فى انه يشتكى دكتور الجامعة الى بيستغلة مش متسابين على الطلبة زى البهايم واستغلال وصل لحدود صعبة جدا" ومحدش بيتحاسب علشان معينين فاكر الستينات والبوليس السرى والطلاب الى كانو بيفتنو على زمايلهم وبعد كده مسكوهم مراكز قيادية التاريخ بيعيد نفسه الفيديو ده اكبر دليل ان ده تكرار ردئ لنظام عبد الناصر بس لسة فى بدايته يعنى ايه كل حاجة الجيش يعملهابيفكرنى بعد الثورة كان كل لما حد يقول مشكلة كانو يقول خلى الجيش يمسكو وطلعت نكتة وقتها خليه يمسكة
الفكرة بقا بص ردود الشباب انبطاح ابن جنيه تحس انك فى كوريا الشمالية مش فى مصر هيوصل البلد ان كل المراكز فيها هيتم حجزها للوصولين و المتملقين والمعرضين وبالمناسبة العيال دى مبتنجحش مكانها لما كنت بعمل انترفيو لحد كده مبيتقبلش بسهولة علشان بيكونو ظاهرة لازم يكون عنده حرية فى التفكير علشان يفيدك فى مجالة مش مجرد روبوتلك ان تتخيل ان المواطن ده خطر على الامن القومى والنظام علشان كتب ارحل يا سيسي قبضو عليه شوفت بقا ازاى ده نظام هش وضعيف الشعب بيكون شايل هموم كتير ولازم ينفس فى السياسة لو ده محصلش هتلاقى انتشار الفساد والدعارة والتفاهة
كفاية كده بقالى ساعة بكتب
التعديل الأخير:
