عاوز اقول لحضرتك ان مصر فيها كفاءات عاليه جدا واختلف فى حتة ان البحوث المنشورة مكتوبه على الورق بس حضرتك لو راجعت هتلاقى تطبيقات فى ابحاث الامراض المتوطنه والبحوث الزراعية تم تطبيقها عمليا ونجاحها واتخاذها كمراجع دوليه
اللى نقذ مصر خلال السنوات اللى فاتت ومازال ركيزه اساسيه هو تحويلات العاملين فى الخارج اللى راس النظام بيشكك دايما فى كفاءة عمال مصر ومؤهليها عن عمد يعبر عن جهل واضح
عدد المصريين اللى بيشتغلوا بره فى دول اوروبا والوطن العربى كبير وحتى اللى بيعمل معادله وبالذات للتاهيل فى اللغه ودى بتبقى اكبر تحدى بيبقى سهل بعدها نجاحه واجتيازه فى مده قليله لانه مؤهل علميا فعلا المشكله فى مصر فى نطاق التدريب والمعامل والتجريب بس وده بيتوفر بره عشان كده النجاح للمصرى بيبقى سريع جدا هناك
العماله الفنيه فى مصر لقت تحديات صعيه خلال سنوات عديده بسبب الدوله نفسها مين قضى على الورش الصغيره اللى كانت مدرسه فى حد ذاتها لتدريب كوادر فى صناعات مختلفه بححه رؤية عقيمه عن امتلاك الشركات الكبيره ودعمها لصالح مصالح ناس بعينها وتم ارهاق الورش دى بالضرائب وخنقها بامور التراخيص وخلافه وغلاء المواد
مين قضى على التعليم الفنى ودمر ورشة ومطورش لسنين الالات اللى فيه
والله الشعب المصري ده بطل ان صابر وبيناضل على الوضع اللى هو فيه لو اى شعب تانى اؤكدلك كنت ماشفتش ربع النتائج اللى موجوده ربنا يخلصنا على خير من سبب البلاء
