اثيوبيا تنجح بإنتاج الكهرباء من سد النهضة اليوم

[MOHAMMEd21]

لا اتوقع.. المفروض الملئ يكون بعد ايام ووافقو على التأجيل بعد ما كانو كل دقيقتين يقولو لشعبهم هنملى بحيرة السد ودى حاجة مش فى مصلحة ابى احمد فى الانتخابات الجاية

طيب ايه اللى هيحصل لو اثيوبيا التزمت بالاتفاق دا لمده سنه واحده مثلا
وحطوا الجميع قدام الامر الواقع وساعتها مش هتقدر تضرب السد بسبب الفيضان

اامن لنا يرفضوا ونضرب السد ونخلص

 

[Su-57]

تم التوافق في ختام القمة على

تشكيل لجنة حكومية من الخبراء القانونيين والفنيين من الدول الثلاث مصر والسودان وإثيوبيا، إلى جانب الدول الأفريقية الأعضاء بهيئة مكتب رئاسة الاتحاد الأفريقي، وكذا ممثلي الجهات الدولية المراقبة للعملية التفاوضية، وذلك بهدف الانتهاء من "بلورة اتفاق قانوني نهائي ملزم لجميع الأطراف بخصوص قواعد ملء وتشغيل سد النهضة، مع الامتناع عن القيام بأية إجراءات أحادية، بما في ذلك ملء السد، قبل التوصل إلى هذا الاتفاق" ،( وإرسال خطاب بهذا المضمون إلى مجلس الأمن باعتباره جهة الاختصاص لأخذه في الاعتبار عند انعقاد جلسته لمناقشة قضية سد النهضة يوم الإثنين المقبل).
تحيا الدبلوماسية المصرية تحيا مصر ??​

وتحيا السودان ايضا ..مع وقفتهم جنبنا موقفنا بقا اقوى

 

[Bright sky]

لا اتوقع.. المفروض الملئ يكون بعد ايام ووافقو على التأجيل بعد ما كانو كل دقيقتين يقولو لشعبهم هنملى بحيرة السد ودى حاجة مش فى مصلحة ابى احمد فى الانتخابات الجاية

سبحان الله ، اثيوبيا بلد المجاعات تعيش حياه ديمقراطية و المسؤلين يخافون من رد فعل الشعب قبل الانتخابات

 

[Su-57]

طيب ايه اللى هيحصل لو اثيوبيا التزمت بالاتفاق دا لمده سنه واحده مثلا
وحطوا الجميع قدام الامر الواقع وساعتها مش هتقدر تضرب السد بسبب الفيضان

اامن لنا يرفضوا ونضرب السد ونخلص

الاتفاق برعاية مجلس الامن و الاتحاد الافريقى و الاتحاد الاوروبى واميركا كمراقبين للإتفاقية الملزمة يا كبير??

 

[Su-57]

سبحان الله ، اثيوبيا بلد المجاعات تعيش حياه ديمقراطية و المسؤلين يخافون من رد فعل الشعب قبل الانتخابات

لا تخرج قبل ان تقول سبحان الله

 

[Lion84]

الخط الأحمر في موضوع ليبيا
واللجوء لمجلس الأمن في موضوع إثيوبيا
تغيرت المواقف
إن شاء الله هتتحل بدون اي تكلفة
في عضو هنا متغاظ من مشاكلنا اللي بتتحل مجانا الله يكون في عونه هتلاقيه دلوقتي بيدور علي قصاصة جريدة يفتح بيها موضوع تافه

 

[🇪🇬 مصري وأفتخر 🇪🇬]

طيب ايه اللى هيحصل لو اثيوبيا التزمت بالاتفاق دا لمده سنه واحده مثلا
وحطوا الجميع قدام الامر الواقع وساعتها مش هتقدر تضرب السد بسبب الفيضان

اامن لنا يرفضوا ونضرب السد ونخلص

مش حقيقي الكلام ده مفيش حاجة اسمها مش هتقدر تضرب السد بعد سنه ومفيش حاجه اسمها تملاء السد بدون موافقة مصر والسودان هو مش حمام سباحه هملاه في يومين

كل ما يتأخر بداية ملي السد هيكون في صالح مصر لاننا حاليا فيه مشاريع ضخمه لتعويض النقص اللي هيحصل وتخفيف الاضرار

 

[The Egyptian history]

الخبر ليه فوائد كتيرة رقم واحد تجنب التصعيد العسكرى اللى فى غنى عنه لانه هيكون حل مؤقت رقم 2 اكتمال ملئ بحيرة السد العالى لمستوى 162 مليار متر مكعب

اعتقد فيضان هذا العام عالي منسوب النيل بقاله مده مرتفع

 

[Shokry]

الاتفاق برعاية مجلس الامن و الاتحاد الافريقى و الاتحاد الاوروبى واميركا كمراقبين للإتفاقية الملزمة يا كبير??

مصر مصممة على و جود ضامنين لاثيوبيا يتحملوا النتيجة قانوناً لو اثيوبيا استهبلت

 

[Bright sky]

الخط الأحمر في موضوع ليبيا
واللجوء لمجلس الأمن في موضوع إثيوبيا
تغيرت المواقف
إن شاء الله هتتحل بدون اي تكلفة
في عضو هنا متغاظ من مشاكلنا اللي بتتحل مجانا الله يكون في عونه هتلاقيه دلوقتي بيدور علي قصاصة جريدة يفتح بيها موضوع تافه

في قلوبهم مرض ، ربنا يعفينا

 

[EGY]

مفيش تاجر عربي فاسد مش فاسد يقدر يتحرك عكس ارادة الدولة...والدليل وقت م السعودية ارادت تحجيمه علقته من رجليه ف الريتز ..ده اولا
ثانيا العلاقات بين الدول قائمة ع المصالح والسعودية شايفة مصلحتها و امنها الغذائي ف اثيوبيا.

الموضوع مش كدا خالص اهدأ

 

[mahmoud tayson]

قولنا ومازلنا هتقول إثيوبيا سترضخ لاراده مصر لأنها تبحث عن التنميه وهي دوله لا تتحمل حرب و لا تتحمل أن تواجهه دوله كمصر هترجعها العصور الوسطى بس الموضوع الواحد بيشوف فيه كميه أمراض نفسيه وحقد وغباء من بعض الأفراد مصريين وغير والله حقدهم وجهلم يتوزع على بلاد الحمد لله المواضيع دي بتخليني اتشفي فيهم وهما بيولعو نار من كل ما هو مصري

 

[Black_Ops]

طب دلوقت لو السد اتملي بشروطنا اللي فهمتو ان نسبتنا كدا كدا هتقل ل ٤٠ مليار تقريبا بدل ٥٥ الكلام دا صح ؟؟
ولو صح مادي مشكله بردو ١٥ مليار متر مكعب هنعوضهم ازاي هنسحب من منسوب السد العالي مش هيكفي ٧ سنين
الحقيقه كان نفسي يرفضو ونصربو وبسبب تصريحاتهم المستفزه من سنين
الواحد كان عايز يطفي ناره وفنفس الوقت امنع خالص ان نسبتي تقل متر مكعب واحد

 

[Tiger Egypt]

إثيوبيا جابت ورا خلاص
الشهرة عايزة مننا ايه

 

[🇪🇬 مصري وأفتخر 🇪🇬]

وتواصل الاجتماع الذي سادته روح إيجابية بين كل الرؤساء الذين تحدثوا عن ضرورة أن يصل الجميع لحل يرضي جميع الأطراف وبإرادة ودعم من القادة الأفارقة.

وأكد المتحدثون جميعا أن المفاوضات السابقه قد حلت ما بين ٩٠ % الي ٩٥ % من القضايا ولم يتبقى الا القليل الذي سيتحقق بفضل توفر الارادة والعزيمة.

وأمن الحاضرون على أن تبدأ مفاوضات على مستوى اللجان الفنية فوراً بغية الوصول إلى اتفاق في غضون أسبوعين والمقترحة من الجانب الأثيوبي.

وتم الاتفاق على أن يتم تاجيل ملء الخزان الي ما بعد التوقيع على اتفاق.

ليس لديك تصريح لمشاهدة الرابط، فضلا قم ب تسجيل الدخول او تسجيل

 

[The Egyptian history]

طب دلوقت لو السد اتملي بشروطنا اللي فهمتو ان نسبتنا كدا كدا هتقل ل ٤٠ مليار تقريبا بدل ٥٥ الكلام دا صح ؟؟
ولو صح مادي مشكله بردو ١٥ مليار متر مكعب هنعوضهم ازاي هنسحب من منسوب السد العالي مش هيكفي ٧ سنين
الحقيقه كان نفسي يرفضو ونصربو وبسبب تصريحاتهم المستفزه من سنين
الواحد كان عايز يطفي ناره وفنفس الوقت امنع خالص ان نسبتي تقل متر مكعب واحد

أعتقد أن حصة مصر الفعليه التي تأتي من الفيضان ليست ثابته احيانا تكون اعلي من55 مليار وممكن بنسبه معتبره واحيانا أقل والدليل أن استهلاك مصر من المياه عالي ولو حسبناها بالورقه والقلم المفروض منسوب المياه خلف السد يكون أقل من الواقع والله اعلم

 

[armer]

طب دلوقت لو السد اتملي بشروطنا اللي فهمتو ان نسبتنا كدا كدا هتقل ل ٤٠ مليار تقريبا بدل ٥٥ الكلام دا صح ؟؟
ولو صح مادي مشكله بردو ١٥ مليار متر مكعب هنعوضهم ازاي هنسحب من منسوب السد العالي مش هيكفي ٧ سنين
الحقيقه كان نفسي يرفضو ونصربو وبسبب تصريحاتهم المستفزه من سنين
الواحد كان عايز يطفي ناره وفنفس الوقت امنع خالص ان نسبتي تقل متر مكعب واحد

اولا.....بحيرة السد العالى بها 162 مليار متر مكعب اى تكفينا طوال 7 سنوات ملئ و تزيد
ثانيا....بعد اتمام الملئ ترجع الحصة الى 55 مليار باتفاق ملزم لاثيوبيا .....وهى المرة الاولى لالتزامهم بحصة لمصر
ثالثا....الاتفاق سيكون ملزم و برعاية أوروبية أمريكية امميه .....بمعنى فى حالة المخالفة عقوبات قاسية
رابعا....اسوء الحلول ضرب السد لانك اولا فتحت لاثيوبيا الباب لاى اجراءات عقابية ....مثلا تغيير مسار النهر ....و سوف تظهر امام العالم انهم يردون عليك فقط اما وجود اتفاق ملزم برعاية دولية له قوة اكبر كثيرا من العمل العسكرى فعليهم قبل المخالفة حساب ردود فعل اطراف كثيرة ومهمة و فاعلة

 

[Bright sky]

طب دلوقت لو السد اتملي بشروطنا اللي فهمتو ان نسبتنا كدا كدا هتقل ل ٤٠ مليار تقريبا بدل ٥٥ الكلام دا صح ؟؟
ولو صح مادي مشكله بردو ١٥ مليار متر مكعب هنعوضهم ازاي هنسحب من منسوب السد العالي مش هيكفي ٧ سنين
الحقيقه كان نفسي يرفضو ونصربو وبسبب تصريحاتهم المستفزه من سنين
الواحد كان عايز يطفي ناره وفنفس الوقت امنع خالص ان نسبتي تقل متر مكعب واحد

هتقل في سنين الملء فقط ، لغاية ما التخزين يوصل ل ٧٠ مليار متر مكعب لتشغيل التوربينات لانتاج الكهرباء ، غير ان اثيوبيا هتحاول بقدر الامكان الحفاظ علي منسوب ٧٠ مليار لتوليد اكبر قدر ممكن من الكهرباء لكن النيل بيمر بفترات جفاف ولو اثيوبيا هتحاول تحفاظ علي المنسوب في فترات الجفاف و الجفاف الشديد ده هو الضرر الكبير لذلك مصر بتفاوض علي فترات الملء وفترات التخزين في فترة الجفاف و الجفاف الشديد

 

[Egyptian Combatant]

الخبر ليه فوائد كتيرة رقم واحد تجنب التصعيد العسكرى اللى فى غنى عنه لانه هيكون حل مؤقت رقم 2 اكتمال ملئ بحيرة السد العالى لمستوى 162 مليار متر مكعب

ممكن بعد اذنك تشرح جزئية ملء بحيرة السد

 

[Su-57]

ممكن بعد اذنك تشرح جزئية ملء بحيرة السد

بحيرة السد العالى لما تملئها لأعلى مستوى تقدر تحتوى اكتر من 162 مليار متر مكعب ولما دا يحصل هنعوض جزء كبير من اللى اثيوبيا هتملئ بيه السد بسهولة