اثيوبيا تنجح بإنتاج الكهرباء من سد النهضة اليوم

[المحارب المجهول ٩]

مشروع نهر الكونغو مشروع وهمي مش حقيقي زي مشروع منخفض القطاره

تم ايقاف العمل به لأسباب مجهولة

 

[OSORIS]

تم ايقاف العمل به لأسباب مجهولة

هندسيا وفنيا في صعوبات لتنفيذه

 

[Shokry]

المنطقية السليمة غائبة في موضع السد
11 عاما من التفاوض
توقيع اتفاق مبادئ
الملئ الثاني على مرمى حجر
عامة حتى لا ندخل في دوائر مفرغة باقي القليل جدا حتى الملئ الثاني فلننتظر ونرى ولا يوجد في ايدينا غير الانتظار

وهل مشكلة اثيوبيا منطقية عشان نتعامل معاها بمنطقية؟
يعني مثلا فيديو الفضيحة دا منطقي ؟
طب انهم يتحكموا في النيل ويمنعوا الميه وكأن النهر ملكهم دا منطقي؟
انك بعد ثورتين وبتحاول تقف على رجلك ناخد قرار حرب بسهولة..دا كلام منطقي؟
ان السودان طول السنين اللي فاتت مع اثيوبيا ضدك دا كان كلام منطقي؟
كمية حرب الشائعات اللي شغالة ضد مصر بالذات في موضوع السد دا منطقي؟
لما تروح ليبيا تدي اردو على قفاه تلاقي اثيوبيا طلعت تشد في خناقك دا منطقي؟

بص هي مشكلة غير منطقية وحلها غصب عننا لازم يكون غير منطقي (بالنسبة لينا كهواة طبعا)

 

[HUGOLOGO]

الزي بالتدريب وعدم وجود الخوذة شكلها حروب افريقية

 

[hossam_kng]

مشاهدة المرفق 376369

الزي بالتدريب وعدم وجود الخوذة شكلها حروب افريقية

فعلا عندك حق حتى السلاح مموه بخيش تقريبا

 

[abdelhamid elmogy]

لو السيسى كان عايز يضرب السد كان ضربه بعد فشل مفاوضات واشنطن كان فى كارت اخضر امريكى وضع دولى مناسب ولكن هو ضد اى عمل عسكرى ضد اثيوبيا لاسباب مجهولة سيتم الملىء الثانى بدون اى رد فعل شوية شجب وكلام فارغ زى الملىء الاول واستئناف مفاوضات عبثية لتنويم الشعب المصرى وهكذا فى بناء باقى السدود

 

[تحوت]

تم ايقاف العمل به لأسباب مجهولة

هو مشروع وهمي اساسا وماحدش فكر يشتغل عليه من الاساس

 

[بشير المصرى]

اثيوبيا مش هتعترف بحق الفيتو لكن المجتمع الدولي معترف بيه وده الاهم ، وحابب انقلك جزء من تقرير بيتكلم عن الموضوع ده .

ختاماً:​

رفعت بعض الأجهزة في مصر تقارير للسيسي ونصحته بعدم التوقيع على وثيقة المبادئ عام 2015م، لأنها ليست في صالح مصر، غير أن السيسي قرر أن يوقع على الاتفاق، وأخبر معاونيه وأجهزته بأنه سيكون لديه القدرة على إحداث تغيير كبير في الموقف الإثيوبي من خلال استخدام تأثيره الشخصي على المسؤولين الإثيوبيين، بل وعلى الرأي العام الإثيوبي[31]، وهذا ما لم يحدث وأثبت فشله بطبيعة الحال. ولذلك يحذّر السيسي الآن من أن الماء امن قومي وإذا عمل أحد على منعه ستكون هناك حالة من عدم الاستقرار في المنطقة، ولكن بالرغم من هذا ما زال الوقت متاحا للتصحيح واستخدام كافة عناصر القوى الشاملة للحفاظ على الأمن القومي المصري. إلا أن هذا الوقت ليس مفتوحاً إلى ما لا نهاية، حيث يجب في حالة تبني الخيارات العسكرية أن يكون ذلك قبل مرحلة الملء الثاني للسد، لأنه إذا تم الانتهاء من المرحلة الثانية للملء، فسيكون توجيه ضربة عسكرية للسد في ذلك التوقيت ذو تداعيات كارثية على السودان أولاً ثم على مصر بخلاف الأضرار التي ستلحق بدولة إثيوبيا.


علي كل حال انا شايف ان الحل العسكري مبقاش فيه مفر منه ولو كنا هنعاني من العقوبات يبقي افضل ما نعاني من العطش ، وان شاء الله القيادة الحالية تنجح في إنهاء هذا الملف للابد والا هيبقي شوكة ف حلق مصر .

مصادر التقرير لو سمحت
ضرورى

 

[Egyptian Stud]

مصادر التقرير لو سمحت
ضرورى

معهد بحثي تأسس في تركيا عام 2014، وتم تسجيله كمؤسسة غير هادفة للربح، ويحمل اسم: “المعهد المصري للدراسات السياسية والاستراتيجية

 

[Dejavuu]

مشاهدة المرفق 376369

الزي بالتدريب وعدم وجود الخوذة شكلها حروب افريقية

اقرأ أخر الصورة عاليسار ، الجندي تابع لجهاز المخابرات الحربية و الاستطلاع ​

 

[wes_ammar]

ياريت تتابعوا هاني ابراهيم
متابعة يومية وتفصيلية لكل مايخص سد الخراب سواء تصريحات إثيوبية او مصرية او حالة السد

 

[wes_ammar]

 

[HUGOLOGO]

ياريت تتابعوا هاني ابراهيم
متابعة يومية وتفصيلية لكل مايخص سد الخراب سواء تصريحات إثيوبية او مصرية او حالة السد

معلومة بعد مراجعة المنسوب دية بيعرفها ازاي

بيراجع ازاي وفين ؟!

 

[بشير المصرى]

معهد بحثي تأسس في تركيا عام 2014، وتم تسجيله كمؤسسة غير هادفة للربح، ويحمل اسم: “المعهد المصري للدراسات السياسية والاستراتيجية

تسلم ايديك
كده الصورة وضحت

 

[الجوكر 88]

 

[wes_ammar]

معلومة بعد مراجعة المنسوب دية بيعرفها ازاي

بيراجع ازاي وفين ؟!

بقى سهل عن طريق Google earth pro تقدر تعرف المناسيب

 

[Lion84]

تراجع التصريحات السودانية لو لم يتم لكان غباء منقطع النظير
المنطق يقول ان السودان لابد أن يصرح بتجنب الحرب لإبراء ذمته عالميا بل اتمني لو تمت ضربة مصرية يتبرأ منها السودان ويعلن عدم معرفته بها
يقولون مثلا تم اعماء الرادارات عن طريق الحرب الإلكترونية ولم نرصد اي اختراق لأجوائنا ولم نأذن بذلك
حينها سيصعب الرد علي الإثيوبين

 

[Angmar]

وهل مشكلة اثيوبيا منطقية عشان نتعامل معاها بمنطقية؟
يعني مثلا فيديو الفضيحة دا منطقي ؟
طب انهم يتحكموا في النيل ويمنعوا الميه وكأن النهر ملكهم دا منطقي؟
انك بعد ثورتين وبتحاول تقف على رجلك ناخد قرار حرب بسهولة..دا كلام منطقي؟
ان السودان طول السنين اللي فاتت مع اثيوبيا ضدك دا كان كلام منطقي؟
كمية حرب الشائعات اللي شغالة ضد مصر بالذات في موضوع السد دا منطقي؟
لما تروح ليبيا تدي اردو على قفاه تلاقي اثيوبيا طلعت تشد في خناقك دا منطقي؟

بص هي مشكلة غير منطقية وحلها غصب عننا لازم يكون غير منطقي (بالنسبة لينا كهواة طبعا)

تعليقك نفسه غير منطقي يا شكري
المشاكل و الازمات عمرها ما بيكون فيها منطق لكن التعامل معاها يجب ان يكون منطقي وبتسلسل مفهوم
كان زمان في مادة ملهاش لزمة كده اسمها تكنولوجيا كنا بناخدها في المرحلة الاعدادي يقولك التسلسل المنطقي لحل المشكلة مش بيقولك هل المشكلة منطقية ولا لا

 

[Angmar]

ياريت تتابعوا هاني ابراهيم
متابعة يومية وتفصيلية لكل مايخص سد الخراب سواء تصريحات إثيوبية او مصرية او حالة السد

محدش هيتابعو من المطبلين عشان صورته الشخصية اللي بتضايقهم اوي

 

[The first thing]

تراجع التصريحات السودانية لو لم يتم لكان غباء منقطع النظير
المنطق يقول ان السودان لابد أن يصرح بتجنب الحرب لإبراء ذمته عالميا بل اتمني لو تمت ضربة مصرية يتبرأ منها السودان ويعلن عدم معرفته بها
يقولون مثلا تم اعماء الرادارات عن طريق الحرب الإلكترونية ولم نرصد اي اختراق لأجوائنا ولم نأذن بذلك
حينها سيصعب الرد علي الإثيوبين

عين العقل