مصر تخفض من رواتب موظفيها

[The scorpion.]

نسبة 1٪ غير مؤثرة بالمره فياريت منكبرش الموضوع

والله لو 2 او 3 او حتي عشره عادي بس تكون النسبه حسب الراتب
يعني تاخد من واحد مرتبه عشرين الف 200 جنيه بس ازاي

 

[أبو يعقوب]

تقريبا بين 335 و 350ريال هذا ادنى راتب يعني تقريبا 3500 او 3350 ريال سعودي

يعني 13,763 جنيه مصري و الحد الأدنى للأجور 2000 جنيه

 

[القائـد في الظل]

اقسم المبلغ بالجنيه علي 15.6 هيطلعلك بالدولار وبعدين حوله للريال لو عاوز

بس ملاحظه في فرق اسعار من دوله للتانيه يعني اسعار منتجات مصر ارخص من السعوديه وامريكا بكثير

منتجات مثل ماذا ؟
هل بنيت عليها على اساس الدخل ؟

 

[Egypt2017]

والله لو 2 او 3 او حتي عشره عادي بس تكون النسبه حسب الراتب
يعني تاخد من واحد مرتبه عشرين الف 200 جنيه بس ازاي

الموضوع مش بالبساطه إلى انت متخيلها إلى بيقبض عشرين ألف بيبقى عليه التزامات برضو على قد مستواه الاجتماعي يعني مثلا هتلاقيه جايب عربيه بالقسط ومدخل أولاده مدارس خاصه وبيصرف على نفسه من أكل ولبس غير ما إلى بيقبض ٢٠٠٠ جنيه بيصرف مع العلم ان المرتب ده حقه مش سارقه مثلا عشان نبص ونحسده عليه هل المطلوب اننا ننزله لمستوي معيشة إلى بيقبض ٢٠٠٠ جنيه مثلا
مع العلم ان معظم إلى بيقولك انه بيقبض ٢٠٠٠ جنيه بيبقى ليهم مصادر دخل أخرى مفيش حد اصلا في مصر حاليا يقدر يعيش ب٢٠٠٠ جنيه ومعظم الشعب المصري تسأله يقولك بقبض ١٥٠٠ طيب ازاي

 

[The scorpion.]

منتجات مثل ماذا ؟
هل بنيت عليها على اساس الدخل ؟

الاجابه بسيطه
في فرق بين الناتج الإجمالي والقوه الشراءيه
مثلا اقتصاد السعوديه يقارب ٨٠٠مليار
قوتها الشراءيه تقريبا 1500 مليار حسب البنك الدولي اخر تقرير شوفته
معني كده ان الدولار ف السعوديه بيشتري ما يعادل 2 دولار ف امريكا

الامر ف مصر الناتج 440 مليار القوه الشرتئيه تقريبا 1200 مليار
يعني دولار ف مصر يساوي 3 دولار ف امريكا

الصين كمثال ناتجها 14 تريليون قوتها الشرائيه 21 تريليون

كل المنتجات بتفرق ف السعر من بلد لاخري او اغلب المنتجات
كمثال لتر لبن المراعي ف مصر ارخص من سعر لتر لبن المراعي ف السعوديه
وهكذا باقي المنتجات

 

[Su-57]

انا من شفت ارسال المساعدات لايطاليا و امريكا و بريطانيا و انا قلت خلاص مصر تعافت و اصبحت دوله عال العال

و لكن خبر خصم الرواتب صدمه الصراحه

صدمة؟!
كدا عرفنا انك لم تقرأ الخبر اصلا وجاى تحفل على الفاضى

 

[The scorpion.]

الموضوع مش بالبساطه إلى انت متخيلها إلى بيقبض عشرين ألف بيبقى عليه التزامات برضو على قد مستواه الاجتماعي يعني مثلا هتلاقيه جايب عربيه بالقسط ومدخل أولاده مدارس خاصه وبيصرف على نفسه من أكل ولبس غير ما إلى بيقبض ٢٠٠٠ جنيه بيصرف مع العلم ان المرتب ده حقه مش سارقه مثلا عشان نبص ونحسده عليه هل المطلوب اننا ننزله لمستوي معيشة إلى بيقبض ٢٠٠٠ جنيه مثلا
مع العلم ان معظم إلى بيقولك انه بيقبض ٢٠٠٠ جنيه بيبقى ليهم مصادر دخل أخرى مفيش حد اصلا في مصر حاليا يقدر يعيش ب٢٠٠٠ جنيه ومعظم الشعب المصري تسأله يقولك بقبض ١٥٠٠ طيب ازاي

سؤال بسيط
ايه ذنبي ان شخص يعيش ف مستوي هاي كلاس ف محتاج مرتب عالي
طيب ليه مش انا
لو هو صاحب شركه او مستثمر وفلوسه حقه لو صاحب خبره حقه
لكن ف مصر كميه مستشارين للوزراء والمحافظين والشركات الحكوميه اقل مرتب فيهم 20 الف ونصهم لو مكانوش كلهم ملهمش لازمه

نظام الضريبه حسب الدخل والغرامات ايضا حسب الدخل مطبق ف اغلب اوروبا عادي اشمعنا مش عندنا
يعني شخص بيقبض 20 الف مثلا لو قبض 18 هيعملوله كارثه
لكن شخص يقبض 2000 وكمان ينقص من عنده ومش هيعملوله كارثه ولا حاجه؟!

 

[The Egyptian history]

مع ن للناس دخلها أقل من ثلاث الاف جنيه

رقم هزيل جدا كان المفترص دعم الدولة بنسبة لا تقل عن 10% لمواجهة التداعيات المدمرة لأعتى أقتصادات العالم
تحيا مصر..تحيا مصر ​

ولسه خارج منهم المواصلات والمصاريف فالناس مش مستحمله خصومات هو المفروض يخصم نسبة عليه علي كبار الموظفين في الدوله اللي مرتباتهم تتخطي الملايين في السنه زي الدبلوماسيين والوزراء والمستشارين العاملين في الوزارات ودول علي ما اعرف أعدادهم بالالاف

 

[The Egyptian history]

الحد الاقصي المرتبات العاملين في الدوله 40000 لا يوجد من يعمل في الدوله وبتحصل علي مرتبات بالملايين

الحد الاعلي أو الاقصي لم يطبق الحد الادني هو من تم تطبيقه

 

[Nighthawk]

الحد الاعلي أو الاقصي لم يطبق الحد الادني هو من تم تطبيقه

انت بتناقش مين ده ابيض ميعرفش حاجه

 

[deter]

المفروض النسب ماتكون متساوية
اصحاب الرواتب الكبير تزيد النسبة ولا يتساوى مع المرتبات البسيطة

 

[البدر]

2000 جنيه كم بالدولار ؟

 

[Maphric]

معليش حبيبي من يحدثك عائلته كلها بالجيش من أول لوءات وضباط متخصصين دكاترة ومهندسين لغاية ضباط صف متطوعين​

تحدث مع الأعضاء بأدب حبيبك هذا تحدثه في ميدان تقسيم وليس هنا
لا يوجد عربي يقول حبيبي هذه لغه الترك ومن والاهم من المستعربه

 

[2000 amr amr]

نسبة 1٪ غير مؤثرة بالمره فياريت منكبرش الموضوع

الفكره مش ال1% عادي ومفروض ازيد من كده كمان
الفكره لو عمل الخصم ده حسب المرتب
يعني الخصم يعلي كل ما المرتب يعلي بصراحة كنت حضربله تعظيم سلام

 

[2000 amr amr]

والله لو 2 او 3 او حتي عشره عادي بس تكون النسبه حسب الراتب
يعني تاخد من واحد مرتبه عشرين الف 200 جنيه بس ازاي

تمام اتفق مع حضرتك
وكضرائب مفروض المرتبات لحد 3000 تبقا معفي من الضرائب
ازيد من ال3000 يدفع ضرايب وتزيد نسبتها مع زياده المرتب

 

[Maphric]

الحد الاعلي أو الاقصي لم يطبق الحد الادني هو من تم تطبيقه

راجع معلوماتك الحد الاقصي مطبق منذ سنوات

 

[Bright sky]

موظفين الحكومة عددهم يقارن ٦ مليون موظف وانت محتاج حوالي ٢ مليون موظف و الباقي عمالة زايدة ، تخيل ماسبيرو بيشتغل فيه ٤٠ الف موظف ومديون باكثر من مليار جنيه وغيره ، طبعا غير المستشارين في كل وزارة ورواتبهم الخيالية ، لازم هيكله للوظائف الحكومية ، من اسباب الاداء السئ للموسسات الحكومية العمالة الزايدة

 

[The Egyptian history]

راجع معلوماتك الحد الاقصي مطبق منذ سنوات

قرات خبر وقتها بتنفيذ الحد الأدنى فقط وعدم تنفيذ الحد الاعلي لأن الكفاءات علي حد قولهم لن يرغبون في الوظائف لأن القطاع الخاص هيديهم أكثر والخبر كان في اليوم السابع وبمعني أنهم تراجعو عن تنفيذه بعد فتره من تطبيقه

 

[c.d hamzaoui]

فرضا انا اجنبي اعزب ومهتم بالاقامة في مصر
هل يكفيني راتب 300...400 دولار شهريا في مصر ..؟
الأساسيات فقط لا داعي للكماليات
اتمنى احد الاخوة يجاوب

 

[2000 amr amr]

فرضا انا اجنبي اعزب ومهتم بالاقامة في مصر
هل يكفيني راتب 300...400 دولار شهريا في مصر ..؟
الأساسيات فقط لا داعي للكماليات
اتمنى احد الاخوة يجاوب

ممكن اه
ايجار سكن واكل وشرب