المهندس اللي مايشتغل بالسايت هذا ماينفع يكون مهندس
يشتغل سكرتير والا اي شي ويريحنا
احد الايام عملت مقابله لمهندسين
احد المهندسين خريج احد الجامعات السعوديه
الولد معدله ممتاز ودرجات ولغته جيده جدا
سألته عن المعادلات وبعض نقاط البيك الخاص للمواد وبالتحديد لاحد المعادن وان عليه يجريها لي بحكم دراسه
وبعدها طلبت منه يعمل لي المنحنى مبسط
الولد جاوب كل شي
قلت له وش تشوف مستقبلك ان شاء الله معنا
والله بالحرف الواحد قال باذن الله قيادي
قلت حلو طموحك عالي وهذا شي ايجابي جدا
ووقعت موافقه قبول له
قبل يمشي قلت له عن طبيعة العمل وقلت له تراك بتكون في السايت والولد بدت تتغير ملامح وجهه
قلت له تعال ارجع ترا بشرح لك طبيعة العمل بالتفصيل وبعد الشرح تضجر لانه بيكون بالسايت قال المفترض لي مكتب انا مهندس ؟!
قلت له بيكون لك كيوبك وهو مكتب وبنعطيك لاب توب للشغل وكل حاجه بس الشغل برا انت مهندس ولازم المضخات والمعدات الخارجيه تشتغل عليها وتتقن الفايبريت والبلانس وامور كثيره لتطبيق القياسات ؟!
رد قال بالحرف الواحد يعني مافيه الا برا قلت ايه برنامج البي دي بي تلف بالسايت وننقلك من مصنع امصنع لما تتقن المعدات وبنوديك اكثر من اداره تتعلم منها
قال انا مقدم على شركه ثانيه وبشوف ..؟!
قلت ان شاء الله خير ومشى وشطبت الموافقه ؟!
احد المدراء قال ليش سويت كذا قلت الرجال مايبي برا
وحنا بشرناه بالاول لاكن الشخص اللي يبين لك انه مايبي يشتغل بالمصنع ويحك هذا يبي الراحه واعطاني انطباع انه مفكر انه مهندس بيلقى الراحه
طبعا المدير من احد الجنسيات الاجنبيه
الشخص هذا خلاني افكر ايام ان شاء الله ماكون ظلمته لاكن للاسف هو ظلم نفسه
