البعض هنا يتحجج برفع اسعار البنزين والكهرباء والماء بأن الوافدين كانوا يحصلون عليها وهي مدعومه من قبل الدوله .. وعشان كذا تم رفع اسعارها وتعويض المواطن بحساب المواطن ..
طيب ليه ما تم فرض ضريبه على حوالات الأجانب وافتكينا من كل هالحوسه ؟؟
للأن لم يتم ولن يتم فرض ضريبه على تحويلات الأجانب ..
الأجانب سفروا عوايلهم وقعد لك لوحده .. كل ٥ او ٦ في شقه .. الفلوس الي كان يصرفها على اسرته داخل البلد ويستفيد الاقتصاد اصبح يرسلها للخارج .
يعني الضرر وقع على المواطن الي ما يكفي حساب المواطن في معادلة الزياده الي حصلت للبنزين والكهرباء .
انتقاد قرار اقتصادي مهو معناه اني ضد البلد أو قياداتها ..
نقول إن فيه حلول قبل الاقدام على هذه القرارات .. ومن ضمنها ضريبة على تحولات الاجانب .. التي لم ولن تنفذ للأسف
البعض بس بيحط المشكله فالاجانب
البنزين الدوله كانت تبيعه بربح والحين تربح اكثر
المشكله بعض الناس يحسب زياده الكهرب اووه اهم شي الناس لاتفشخر
طيب والفقراء اللي قبل وش بيكون حالهم بعد اسوأ
زياده معدلات الجريمه والامراض بسبب الفقر اسوأ بعشر مرات من مجرد ارقام مرتفعه
اندونيسيا اقتصاديا افضل مننا لكن عالمستوى الشعبي انظر لهم فرق كبير بغض النظر عن العوامل البيئه لن تكون صالحه
البعض لا يريد للناس ان تلبس زين وتركب زين لانه حسوووود بس يبي نفسه
الطبقه اللي تفشخر قبل هي نفسها ماتضررت ومستمره على فعلها
والطبقه الوسطى مسكينه قاعده تندبغ
اعتذر منك لكن اعجبني كلامك فقلت ازيد اللي عندي عليه
المطالبين بزياده الاسعار مايدرون ان فيه ناس يخلص راتبها قبل الشهر وعلى اشياء اساسيه وش تبي الناس تسوي اذا زادت الاسعار
اذا تحب وطنك صدق خذ المبالغ الزايده ورح لامام مسجد فالاحياء الفقيره وقل له اذا يعرف عائله مسكينه ورح بنفسك لهم واوقف على حالهم وعطهم الزايد اللي عطاك الله
طالب بايقاف المخصصات اللي تخرج بارقام فلكيه للتوفير على الحكومه وليست لقمه عيش الضعفاء والمساكين
واللي يقول تبي الحكومه تصرف عليك ؟
عزيزي هذي وظيفتها الاساسيه تسهيل العيش علي قدر المستطاع
هي ليست شركه ربحيه تصدر بيانات ربعيه ليستفيد مدير الشركه والمساهمين فقط ووجدت لتربح فقط
بل هو ملك ٣٠ مليون سعودي وسعوديه لهم حق المشاركه والعيش بسلام وعدل
احسب ماتم صرفه على ديون الانديه والرياضات الاخرى وهو شيء جيد لكن تقنينها اولى من مطالبه المسلمين العيش على لمبه واحده ومشاركه رغيف واحد بحجه ان مصاريفكم كثيره
اخر نقطه هل تعلم كم استهلاك القصور من الكهرباء شهريا والتي يتكفل بها الديوان
بعض القصور صرفيتها تعادل حاره كامله
تحياتي
