المشكلة انك بتعوم و مفيش دولار في البنوك و ده اللي مخلينا مش عارفين نقضي علي السوق السودا لازم لما تيجي تعوم يكون دولار متوفر الدول اللي بتخفض العملة سنويا و بيضربوا بيها المثل هي دول لديها صادرات و بالتالي بتعرف تعوض و توزن امورها .
طيب والحل ايه ؟
الحل انك تشوف الدولارات بتيجي منين وتعظم مداخيلها .
يعني عاملين بالخارج اخدمهم وقدم لهم مساندة حقيقيه ودائع او سيارات او عقارات و من غير شروط و قوانيين عقيمة انت اللي محتاج لهم مش العكس ما انت لما بتروح لصندوق النقد و تطلب قروض بتقبل بكل شروطهم و تذلل لده و ده و ابحث عن فرص لتصدير العمالة حتي لو انت هتتكفل ببرامج تدريبهم في البداية بما انك مش عارف توظف و لا عارف تآكل زي ما بتقول .
السياحة شوف ايه مشاكلها و حاول تحلها و استهدف النوعية و سيبك من هجص الاثار و المتاحف و المعابد اللي ميآكلش عيش ده السياحة بنسبة كبيرة عبارة عن ترفيه عدل القوانين و اسس شرطة سياحة مدنية اختصاصها استلام و تأمين و تسهيل اجراءات السائح من اول دخوله المطار من خلال بوابات خاصة بيهم فقط لغاية لما يروح بلده بالسلامة و يبقي مش من اختصاصات او صلاحيات الضابط العادي انه يفتشه او يقوله تصريح او كاميرا او الكلام الاهبل ده او حتي يقرب منه و لا يتعامل معاه .
الانتاج : شوف المصريين بيصدروا ايه و عظم من انتاجهم و سهلهم الدنيا و شوف انت بتستورد ايه و حاول تشجعهم علي انتاجه محليا و تحفزهم من خلال مبادارات و مشاركة حكوميه ( لازم يطمن انه مشارك الحكومة و ان الحكومة هتخاف علي فلوسها زي ما هو بيخاف علي فلوسه هتقولي اشتراكية و عبط و الله هو ده اللي محتاجينه و هو ده اللي هيمشي الدنيا في البدايه ) و بعده كده تبدا تدورلهم علي اسواق خارجية يغزوها و يبقي وفرت الدولار اللي بيخرج بسبب فواتير الاستيراد و دخلت عملة صعبة
و سيبك بقي من حكايه المستثمر الاجنبي لان انت معندكش اي ميزة تنافسية في وضعك الحالي ده غير انه كده كده بيرجع يحول مكسبه منك الي دولارات وياخدها برة.
انا هفهمك سبب سوء الفهم ده جاى منين الحكومة بكل أجهزتها مقتنعة اقتناع تام ان فى دولارات فى ايد المواطنين على الأقل حوالى بين 7الى8مليار دولار وفى كل تعويم بيكون عندهم أمل انهم يجمعو الفلوس دى لكنهم تناسو ان الاقتصاد المصري بيعانى من تسريب للعملة الصعبة بأرقام ضخمة وده بسبب ان حكومة السيسي فاتحه الباب للأجانب والاجئين للعمل فى السوق المصري بالتالى الناس دى بتطلع أرباح فا بتحتاج إرسالها لدولهم ولكن إزاى والحكومة مشددة الموضوع لكن الناس دى أغلبهم جايه من دول بتعانى من حروب اهليه او أزمات اقتصادية صعبة جدا يمكن اصعب مننا بمراحل فا مبيكنش مهم عندهم حجم النسبة الى هتتخصم من المبالغ دى فى مقابل تحويلها وهنا بيجي دور تجار العملة الى بعد ما تم التضيق عليهم مفيش فعليا مكان يخرجو فيه دولاراتهم فا بيبادلو الأجانب بالدولار لتسيل رواتبهم فى مصر لكن الأجانب دول عندهم مشكلة أكبر إزاى فلوسهم هتعدى من الحدود المصرية وهنا بيجي دور الفاسدين من الأجهزة المختلفة الى عملو شركات لتهريب العملة دى لدول تانية فا كل عام بيكون فى دولارات فى السوق الناس دى دورها تخرجهم حتى اخر دولار لمصادر مختلفة الأجانب شراء سلع متوقفة على دولار وخلافه دعم دول تانية تعانى من ازمة عملة وبيحلوها على حساب مصر لكن هل احنا مش عارفين كده لا عارفين وبيستهبلو
حلول الموضوع ده سد التسريب الدولاري الى حاصل فى الاقتصاد المصري لاكتر من 20 سنه بحيث ان ثروات مصر تكون للمصريين اولا لكن ليه فى ناس مانعة كده علشان بكل بساطة ده بيكون غطاء لخروج أموالهم القذرة لكن خلينا نتكلم فى الحلول للعمله
1 تقليل عدد الأجانب الى بيعيشو وبيعملو بدون أوراق قانونية يعنى هتلاقى نفسك فى الآخر بتدعم لاجئين الدول العربية فقط يعنى ممكن تصفصف فى الاخر على 2مليون سخص فى مصر و مراجعة أوراق الجنسيات الموجودة على أرضك فى ملايين بيدعو انهم سودانيين وهمت من دول افريقية معادية لنا وبيتم ادارتهم وتوظيفهم عن طريق منظومة تديرها سفارتهم واخراجهم يكون عبر فرض رسوم باهظة تعجيزية لبقائهم وبالتالى منظرك دوليا هيكون اشيك ولو اتدفعت يبقا خير وبركة مصدر عملة جديد
2بعد إخراج الإعداد الضخمة دى فاتورة المشتريات الدولارية من السلع فى مصر هتقل بشكل كبير وممكن ترجع لزى قبل 2010
لأنك لما تصرف على شعبك فقط غير لما تصرف على شعبك + اكتر من 20مليون
3تلقائي هتقل إعداد انشاء الحكومة لوحدات سكنية نظرا ان ساعتها هترجع تتوفر العقارات منخفضة الاسعار الى تم خطفها من الشعب من اكتر من 9سنوات بالتدريج لصالح الأجانب ده غير عدد الفصول الى هيقل بشكل كبير نظرا لتوافر أماكن اكتر
4تغليظ عقوبات التجارة فى العملة وشرائها يعنى التاجر والمشتري يتم معاقبتهم بعقوبات قاسية جدا لا يتم تطبيقها على الحالات الإنسانية زى محاولة توفير أموال للعلاج وخلافه
5التفتيش الدوري فى كافة المنافذ عن اى سلع أجنبيه وربط شراء السلعة بمستندها الدولاري وان لم يوجد يتم مصادرتها ومعرفه كيف تم دفع ثمنها
6 التشديد على الحدود لمنع التهريب عن طريق جهاز مستقل وتطوير كل نقط العبور البرية والبحرية والجوية يعنى بالعربي كده مفيش حاجة اسمها احنا سايبنهم يهربو علشان ميقتلوش المجندين واخد بالك
6بعد إخراج السياحة المزيفة الى مصر مبتستفيدش منها حاجه غير ناس بتيجي تشتغل بالعشر سنين وتحول فى فلوس وتضغط على الموازنة وتدير نشاطات اجراميه خطر فى مصر بتستهدف صحة شبابك وعملتك وانت تاخد قروض وتعجز عن سدادها نسوق فى الأسواق السياحية المحترمة وبدل ما يكون عندك عشرات الملاين بيصفو اقتصادك تجيب بدالهم ناس تصرف جوا البلد مش تاخد منها زى اى دولة محترمة ما بتعمل أصل احنا فى النهاية معندناش ازمة عمالة او ايد عاملة علشان تستقدم ومحناش دولة نفطية علشان فتحة الصدر دي
الحلول دى كلها مش هتكون نهائية يعنى هيظهر تحديات تانية كتير لكن على الأقل هتدى فرصة للدولة للعودة لوضع ما قبل 2014 وتأخر الانهيار والأهم ترشيد وتقليل الإنفاق الحكومى وتبديه المشاريع الإنتاجية الى اربحها سريعة على المشاريع الى بتحتاج وقت للربح وسياسة صفر عداوات بعد كل ده ممكن مصر تقدر على التحدي الحالى فى تقدير حوالى 50سنه لو مشينا بنفس المعطايات الحالية بدون اى أفكار جديدة ومع تقليل عدد السكان الغير مصريين وسياسة تقليل المواليد وتحديد النسل الى بالفعل معدلاتها بتقل عن الأعوام السابقة نظرا لعدم قدرة الشباب على الزواج من الأساس 😂لكن تحتاج القليل من الضغط فى محافظات الريف والصعيد
![:walw[1]:](/vb/data/assets/smilies/c39c84e393dbca960a05b9f45e20e07203df7b3c.gif "-- :walw[1]:")
