مين لؤى الخطيب ده معرفوش والله ..لا انا مش انطباعي الفكر وعايش في مصر وعارف الوضع في الملف ده عامل ازاي انت بس مشحون جدا ضد القصه دي كأننا في دوله ضعيفه أو بها اجهزه منفلته ... الفكرة أن ملف اللاجئين وخصوصا بعد أحداث ٢٠١١ وانهيار الأمر تماما في ٢٠١٣ بعد اجتياح داعش . أصبح عليه تركيز أمني عالي جدا ..المنطقه العربيه في حاله سيولة محصلتش قبل كده ...الاضطرابات اللي حصلت في العراق واليمن وليبيا وسوريا جعلت هناك أعداد من اللاجئين كبيره جدا في دول مصر والأردن ولبنان وبعض دول الخليج ...انت بيبقى محتم عليك تستقبل عدد معين من اللاجئين دول لانك دوله عضو بالهيئة الأممية...العدد الكبير ده هيخلق تجاوزات ضريبيه و قانونيه واجراءية وده شيء طبيعي ..بلد زي الاردن بيعاني من المساله دي وخصوصا مع اعداد السوريين اللى عنده وهي ضعفين اللي عندك ...وضع قضيه اللاجئين وقضيه الانفجار السكاني في كفتين قصاد بغض ده قياس خاطىء جدا عندك لا في الحجم ولا في الخطورة ...مصر بالمناسبه في الحربيين العالميتين الاولى والثانيه استقبلوا مئات الآلاف من اللاجئين وقعدوا في مصر عشرات السنين ثم عادوا إلى بلادهم وأبرزهم الجاليه الارمنيه اللي كانت بميات الآلاف ورجعوا لبلادهم ولم يتبقى منهم إلا أقل القليل وكانت البلد وقتها محتل وتحت الوصايه الأجنبية
فكرة تحويل مصر موطن للاجئين ده فكر خيالي ومخاوف لا أساس لها من المنطق والواقع ..احنا مش بلد بلا شعب واحنا مش شعب بلاهويه أو شخصيه. احنا اقوى شعوب المنطقه شخصية وثقافه وتاريخ. محدش يقدر يبلعنا وياخد حقوقنا بسهوله ...ونصيحه ..مترسمش وجهات نظر على ظروف وقتيه وهتمر ..ارسم وجهات نظرك على المدى الطويل وعلى اساسيات ثابته ..وهي أن شعب مصر هو الثابت في بلاده وان االلاجى طال الزمن او قصر هو عابر وهيمشي ...
