طيب طالما الدولة لديها القدرات المالية ليها قرض جديد من الصندوق النقد الدولة ؟
طالما الدولة لديها القدرات المالية ليه الرئيس السيسي كل شوية يطلع يعيرنا بفقرنا
؟
طالما الدولة غنية زى ما بتقول ليه المواطن مش حاسس انه عايش فى دولة لديها قدرات مالية زى ما بتقول
ياريت حكومتنا تحترم عقولنا شوية
الرئيس السيسي يقول الكلام و بعدين يقول عكسه
اي ادارة هذه التى تترأس دولة مثل مصر
اولا الرئيس السيسى قال الكلام الواقعى وكان ده فى اوائل 2014 او 2015
فعندما تحكم دوله 100 مليون فرد وكل ما تملكه وقتها ناتج قومى عباره عن 230 مليار دولار
فأنت دوله فقيره
ثانيا ده كان ضمن سياق الناس الى بتتكلم فى زيادة مرتبات والصحه والتعليم وغيره
فالموضوع كان من اجل وضع النقاط على الحروف والتحدث بموضوعيه
ووالله لو كان قال احنا احسن من سويسرا مكنش عجب بدو
ثالثا قرض صندوق النقد على فكره لايتعدى 2.8 مليار دولار على سنه واحده
وهو من اجل الحفاظ على الاحتياطى النقدى فقط
فمش ده المبلغ الى هينقذنا يعنى
وفى دول كتير جدا حولينا طلبت قروض من صندوق النقد
رابعا الدوله لو فعلا ليس لديها قدرات ماليه كان اوقفت العمل فى المشاريع الضخمه سواء فى الانشاءات او الطرق او غيرها
لكن بالعكس الدوله زادت من سرعتها فى هذه الانشاءات
رابعا موضوع ليه المواطن مش حاسس مش يمكن علشان هذا المواطن مش عايز يشوف
عامة روح اسأل اهالى الدويقه وتل العقارب واسطبل عنتر وغيط العنب والمدابغ ودول حوالى 2 مليون مواطن كانو عايشين فى زرايب
اسألهم استفدتو والا لا
او روح اسأل الناس الى بتاخد من تكافل وكرامه استفدتو والا لا
روح اسأل 3 مليون اتعالجو من فيوس سى مجانا استفدتو والا لا
روح اسأل اكثر من 300 الف اجرو عمليات جراحيه مجانا ضمن مبادرة انهاء قوائم الانتظار
او روخ اسأل اى موظف قاعد فى البيت ومبيروحش الشغل حاليا انت بتاخد مرتبك ومكافأتك كامله والا لا
فى دول ممرتش بما مرينا به وبتخصم من مرتبات موظفينها
او روح لاى شخص من ضمن العماله غير المنتظمه استفدت والا لا
او حتى الناس الى شغاله فى المشاريع القوميه ايه الاخبار الدوله دى استفدت منها والا لا
طيب روح اسأل المواطن ده هى الطرق الى اتعملت دى مريحتكش والا الكبارى مسهلتش عليك حياتك والا توصيل الغاز والا الكهرباء والا انك بتلاقى الحمدلله كل حاجه متوفره رغم الازمه
شوف فى فرق كبير اوى بين انك تقعد على كرسى وترجعه وره وتنظر
وبين انك تحكم بلد فيها 100 مليون بنى ادم مر عليها بلاوى
عامة الحمدلله الايام والمؤشرات الاقتصاديه كل يوم بتثبت الحكومه والرئيس ماشيين صح والا لا
ولو معندكش فكره ممكن تراجع الموضوع علشان تكون معلومه صحيحه
عسى ان تمنحك بعض الموضوعيه بدل التنظير
وحاول تكون منصف شويه فى طرحك
كل سنه وانت طيب ?
