كلامك مش صحيح طبعا انا مهندس واشتغلت في شغل تبع الجيش وعارف المنظومة من جوة ماشية ازاي للاسف دخول الجيش مجال المقاولات خرب السوق فعلا ورفع سعر المتر بنسبة اللي هو مكسب او عمولة الجيش ده غير ان المقاول بياخد اسمنته وحديده من الجيش وطبعا كلها من مصانع وشركات تابعة للجيش (اسمنت العسكري) يعني بوظ المنافسة كمان في سوق مواد البناء ولكل سلعة حديد او اسمنت ظابط صرف بيمضيلك عشان تصرف الكلام ده من الهيئة الهندسية وطبعا في عمولات بالهبل للسادة الظباط حدث ولا حرج ده غير طبعا ان الجيش بيرسي الشغل على مقاولين معرفة من الاخر يعني انت معرفة العميد فلان او اللواء علان بتكلمه ويجيبلك شغل بدون اي مناقصة عشان تعرف الاسعار وتختر الافضل ليك يعني الغاء تام للمنافسة بين شركات المقاولات والاساس هو الواسطة والكوسة وطبعا الباشا المقاول اللي سيادة العميد او اللواء فلان رئيس الفرع الهندسي جايبة هيفرض سعر المتر اللي هو عايزة عشان جاي بدون مناقصة ولو تحب احكيلك على بلاوي انا مستعد بس عل الخاص عشان في حكايات يشيب لها الولدان لو قولتلك عليها والله هتضرب كف على كف
