راه فعلا القائد كايشد تقريبا 20 الف درهم دون الحديث عن الامتيازات الدار الطوموبيل و المازوت و زيد
نعم الطبيب 20 الف درهم هي أجرة عادية لانه يقدم خدمات للمواطن و يقضي على الاقل 7 سنوات من الدراسة و الكد و العمل، و زيد عليها كايخلص الضريبة ديالو من المنبع،
راه غير بائع متجول كايدخل 500 درهم فالنهار هي الميتة و ماكايعطي الدولة والو و زيد و زيد،
نعم الدولة عندها باش تخلص خاصها غير تعطي الأولوية القطاعات الاجتماعية عوض صرف الملايير على الصفقات العمومية الفشلة و التدبير المفوض
بالنسبة الحرة الطبيب و الممرض هي الاعلى على مستوى العالم و هي شيئ جد عاد،
متفكرش انك كتعطي دوك لفلوس لموضف، فكر انك كتوفر خدمة جليلة للمواطنين الذين يقودون المستشفى العمومي،
فاش كنكون مخلص مزيان كتكون انساني فالتعامل ديالك هذا هو الواقع مع الاسف،
زد اما مهضرتش غير على المرتبات و لكن هضرت حتى على المراقبة و الضرب على ايادي الفاسدين و المرتشين بالمستشفيات سواء أطباء او ممرضين او اداريين.
خذها مني نصيحة أساس النجاح هو العنصر البشري الى متهليتيش فيه معكرك تزيد القدام و خا تحظر مال الدنيا على التجهيزات و البنايات.
نقطة أخرى آش جاب البوليسي للطبيب او الممرض، البوليسي نيڤوا باك رتبة حارس أمن كايتخلص بحالو بحال فرملي باك +4 واش فخبارك هادي ؟ راه ما بقاوش لبوليس نتاع 60 الف ريال علاش كتعفا راه تهلاو فيهوم مؤخرا.
اما المستشارين و النواب البرلمانيين الله يهديك أخي الكريم من العيب ان نذكرهم في النقاش حيت هادوك بحال النجاسة
متافق مع معظم لقلتيه و انا ماشي ضد ان يتخلص طبيب 20 الف درهم و الفرملي 10 الاف درهم
و لكن انا ضد اتخلص الطبيب 20 الف درهم و الفرملي 10 الاف درهم و باقي عندك فدولة شي ناس كايتخلصو 60 درهم 10 سوايع ديال الخدمة فنهار
و الخدمة ديالهوم كلها تصدير للخارج و هنا كاندوي على عاملين فالفلاحة
و عندك شي ناس عمال نظافة ماكيفوتوش 3 الاف درهم فشهر و زيد و زيد
و ملي هاد عامل فالفلاحة و فنظافة غادين لعند دالك الطبيب و داك الفرملي لكايشد 20 الف و 10 الاف درهم فشهر بطبيعة الحال ماغاديش احس بيه داك طبيب كمواطن و هنا باش كايحس المواطن ضعيف بالفوارق لاجتماعية
كايشوف طبيب كاتب ليه ورقة فيها 500 درهم ديال دواء و طبيب براسو كايشد 20 الاف درهم و باقي كايتعامل بقلة احترام
المشكلة ديال البلاد ليست في رفع لأجور او تخفيضها المشكلة في توزيعها و توزيع العادل لثروة و رفع اجرة طبيب لأنه درس 5 سنوات ليس مبرر كي يتقاضى اجرة 10 عمال في الفلاحة هنا يتضح تفاوت الاجتماعي
برأيي شخصي
انا جبت ليك مثال ديال البوليسي و المستشارين ان المواطن عتبرو بحال دري صغير
ملي طلع صالير لطبيب خصك توجد راسك طلعو لباقي الموظفين من البوليسي حتال مصحح لإمضاء فالمقاطعات
اما المستشارين راه كاي رفعوه لبعضيتهم بلا ما يقولها لهم حد
و أتفق تماما على ان نهضة لامم تتحق بلاهتمام بالعنصر البشري و لاهتمام بفئة معينة بحكم ماذا فعلت في سنوات دراستها و كم سنة درست و اي مجال
لا اظنه بمعيار لتفضيل فئة عن اخرى
تحياتي اخي العزيز .
