بوابة المــــغـــــرب الأقتصـادية

[موحى اوحمو الزياني]

ملعب الرباط ايلا تم اصلاحه غايولي مزيان خاصو ازالة المضمار و التغطية و ملعب مراكش كذالك ايلا تم الاصلاح ديال الملاعب الحالية غاتولي مزيانة ولكن ماشي التلباق
ملعب طنجة و ملعب الرباط مغطى و بدون مضمار و ملعب كازا الجديد و ملعب مراكش ايلا جابو ليه شي مهندس مزيان و تم اصلاح عيوبه كافيين

لا سمح ليا اخي و لكن ملعب الرباط و مراكش و فاس غير صالحين نهائيا لكأس العالم

ترقيع ادرار و ابن بطوطة ممكن ان يجعلهما ملعبين صالحين لكأس العالم و لكن النتيجة لن تكون جيدة

 

[موحى اوحمو الزياني]

200 مليون ل 93 الف ! وتيران فبنسليمان ! علم الله اش هاد لمخلوق لمشوه لغيخرجو لينا هاد المسؤولين الاباطرة

ومكملينها بفاس وتيران دمراكش هههههههه علام هاد لمعاقين عقليا

كايبان ليا واقيلا عمرهم شافو تيران ديال كأس العالم كيفاش داير

 

[AKATSUKI]

حاجة اخرى شنو الجدوى الاقتصادية من تيران دكازا منين درتيه فبنسليمان !!! ماتشات الوداد ففينال الشامبيونسليغ و كاس العالم الاندية لي تلعبوا فالرباط تيران مكانش كومبلي 100% وخا سعة الاستيعابية ديالو 52 الف ! وهذي اهم ماتشات الفرقة ! فما بالك بتيران فيه 93 الف ! وبرا دكازا ! واش الماتشات العاديين غيبقاو يتلعبوا غير فدونور ! اوا شنو فايدة تيران جديد ! وحتى ايلا تلعبوا فيها غير الفينالات و ماتشات المنتخب راه امبوسيبل يكون كومبلي 100% ! ممكن فحالة وحدة وهي كانت الرجا ففينال دلعصبة ! ورجا مشافتش فينال لعصبة من 2002 ههههه يعني تيران يقدر يعمر مرة فخمس سنين ولا عشر سنين!

مبليين بمسؤولين مكلخين ومتخلفين عقليا! على الاقل يكون فبوسكورة! وخا المفروض ايلا كنتي ناوي تستاضف الفينال ولا الافتتاح خاص تيران يكون وسط احدى المدن الكبرى ! تخيل عشرات الاف من مختلف الجنسيات جايين يحضرو للافتتاح وتلقاهم كيتسركلوا فبنسليمان!..كتخاف من شغب فكازا ! اذا تيران يكون وسط الرباط وحدا ابي رقراق ! وكازا يتبنا ليها تيران بسعة اقل 60-70 الف فريجيون !

ههههههههه ولهربة مع هادو

 

[AKATSUKI]

كايبان ليا واقيلا عمرهم شافو تيران ديال كأس العالم كيفاش داير

وفين عمرهم داروها زينا هادو لي عندنا راه عميين فكلشي وفكاع المجالات

 

[AKATSUKI]

ايلا كانو باغبين يخدمو من نيتهم فراه كازا ورباط ومراكش خاصهم تيرانات جداد وهادي مافيهاش لاكين لا ولاكين..وحتى تيران دطنجة و اغادير صعيب تبريكولي بيهم لبزاف دالحوايج..ايلا بغاو يشوهونا مع لي يسوى ولي ميسواش فراه مكاين ماحسن من داك لملف لي دارو!

 

[spike er]

فاس يتدار ليها برنامج ضخم للتهيئة تقدر تحيد مراكش من صدارة المدن السياحية في المغرب

بالفعل هي حسن من مراكش غير ديك المدينة القديمة شحال فيها

 

[spike er]

تا التيران الجديد عاطينو ميزانية ديال 200 مليون، التجديد الملاعب شحال غادي يعطيوه هههه 20 مليون دولار، مدريد راه وصلو ل 600+ مليون اورو غا فتجديد البيرنابيو، ميزانية لي يقدرو يبنيو بيها تيران جديد ديال 55 ألف متفرج ويكون تيران ديال بصح، تا والله حتا هاذو لي عندنا كيتفلاو و كيخ***، غادي يشوهونا مع عباد الله، ملي مقادرش تحط 3-4 المليار على البنية التحتية الرياضية بلا ما نبقاو نترطاو، حشومة، كتشوف بلي القجع هو الرئيس ديال اللجنة المكلفة كتقول ربما ربما السيد دار العالم و عارف اش كاين، و لكن والو، مكنتش تايق فيهم و زادو أكدوها.
عالله يكونو غير كيكذبو علينا و ماباغينش يقولو الأرقام الحقيقية باش بنادم ميكعاش عليهم. مع أنه حلم اليقظة و لكن يلي نقطة الأمل فهاذ المسؤولين د** عندنا هنا، غادي يخرجو للزنقة يجرو شي دري من ودنيه، غادي يدير شي غوغل سيرتش غادي يطلع ليهم شي حاجة لي ملائمة للجيب و ماغاديش تحشم بينا قدام البراني، عيب و الله حتى عيب، راه لا بنيتي تيران ديال 93 ألف ب 200 مليون بحالا شريتي أوبو و نتا فبالك غادي يعطيك نفس داكشي لي كيعطي الأيفون. حشومة.
شفت هاذي فتويتر و قلت لا لا بداك شوية الأمل لي كان و تامغرابيت لي فينا، ولكن ورا اليوم أتفق و بشدة (وخا مع الإنسان سبانياردي العنصري) و لكن فهاذي عندو الحق.

ملعب 93000 علالأقل 800 مليون دولار 200 مليون باغيبنيو بالرملة

 

[spike er]

بحال قطر را جابت شركة بريطانية لتسيير و اقتراح المشاريع

 

[SniperMa]

اسمحوا لي أن أتدخل هنا كل الارقام التي تطرح الآن غير صحيحة بالنسبة لتنظيم المغرب لكأس العالم لسبب بسيط فمشروع القطار الفائق السرعة بين الدارالبيضاء لاكادير ميزانيته 10 مليار دولار يعني المغرب ادخل مدن مراكش واكادير فالملف يعني مسألة الربط قادمة بالقطار أما بالنسبة للملاعب التي يمكن أن تكون صالحة للإصلاحات وان تدخل في الملف فهي ملعب طنجة الباقي لايصلح مثلا ملعب مراكش عليه أن يهدم وبنى مكانه ملعب اخر والأمر كذلك بالنسبة لاكادير والرباط

 

[SniperMa]

 

[Wyatt09]

Jakarta International Stadium فأندونيسيا 312 مليون دولار (368 لا حسبتي التضخم) بداو فيه ف 2019 سالاوه فأبريل 2022، سعة ديال 82 ألف د البشر، و مع ذلك لا قارنتيه مع التيرانات د إسبانيا غادي يبان مدرح و فيه غير الوجه و حتا هو دايرين ليه كراسا د بلاستيك د جدريال و لا شفتي الفيديوات ديال الدخلة كيبان ليك بلي حتا هوما حاكمهم الهاجز الأمني، و غالبا المرافق ديالو ماغاديش تكون بحال المرافق د التيرانات الأوروبية، إلا مكناش غادي نعطيو تيرانات على الأقل بحال هذا، فا بلاش من التنقاز راه غادي نحشمو براسنا قدام العالم، كازا التيران خاصو يكون بغلاف مالي مكيقلش على 700 مليون، مراكش خاصها تيران جديد حيث المكلخ غادي يقول لك بلي داك التيران تما صالح لشي حاجا، فاس بلا ماتحط أصلا فذاك الملف د الترشح، الرباط خاص تيران جديد و يبعدو من مركب الأمير مولاي عبد الله، خاصو يبقى ملعب أولمبي، ماشي 5 سنين ثاني و نوليو احغا خاصنا ملعب أولمبي، التيرانات الوحيدين ليستاهلو الإصلاح هوما أكادير و طنجة وحتا التطوير خاصو يكون بغلاف مالي معتبر ماشي جدريال د 20 مليون دولار.
راه غادي يشوهو بينا هاذ الناس، معندنا الفلوس و ماباغينش تخسرو الفلوس من الميزانية العامة، بيعو الحقوق الاسمية د التيرانات لشركات خاصة لمدة 10 - 20 - 25 عام، كما دارت البارصا مع سبوتيفاي كامبنو، كما كاين ملعب الاتحاد، ملعب الإمارات، ملعب AT&T، ملعب Mercedes-Benz، ملعب Bank of America، راه عطا الله الشركات لي كيستافدو من العلاقات مع القصر و النظام بصفة عامة، BMCE، Bank of Africa، اتصالات المغرب( ولا اتصالات الإماراتية)، أورونج (لي المداخيل السنوية ديالهم واصلا العام لي فات ل 44 مليار دولار)، القرض الفلاحي، أكوا هولدينغ ديال أخنوش، هنا فين خاص هاذ الناس يبانو، حيث كما كياخدو خاصهم يعطيو، معندكش فلوس كاينا العديد من طرق الرعاية باش ضبر على فلوس ماشي بالضرورة تجي من الخزينة د البلاد، خاصنا تيران د كازا ب 700+، تيران مراكش 350+، الرباط 350+، طنجة تجديد تام ياخد شي 100 مليون و أكادير 100 مليون و زيد ملاعب التداريب و بالبنية التحتية الرياضية الآخرى، عاد نسا الشق الرياضي و دوز لتهئية البنية التحتية غير الرياضية من مطارات و أوتيلات و TGV و طرق سيارة، ونقل عمومي و غالبا خاصك الترام فغاع المدن لي غادي ترشحها، ميزانية تهيئة البنية الرياضية نقدرو نزلوها ل 2-3 المليار، نقدرو نساليو كلشي بغلاف مالي ديال 8-10 المليار دولار ( على حساب التكلفة د TGV ثاني).
ملي مقادرينش على هاذشي مانبقاوش نخشيو حمارتنا فسوق الخيل، راه غادي نتشوهو.

 

[موحى اوحمو الزياني]

مشاهدة المرفق 597654مشاهدة المرفق 597655
مشاهدة المرفق 597656مشاهدة المرفق 597657


Jakarta International Stadium فأندونيسيا 312 مليون دولار (368 لا حسبتي التضخم) بداو فيه ف 2019 سالاوه فأبريل 2022، سعة ديال 82 ألف د البشر، و مع ذلك لا قارنتيه مع التيرانات د إسبانيا غادي يبان مدرح و فيه غير الوجه و حتا هو دايرين ليه كراسا د بلاستيك د جدريال و لا شفتي الفيديوات ديال الدخلة كيبان ليك بلي حتا هوما حاكمهم الهاجز الأمني، و غالبا المرافق ديالو ماغاديش تكون بحال المرافق د التيرانات الأوروبية، إلا مكناش غادي نعطيو تيرانات على الأقل بحال هذا، فا بلاش من التنقاز راه غادي نحشمو براسنا قدام العالم، كازا التيران خاصو يكون بغلاف مالي مكيقلش على 700 مليون، مراكش خاصها تيران جديد حيث المكلخ غادي يقول لك بلي داك التيران تما صالح لشي حاجا، فاس بلا ماتحط أصلا فذاك الملف د الترشح، الرباط خاص تيران جديد و يبعدو من مركب الأمير مولاي عبد الله، خاصو يبقى ملعب أولمبي، ماشي 5 سنين ثاني و نوليو احغا خاصنا ملعب أولمبي، التيرانات الوحيدين ليستاهلو الإصلاح هوما أكادير و طنجة وحتا التطوير خاصو يكون بغلاف مالي معتبر ماشي جدريال د 20 مليون دولار.
راه غادي يشوهو بينا هاذ الناس، معندنا الفلوس و ماباغينش تخسرو الفلوس من الميزانية العامة، بيعو الحقوق الاسمية د التيرانات لشركات خاصة لمدة 10 - 20 - 25 عام، كما دارت البارصا مع سبوتيفاي كامبنو، كما كاين ملعب الاتحاد، ملعب الإمارات، ملعب AT&T، ملعب Mercedes-Benz، ملعب Bank of America، راه عطا الله الشركات لي كيستافدو من العلاقات مع القصر و النظام بصفة عامة، BMCE، Bank of Africa، اتصالات المغرب( ولا اتصالات الإماراتية)، أورونج (لي المداخيل السنوية ديالهم واصلا العام لي فات ل 44 مليار دولار)، القرض الفلاحي، أكوا هولدينغ ديال أخنوش، هنا فين خاص هاذ الناس يبانو، حيث كما كياخدو خاصهم يعطيو، معندكش فلوس كاينا العديد من طرق الرعاية باش ضبر على فلوس ماشي بالضرورة تجي من الخزينة د البلاد، خاصنا تيران د كازا ب 700+، تيران مراكش 350+، الرباط 350+، طنجة تجديد تام ياخد شي 100 مليون و أكادير 100 مليون و زيد ملاعب التداريب و بالبنية التحتية الرياضية الآخرى، عاد نسا الشق الرياضي و دوز لتهئية البنية التحتية غير الرياضية من مطارات و أوتيلات و TGV و طرق سيارة، ونقل عمومي و غالبا خاصك الترام فغاع المدن لي غادي ترشحها، ميزانية تهيئة البنية الرياضية نقدرو نزلوها ل 2-3 المليار، نقدرو نساليو كلشي بغلاف مالي ديال 8-10 المليار دولار ( على حساب التكلفة د TGV ثاني).
ملي مقادرينش على هاذشي مانبقاوش نخشيو حمارتنا فسوق الخيل، راه غادي نتشوهو.

انا غسلت يدي من كأس العالم منين شفت الملاعب المعتمدة من المغرب

اسوء مخاوفي تحققت

 

[Wyatt09]

انا غسلت يدي من كأس العالم منين شفت الملاعب المعتمدة من المغرب

اسوء مخاوفي تحققت

عالله تبدل شي حاجة، غا دوك السبليونيين يوركو على دياولنا، وخا حشوما حتا تغولها، تسنى البراني ينغزك بلي غادي تهبط لينا التنقيط، ولكن فالغالب غادي يحشمونا. مافيهاش.

 

[desert falcon]

بعض الاخوة هنا كيحسابلهم 200 مليون دولار هي الثمن النهائي
واش من نيتكم راه مستحيل
200 مليون اورو غاتكون غير جزء من الميزانيات المخصصة لهاد الضومين

 

[موحى اوحمو الزياني]

بعض الاخوة هنا كيحسابلهم 200 مليون دولار هي الثمن النهائي
واش من نيتكم راه مستحيل
200 مليون اورو غاتكون غير جزء من الميزانيات المخصصة لهاد الضومين

المشكل ماشي هي الميزانية المرصودة

المشكل هو تقديم ملاعب عفى عنها الزمن لكاس العالم راه حشومة و عيب راه الصورة ديال المغرب على المحك هنا

 

[الأسد الإفريقي]

بلومبورغ bloomberg تعد تقرير حول المغرب (كحل كحل ...)

 

[Moroccan Atlas Eagles]

المدرج الجديد لمطار سانية الرمل بتطوان

استقبل المطار اول رحلة لطائرة عملاقة وهي الطائرة الملكية بوينغ 747 في رحلة تجريبية
يتم ايضا بناء محطة جديدة بالمطار وتم توسيع موقف الطائرات ليتسع لسبع طائرات بدل 3 في الماضي

 

[SniperMa]

 

[إيزم]

واش تم تقديم الملاعب و لا غير المدن حيث ممكن تبنى ملاعب جديدة فدوك المدن بحال الرباط و كازا

 

[sousse]

ملعب مولاي عبد الله كارثة في 2030
بشاعة لا نظير لها و سيسخر منا الآخرون