فيه مداخلة بسيطة بخصوص النمو السكاني, لو سألت الوالد او الوالدة الله يخليهم لك ويطول باعمارهم, بيقولون لك ان الفترة مابين اواخر السبعينيات ومنتصف الثمانيات حصل طفرة في النمو السكاني في السعودية, لو سألتهم او سألت اي شايب عن سبب هذه الانفجار السكاني كل بيت صار ينجبون من ٥ الى ١١ ابن وابنه , بيقول لك الطفرة الاقتصادية اللي جت في البلد كانت احد اسباب ان اكثر المواطنين ينجبون ابناء كثر. الخير واجد وكل عائلة يبنون بيت من ٥٠٠ متر لين ٨٠٠ متر واكثر علشان يملون البيت بالعيال. كان فيه خير وانا اخوك.
انا قد سويت بحث عن تعدد الزوجات والمساعدة في زيادة الخصوبة لما كنت ادرس بامريكا, لقيت بحث في لدكتور علم الاجتماع نبه ع نقطة ان الازدهار الاقتصادي يساعد العائلات على الانجاب اكثر في المجتمعات اللي مافيها قيود مالية على الافراد ( مثل الضرائب ) قال في البحث لو امريكا مافيها ضرائب نهائياً كان وصل نسبة المواليد الى ثلاث اضعاف الرقم الحالي في المواليد الجدد كل عام ( للمعلومية امريكا يزيد نسبة سكانها من الهجرة حيث ان نسبة المهاجرين اليها اكثر بـ ٢٠ مرة من نسبة المواليد من عدد سكانها ) ! وكان امريكا مااحتاجت الى قانون هجرة وفتحت ديرتها للعالم كله. والسبب لان المواطنين راح بيكون عندهم فائض مالي لان رواتبهم وكل شيء ماعليه ضرائب اللي توصل نسبة الضرائب على الدخل والممتلكات الى ٤٥٪. فتخيل لو السعودية عندها ضرائب ع الدخل وياخذون من راتبك ١٠٪ ( هذا في اقل الاحوال ) صدقني محد بهالديرة راح بيجيب اكثر من ولدين او ثلاثة. مع العلم ان مفهوم عدم الانجاب اكثر في مجتمعات العالم اغلب اسبابها هو الوضع الاقتصادي للعائلة وليس لقناعات شخصية او مجتمعيه.
لذلك لاتخاف خل تظهر نتائج الرؤية ٢٠٣٠ وصدقني اذا نجحت اهداف الرؤية نشوفك متزوج على ٤ حريم ومخلف لك دستة عيال, وربي مغنيك ومغني الجميع من خير الله في هالبلد.
