شوية شوية كده خلينا نحسبها
أعدائك مين سواء مؤكدين أومحتملين ؟؟
1-اسرائيل :
عدو مؤكد لكن برأيي مع سياستنا الحالية الجيدة مع أمريكا وعدم تدخلنا كثيراً في القضية الفلسطينية أو السورية فهي عدو مؤكد لكن على
المدى المتوسط أو البعيد حتى
وطول ما إحنا فايقين ومركزين وبنسلح جيشنا كويس تقريباً ماشيين على نفس الوتيرة مش هايكون فيه مواجهة قريب إلا لو لا قدر الله حصل تدهور درماتيكي في الأحداث على غرار الحملة الانجلوامريكية الفترة اللي فاتت كمان مننساش بينا مصالح اقتصادية متمثلة الغاز اللي في البحر المتوسط من مصلحتنا ومصلحتهم الجو يكون هادي وتركيا !!!!
2- تركيا :
عدو محتمل وخصوصاً بعد الحركة الغبية اللي شبه هددونا بفتح النار علينا في حالة دخلنا المناطق المتنازع عليها بينا كمصر وقبرص واليونان وبرأيي من الخلف اسرائيل عموما هي عدو محتمل وصعب تصور ممكن البحرية التركية يكون رد فعلها ايه في حالة احنا او احد الاطراف دخلنا المنطقة المتنازع عليها لكن عموماً والمؤكد هايتحل سلمي لسببين أولا العلاقات الطيبة بين المملكة وتركيا أيضا صعب تركيا تفتح على نفسها جبهة تانية بخلاف سوريا
3- اثيوبيا :
مؤكد وعلى المدى القريب ومفيش داعي أشرح همه قد ايه بيماطلوا ويسوفوا محاولين يكسبوا وقت حتى الانتهاء من السد ويبقى أمر واقع
4- الجماعات المسلحة بليبيا وبسيناء : مؤكد ومستمر
طيب دول ال 4 أعداء اللي مصر هاتواجههم في المدى المنظور ومفروض يكون تخطيطنا أو تسليحنا بناءً على هذه التحديات اللي أصعبها برأيي أثيوبيا
بمعنى كل اللي نقترحه أو نقوله من تصورات وصفقات يكون ملائم للمهام او العمليات اللي ممكن نقوم بيها
ونقطة أخرى ياريت حضراتكم متنسوش انه فيه تحدى ممكن يفرض علينا
إيران في حالة قلت عقلها وقربت من الخليج
واخر شيئ منركزش بس على القوات الجوية بل كل الأفرع وخصوصاً البحرية والدفاع الجوي
شكراً وأسف للإطالة
