# صورة حصرية ورائعه | مركبة نقل الجند القتالية المصرية المدرعة EIFV .

[tiger attack]

عائلة سبايك من مدى 800 متر لحد 25 كم للنسخة الاخيرة حسب مهو معلن طبعا

لااااااااااااااااااااااااااااااازم رادار وأجهزة توجيه للسبايك
النسخه الوحيده منه التى تعمل بنظام اطلق وانسى هي النسخه المحموله على الكتف ومداها من 8:13 كم

 

[the red general]

صاروخ سبايك يملك قدرة تغيير الهدف في حالة اكتشاف هدف اثمن و الفضل الي التوجيه بالكاميرا التليفزيونية المثبتة في مقدمة الصاروخ.

البرية الاسرائيلية قوية جدا و مصر لازم تحط خطة لمواجهتها و بعدين تحدد كيفية تطوير البرية المصرية لتصبح علي المستوي.

نتكلم هنا عن التروفي ,الاسبايك , اللاهات و البلاك فوكس .

 

[soly]

لااااااااااااااااااااااااااااااازم رادار وأجهزة توجيه للسبايك
النسخه الوحيده منه التى تعمل بنظام اطلق وانسى هي النسخه المحموله على الكتف ومداها من 8:13 كم

انا مش فاهمك بردوك رادار اية اللى هتوجهة بية صاروخ بالاشعة تحت الحمراء او كاميرا تلفزيونية مهو المناصة اللى شايلة الصاروخ سواء كانت مدرعة او عربية مدولبة او حتى طائرات بيكون معاها انظمة التوجية وبيتم التحكم فى الصاروخ لحد الهدف او هتشغل نمط اضرب وانسى لو النسخة الاخيرة بعيدة المدى ممكن بيتم توجيهة زى ما قولت بالطائرة بدون طيار لانارة الهدف للصاروخ

 

[tiger attack]

يا عم مستحيييييييييل
الفئة مختلفة تماما المواجه ظالمة
النقطة التانية الصاروخ دة في احدث نسخة بيعمل اطباق علي الهدف من فوق يعني اضعف حتة في التدريع
علشان كدة بقولك فلسفة الدروع المصرية محتاجة تتغير تماما
حوار الخفة والمناورة ده مش مفيد الصراحة
ولازم نركز علي كثافة النيران ومداها

تصدق فعلا ان الصاروخ ده بيضرب الدبابات من فوق top attack دى نصيييييييييييبه سوده

 

[jack.beton.agent]

على فكرة .. أساساََ فكرة تطوير الـ M-113 غير مجدية ومكلفة .. عندك المملكة العربية السعودية قامت بتطوير عدد (200) مدرعة M-113 إلى معيار أفضل إسمه M-113 A300 مع شركة FNSS التركية بموجب عقد بمبلغ (200) مليون دولار !! يعنى (مليون) دولار لكل مدرعة ... طب ما أنا بالمبلغ ده ممكن أخد حق تصنيع أى مدرعة أخرى على جنزير سواء ( روسى صينى فرنسى إيطالى ) وأعمل التطويرا إلى أنا عايزها ..

(( التطوير التركى للسعودية ))

(( ممكن تستفاد من أعدادها الضخمة ))

( تحملها صواريخ م/د صينى مثلاََ أو أوكرانى )

( عندك التطوير التايوانى تحت إسم M-113 CM21A1 )

( أو النسخة الأمريكية )

​

 

[tiger attack]

انا مش فاهمك بردوك رادار اية اللى هتوجهة بية صاروخ بالاشعة تحت الحمراء او كاميرا تلفزيونية مهو المناصة اللى شايلة الصاروخ سواء كانت مدرعة او عربية مدولبة او حتى طائرات بيكون معاها انظمة التوجية وبيتم التحكم فى الصاروخ لحد الهدف او هتشغل نمط اضرب وانسى لو النسخة الاخيرة بعيدة المدى ممكن بيتم توجيهة زى ما قولت بالطائرة بدون طيار لانارة الهدف للصاروخ

يا فندم جزاك الله خيرا على المعلومات أنا فاهم حضرتك تقصد إيه ...
لكن ما أقصده هو ما الذى يفرق بين منظومة اطلاق السبايك هنا ( مزوده برادار ):

عن منظومة إطلاقه هنا ( غير مزوده بالرادار )

هل لأن المدرعه فى الصوره الأولى تعتمد على نفسها فى توجيه الصاروخ بدون طائرات بدون طيار
والمدرعه فى الصوره الثانيه تعتمد اساسياعلى طائرات بدون طيار فى توجيهه الى مداه الأقصى 25 كم !!! ولا الصاروخ على النموذج الثانى مداه اقل من 25كم فلا يحتاج الى توجيه فقط اطلق وانسى !!!

ولا هما الله يخرب بيتهم طوروه وخلوه يوصل لمداه الأقصى مع نفسه من غير مساعده ؟؟؟

 

[soly]

يا فندم جزاك الله خيرا على المعلومات أنا فاهم حضرتك تقصد إيه ...
لكن ما أقصده هو ما الذى يفرق بين منظومة اطلاق السبايك هنا ( مزوده برادار ):

عن منظومة إطلاقه هنا ( غير مزوده بالرادار )

هل لأن المدرعه فى الصوره الأولى تعتمد على نفسها فى توجيه الصاروخ بدون طائرات بدون طيار
والمدرعه فى الصوره الثانيه تعتمد اساسياعلى طائرات بدون طيار فى توجيهه الى مداه الأقصى 25 كم !!! ولا الصاروخ على النموذج الثانى مداه اقل من 25كم فلا يحتاج الى توجيه فقط اطلق وانسى !!!

ولا هما الله يخرب بيتهم طوروه وخلوه يوصل لمداه الأقصى مع نفسه من غير مساعده ؟؟؟

الحقيقة معرفش دا اية بالظبط مش عاوز افتى لكن معتقدش ان دة رادار

 

[tiger attack]

الحقيقة معرفش دا اية بالظبط مش عاوز افتى لكن معتقدش ان دة رادار

دى احد مشاركات اخونا فادى الشام وموضح انه رادار وانظمة توجيه بصريه على المدرعه وحتى العربات المدولبه ​

نظام صواريخ سبايك NLOS المحمول على المدرعات و المركبات
متصل مع نظام رادار و اشارة يزود الصاروخ باستمرا ر بالبيانات و المعلومات
نظرا للمدى البعيد للصاروخ
و قبل وصوله للهدف يعتمد الصاروخ على قدراته الذاتية في التوجيه
( خاصية أطلق و انسى في المراحل الأخيرة فقط )

اصدارات سبايك القصيرة المدى التي يحملها جندي المشاة أو الحوامات بها خاصية أطلق و انسى
و يصل مداها من 8 كم حتى 13 كم

​

 

[batteryneon]

البرية المصرية حاليا تحتاج :
- بشكل عاجل مدرعة قتال رئيسية ثقيلة بقدرات صواريخ و مدافع عالية الاداء و انظمة حماية كاملة و بقائية عالية : t-15\cv90\kurgnats 25\puma\scout
- رفع مستوى الابرامز لمستوى الليوبورد ريفلوشن بنسخة معينة غير كل الاصدارات المطروحة بشكل عاجل
- مدافع ذاتية الحركة : سيزار - ارشر - المدفع الكوري الجنوبي و نفس الشئ لمختلف الاعيرة الاخرى
- بشكل عاجل مدفعية صاروخية حديثة بمديات 300 كلم : gmlrs - ws2 - تورنادو - سميرتش - توس ... لان الحالي سيبدا يتجاوزه الزمن
- صواريخ محمولة top attack مضاده للدروع
- فصل لمروحيات الدعم او طائرات القتال الخفيف للجيش
- درونز خفيفة صغيرة للحمل مثل الرايفن لسهولة الاستخدام بكميات و فلسفة استخدام
- مدولبات محترمة : بيرانا 5 - باتريا - انيجما - اتوم
- و لازم نفكر بشكل جدي في منظومات الجنود بفلسلفة جديدة حتى بعد التطويرات الجديدة اللي حصلت
- طائرة ادارة قتال ميداني
- منظومة ادارة معارك تربط جميع افرع الجيش

 

[amraay2009]

لماذا كل هذا الجدال حول مشروع لم ينفذ و ذهب فى أدارج الرياح؟

 

[tiger attack]

لو سمحتوا لو حد يقدر يقولى ايه هيا الأجزاء المحدده بالدوائر الحمراء وماهى مهمتها !!!​

ولحضراتكم جزيل الشكر​

 

[tiger attack]

يا عم
النقطة التانية الصاروخ دة في احدث نسخة بيعمل اطباق علي الهدف من فوق يعني اضعف حتة في التدريع
علشان كدة بقولك فلسفة الدروع المصرية محتاجة تتغير تماما
حوار الخفة والمناورة ده مش مفيد الصراحة
ولازم نركز علي كثافة النيران ومداها

بجوار حل الشوشره على رادار المدرعه لمنع توجيه الصاروخ فى مراحله الأولى ، وجدت رد للأستاذ عادل بيشرح فيه كيف يمكن التصدى لتلك المنظومه وبصراحه حلول عقلانيه وممتازه ....

التروفى مثلا بلاشك منظومة جيده لكن هل هذا يعنى انه لا يمكن ضرب الدبابة ؟ لا قطعا
اضرب الدبابة بصاروخين متتليين بقارف زمنى لايذكر وستتصدى التروفى للاول ولن تتصدى للاخر
كل سلاح له حل

منظومة مثل هذة نعم ممتازة
لكن فى نفس الوقت هل لا يمكن التصدى لها ؟ لا بالقطع
يمكن التصدى لها الارتال المدرعة تحميها قطع مضادة للجو منها التنجوسكا والشيلكا

مع انه مع تطوير الدبابات والمدرعات بانظمة حماية نشطة من الممكن التصدى لها
كل سلاح يدخل الخدمةعند الصهاينة ندرسة بشكل جيد ونقوم بوضع خطط للتصدى له

 

[adel dwedar]

مش ده المهم يا صديقى ... المهم عندى هوا احنا ازاى طورناها من غير ما حد يعرف وليه عرضناها فى معرض بعد ما طورناها من غير ما حد يعرف وهل دخلت الخدمه بكميات نوعيه من غير ماحد يعرف ...
وبرده مش هنعرف الا الى العميقه عايزانا نعرفه ونفهمه

هو ايه اللى طروناها من غير ماحد يعرف ياريس هو احان طورنا طيارة مثلا
دى دبابة ضفنا ليها شوية دروع مش اكتر لا طورنا نظام ادارة النيران ولا غيرنا المدفع ولا ركبنا اجهزة مناظير متطورة
ولم تدخل الخدمة لو دخلت كنا هانشوفها
ياريس بلاش نظرية السلاح المستخبي ده بالله عليك

 

[tiger attack]

هو ايه اللى طروناها من غير ماحد يعرف ياريس هو احان طورنا طيارة مثلا
دى دبابة ضفنا ليها شوية دروع مش اكتر لا طورنا نظام ادارة النيران ولا غيرنا المدفع ولا ركبنا اجهزة مناظير متطورة
ولم تدخل الخدمة لو دخلت كنا هانشوفها
ياريس بلاش نظرية السلاح المستخبي ده بالله عليك

هههههههههههههههههههههههههههههههههههههه

دروع فعلا بس يا استاذ عادل ...
والله ما هنحسد ولا حاجه ده احنا معنوياتنا بترتفع والله
​

- مبدئياً : الـ EIFV هى إختصار لـ Egyptian Infantry Fighting Vehicle و هي مركبة قتالية صائدة للدبابات ، من إنتاج الهيئة العربية للتصنيع الحربي ، مبنية في الأساس على تصميمات هيكل المدرعة الأمريكية الشهيرة M113-A2 و لكن بالمواصفات الأتية :

- زيادة حجم المدرعة عن M113 الأصلية لإستيعاب إضافات جديدة .

- إضافة دروع خاصة بالهيئة العربية للتصنيع كالتيتانيوم الخفيف على الدروع الأصلية ما أدى لزيادة فرصة البقاء للمدرعة مع العلم أنه يتم تطوير الدروع المصرية بتقنية النانو في معامل القوات المسلحة .

- إضافة محرك بقوة 400 حصان بدلاً من المحرك الأصلي 275 حصان و هو ما أدى إلى الحفاظ على سرعة المدرعة ، على الرغم من زيادة وزنها بإضافة الدروع و البرج الجديد .

- إضافة البرج الخاص بالمدرعة الأمريكية M2-Bradley المزود بمدفع Bushmaster عيار 25 ملم مزود بطلقات خارقة للدروع و قاذف مزدوج لصواريخ تاو TOW II المضادة للدبابات البالغ مدها 3.75 كلم و التي تصنع في مصر و البرج تم تعديله ببعض الإضافات المصرية الخاصة .

- إضافة نظام كهروبصري للكشف والتهديف بالأشعة تحت الحمراء و هو من إنتاج AIO Arab International Optronics الشركة العربية العالمية للبصريات التابعة للهيئة العربية للتصنيع الحربي .

- نظام إدارة نيرانية مصري الصنع من نفس الشركة المذكورة أيضاً و هي بالمناسبة تُصنع أنظمة الإدارة النيرانية لدبابة القتال الأمريكية M-60 A3 .

- نظام إطفاء نيران أوتوماتيكي .

- نظام تكييف هواء .

- نظام NBC للحماية من أسلحة الدمار الشامل .

ADMIN : 4

ليس لديك تصريح لمشاهدة الرابط، فضلا قم ب تسجيل الدخول او تسجيل

​

 

[adel dwedar]

خلينا نقارن صائدة الدبابات المصريه بصائدة الدبابات الاسرائيليه من حيث المواصفات ( الشكل والحجم والوزن ) فقط لا غير
المدرعه المصريه وزنها مش عارف احدد من الصوره هل هو 17 طن ولا 77 طن وسرعتها 66 كم

وده شكلها ...​

المدرعه الإسرائيليه ده شكلها ، وهسيبك تتخيل وزنها قد ايه ، وشوف حجم البروز والإرتفاعات الى فيها قد ايه وبرده هسيبك تتخيل سرعتها قد ايه

احنا الصائده بتاعتنا من حيث الشكل والوزن والسرعه محترمه جدا جدا وبنت ناس والله

ياعم حرام عليك
مفيش وجه مقارنة اساسا
وبعدين ال eifv مش صائدة دبابات صائدة الدبابات مفهوم تانى خالص دى مدرعة نقل جنود مقاتلة
ايه اللى خلاها صائدة دبابات
بخلاف الاسرئيليين فعلا احترم قدراتهم شوف دى فيها كام صاروخ 12 صاروخ سبايك بخلاف اجهزة الرصد اللى فيها

 

[adel dwedar]

الاسرائيليين معروف عنهم قدرتهم المحترمة فى تحويل دبابات ومدرعات قديمة الى مدرعات عالية الاداء

 

[adel dwedar]

هوا فعلا حرااااااااام اننا نقارن بينهم اصلا لأن الحمار الوحشى الإسرائيلى هيتنفخ وهيخرج خارج المنافسه بإمتياز ...​

وزن الدبابه m-60 الى هيا مبنى عليها الصائده الاسرائيليه حوالى 51 طن ، ولو ضفنا وزن الدروع الاسرائيلى عليها ووزن منصة اطلاق الصواريخ هتوصل لحوالى 60 طن ...
فى حين ان الصائده المصريه وزنها 17 طن ،

سرعة الدبابه m-60 بوزنها الطبيعى الى هوا 51 طن 48 كم فى الساعه ، يا ترى وزنها بعد ما هيبقى 60 طن حتى لو زوتها بمحرك قوى هيكون سرعتها كام !
فى حين ان سرعة الصائده المصريه هيكون 66 كم

طول الصائده الاسرائيلى حوالى 7 متر وارتفاعها طبعا مش محتاج اتكلم عنه ...
طول الصائده المصريه 5 متر

نيجى للتسليح :
اولا المعركه هنفترضها صائده ضد صائده فقط بدون اى عوامل مساعده ...
طبعا الصائده الاسرائيليه هيا الى هتكون فى وضع هجوم ، وطبعا الصاروخ سبايك الى عليها الى بيقولوا مده 25 كم ،
وسواء كانت الاسرائيليه فى وضع هجوم او دفاع بالنسبه لحجمها ووزنها وارتفاعها هيا عرضه للإكتشاف بسهوله كبيره ومن مديات بعيده وخصوصا فى المناطق الصحراويه المكشوفه
والصائده المصريه هتكون فى وضع دفاع مع اضافة اجهزه للشوشره على الرادار الخاص بالصاروخ على متن الصائده الاسرائيليه وكده الصاروخ ابو مدى 25 كم بخ صاروخ طاير بدون توجيه ، وماتقوليش انه لايمكن الشوشره عليه لان الكلام ده مش صح ومش منطقى
وبعد ما يتشوشر على الرادار الصائده المصريه تضرب عليها كورنيت بمدى 8000 متر او تاو بمدى 3000 متر ، وحتى لو الصائده الاسرائيليه اعترضت الكورنيت او شوشرت عليه خفة حركة الصائده المصريه ومناورتها تخليها قادره انها تتموضع تانى وتالت وتضرب صواريخها على الاسرائيلى

ده الحمار الوحشى ده والله ساعتها هيقلب على فرخه

انت بتهزر صح ؟
حرام عليك ياعم والله والله حرام عليك
الحمار الوحشي هايضرب اساسا من غير ماتشوفة
مدى الرصد والكشف بتاعه كبير قصاد المدرعة المصرية اللى بتعتمد على منظار بس
ازاى بقى المصرية هاتتغلب عليه ومدى صواريخها 25 كم والصاروخ اللى متركب على المصرية هو صاروخ التاو
والله حرام عليك

 

[tiger attack]

ياعم حرام عليك
مفيش وجه مقارنة اساسا
وبعدين ال eifv مش صائدة دبابات صائدة الدبابات مفهوم تانى خالص دى مدرعة نقل جنود مقاتلة
ايه اللى خلاها صائدة دبابات
بخلاف الاسرئيليين فعلا احترم قدراتهم شوف دى فيها كام صاروخ 12 صاروخ سبايك بخلاف اجهزة الرصد اللى فيها

يا استاذ عادل أنا على استعداد والله ادولى الصائده المصريه دى بحالتها زى ما هيا معروضه بس زودولى عليها الكورنيت بدل التاو ، وأى حاجه تشوشلى على الرادار بتاع السبايك ، وهركب فى المدرعه لواحدى وخلينى فى مواجهه مباشره مع الحمار الوحشى الإسرائيلى وخليها هيا كمان فى وضع هجوم وأنا فى وضع المدافع ...
وأهه لو خطتى فشلت والحمار الوحشى رفصنى تبقوا خلصتوا منى ومن زنِّى الى الأبد
ولو خطتى نجحت يكفينى دعائكم ليا برجوعى بالسلامه .....

 

[the egyptian force]

الاسرائيليين معروف عنهم قدرتهم المحترمة فى تحويل دبابات ومدرعات قديمة الى مدرعات عالية الاداء

واحنا لازم فكرنا يتغير يا دكتور
علشان كدة انا بقولك الحمد لله مطورنهاش
والناس بتفهم وفي امل في حاجة محترمة
لو تلاحظ سواء في سلاح الجو او البحرية استراتيجيات كتير اتغيرت ودخلت اسلحة بتدخل لاول مرة زي ميسترال وفي الجو مثلا الرافال والاهم انك بدخل تانكر لاول مرة كل دة تحول في الاستراتيجية العسكرية
حتي الدفاع الجوي الاهتمام بدفاع علي عربيات مجنزرة ومديات كبيرة كل دة تحول
سلاح المروحيات اللي بتزودوا الضعف خلال ٣سنوات
كمان الدروع السلاح دة فكرك فية هيتغير تماما
ونوعية الدروع هتختلف واسلوبك هيختلف هتميل اكتر لزيادة الدروع حتي لو علي حساب الحركية مع الحفاظ علي كثافة نيران عالية

 

[the egyptian force]

يا استاذ عادل أنا على استعداد والله ادولى الصائده المصريه دى بحالتها زى ما هيا معروضه بس زودولى عليها الكورنيت بدل التاو ، وأى حاجه تشوشلى على الرادار بتاع السبايك ، وهركب فى المدرعه لواحدى وخلينى فى مواجهه مباشره مع الحمار الوحشى الإسرائيلى وخليها هيا كمان فى وضع هجوم وأنا فى وضع المدافع ...
وأهه لو خطتى فشلت والحمار الوحشى رفصنى تبقوا خلصتوا منى ومن زنِّى الى الأبد
ولو خطتى نجحت يكفينى دعائكم ليا برجوعى بالسلامه .....

لا ياعم
وتسيب الثاندر لمين
خليك احسن رجالة المشاه بالكورنيت هيقوموا بالواجب