عارف مشكلتي انا و انت اننا مقتنعين بنفس الامور تقريبا لكن لما بنتكلم بنحب نبحث الامور من زوايا عديده فيبان اننا مختلفين فحين ان الحقيقه اننا متفقين
شوف يا عزيزي انا ممكن اخش سباق تسلح مع دوله ما لكن لازم احط في دماغي عنصرين مهمين واحد التمويل و اتنين مصدر السلاح بمعني انا ممكن يكون اف 15 معروضه قدامي حاجه سوبر لوكس بس مش معايا فلوس اشتريها او العكس معايا فلوس و ممنوع اشتريها
نشوف كده وضع مصر
هل انت معاك فلوس تكفي سباق تسليح؟ الحمد لله علي كل حال
طيب هل انت من الدول اللذيذه الكيوت اللي السلاح مش ممنوع عنها؟ لا انت مسجل خطر انتهاكات للاسلحه الامريكيه و ممنوع عنك اي حاجه Cutting edge
طيب لما انا لا كده و لا كده ادخل نفسي في لعبه مش محسوبه ليه؟
بالنسبه لاسرائيل يا نحله لا تقرصيني و لا انا عايز عسلك كل واحد مننا في حاله اي حرب تانيه هتبهدل البلدين حرفيا الحل انك يفضل عندك مقدره انك تأذيه انما اعلي من كده ماتطمحش
دي ناس بتاخد السلاح اوبن سورس و بيطوروا عليه و كل طلباتهم مجابه
ده حتي المانيا لو اسرائيل مزنوقه في فلوس هي اللي بتدفعلها
ماشي انا معاك اني عايز ضربات دقيقه و مش عايز اخسر طيارين بس انا برضه مش عايز اخسر فلوس او حد من بره يدعم الارهاب في ليبيا و يجبرني اني اشتري سلاح منه عشان احارب بيه الارهاب اللي هو عمله!
بقولك ايه طب ما نريح دماغنا و نديها كيسوما او قاعده عندنا زي ما الاخوه عاملين؟ و اهو ما شاء الله اقتصادهم زي الفل و ننهض زي تركيا بقي
ولا هنفضل طول عمرنا ندفع في سلاح و ناس و هما يعملوا شرفاء و ابطال علي حسابنا و حساب مصر؟
اية يا عم نيل الكلان دة
جمد قلبك مش كدة
انت محسسني اننا جيبنا الديب من ديلة
اولا ياعمنا وانت سيد العرفين
ان مصر مش من الدول اللي بتجيب سلاح كل يومين
خطة تطوير القوات الجوية مثلا هتاخد ٢٠ سنة
انت اخرجت الطائرات القديمة من الخدمة وبدخل طائرات الجيل الرابع++ ودة مهم
انك بتاخد افضل ما في السوق ولية مستقبل في التطوير مستقبلا
وبعد كدة هتدخل في شراء طائرات الجيل الخامس
ولذلك اتصور الميراج ملهاش معني فالخطة
كمان خلال الفترة دي حجم القوات عيرجع زي الاول
تدريجيا مع تناقص تكاليف التشغيل للطائرات الجديدة
وبعد كدة مش هتشوف طائرة واحدة لمدة ٢٠-٣٠ سنة
دي خطة عمل الجيش ومتقلقش
الاسرائيلين متفوقين عليك وهيظلوا فالمجال الجوي والمصريين مش اغبياء علشان يدخلوا سباق تسلح عمرنا ما هنكسبوا
دة غير ان المصريين عنيهم دايما علي الدفاع الجوي
كل اللي جد ان مصر بتبص علي طائرات بمدي اكبر وbvr احسن من المتاح
لا اكثر ولا اقل
