- إنضم
- 13 أكتوبر 2014
- المشاركات
- 658
- التفاعل
أبدى المظلي إعجابه بالطيارين الإناث في فريق العروض الجوية August First التابع للقوات الجوية لجيش التحرير الشعبي.
مفاوضات لبيع الـJF-17 لدولة شرق اوسطية ..
- بادئ الموضوع صقر الامارات
- تاريخ البدء
- إنضم
- 30 سبتمبر 2014
- المشاركات
- 3,896
- التفاعل
عجبني التعليق ده على الفيسبوك ده فقلت اضعه هنا
اعتقد ان هو ده اللي بيحصل فعلا
---------------
لاحظت في التعليقات دايما سؤال بيتكرر بشكل كبير
ايه اخبار الرافال ؟ ايه اخبار الميج 35 ؟ ايه اخبار ... إلخ ...
مبدئيا ياحضرات لازم نفهم ان طول مافي مفاوضات شغّالة مش هانعرف أي حاجة إلا لما يتم التوصل لاتفاق او تعاقد رسمي عشان يبقى في تصريح من الشركة المُصنّعة ويتنشر في وسائل الاعلام وخلافه، يعني إحنا مش هانعرف أي حاجة إلا لما يبقى في إعلان رسمي وأي حاجة تانية خلاف ذلك هاتبقى مجرد توقّعات وتكهّنات واجتهادات مش أكتر .
على سبيل المثال في صفقة كورفيتات الجاويند Gowind ماحدش عرف عنها أي حاجة إلا لما الصحف الفرنسية أعلنت إنه في موافقة مبدئية وبعدين أعلنت عن المفاوضات وبعدين الاعلان النهائي عن التعاقد وأخيرا الإعلان عن تنفيذ التعاقد رسميا .
نيجي بقى للطيران .. الفريق يونس المصري يوم عيد القوات الجوية الموافق 14 أكتوبر صرّح بإنه القوات الجوية عملت مناقصة وفي عروض إتقدمت من شركات من الصين وروسيا وفرنسا وإيطاليا والقوات الجوية بتدرس العروض دي وهاتختار الأنسب منها .
يعني ايه برضه ؟ .. يعني ياحضرات لما القوات الجوية قررت انها تشتري مقاتلة جديدة عملت مناقصة على الطائرات المقاتلة وطائرات التدريب المتقدم كمان واتقدمت الشركات بعروضها بالشكل ده :
* أولا | المقاتلات :
- شركة ( ميج Mikoyan and Gurevich ) الروسيّة عرضت مقاتلات Mig-29M2 / Mig-35
- شركة ( داسو للطيران Dassault Aviation ) الفرنسيّة عرضت مقاتلات Rafale
- شركة ( تشينجدو CAC Chengdu Aircraft Corporation ) الصّينية عرضت مقاتلات J-10 كشراء مباشر أو مقاتلات JF-17 Thunder بميزة التصنيع المشترك
_________________________________
* ثانيا | طائرات التدريب المتقدّم :
- شركة ( ياكوفليف Yakovlev ) الروسية عرضت الطائرة Yak-130
- شركة ( ألينيا إيرماكي Alenia Aermacchi ) الإيطالية عرضت الطائرة M-346 Master وهي في الأساس مشروع مشترك بينها وبين ياكوفليف الروسية مبنيةً على طائرة Yak-130
- شركة ( هونجدو HAIC Hongdu Aviation Industry Corporation ) عرضت الطائرة L-15 وهي مطورة بدعم من شركة ياكوفليف الروسية المُصنّعة للـYak-130 وهناك امكانية للتصنيع المُشترك على غرار الطائرة K-8E
_________________________________
وطبعا في عروض مروحيّات كمان وحاجات تانية لكن خلينا نركز على المقاتلات والتدريب المتقدم بشكل اساسي ...
القوات الجوية اخدت عرضين على محمل الجد وهما الميج-35 ودخلت في مفاوضات جادّة عليها وبشكل مُكثّف ودخلت الرافال على الخط وكنا نشرنا من فترة البوست التوضيحي لجدوى الرافال والميج-35 وكل واحدة فيهم هاتقدّم إيه لمصر
طيّب إيه بقى سبب التأخير ؟
الموضوع مش سهل ومش بسيط زي مافي ناس كتير متخيّلة العمليّة لدرجة ان في ناس فاكرين انه الموضوع بيتم زي بيعة البطاطس ألو أيوة احاج بوتين والنبي سربين سو-30 على سرب ميج-35 وانوصى بالآر 77 وحتتين ياخونت عليهم أو ايوة احاج هولاند سربين رافال ووصّي عالميراج الأماراتي وحيات عيالك !!!
ياحضرات الصفقات النوعيّة الكبيرة زي الطيران والغواصات والدفاع الجوي بتاخد وقت لغايت التوقيع الرسمي ممكن سنة وسنتين كمان من حيث الشق الفنّي والشق المالي والشق السياسي كمان لأنه لازم حضراتكم تستوعبوا نقطة إن المقاتلة الجديدة اللي هاتيجي دي هاتقعد معانا لفترة لن تقل عن 30 سنة يعني ماينفعش اختار أي حاجة وخلاص وفي معايير وحاجات كتيرة جدا بتحكم اختياري كقوات جوية لأنه لو خطأ الثمن هايكون فادح ،،
بمعنى إنه القوات الجوية بتقدم ورقة مواصفات بتطلب فيها أفضل المواصفات الممكنة للمقاتلة من حيث المحرك والتسليح والرادار ومنظومة الملاحة والقيادة والحرب الإلكترونية والتسليح وهل يمكن إضافة تسليح محلي أو اجنبي على المقاتلة ؟ وامكانية توفير كميات مناسبة من الصواريخ والذخائر كمخزون احتياطي للحرب والرماية بالذخيرة الحية وإمكانية إضافة أنظمة حرب إلكترونية او منظومات تهديف من مصادر أخرى في حالة ان المعروض غير مناسب وللا لأ ؟ والتسهيلات في عمليات الدعم اللوجيستي من حيث انشاء خطوط العمرة والصيانة وانتاج قطع الغيار وإنتاج لبعض أنواع الذخائر بخلاف منشآت التدريب والبنية التحتية للمطارات زي هناجر الطائرات والدشم وورش الصيانة ومخازن الذخيرة ،، وطبعا بيتم دراسة مواصفات كل مقاتلة معروضة علينا من حيث التصميم والاداء والتكنولوجيا وقدرتنا على استيعاب تقنياتها بسهولة وايه اللي ممكن تقدمهولنا جديد وهل ده هايحدث طفرة نوعية في قدرتنا وللا فارق بسيط ؟ والمهام اللي هاتقوم بيها إيه والكمّية اللي محتاجينها أد إيه طبقا للمهام اللي هاتقوم بيها ؟
وماليّا يعني تسهيلات الدفع والسداد للصفقة على دفعات مالية بحسب السّيولة المتاحة او عمل صفقات اوفسيت Offset Agreement وهي بكل بساطة شرط يُلزم الشركة البائعة للسلاح باستثمار جزء من أموال هذه الصفقة في الصناعة والسوق الداخلية للدولة صاحبة عقد الشراء وتُوظّف هذه الأموال على أساس انها استثمار اجنبي داخل الدولة وهي محاولة ذكية لاستغلال أفضل للأموال السائلة لتوفير فرص عمل جديدة في الداخل ودعم الصناعة المحلية وجلب التكنولوجيا من الخارج ،،
بخلاف كده بيتم دراسة تكلفة تشغيل الطائرة المقاتلة لساعة الطيران الواحدة وهل يمكن تخفيضها بأي شكل من غير تاثير على عدد ساعات الطيران للطيارين أو استيعابها بشكل كامل بدون مشاكل وده بيتوقف على طبيعة استخدام المقاتلة ودورها هايكون إيه في الأسطول الجوي لأن تكلفة التشغيل بتشمل استهلاك الوقود والصيانة والفحص الدوري وتوفير قطع الغيار والعمرات للمحرك وتوفير الكوادر الفنية والهندسية نفسها دون الحاجة لكوادر اجنبية الا في اضيق الحدود فيما يخص الاشراف او تدريب الكوادر الوطنيّة وايضا امكانية صيانة المقاتلة محليّا بالكامل دون الحاجة لإرسالها للدولة المُصنّعة الا فيما يتعلق بعمليات التطوير والعمرات الكُبرى الشاملة بعد مرور 10 سنوات مثلا من الخدمة وفوق كل ده تكلفة تدريب الطيارين يعني هل المقاتلة سهل استيعابها بحيث إن الطيّار لا يحتاج لساعات تدريب وتعليم طويلة وللا هيحتاج فترة كبيرة لحد الاستيعاب الكامل لمنظومة القيادة والملاحة والتهديف والرصد والفحص الالكتروني للأداء والكفاءة اثناء الطيران وأمور عديدة بتدخل في تدريب الطيّار .
وفي أوقات بيدخل شق سياسي في الصفقة بسبب ضغوط خارجية او عدم موافقة من برلمان الدولة البائعة للسلاح او الوضع السياسي الغير مستقر في الدولة المُشترية للسلاح وهكذا ،، وهل العلاقات السياسية مع الدولة المُصنعة للمقالتة جيدة وشديدة الترابط والثقة بحيث يكون في ضمان لاستمرار دعمها لنا عسكريا في حالة الظروف الطارئة زي الحروب او زي مثلا احداث زي 30 يونيو وخلافه .. وطبعا حتى الآن مافيش أي عراقيل سياسية على الأقل كما هو متضح لنا .
_______________________________
ده بالنسبة للشراء المباشر لمقاتلة جديدة تخفف الضغط على اسطول الإف-16 اللي بتمثل العمود الفقري لقواتنا الجوية ،، طيب بالنسبة لمقاتلات الصف الثاني اللي عندنا زي الميج-21 والإف-7 والميراج-5 اللي بتخرج من الخدمة وفي خلال سنة - سنتين هاتكون خرجت بشكل كامل وأعدادها كبيرة إيه البديل المناسب ؟ لأننا بنتكلم مثلا فيما لا يقل عن 150 مقاتلة ،،
هنا بتيجي نقطة الاهتمام الشديد بنقطة التّصنيع المُشترك ولذلك كانت الجي إف-17 ثاندر الصينية-الباكستانية المشتركة لأنها بتمثل الخيار الوحيد المُتاح اللي بيتم دراسته بشكل مكثّف لأنه لا يوجد مقاتلات اخرى متاحة للتصنيع المُشترك نهائيا والجي-10 معروضة كشراء فقط وطبعا الميج-35 والرافال افضل منها .
القوات الجوية مصممة على الاتجاه للتصنيع المشترك للمقاتلات لأنها الخطوة المستقبلية اللازمة والواجبة بعد وجود قاعدة جيدة لتصنيع طائرات التدريب الأساسي والمتوسط والمتقدم والدعم والاسناد القريب ويتبقى صناعة المقاتلات ،،
البداية بمقاتلة خفيفة متعددة مهام زي الجي إف-17 ممكن تكون متواضعة ومش بالمستوى المطلوب ولكن إحنا بنتكلم في نقطتين وهما :
- هاتفتح المجال لتطوين صناعة الطائرات المقاتلة والحصول على أنواع جديدة من الذخائر والاسلحة الصينية من مختلف الأنواع وأهمها الصواريخ الجوالة والذخائر الذكية والحصول على تراخيص بإنشاء خطوط انتاج لبعض انواع الذخائر وتطويرها وايضا القدرة على تعديل تصميم المقاتلة نفسها وإضافة مكوّنات غربية أو محلية بدون أدنى مشكلات وبدون وجود قيود سياسيّة من الصين بعكس روسيا والدول الغربية بخلاف إنه ممكن الحصول على ترخيص تصدير المقاتلة لدول الشرق الأوسط وأفريقيا مثلا ،،
- مقاتلة زي دي مش هاتقوم بمهام رئيسية زي الاعتراض والهجوم واختراق العمق والسيطرة الجوية وخلافه ،، ولكن هاتقوم بمهام دعم واسناد جوي للقوات الارضية واستطلاع وممكن تبقى منصة جوية حاملة للصواريخ الجوّالة المطلقة من خارج نطاق الدفاعات الجوية Stand-Off تحت حماية من المقاتلات الرئيسية متعددة المهام وممكن تقوم بمهام الدورية ومراقبة الحدود وهكذا .
______________________________
طيّب بالنسبة لطائرات التدريب المتقدم ؟ .. إحنا بنتكلم على بديل لطائرات الألفاجيت المتقادمة لأننا عايزين طائرة جديدة لتدريب الطيارين وإعدادهم لقيادة مقاتلات الجيل الرابع++ والجيل الخامس والألفاجيت في المستقبل القريب هاتخرج من الخدمة لأنها مش هاتقدر تقدم أكتر من اللي قدمته ولازم تكنولوجي جديد ،،
زي ماشوفنا احنا معروض علينا 3 طائرات اصلهم واحد وهي الياك-130 ،، ولكن القوات الجوية برضه بتدرس الخيارات لأنه الموضوع لو فكرنا فيه هنلاقيه مُحيّر شوية ،،
هل ناخد الياك-130 من روسيا مباشرة وهي الأصل ؟ وللا ناخد الإم-346 ماستر الإيطالي المشتقة منها لكن بتكنولوجي غربي متطور ؟ وللا ناخد الإل-15 الصينية الأرخص مع إمكانية التصنيع المشترك على غرار ماحدث مع الكيه-8 ونعدل فيها زي ماحنا عايزين ؟
على أي حال الخيار المصري مش هايخرج من الـ3 دول رغم إن في خيار رابع زي التي-50 جولدن إيجل T-50 Golden Eagle الكوريّة الجنوبية واللي اتعرضت علينا سابقا في 2009 - 2010 ولكن رفضناها لأن الرادار بتاعها إسرائيلي وداخل فيها مكوّن أمريكي .
اعتقد ان هو ده اللي بيحصل فعلا
---------------
لاحظت في التعليقات دايما سؤال بيتكرر بشكل كبير
ايه اخبار الرافال ؟ ايه اخبار الميج 35 ؟ ايه اخبار ... إلخ ...
مبدئيا ياحضرات لازم نفهم ان طول مافي مفاوضات شغّالة مش هانعرف أي حاجة إلا لما يتم التوصل لاتفاق او تعاقد رسمي عشان يبقى في تصريح من الشركة المُصنّعة ويتنشر في وسائل الاعلام وخلافه، يعني إحنا مش هانعرف أي حاجة إلا لما يبقى في إعلان رسمي وأي حاجة تانية خلاف ذلك هاتبقى مجرد توقّعات وتكهّنات واجتهادات مش أكتر .
على سبيل المثال في صفقة كورفيتات الجاويند Gowind ماحدش عرف عنها أي حاجة إلا لما الصحف الفرنسية أعلنت إنه في موافقة مبدئية وبعدين أعلنت عن المفاوضات وبعدين الاعلان النهائي عن التعاقد وأخيرا الإعلان عن تنفيذ التعاقد رسميا .
نيجي بقى للطيران .. الفريق يونس المصري يوم عيد القوات الجوية الموافق 14 أكتوبر صرّح بإنه القوات الجوية عملت مناقصة وفي عروض إتقدمت من شركات من الصين وروسيا وفرنسا وإيطاليا والقوات الجوية بتدرس العروض دي وهاتختار الأنسب منها .
يعني ايه برضه ؟ .. يعني ياحضرات لما القوات الجوية قررت انها تشتري مقاتلة جديدة عملت مناقصة على الطائرات المقاتلة وطائرات التدريب المتقدم كمان واتقدمت الشركات بعروضها بالشكل ده :
* أولا | المقاتلات :
- شركة ( ميج Mikoyan and Gurevich ) الروسيّة عرضت مقاتلات Mig-29M2 / Mig-35
- شركة ( داسو للطيران Dassault Aviation ) الفرنسيّة عرضت مقاتلات Rafale
- شركة ( تشينجدو CAC Chengdu Aircraft Corporation ) الصّينية عرضت مقاتلات J-10 كشراء مباشر أو مقاتلات JF-17 Thunder بميزة التصنيع المشترك
_________________________________
* ثانيا | طائرات التدريب المتقدّم :
- شركة ( ياكوفليف Yakovlev ) الروسية عرضت الطائرة Yak-130
- شركة ( ألينيا إيرماكي Alenia Aermacchi ) الإيطالية عرضت الطائرة M-346 Master وهي في الأساس مشروع مشترك بينها وبين ياكوفليف الروسية مبنيةً على طائرة Yak-130
- شركة ( هونجدو HAIC Hongdu Aviation Industry Corporation ) عرضت الطائرة L-15 وهي مطورة بدعم من شركة ياكوفليف الروسية المُصنّعة للـYak-130 وهناك امكانية للتصنيع المُشترك على غرار الطائرة K-8E
_________________________________
وطبعا في عروض مروحيّات كمان وحاجات تانية لكن خلينا نركز على المقاتلات والتدريب المتقدم بشكل اساسي ...
القوات الجوية اخدت عرضين على محمل الجد وهما الميج-35 ودخلت في مفاوضات جادّة عليها وبشكل مُكثّف ودخلت الرافال على الخط وكنا نشرنا من فترة البوست التوضيحي لجدوى الرافال والميج-35 وكل واحدة فيهم هاتقدّم إيه لمصر
طيّب إيه بقى سبب التأخير ؟
الموضوع مش سهل ومش بسيط زي مافي ناس كتير متخيّلة العمليّة لدرجة ان في ناس فاكرين انه الموضوع بيتم زي بيعة البطاطس ألو أيوة احاج بوتين والنبي سربين سو-30 على سرب ميج-35 وانوصى بالآر 77 وحتتين ياخونت عليهم أو ايوة احاج هولاند سربين رافال ووصّي عالميراج الأماراتي وحيات عيالك !!!
ياحضرات الصفقات النوعيّة الكبيرة زي الطيران والغواصات والدفاع الجوي بتاخد وقت لغايت التوقيع الرسمي ممكن سنة وسنتين كمان من حيث الشق الفنّي والشق المالي والشق السياسي كمان لأنه لازم حضراتكم تستوعبوا نقطة إن المقاتلة الجديدة اللي هاتيجي دي هاتقعد معانا لفترة لن تقل عن 30 سنة يعني ماينفعش اختار أي حاجة وخلاص وفي معايير وحاجات كتيرة جدا بتحكم اختياري كقوات جوية لأنه لو خطأ الثمن هايكون فادح ،،
بمعنى إنه القوات الجوية بتقدم ورقة مواصفات بتطلب فيها أفضل المواصفات الممكنة للمقاتلة من حيث المحرك والتسليح والرادار ومنظومة الملاحة والقيادة والحرب الإلكترونية والتسليح وهل يمكن إضافة تسليح محلي أو اجنبي على المقاتلة ؟ وامكانية توفير كميات مناسبة من الصواريخ والذخائر كمخزون احتياطي للحرب والرماية بالذخيرة الحية وإمكانية إضافة أنظمة حرب إلكترونية او منظومات تهديف من مصادر أخرى في حالة ان المعروض غير مناسب وللا لأ ؟ والتسهيلات في عمليات الدعم اللوجيستي من حيث انشاء خطوط العمرة والصيانة وانتاج قطع الغيار وإنتاج لبعض أنواع الذخائر بخلاف منشآت التدريب والبنية التحتية للمطارات زي هناجر الطائرات والدشم وورش الصيانة ومخازن الذخيرة ،، وطبعا بيتم دراسة مواصفات كل مقاتلة معروضة علينا من حيث التصميم والاداء والتكنولوجيا وقدرتنا على استيعاب تقنياتها بسهولة وايه اللي ممكن تقدمهولنا جديد وهل ده هايحدث طفرة نوعية في قدرتنا وللا فارق بسيط ؟ والمهام اللي هاتقوم بيها إيه والكمّية اللي محتاجينها أد إيه طبقا للمهام اللي هاتقوم بيها ؟
وماليّا يعني تسهيلات الدفع والسداد للصفقة على دفعات مالية بحسب السّيولة المتاحة او عمل صفقات اوفسيت Offset Agreement وهي بكل بساطة شرط يُلزم الشركة البائعة للسلاح باستثمار جزء من أموال هذه الصفقة في الصناعة والسوق الداخلية للدولة صاحبة عقد الشراء وتُوظّف هذه الأموال على أساس انها استثمار اجنبي داخل الدولة وهي محاولة ذكية لاستغلال أفضل للأموال السائلة لتوفير فرص عمل جديدة في الداخل ودعم الصناعة المحلية وجلب التكنولوجيا من الخارج ،،
بخلاف كده بيتم دراسة تكلفة تشغيل الطائرة المقاتلة لساعة الطيران الواحدة وهل يمكن تخفيضها بأي شكل من غير تاثير على عدد ساعات الطيران للطيارين أو استيعابها بشكل كامل بدون مشاكل وده بيتوقف على طبيعة استخدام المقاتلة ودورها هايكون إيه في الأسطول الجوي لأن تكلفة التشغيل بتشمل استهلاك الوقود والصيانة والفحص الدوري وتوفير قطع الغيار والعمرات للمحرك وتوفير الكوادر الفنية والهندسية نفسها دون الحاجة لكوادر اجنبية الا في اضيق الحدود فيما يخص الاشراف او تدريب الكوادر الوطنيّة وايضا امكانية صيانة المقاتلة محليّا بالكامل دون الحاجة لإرسالها للدولة المُصنّعة الا فيما يتعلق بعمليات التطوير والعمرات الكُبرى الشاملة بعد مرور 10 سنوات مثلا من الخدمة وفوق كل ده تكلفة تدريب الطيارين يعني هل المقاتلة سهل استيعابها بحيث إن الطيّار لا يحتاج لساعات تدريب وتعليم طويلة وللا هيحتاج فترة كبيرة لحد الاستيعاب الكامل لمنظومة القيادة والملاحة والتهديف والرصد والفحص الالكتروني للأداء والكفاءة اثناء الطيران وأمور عديدة بتدخل في تدريب الطيّار .
وفي أوقات بيدخل شق سياسي في الصفقة بسبب ضغوط خارجية او عدم موافقة من برلمان الدولة البائعة للسلاح او الوضع السياسي الغير مستقر في الدولة المُشترية للسلاح وهكذا ،، وهل العلاقات السياسية مع الدولة المُصنعة للمقالتة جيدة وشديدة الترابط والثقة بحيث يكون في ضمان لاستمرار دعمها لنا عسكريا في حالة الظروف الطارئة زي الحروب او زي مثلا احداث زي 30 يونيو وخلافه .. وطبعا حتى الآن مافيش أي عراقيل سياسية على الأقل كما هو متضح لنا .
_______________________________
ده بالنسبة للشراء المباشر لمقاتلة جديدة تخفف الضغط على اسطول الإف-16 اللي بتمثل العمود الفقري لقواتنا الجوية ،، طيب بالنسبة لمقاتلات الصف الثاني اللي عندنا زي الميج-21 والإف-7 والميراج-5 اللي بتخرج من الخدمة وفي خلال سنة - سنتين هاتكون خرجت بشكل كامل وأعدادها كبيرة إيه البديل المناسب ؟ لأننا بنتكلم مثلا فيما لا يقل عن 150 مقاتلة ،،
هنا بتيجي نقطة الاهتمام الشديد بنقطة التّصنيع المُشترك ولذلك كانت الجي إف-17 ثاندر الصينية-الباكستانية المشتركة لأنها بتمثل الخيار الوحيد المُتاح اللي بيتم دراسته بشكل مكثّف لأنه لا يوجد مقاتلات اخرى متاحة للتصنيع المُشترك نهائيا والجي-10 معروضة كشراء فقط وطبعا الميج-35 والرافال افضل منها .
القوات الجوية مصممة على الاتجاه للتصنيع المشترك للمقاتلات لأنها الخطوة المستقبلية اللازمة والواجبة بعد وجود قاعدة جيدة لتصنيع طائرات التدريب الأساسي والمتوسط والمتقدم والدعم والاسناد القريب ويتبقى صناعة المقاتلات ،،
البداية بمقاتلة خفيفة متعددة مهام زي الجي إف-17 ممكن تكون متواضعة ومش بالمستوى المطلوب ولكن إحنا بنتكلم في نقطتين وهما :
- هاتفتح المجال لتطوين صناعة الطائرات المقاتلة والحصول على أنواع جديدة من الذخائر والاسلحة الصينية من مختلف الأنواع وأهمها الصواريخ الجوالة والذخائر الذكية والحصول على تراخيص بإنشاء خطوط انتاج لبعض انواع الذخائر وتطويرها وايضا القدرة على تعديل تصميم المقاتلة نفسها وإضافة مكوّنات غربية أو محلية بدون أدنى مشكلات وبدون وجود قيود سياسيّة من الصين بعكس روسيا والدول الغربية بخلاف إنه ممكن الحصول على ترخيص تصدير المقاتلة لدول الشرق الأوسط وأفريقيا مثلا ،،
- مقاتلة زي دي مش هاتقوم بمهام رئيسية زي الاعتراض والهجوم واختراق العمق والسيطرة الجوية وخلافه ،، ولكن هاتقوم بمهام دعم واسناد جوي للقوات الارضية واستطلاع وممكن تبقى منصة جوية حاملة للصواريخ الجوّالة المطلقة من خارج نطاق الدفاعات الجوية Stand-Off تحت حماية من المقاتلات الرئيسية متعددة المهام وممكن تقوم بمهام الدورية ومراقبة الحدود وهكذا .
______________________________
طيّب بالنسبة لطائرات التدريب المتقدم ؟ .. إحنا بنتكلم على بديل لطائرات الألفاجيت المتقادمة لأننا عايزين طائرة جديدة لتدريب الطيارين وإعدادهم لقيادة مقاتلات الجيل الرابع++ والجيل الخامس والألفاجيت في المستقبل القريب هاتخرج من الخدمة لأنها مش هاتقدر تقدم أكتر من اللي قدمته ولازم تكنولوجي جديد ،،
زي ماشوفنا احنا معروض علينا 3 طائرات اصلهم واحد وهي الياك-130 ،، ولكن القوات الجوية برضه بتدرس الخيارات لأنه الموضوع لو فكرنا فيه هنلاقيه مُحيّر شوية ،،
هل ناخد الياك-130 من روسيا مباشرة وهي الأصل ؟ وللا ناخد الإم-346 ماستر الإيطالي المشتقة منها لكن بتكنولوجي غربي متطور ؟ وللا ناخد الإل-15 الصينية الأرخص مع إمكانية التصنيع المشترك على غرار ماحدث مع الكيه-8 ونعدل فيها زي ماحنا عايزين ؟
على أي حال الخيار المصري مش هايخرج من الـ3 دول رغم إن في خيار رابع زي التي-50 جولدن إيجل T-50 Golden Eagle الكوريّة الجنوبية واللي اتعرضت علينا سابقا في 2009 - 2010 ولكن رفضناها لأن الرادار بتاعها إسرائيلي وداخل فيها مكوّن أمريكي .
المواضيع المشابهة
