بالتأكيد روسيا ستعاني علي المدى المتوسط والطويل خصوصا لو توسعت رقعة تلك الحرب ولكن سلاح الطاقة اعتبره سلاح فتاك في يد الروس وتأثيرة سيكون سريع علي الاوروبيين تحديدا لانهم لن يستطيعوا مهما فعلوا توفير بديل بشكل سريع فالأمر سيحتاج سنواتيس ...طبعاً بلا شك اتسرعوا في تحديد نوعية العقوبات كان مفروض يستثنوا الحاجات اللي مش هيقدروا يعملوا عليها حظر لكن بلاشك العقوبات بعيد عن الطاقة والغذاء هتكون ناجحة على المدى البعيد مع ان جوهر فكرة الحظر او العقوبات معناة كلا الجانبين بيخسروا او بيعانوا ...لكن الطرف اللي علية العقوبات مفروض انة هيعاني اكثر بمعنى اية .. تعالى نترجم الكلام علشان انا كنت عايز اعمل موضوع بالحدوتة دي لحسن الناس فاكرة الموضوع روبل وغاز فقط :
- هروب المستثمرون الأجانب = معناة الروس فقدوا عائدات الضرائب + الناس فقدت وظائفهم في الشركات
- خروجهم من SWIFT = دة معناة الروس غير قادرين على الدفع ، وغير قادرين على التجارة = شلل التصدير والاستيراد
- تخفيض الاتحاد الأوروبي شراء الطاقة =دة معناة خسارة كبيرة في الإيرادات لأن سوق الاتحاد الأوروبي يمثل حوالي فوق 60% من الغاز المباع و 65% تقريباً من النفط
- شركات الشحن الكبيرة اتوقفت عن العمل في روسيا =دة معناة ان النقل و الخدمات اللوجستية اتشلت
- عدم القدرة على استيراد التكنولوجيا من الغرب زي (رقائق أشباه الموصلات ،مكونات الطائرات / السيارات/ قطع تكنولوجية مهمة بتدخل في صناعة حتى الدبابات بجانب الحوسبات السحابية المستخدمة في الاتصالات وتكنلوجيا معلومات وربط روسيا بالعامل الخارجي) = دة معناة موت او تأثر قاتل في عدد كبير من الصناعات الروسية
- خروج الشركات الغربية المستثمرة في الطاقة من روسيا =دة معناة فقدان روسيا تكنولوجيا وبرامج استخراج النفط والغاز و دلوقتي لزاماً عليها استخدام التكنولوجيا الروسية القديمة ( ودة امر مش هين ولا سهل في زيادة الانتاج والاستكشافات وتوفير المجهود والوقت ) غير زيادة تكاليف الاستكشاف والاستغلال وفقدان الانتاج والتمويل على المدى البعيد ... في ناس متعرفش او مش واخدة بالها ان صناعة التنقيب عن الطاقة وإنتاجها في روسيا بيتم استخدام فية الكثير من التكنولوجيا من الشركات الغربية
- جانب اخير وهو فوق ما تتخيل مهم ان العقوبات داخل روسيا بتخلي طبقة كبيرة تخرج منها او ما يسمى هجرة الأدمغة بالاضافة للنخب والمليارديرات ، الأشخاص اللي معاهم اموال كبيرة وعاملين استثمارات وبيشغلوا ناس كتير جوة روسيا هو مش عايز يعيش حياة صعبة بل بالعكس الراجل معاة فلوس وعايز يقضيها فخفخينا مش عايز يقوم الصبح ميلقيش في الفطار الجنبة اللي بيحبها السويدي او الهولندي وعايز يجيب لحفيدة الشوكليت السويسري اللي متعود عليها وبيحبها وهكذا يعني بالاضافة اللي النوابغ والعلماء اللي محتاج حد يساعدة ويصرف علية ويعيش بحرية الغرب ويبدع وهو عايش حياتة وحد بيرعاة وبيصرف على ابحاثة مش ممكن روسيا هتكون بيئة خصبة ليهم
كما ان الكثير من تلك العقوبات لها بدائل اخرى متاحة سواء بالتعامل مع دول اخرى او حتي اللجوء للسوق السوداء في بعض منها ولكن هذا لن يكون كافيا ايضا لدولة بحجم روسيا
الطرفين الان في حرب تكسير عظام