- إنضم
- 27 فبراير 2022
- المشاركات
- 584
- التفاعل
- الدولة
تحليلك مطابق تماما لوجهة نظرىالاوربيين او الغرب بشكل عام في الظاهر لو هتبص من بعيد هتلاقي الخلاف في الملف الروسي يبان انة في ملف الطاقة فقط
لكن لما تفوكس شوية في الداخل هتلاقي في ملفات تانية فيها خلاف حتى لو مش معلن او مش حقيقي
.... ومش شرط الخلاف يكون انة موافق او عايز روسيا تنتصر في الحرب دي لا هو الخلاف في حجم التضحية اللي هيقدمها وحجم الضرر اللي هيستقبلة
رؤيتة هنا اة انا عايز افرمل الروس واخلص الفيلم البايخ دة بس بدون ما اتبهدل وادفع واتجنب الضرر الروسي او التهور الروسي في اي لحظة بحفظ ماء وجة الروس عن طريق خروجهم بمكاسب حتى لو على حساب اوكرانيا بس مش على حسابي وكلامة هنا نابع من انها دولة مش اتحاد اوربي ولا دولة ناتو ( مش معركتي ) ف انا مش هاروح في دعمي لابعد نقطة وهحاول اكون ماسك العصايا من النص واحافظ على وضع دولتي واقتصادها وافضل في عبائة اوروبا بشكل عام واخرج باقل خسائر ممكنة واحافظ عل حد ادني من علاقات المصالح مع روسيا . دة فريق ممكن نقول موجود في ( المانيا - فرنسا - ايطاليا - المجر -تركيا - النمسا - صربيا - كرواتيا ) ممكن نقول عليهم الحمام
الفريق التاني شايف ان روسيا خطر دائم واولي ومهم جداً انة يستغل الفرصة دي على حساب اي حاجة وانها فرصة من ذهب لتدمير عدو اول ودائم ... وممكن مش هتتكرر تاني وخصوصا انها موجودة في ملعب مثالي بالنسبة لة وقادر انة يأذي الروس ويقصقص جناحتهم بالشكل دة وعلى جانب اخر هو مستفيد بشكل تاني من اكتساب حلفاء جدد او خنوع اكثر من القديم وبيع اسلحة ونفط +الضرر اللي بيحدث في اوروبا ( دول الامريكان هنا تحديداً ).. وبالنسبة لة وفق نظرية مقبولية الأضرار ف دة حد ادني كويس جداً وهيقدر يتعامل معة بالنسبة او بالمقارنة للمكاسب اللي هيخرج بيها ... الجانب دة برضة مدفوع بكراهية للروس وهم ( الامريكان - الانجليز - البولنديين ) دول ممكن نقول عليهم الصقور
الفريق الثالث ودة يبانلك انهم اقل تأثير بس لا هم في الاخر اسمهم حلفاء للصقور وعاملين مساعدات عسكرية اكبر من دول متوقعة ( زي التشيك وسولفاكيا والخ ) وبشكل عام هو مسلم نفسة تماماً ليهم ومسخر كل امكانياتة لخدمة الفريق اللي شايف انة ادرى واقوى وبيثق في نظرتة للأمور وانة عارف انة بيلعب دور تابع اكثر من اي دور تاني ومش هيقدر يقول لا وبحكم السيطرة الامريكية والبريطانية والتوغل الداخلي في البلاد دي بشكل شبة كامل ف بتعمل اللي الناس دي شايفاة صح ودول ممكن نقول عليهم اليمام
دي نظرة بسيطة وسريعة على قد ما قدرت حاولت الخصها لاني النهاردة فعلاً مش رايق خالص بسبب مباراة الاهلي امبارح
وزي ما قولت قبل كدة الفكرة كلها هنا والكارت الاهم هو القدرة على التحمل واء في المعسكر دة او دة ودي نقطة بشكل عام في صالح الروس اللي واخدين على العقوبات وبرغم انها مش بالشكل دة من 2014 لكن الاوروبي بشكل عام خارج من كورونا وداخل في ضغط رهيب من التضخم وارتفاع الاسعار ومساهمات في المساعدات العسكرية واللاجئين اللي دخلوا عندة ..والاهم ورقة الطاقة اللي تعتبر حساسة جداً بالنسبة لة لانهم باختصار ناس مش عايشة في الوحل الروسي لا خالص دول قاعدين على وش الكريمة من فوق والدنيا فخفخينا وزبادي في الخلاط وكل م اتأثر هيبقى عامل ضغط كبير على الحكومة بتاعتة بعكس الروسي اللي عايش في اجواء قمعية اكثر وصعب يعبر عنها ويرفضها زي الغربي
ولهذا كنت علي يقين بوقوع الخلاف بينهم خصوصا لو اظهرت روسيا تماسكا داخليا وعلي جبهات القتال وهو ما حدث ، بل لا استبعد في حال اكتمال السيطرة علي كامل اقليم الدونباس ان تتعاون بعض دول الناتو مع الروس بشكل او بأخر بغرض انهاء هذه الأزمة بأي شكل
️ اكتمل الاجتياح الشامل لسفيرودونتسك ، "هُزم العدو في المدينة" - رامزان قديروف 
مبرد بالماء.
