سؤال عن التطوع بالجيش المصري

Eng-bishr

عضو
إنضم
2 أغسطس 2008
المشاركات
9
التفاعل
0 0 0
السلام عليكم
انا مصري بكلوريوس الهندسة المدنية أخدت تأجيل من الجيش لمدة 3 سنوات
بسأل عن التطوع بالجيش شروطه ومميزاته وعيوبه
أنا عندي قدرات أكون
مهندس إنشاءات ومساحة عسكرية
أو قناص أو خبير أسلحة
أو الثلاثة معاً والله المستعان
أرجو الإهتمام
 
حسب ما اعرفه اخي الكريم انه لايوجد تطوع في الجيش المصري هناك خدمة الزامية لمدة سنتين فيها العديد من الختصصات والتدريب الابتدائي وبعد ذلك يتم توزيع المتدربين على القطاعات وياليت احد الأخوان لدية معلومات اضافية اكثر .
 
السلام عليكم ورحمه الله
اخى الكريم انته بتسأل عن الاكاديميه العسكريه وله ظباط الاحتياط علشان مفيش تطوع للمتعلمين او اصحاب الشهادات العليا يعنى لو بتسأل عن الظباط المتخصصين او الاكاديميه العسكريه فدى بتقدملها عادى فى الكليه الحربيه وتسحبلها ملف وهى 6 اشهر بس وبعدين بتتخرج بتعلق الرتبه الى حاصل عليها خريج الفنيه العسكريه الى فى سنك يعنى لو انته خريج 2007 وانته مواليد مثلا 1980 هتاخد رتبه نقيب مهندس او ملازم اول على حسب زميلك الى هما مواليد 80 رتبتهم ايه بس شرط يكونوا خريجى الكليه الفنيه العسكريه
ومعتقدش انك بتسأل عن ظباط الاحتياط لانك اخت تأجيل خلاص وعلى العموم ربنا يوفقك
اه اخى نسيت معليش بالنسبه لسلاح القناصه او الاسلحه التانيه الى بسال عليها فا هنا فى خلط عند كتير من الشباب بص ياسيدى انته لو دخلت الجيش كعسكرى عادى هتتوزع الاول على سلام من 23 سلاح فى الجيش المصرى ولو نصيبك جيه فى المشاه مثلا هتتوزع على كتيبتك وتستلم الخدمه وبعدين(دا بعد طبعا لما تخلص مركز تدريبك ) تبدا تخرج فى طوابير ضرب النار وبتدرب فى كل طابور 6 طلقات من كل وضع ( الضرب وانت واقف والضرب وانت مرتكز على ركبتك والضرب وانته ممدد على الارض وبتاخد درجات وطابور ورا طابور درجاتك بتزيد ولو حصل تفتيش ودا كل 3 اشهر تقريبا على كل كتيبه او اسطفاف او مشروع حرب اللجنه بتطلب من قائد الكتيبه يوريهم كشوفات الرمايه ودرجات العساكر ولو درجاتك عاليه وخدمتك فى الجيش ل اكتر من سنتين هتتبعت تاخد فرقه القنص وبعد لما تخلص الفرقه هترجع تتوزع تانى للكتيبه بتاعتك وتستلم بندقيه قنص وتبقى قناص فى الكتيبه وفى قناص تانى بيبقى قناص دبابات ودا مش موضعك
وياريت تكون استفدت من كلامى
 
التعديل الأخير:
يوجد تطوع اخ خالد كجنود فى الجيش المصرى ومعظم المتطوعين من من يحملون المؤهلات المتوسطة او دون المتوسطة
وبالنسبة للأخ صاحب السؤال
اظن لا يوجد امامك الا الاكاديمية العسكرية (كلية الضباط المتخصصين) والتقديم فيها بمؤهلك الجامعى
وهذا يتوقف على احتياجات الجيش لتخصص حضرتك...والله اعلم
 
لو كنت خلصت الجامعة سنة 2008 ممكن تقدم في الكلية الحربية في قسم الظباط المتخصصين لكن إلحق معاك ليوم الثلاثاء في مدينة نصر لكن إسحب الملف الأول وقدم الاوراق المطلوبة ولازم تقدمو ا لحاد يوم التلات وربنا يوفقك بس خللي بالك الحياة العسكرية ميري ميري والله ولي التوفيق
 
السلام عليكم عندى سؤال هو هل ينفع الواحد لما يدخل الاكاديمية العسكرية يدرس فى مجال غير الى درسة فى الجامعة وقراءت فى موضوع اخر بالمنتدى على لسان مسؤال مكتب التنسيق انى لازم الطالب المتقدم للكليات العسكرية لايزيد تاريخ حصولة على الثانوية العامة عن سنة فهل الشرط دة بالنسبة لكل الكليات العسكرية وماهو وضع من كان فى معهد او كلية اكتر من سنة
 
السلام عليكم
مشكورين جميعاً
الأخ الكريم Omeir73 طبعاً إستفدت من كلامك
جزاك الله خيراً بس لازم خريجين 2008 مش ممكن 2007 وبعد التخرج إيه اللي بيحصللي شهادة وخلاص ولا في حاجة تاني ؟؟
طيب بالنسبة للقناصة و خبرة الاسلحة لازم اكون جوه الجيش مش ممكن واحد عادي يقدم طلب إلتحاق ؟؟
وشكراً
 
لو كنت خلصت الجامعة سنة 2008 ممكن تقدم في الكلية الحربية في قسم الظباط المتخصصين لكن إلحق معاك ليوم الثلاثاء في مدينة نصر لكن إسحب الملف الأول وقدم الاوراق المطلوبة ولازم تقدمو ا لحاد يوم التلات وربنا يوفقك بس خللي بالك الحياة العسكرية ميري ميري والله ولي التوفيق
أخي العزيز الكلية الحربية حتى الآن لم تطلب دفعة الضباط المتخصصين أو تحدد المؤهلات المطلوبة .. فمن أين لك بأن آخر يوم هو الثلاثاء ... تحياتي
 
Eng-bishr
العفو اخى
بس موضوع خريج 2007 مش 2008 دا انا مش متأكد منه ولو سئلت فى الكليه الحربيه مش هتخسر حاجه الاستعلامات هناك هيفيدوك كويس وممكن تتصل بيهم اتصل بالدليل واطلب رقم استعلامات الكليه الحربيه وهيدهولك
ولكن بعد
التخرج من ال ضباط المتخصصين بتبقى ظابط مهندس عادى فى الجيش يعنى هتاخد مرتب عادى جدا + بدلات كمهندس يعنى ممكن مرتبك لو انته ملازم اول يبقى فى الشهر الفين جنيه وبعد متخرج معاش بعد عمر طويل ان شاء الله معاشك عادى جدا وليك كل امتيازات ظباط الجيش وطبعا اكتر علشان انته مهندس طبعا
لازم علشان تبقى قناص محترف تخدم فى الجيش وتاخد الفرقه جوه الجيش مش من بره
واى استفسار تانى انا تحت امرك
 
جزاك الله خيراً
هل يسمح لي بالسفر وأنا ضابط بالجيش
مثلا تبادل الخبرات مع جيوش عربية او شيء من هذا القبيل ؟
 
أخي هذا نموذج لإعلان الكلية الحربية عن قبول دفعة جديدة من الضباط المتخصصين أتمنى أن تجد به بعض ما تريده من معلومات :
السبت..قبول أوراق خريجي الجامعات للإلتحاق بالحربية..ودفعة جديدة للتجنيد للمؤهلات فوق المتوسطة 1/31/2008 10:38:00 PM

Tantawy175_tcm6-1378596.jpg
المشير حسين طنطاوى وزير الدفاع والانتاج الحربى
القاهرة - صدق المشير حسين طنطاوى وزير الدفاع والانتاج الحربى الخميس على قبول دفعة جديدة من خريجى الجامعات.
وتأي هذه الدفعةمن الأطباء والمهندسين والمختلط من كليات العلوم ( علوم - كمياء حيوية - علوم طبيعة - علوم فلك ) وعلوم الحواسب وتكنولوجيا المعلومات والتجارة( محاسبة ) والعلاج الطبيعى ( ذكور ) واللغات ( روسى - صينى - تركى ) وسينما ومسرح واعلام (قسم صحافة) بحسب وكالة أنباء الشرق الأوسط-
وتشمل الدفعة الاطباء من تخصصات طب بشرى ( ذكور ) - طب أسنان ( ذكور ) - طب بيطرى ( ذكور ) - صيادلة ( ذكور ) والبيطريين الحاصلين على الدراسات العليا ( ماجسيتر – دكتوراة).
ويشترط لدفعة الأطباء أن يكون المتقدم حاصلا على المؤهل عام 2007 والسنوات السابقة لها بتقدير جيد فأعلى للأطباء ( بشرى - أسنان - بيطرى ) وأن يكون قد أمضى فترة الامتياز للأطباء وتقدير مقبول فأعلى للصيادلة ( ذكور ) ويمكن للطلبة الذين سينهون فترة الامتياز خلال شهر فبراير 2008 التقدم لهذه الدفعة .
ويشترط ألا يزيد سن المتقدم فى أول مايو 2008 من الأطباء البشريين الحاصلين على درجة البكالوريوس والأطباء البيطريين الحاصلين على درجة الماجستير والدكتوراة عن 30 سنة..
كما سيتم قبول البيطريين والصيادلة ( ذكور ) الحاصلين على درجة البكالوريوس عن 28 سنة و لا يزيد بالنسبة للأطباء البشريين الحاصلين على درجة الماجستير والصيادلة الحاصلين على درجة الدكتوراة عن عن 34 سنة والصيادلة الحاصلين على الماجستير عن 32 سنة وألا يزيد السن عن 38 سنة للأطباء البشريين الحاصلين على درجة الدكتوراة.
وتضم دفعة المهندسين تخصصات (كهرباء قوى - حواسب - ميكانيكا سيارات - هندسة بحرية بناء سفن - هندسة نسيج - هندسة نووية - هندسة كيمياء).
ويشترط لدفعة المهندسين أن يكون المتقدم حاصلا على المؤهل عام 2007 وما قبلها بشرط ألا يزيد السن فى الأول من مايو عام 2008 عن 26 سنة بتقدير مقبول فأعلى بالنسبة لتخصص هندسة كيمياء و ألا يزيد السن عن 30 سنة للحاصلين على الدكتوراة.
وبالنسبة لتخصصات المختلط فيسمح بالتقدم للطلبة الحاصلين على المؤهل عام 2007 والسنة السابقة لها فقط بتقدير جيد فأعلى بشرط الايزيد سن المتقدم من تخصصات المختلط فى الأول من مايو 2008 عن 26 سنة وأن يكون قد أمضى فترة الامتياز للعلاج الطبيعى أما تخصص علوم الفلك فيسمح بالتقدم للطلبة الحاصلين على المؤهل عام 2007 و ما قبلها حتى عام 2004.
وتتراوح مدة الدراسة بالكلية الحربية بين ( 6 - 7 ) أشهر لجميع التخصصات ويمنح الخريج شهادة اتمام الدراسة العسكرية.

وسوف يتم فتح باب سحب ملفات القبول وتقديمها الى المكتب الرئيسى بالكلية الحربية اعتبارا من السبت الموافق الثانى من فبراير 2008 وحتى يوم الخميس الموافق 28 فبراير 2008
دفعة جديدة للتجنيد
وتبدأ مكاتب التجنيد والتعبئة بجميع محافظات الجمهورية السبت فى استقبال دفعة جديدة من حملة المؤهلات فوق المتوسطة "مرحلة أبريل 2008" وذلك من مواليد أول يناير وحتى 30 يونيو من جميع السنوات حتى عام 1987 الحاصلين على مؤهلهم الدراسى خلال الفترة من أول أغسطس 2007 حتى آخر يناير 2008 مواليد الفترة من أول يناير حتى 30 يونيو من عام 1988 .
وتشمل هذه الدفعة كذلك المتخلفين عن مراحل سابقة و من زال عنهم سبب الاستثناء أو الاعفاء أو التأجيل على أن يتم تسجيلهم و إجراء الكشف الطبى بمناطق التجنيد والتعبئة خلال يومى 11 و12 فبراير المقبل.
كما تبدأ مكاتب التجنيد والتعبئة فى استقبال دفعة جديدة من حملة المؤهلات المتوسطة "مرحلة أبريل 2007" اعتبارا من يوم الإثنين المقبل الرابع من فبراير من مواليد أشهر (أبريل - مايو - يونيو) عام 1988 الحاصلين على مؤهلهم الدراسى .
وتقبل الدفعة كذلك المتخلفين عن مراحل سابقة ومن زال عنهم سبب الاستثناء أو الاعفاء أو التأجيل .
وسيتم تسجيلهم وإجراء الكشف الطبى عليهم بمناطق التجنيد والتعبئة خلال الفترة من 13 فبراير المقبل حتى 4 مارس القادم .
 
انت ممكن تطوع فى الجيش المصرى بس بشرط هتبدا من عريف والترقيه كل 6 او3 شهور على حسب ما اظل وعلى حسب مؤهلك
 
رد: سؤال عن التطوع بالجيش المصري

السلام عليكم و رحمة الله
سؤال لك يا أخ محمود
أنا حاصل على مؤهل عالى اذا تطوعت فى الجيش و بدأت من رتبة عريف
هل ممكن لو تدرجت فى الترقيات اصل الى رتبة ملازم؟؟؟؟ولا فيها شىء أو تأخير
و هل ستكون ترقيتى بعد 3 شهور لأنى مؤهل عالى؟؟؟
أرجو لمن عنده الأجابة على استفسارى سرعة الرد

و جزاكم الله خيرا
 
رد: سؤال عن التطوع بالجيش المصري

انا اخدت ظابط احتياط ثلاث سنين بس طلعت تاجيل المواليد مش دخلوا الجيش
للعلم انا ليسانس حقوق دفعة 2008 تبع منطقة تجنيد الزقازيق
 
رد: سؤال عن التطوع بالجيش المصري

afndina اقتباس:
وتبدأ مكاتب التجنيد والتعبئة بجميع محافظات الجمهورية السبت فى استقبال دفعة جديدة من حملة المؤهلات فوق المتوسطة "مرحلة أبريل 2008" وذلك من مواليد أول يناير وحتى 30 يونيو من جميع السنوات حتى عام 1987 الحاصلين على مؤهلهم الدراسى خلال الفترة من أول أغسطس 2007 حتى آخر يناير 2008 مواليد الفترة من أول يناير حتى 30 يونيو من عام 1988 .

انا مواليد 15/2/1987 ليسانس حقوق مش طالبيين ليسانس حقوق يا باشا للعلم انا اخدت تاجيل :0126[1]:
 
رد: سؤال عن التطوع بالجيش المصري

بسم الله الرحمن الرحيم
بص يا بشمندس انا ظابط مهندس فى الجيش و أحب أنصحك نصيحة لله لو تقدر تبعد عن الجيش أبعد عنه لان الجيش متعب وعاوز انضباط جبار وانت لو بصيت للموضوع وحسبت تشوف انا بأخد كام وانت لو اشتغلت بره الجيش هتلاقى انك بيتاخد اكتر منى بكتير وبعد كده ظباط الجيش مش ليهم اى امتيازات الجيش ادنى شقة فى 6 أكتوبر فى منطقة صحرواية جرداء فين بقا الامتيازات اشتغل بره بعد كده أسمع ان مهندس مدنى اللى بينزل الموقع مش بياخد اقل من 4 الاف جنيه خليك مدنى أحسن وابعد عن سكة الجيش مع أحترامى للجيش المصرى ولو عاوز تعرف أمتيازات الجيش ايه اقولك الظابط عمره ما يخض قسم شرطة ويتضرب زعمره ما تتسحب منه رخصته وله الحق انه يعمل زجاج عربيته فاميه ومحدش يكلمه
ولكن لو لسه مصمم على الجيش فكلام الاخ omeir مظبوط تماما انت ملكش تطوع فى الجيش ولكن لك الاكاديمية العسكرية
 
رد: سؤال عن التطوع بالجيش المصري

انا دبلوم خمس سنين صيانة واصلاح المعدات الميكنيكة وكملت فى كلية اداب ممكن لو اطوعت الكلية بتفرق والترقيات كل اد اية والمرتيات كام وهل معاملة المتطوع سيئة فى الجيش المصرى ارجو الافادة .
[email protected]ودا ميلى
 
رد: سؤال عن التطوع بالجيش المصري

طب ياجماعة هي الكلية الحربية مبتطلبش خرجين حقوق ..................... ارجو الافادة
 
عودة
أعلى