الكليه الجويه المصريه

7:أسلوب الالتحاق بالكليه الجويه

*طبعا مافيش حاجه اسمهاهتقدم جويه(مع احترامى لاخى الفاضل القناص قرات فى موضوع ليه انه هيكون نسر او هيقدم جويه)وده طبعا كلام غير صحيح تماما فطالب الثانويه يقدم طلبه للالتحاق بمقر الكليه الحربيه وعلى أساس الكشف الطبى يتم ترشيحه وبيبقى النظر والطول هما المعيارين الاساسيين فى الترشيح يعنى نظر شارب وممكن تلاقى واحد يقوللى طب انا نظرى شارب ومترشحتش أقولك لانك طولك أكتر من أو175أو180 سم(هتلاقى واحد يقولك لا دول مش بياخدو أكتر من170 فاللى يقول يقول تمام كده) والترشيح مش للدخول طبعا لكن بس انه يقدم على الاختبار الطبى بالمجلس الطبى الجوى بشارع خضر التونى المتفرع من شارع الطيران وهناك يخضع للفحوصات اللازمه وطبعا هنا مش مجال ذكر هذه الاختبارات(ومست حيل طبعا هنذكرها بس ممكن ننوه عنها للمتقدمين) ولكن ان شاء الله فيه موضوع عن الالتحاق هينزل قريبا وهيكون مختلف تماما.وأيضا يتم ضم طلبه الثانوى الجوى بعد اعاده الكشف عليهم مره أخرى.





عند تقدمك للقبول بالكلية الحربية للدخول إلى أياً من الكليات العسكرية :
1) إذا كان ولك أقل من 170 سم يتم تحويلك مباشراً إلى إختبارات الكلية الجوية
2) إذا كان أطول من 170 يستمر فى تقدمة حتى يتم الكشف علية طبياً , فإذا وجد أن نظرة 6/6 شارب يتم تحويلة إلى إختبارات الكلية الجوية .

:8818da5386f1f51c7e5

هذة المعلومات موثوق منها
 
اخى انا طولى 180سم ونظرى 6%6 شارب ومع ذالك عندما تقدمت للكلية الحربية بالقاهرة تم ترشيحى للكاية الجوية والكلام اللى هقوله دا والله صحيح 100% ان اقل من 165سم لا يدخل واكثر من 185سم لا يدخلا والكلام دا من داخل الكلية الحربية والدور والباقى على الكشف الطبى ولو عديته يبقى انا قطعت نصف المسافة للكلية ارجو تحرى الدقة من معلوماتك فهذه المعلومات التى تقولها ويقراها غيرك تحبطه واذا كنت غير متقدم وقرات كلامك هذا كان زمانى احبط بس والله الكلام دا من داخل الكلية الحربية المصرية

عند تقدمك للقبول بالكلية الحربية للدخول إلى أياً من الكليات العسكرية :
1) إذا كان ولك أقل من 170 سم يتم تحويلك مباشراً إلى إختبارات الكلية الجوية

2) إذا كان أطول من 170 يستمر فى تقدمة حتى يتم الكشف علية طبياً , فإذا وجد أن نظرة 6/6 شارب يتم تحويلة إلى إختبارات الكلية الجوية .
 
رد: الكليه الجويه المصريه

الموضوع دة بسم اللة ماشاء اللة كنت محتاج اعرف المعلومات عن الكلية الجوية ومشكور جدا على المجهود
 
رد: الكليه الجويه المصريه

انا عضو جديد و انا فى الصف الاول الثانوى من مصر

كل اللى بتمناه حاليا ومن اربع سنين انى اخش الكلية الجوية و اكون طيار حربى مقاتل
وفى بعض الاسئلة فى ذهنى عايز لها حل
أولها/
أنا طولى تقريبا على المتر 177 و وزنى 85 ممكن اخشها او دا ينفع؟
وايه اختبارات الكلية دى
وايه مميزات الضابط الطيار و مكانته فى البلد
وايه مرتبه الشهرى

ثانيا/
اعمل ايه من دلوقتى علشان ااهل نفسى لاختبارات الجويه و العلم انى باروح جيم و جسمى حسب ما بيقولى زمايلى ممتاز

.................................................. .....................

أرجو الاهتمام برض و اعتبرونى اخ
 
رد: الكليه الجويه المصريه

اخوانى هذا الموضوع جميل وشامل
لكن اخى فى شئ
حضرتك ذكرت الثانويه الجويه بس للاسف الثانويه الجويه اغلقت منذ 5 سنوات
وايضا ممكن تذكر اعداد الطلاب العرب والاجانب اللى بيتخرجوا منها سنويا

اخى الطالب a.h لا تسمع كلام اى حد
انتا لما تروح تقدم هيقلولك كل حاجه
بس هقلك حاجه متتعشمش اوى فى الكليه عشان اذا محصلش نصيب لا تاتى لك حاله احباط
خليها على الله

 
رد: الكليه الجويه المصريه

وعلي فكرة....ايام الحرب مع اسرائيل تم نقل مقر الكلية الي مرسي مطروح لتفادي الهجمات الاسرائيلية علي بلبيس
 
رد: الكليه الجويه المصريه

ارجو استعمال اللغة العربية الفصحى اللغة العامية ممنوعة
اذا حذفت مشاركاتكم فسيفرغ الموضوع وهذا لا يليق بموضوع مثبت
آخر تنبيه رجاءا
 
عودة
أعلى