نظام الطيبات للدكتور ضياء العوضي حقيقه ام مجرد وهم

[Adelll]

عن نفسي انا ادعم هذا الشي الدنيا رخصت من بعد هذا النظام استمروا

 

[صقور مصر]

طبيعي لما يخفف الاكل، الارتجاع يقل حسب الحالة العمرية، لان المعدة والامعاء تم استهلاكهم على مدار الوقت

لكن مع مرور الزمن والتوقف عن اكل البروتين والكالسيوم، سيصاب بفقر الدم الانيميا ، وسيحدث له اضرار جسيمة تفوق اضرار مجرد تناول الدواء

واذا توقف عن اكل الورقيات سيصاب بالامساك والبواسير

، لكن ايقاف باقي العلاجات قد يسبب جلطة او غيبوبة سكر او هبوط في ضغط الدم او ارتفاع ضغط الدم

اعقل

بحب الناس اللي تتكلم بالمنطق كدا نعرف نرد عليك
اولا انت قلت التوقف عن اكل البروتين
ممكن تقولي مين قال نوقف بروتين اومال
اللحمة والسمك والكبدة والحمام دوا بروتين ولا لا
وهما مسموحين في النظام
ثانيا نقص الكالسيوم النظام سامح بالاسماك وسمك زي السردين مليان كالسيوم السمسم والطحينة بتاعت السمسم من المسموحات ومليانة كالسيوم
مش مصدق عندك شات gpt اسأله عن السمسم والسردين
فقر الدم هيجي من ايه اقولك انا من الفول اللي بنطفحه من صغرنا واسأل اي دكتور هل الفول ليه علاقه بالأنيميا ولا لا
مش ممكن نظام الطيبات يسبب انميا بالعكس انت بتاكل لحمة وكبدة وعسل نحل وتمر واسماك هتجيك منين
اكل الورقيات اخطر شيي علي المعدة لانها لا تهضم هي مخلوقة للحيوانات أعزكم الله مش للبشر

 

[صقور مصر]

عن نفسي انا ادعم هذا الشي الدنيا رخصت من بعد هذا النظام استمروا

فعلا الكل مستفيد اللي طبق النظام كسب صحته واللي ما طبقه اسعار البيض والفراخ رخصت لغ براحتك
بس مسألتش نفسك رخصت ليه
طب بلاش مسألتش نفسك ليه اللي بيدخل النظام مش بيرجع يبطله تاتي ليه ومتمسك بيه ليه وينصح غيره ليه

 

[تكتيكي]

عن نفسي انا ادعم هذا الشي الدنيا رخصت من بعد هذا النظام استمروا

هذه من حسنات البرنامج مع اني ماشفت نزول اسعار

 

[صقور مصر]

هذه من حسنات البرنامج مع اني ماشفت نزول اسعار

عندنا البيض من 6 جنيه صار ب3 جنيه
بس التاجر لما يحس فيه طلب بيخليه ب4 او 5 لكن سعره الاصلي الآن 3 جنيه نزول 50٪

 

[بسيط نجم.]

بحب الناس اللي تتكلم بالمنطق كدا نعرف نرد عليك
اولا انت قلت التوقف عن اكل البروتين
ممكن تقولي مين قال نوقف بروتين اومال
اللحمة

طب والاضاحي اللي بتاكل من المخلفات؟
والماشية اللي بتتدبح وهي عندها امراض

كدا بلاش لحمة زي الدواجن

والسمك

سمك المزارع اللي بدون طعم اللي بيتغدى على مواد غريبة

طب على كدا الجمبري عادي

والكبدة

كبدة الكلاب ولا الكبدة المستوردة اللي الله اعلم مدبوحة ازاي

والحمام

اه الحمامة ب ٢٥٠ جنيه اللي كلها عضم

دوا بروتين ولا لا
وهما مسموحين في النظام

فقر الدم هيجي من ايه اقولك انا من الفول اللي بنطفحه من صغرنا واسأل اي دكتور هل الفول ليه علاقه بالأنيميا ولا لا

ناكله عشان رخيص ومشبع
مش هنقدر ناكل نص كيلو سمسم عشان نشبع ونستفيد من الكالسيوم بتاعه

مش ممكن نظام الطيبات يسبب انميا بالعكس انت بتاكل لحمة وكبدة وعسل نحل وتمر واسماك هتجيك منين

لحمة وكبدة واسماك مغشوشة مثل الدواجن واللبن والبيض

لا فرق

 

[-Tomahawk-]

هبدهُ ورحَل​

 

[صقور مصر]

@Red Devil
@الخفاق الأخضر
الاول شيطان احمر
والثاني شيطان اخضر

 

[صقور مصر]

طب والاضاحي اللي بتاكل من المخلفات؟
والماشية اللي بتتدبح وهي عندها امراض

كدا بلاش لحمة زي الدواجن

سمك المزارع اللي بدون طعم اللي بيتغدى على مواد غريبة

طب على كدا الجمبري عادي

كبدة الكلاب ولا الكبدة المستوردة اللي الله اعلم مدبوحة ازاي

اه الحمامة ب ٢٥٠ جنيه اللي كلها عضم


ناكله عشان رخيص ومشبع
مش هنقدر ناكل نص كيلو سمسم عشان نشبع ونستفيد من الكالسيوم بتاعه

لحمة وكبدة واسماك مغشوشة مثل الدواجن واللبن والبيض

لا فرق

المشكلة معلوماتك كلها غلط وما عندي طاقة اجادلك في كل تفصيلة لكن احب اقولك انت اللي زيك مش هيقتنع ولو مشينا ع الماء
واساسا مش فاهم ولا عارف النظام تقولي اسماك المزارع وهي ممنوعة أصلا في النظام وانت ولا فاهم حاجة وجايبلي مثال لغش التجار يعني انت يوم تشتري لحمة تروح لأي حد ولا تروح للجزار المضمون
والجمبري ممنوع الكبدة ماعز او ضاني او جملي او بقري المهم من حد موثوق
ثانيا دورة تربية الفراخ قصيرة مش بتلحق جسمها يتخلص من المضادات الحيوية والهرمونات انما الماشية اعمارها طويلة وعنها فرصة تتخلص من اي سموم في جسمها
كفاية عليك كدا
اكتر من كدا ابقي بهدر عليك وقت ومتأكد انك مش هتقتنع فملوش لازمة لكن انا حبيت ارد عليك عشان محدش يقول هرب ومعندوش اجابة

 

[صقور مصر]

افكار وصلت غلط لازم نصلحها
الرساله والفكرة امانه

١ / الشيكولاته والنوتيلا والمربي والبسبوسه دا عشان لو حبيت تحلي ف إدالك كذا اوبشن أقل ضـ ـرر علي صحتك بدل من البسكوتات والحلويات والجاتو و الحلويات الشرقيه والمو لتو وغييييره

٢ / السجـ ـاير دي حريه شخصيه ( انت حر مالم تضـ ـر ) هو مقالكش اشرب وقالك متعملش زيي وكل واحد مسئول عن صحـ ـته ومصلحته

٣ / هو مقالش بطل ادو يه وانسو، لين هو قال امشي عالنظام ومع الوقت هتتحسن وهتقلل الجـ ـرعات لحد ماتوقف الادو، يه خالص وتابع مع دكتورك لحد ما تتحسن وتوقفها هو نفسه مكنش بيوقف الد وا لأي
مـ ـريض عنده مره واحده بالعكس كان بيمشيه عالنظام وبالتدريج بيوقفها

٤ / العصاير المعلبه فيها فوايد و سكـ ـريات بدليل اي وجبه بتنزل لأي مـ ـريض ف أي مستـ ـشفي لازم يكون فيها علبه عصير

٥ / الجبن المطبوخه او الصفرا فيها فوايد عاليه من
البـ ـروتين والكـ ـالسيـ ـوم وb 12 ومصدر سريع للطـ ـاقه وسهله الهضـ ـم ومده صلاحيه طويله

٦ / منع بعض الخضـ ـار والفواكه لإن هضـ ـمها صعب وبتـ ـضر الجهاز الهضـ ـمي

٧ / قال بلاش لبن وجبنه قريش عشان هيضـ ـروا جهازك الهضـ ـمي اكتر ما هينفعوه ولبن دلوقتي كله نشـ ـادر وزفـ ـاره ومواد حافـ ـظه مش زي اللبن ايام الرسول

٨ / قال بلاش فراخ وطيور عشان بتتحـ ـقن
مضـ ـا دات حيـ ـويه ومليانه سا لمو نيلا وفيها سـ ـمـ ـوم
هتضـ ـر جسـ ـمك والبيـ ـض زيهم وكله كولـ ـيستيـ ـرول .

بلاش نختصر علمه وابحاثه ودراساته وفيديوهات ولايفات بألاف الساعات فكام فكره هبـ ـله قالوها عنه .. خليك صاحب عقل وقبل ماتحكم اسمع بنفسك وشوف

ربنا يرحمك يا دكتور ضياء ويعفو عنك ويسكنك فسيح جناته

 

[بسيط نجم.]

أرجو من @الإدارة حذف هذا الدجل من المنتدى

 

[-Tomahawk-]

أرجو من @الإدارة حذف هذا الدجل من المنتدى

اكيد انت تاجر فِراخ

تبي تحذف الموضوع وتحرمنا من هبدٍ لا نفع فيه..
- حسبي الله ونعم الوكيل -

 

[صقور مصر]

أرجو من @الإدارة حذف هذا الدجل من المنتدى

اتفق خساره فيكم

 

[صقور مصر]

اكيد انت تاجر فِراخ
مشاهدة المرفق 870184
تبي تحذف الموضوع وتحرمنا من هبدٍ لا نفع فيه..
- حسبي الله ونعم الوكيل -

بتفكروني بقوم سيدنا نوح وهو بيبني السفينة وهما يضحكون
سبحان الملك الزمن يعيد نفسه

 

[Adelll]

مرة ثانية حسبي الله ونعم الوكيل في المشرف اللي نقل الموضوع الله يقعدهولك في صحتك حرمت ناس كتير انها تستفاد

لو انت ضياء بنفسه ماصاح هذا الصياح روقنا

 

[-Tomahawk-]

بتفكروني بقوم سيدنا نوح وهو بيبني السفينة وهما يضحكون
سبحان الملك الزمن يعيد نفسه

شوف مسألة انك وصلت لقناعه معينه وجربت ، وتريد ان تنفع غيرك..
هذه الجزئية تشكر عليها ، ودليل انك تحب الخير لغيرك..

لكن قناعتي الشخصية النظام مبني على هبد ولا اساس علمي له..
وممكن يفيد البعض احيانا بشكل فعلي ( تجنبت فعلاً طعام لا يناسبك ) او لسبب ما..

لكن عموماً ، الطبيب لم يقم بنشر ابحاث علميه تسند ادعاءَاته..

وهذا مشاركه سابقة في موضوع اخر متعلق

باختصار هبيد
قبل عدة شهور ( قبل ان يشتهر ) ظهر لي في المقترحات في اليوتيوب..
وتابعت له اكثر من فيديو طويل وقتها ، كانت متعلقه بمرض السكري وممكن غيره..

واذكر انه مقتنع مثلاً ان معدل ( السكر التراكمي ) المرتفع دليل ايجابي ، عكس التوجه الطبي انه مؤشر سلبي وعليك الاحتماء او ممكن العلاج..
طبعاً هو شرح وتكلم على مستوى الخليه ، ويقول طالما السكر يدخل الخليه ( يظهر في التحليل انه عالي ) هذا يعني ان لا يوجد مقاومه بل العكس ( يعني كل شيء تمام )..

طبعاً كلامه يشعر المريض بالاطمئنان ، لكن الكارثه انه غير صحيح طبياً ( حسب الاطباء )..
انا اتضايق لما اعطي لشخص معلومة غير صحيحة ، فكيف لـ الاف الاشخاص ومتعلقه بالصحة..

عموماً لا اعتقد ان قام بذلك بنية سوء..
- الله يرحمه ويغفر له -

 

[صقور مصر]

لو انت ضياء بنفسه ماصاح هذا الصياح روقنا

صاح وتعب نفسيا من عقليات البشر الله يرحمه عذرته من كثر جهل وغباء الناس

 

[صقور مصر]

شوف مسألة انك وصلت لقناعه معينه وجربت ، وتريد ان تنفع غيرك..
هذه الجزئية تشكر عليها ، ودليل انك تحب الخير لغيرك..

لكن قناعتي الشخصية النظام مبني على هبد ولا اساس علمي له..
وممكن يفيد البعض احيانا بشكل فعلي ( تجنبت فعلاً طعام لا يناسبك ) او لسبب ما..

لكن عموماً ، الطبيب لم يقم بنشر ابحاث علميه تسند ادعاءَاته..

وهذا مشاركه سابقة في موضوع اخر متعلق

بيتكلم علي متبعين النظام لكن اللي مش علي النظام ارتفاع السكر خطر عليه
انت مجرد متبعت النظام وارتحت وماشي بعلاجك خلال اول شهر مريض السكر بيحس بهبوط وبيروح للدكتور بخفف الجرعة

 

[صقور مصر]

معظم الناس واخدين مقاطع قصيرة من كلامه عشان تحريف كلامه وقعطعه من السياق محدش شاف لايف كامل ليه ولا عنده وقت يشوفه

 

[٣٠ يونيو]

شكراً صديقي الغالي @صقور مصر على الموضوع ونيّتك الطيبة بنقل تجربتك بعد شهرين من تطبيق نظام الطيبات

لا أختلف كلياً مع هذا النظام ، إلى حد ما هذا النظام عبارة عن نظام مطبق عالمياً اسمه low FODMAP diet

مناسب جداً لمن يعاني مشاكل هضمية وقولون عصبي ولكن ليس بالضرورة الكل راح يستفيد منه

لكن اعتقد هذا النظام ليس بشيء جديد على البشرية كل فترة يظهر نظام الناس تستفيد منه ثم يقل الاهتمام به مثل carnivore ، Keto ، low carb وغيرهم من الانظمة الغذائية التي يصاحب ظهورها جدل كبير ثم تتلاشى

اللي استفاد من النظام يكون طول حياته ماشي باكل غير صحي ومطاعم والخ.. ثم يطبق نظام الطيبات ويشعر بتحسن .. هذا منطقي

لا يعني ان النظام مضر او غير نافع .. ولكني غير مقتنع بموضوع منع اكل الدجاج والبيض والالبان ومنتجاتها وامور اخرى

بالنهاية لا يوجد (على الاطلاق) نظام غذائي واحد يناسب الجميع