متابعة مستمرة كأس العالم لكرة القدم 2026

[ابو يعقوب يوسف بن تاشفين]

مشاهدة المرفق 872101

وبرده دي جهل بالقانون ، مخدش حتي كارت ازرق ، وماشاء الله الحكم كان كريم معانا ف الانذارات

قلت لك الانحياز موجود حتى في مباريات اخرى هذا ليس حصرا عليك
لاكن ليس هناك ضربة جزاء والهدف الغي لوجود خطأ
تقبلو انكم اقصيتم بسبب مدربكم ولاعبيكم
صعبة بالنظر الى انكم ضيعتم التأهل بسذاجة لاكن هذا هو الواقع ​

 

[بأحث في التاريخ]

الجمهور - Algomhor

نشر فريق منتخب المغرب عبر صفحتهم على الأنستجرام ما معنى إشارة X التي قام بها مدرب مصر اليوم؟ اعتقد كثيرون أن الإشارة كانت مجرد اعتراض على الحكم، لكن الحقيقة أنها جزء من بروتوكول رسمي أقره الاتحاد...

www.facebook.com

تضامن للمنتخب المغربي مع مصر

 

[Marwan2001]

في وسط المدعرة التحكيمية امبارح نسينا ناخد بالنا من الغطس اللي اتحسب بلانتي علينا

الغريبه ان كل رياضيين العالم شافوا المدعرة بعينهم ونزلوا اعتراضاتهم عليها الا بعض اعضاء المنتدي ، الحكم بالنسبه لهم كان جوسي بالسمسم

 

[EL-3kaad]

في وسط المدعرة التحكيمية امبارح نسينا ناخد بالنا من الغطس اللي اتحسب بلانتي علينا

الغريبه ان كل رياضيين العالم شافوا المدعرة بعينهم ونزلوا اعتراضاتهم عليها الا لعض اعضاء المنتدي ، الحكم بالنسبه لهم كان جوسي بالسمسم

مشاهدة المرفق 872103مشاهدة المرفق 872104

الأفضل ننسي الماتش ونتعلم من النقائص
ويارب العقليه تتغير بالابتعاد عن المحترفين والبحث عن الموهوبين

 

[Marwan2001]

الجمهور - Algomhor

نشر فريق منتخب المغرب عبر صفحتهم على الأنستجرام ما معنى إشارة X التي قام بها مدرب مصر اليوم؟ اعتقد كثيرون أن الإشارة كانت مجرد اعتراض على الحكم، لكن الحقيقة أنها جزء من بروتوكول رسمي أقره الاتحاد...

www.facebook.com

تضامن للمنتخب المغربي مع مصر

مش عاوزين يتظلموا زيينا قدام فرنسا ، العار للاعلام المصري اللي كان بيحرك الصخر زمان

 

[Marwan2001]

الأفضل ننسي الماتش ونتعلم من النقائص
ويارب العقليه تتغير بالابتعاد عن المحترفين والبحث عن الموهوبين

والله المنتخب شيل منه صلاح ومرموش وكملوا بالمحليين هتلاقي التيم فيه الروح

مشكلة الناس ان شايفه ان صلاح ومرموش هم المنقذين لمصر ، والله ع مدار تاريخنا بنفشخ إفريقيا باللعيبه المحلية

صلاح طوال البطولة لم يظهر الا في لحظات قليله لكن شوف مثلا امام عاشور ولا شوبير ابناء البطولة المصرية كيف كانوا يلعبون

 

[EL-3kaad]

 

[بأحث في التاريخ]

والله المنتخب شيل منه صلاح ومرموش وكملوا بالمحليين هتلاقي التيم فيه الروح

مشكلة الناس ان شايفه ان صلاح ومرموش هم المنقذين لمصر ، والله ع مدار تاريخنا بنفشخ إفريقيا باللعيبه المحلية

صلاح طوال البطولة لم يظهر الا في لحظات قليله لكن شوف مثلا امام عاشور ولا شوبير ابناء البطولة المصرية كيف كانوا يلعبون

مش شرط محليين عندك هيثم حسن ده بميه من مرموش

الأفضل نبعت لعيبه شباب و هم في سن صغير لأوروبا علشان يتجهزوا و يتاقلموا و يحتكوا بالكوره الأوروبيه و العالميه

 

[EL-3kaad]

والله المنتخب شيل منه صلاح ومرموش وكملوا بالمحليين هتلاقي التيم فيه الروح

مشكلة الناس ان شايفه ان صلاح ومرموش هم المنقذين لمصر ، والله ع مدار تاريخنا بنفشخ إفريقيا باللعيبه المحلية

صلاح طوال البطولة لم يظهر الا في لحظات قليله لكن شوف مثلا امام عاشور ولا شوبير ابناء البطولة المصرية كيف كانوا يلعبون

حسام حسن محتاج ينزل حتى يتابع الدوريات الرمضانيه اقسم بالله فى لعيبه افضل من كل المنتخب
مشكله مصر الأبدية المحاباة والوسايط والتطبيل لاى حد ممكن يكون لعب بره حتى لو أداءه زفت

 

[Marwan2001]

مش شرط محليين عندك هيثم حسن ده بميه من مرموش

الأفضل نبعت لعيبه شباب و هم في سن صغير لأوروبا علشان يتجهزوا و يتاقلموا و يحتكوا بالكوره الأوروبيه و العالميه

مع احترامي ليك مش شرط ، عندنا التكوين المحلي ممتاز وياما اخرج نجوم

تعرف المشكلة الحقيقه فين لو عاوز تحل بشكل علمي ، قطاع الناشئين

لكن للاسف الواسطه دمرت الكورة في مصر

والله قطاعات الناشئين لو مفيهاش واسطه بدون مبالغه مصر تنافس البرازيل ع انتاج المواهب

 

[بأحث في التاريخ]

فيه كلمتين كده محشورين جوايا لازم اقولهم .. خلاص انتهت رحله كأس العالم و خرجنا مرفوعين الرأس و بشرف أكثر المتفائلين مستحيل كان يتوقع مصر توصل للمرحله دي اصلا و ينافس بطل العالم و يخسر منه بفضيحه تحكيميه !

بس لازم نبدأ من مكان ما انتهينا المغرب في كأس العالم 2018 خرجت من دور المجموعات بعد ما خسرت من إيران والبرتغال و اتعادلت مع أسبانيا
وقتها حصل ثوره رياضيه و تم البحث عن المواهب المغربيه في جميع دول العالم و تجنيسهم بعد اقناعهم بالمشروع الرياضي .

ايه اللي حصل بعد كده؟

المغرب اول حاجه عملتها قامت بتكوين منتخب للمحلين و لعبت بيه بطوله امم أفريقيا للمحليين 2020 و كسبتها بعدها بدأت تجنس اي لاعيبه مغربيه زي هيثم حسن كده و رجعت كأس العالم 2022 تشكيله تضم لاعبين من المنتخب المحلي اللي فاز ببطوله أفريقيا مع اللاعبين المتجنسه و عملت منتخب مرعب قدر يبهر العالم و يحقق مركز رابع في كأس العالم و يفوز على منتخبات تقيله و بعدها موقفش عند كده كملت و جابت لاعبين زي ابراهيم دياز اللي أسبانيا كانت خلاص قربت تضمه ليها بس هو اختار المغرب و السبب في كده ان العالم كله شاف المغرب عملت ايه في كأس العالم و انبهر بيها و كمان المشروع الرياضي في المغرب و وجود خطه شجع لاعبين كتير تنضم للمغرب ..
انا ليه بقول كل الكلام ده لان احنا لازم نبدأ ندور على لاعيبتنا المصريين عاوزين الف واحد زي هيثم حسن و اظن احنا شوفنا الواد عامل ازاي في الملعب انهارده كان مبهدل لاعيبه الأرجنتين و اكلهم النجيله حرفيا

لازم نبدأ نطلع كشافين عن المواهب المصريه لازم نرجع منتخب المحليين و نلعب بيه بطولات و لازم المدرب اللي يمسكه يكون مصري و ياريت يكون مدرب وادي دجله لانه مدرب شاب ممتاز و عنده كوره .

اتمني الناس كلها تبدأ تنادي بالكلام ده عاوزين نشوف مصر في 2030 بتحقق مركز و ميداليه و ليه لا يمكن ربنا يكرم و ننافس علي البطوله كمان المغرب كانت بتحلم بكده و احنا من حقنا نحلم كمان

الدوري المصري اثبت انه دوري قوي و فيه جوده لاعبين ممتازه زي زيكو و مصطفي شوبير بالأخص ارجوكم بعد البطوله اي لاعب يجيله عرض سيبوه يحترف و ياخد خبرات اللعب في دوريات أوروبا .

مصطفى شوبير بعد البطوله دي لازم يحترف لازم نشوفه زي كورتوا و اليسون لانه مش اقل منهم .

شكرا حسام حسن انت اثبت انك مدرب كبير كنت كل استديو تحليلي تقول نفسي امسك المنتخب و هطلع احسن حاجه عند اللاعبين و فعلا انت طلعت احسن نسخه منهم احنا شوفناها في حياتنا و بذات محمد هاني و زيكو

ان شاء الله تكمل المسيره و تاخد بطوله أفريقيا ٣ مرات زي حسن شحاته لانك تستاهلها

 

[amigos]

كلامك طلع غلط صديقي وبدون مانرجع لردود السابقة

المغرب تأهل الى الدور 8
مصر خرجت من الدور 16

فين شفت الاتنين طلعو من نفس الدور ؟؟؟

أعرف ذلك كنت متوقع إنجاز مغربي أفضل لكن هذا حد المغرب ولا اتوقع تفوز على فرنسا

 

[بأحث في التاريخ]

مع احترامي ليك مش شرط ، عندنا التكوين المحلي ممتاز وياما اخرج نجوم

تعرف المشكلة الحقيقه فين لو عاوز تحل بشكل علمي ، قطاع الناشئين

لكن للاسف الواسطه دمرت الكورة في مصر

والله قطاعات الناشئين لو مفيهاش واسطه بدون مبالغه مصر تنافس البرازيل ع انتاج المواهب

قطاع الناشئين و الأكاديميات للأسف بقت سبوبه و فين و فين لما يطلع لاعب

و للأسف البعض بقى بيريح دماغه انه يلعب في مصر بالملايين و ميجربش انه يتمرمط في الغربه لازم الموضوع ده يتحل

يعني مثلا شوبير ده لازم يحترف

كمان خلاص الجيل الحالي معظمه داخل على ال30 يجب انك تبدأ من دلوقتي تجهز جيل جديد

 

[بأحث في التاريخ]

@Marwan2001 @Logan Roy @batteryneon

 

[بأحث في التاريخ]

كابتن طارق ذياب:
بالنسبة لي، حسام حسن أصبح من أفضل المدربين في كأس العالم. إذا قيمنا الأداء الفني، فأراه أفضل من العديد من المدربين في البطولة. منذ المباراة الأولى، كانت تدخلاته ناجحة، ويجيد قراءة المباريات، والتعامل مع المنافس، واختيار الخطة المناسبة لكل مواجهة.

أن تُبقي عمر مرموش على مقاعد البدلاء وتدفع بحسن في أول مباراة له بهذا المستوى، فهذا يُحسب للمدرب. كما أن مصطفى زيكو يُعد اكتشافًا كبيرًا، ويتطور من مباراة إلى أخرى.

أن تلعب بفريق يعتمد بشكل كبير على لاعبي الدوري المصري ومدرب وطني، وتفرض سيطرتك على الأرجنتين لمدة 80 دقيقة، فهذا أمر يدعو للفخر. أداء المنتخب المصري في هذه المباراة يُدرّس.

صحيح أن الهزيمة كانت قاسية لأن مصر كانت الأفضل لفترات طويلة، لكن هذه هي كرة القدم، والهدف الأول للأرجنتين أربك الفريق، ولا يمكن تجاهل تأثير ميسي في الدقائق الأخيرة.

ما قدمه منتخب مصر سيبقى مباراة تاريخية. الوصول إلى دور الـ16، وكان قريبا من بلوغ ربع النهائي، بلاعبين محليين، يُظهر قوة الكرة المصرية. ولا أعتقد أن هناك منتخبًا عربيًا يستطيع تحقيق ذلك بالاعتماد على لاعبي الدوري المحلي.

منتخب مصر خرج مرفوع الرأس، والأهم الآن هو البناء على هذه التجربة، وتطوير الدوري، لأن مصر تمتلك لاعبين مميزين، وأتوقع احتراف 5 أو 6 لاعبين في أوروبا بعد هذه البطولة.

كل الشكر لمنتخب مصر، ولحسام حسن، وإبراهيم حسن

 

[Marwan2001]

@Marwan2001 @Logan Roy @batteryneon

حسام حسن اكتر واحد انا زعلان له لاني بطالب بوجوده من قبل مايمسك الاردن

المدرب الوطني خصوصًا لو كان مهاجم فترة لعبه + وشخصيته قوية = المدرب المثالي لمصر

اعتقد حسام حسن هيجهز فريق قوي جدا من الجيل الجديد زي محمود صابر واقطاي وشوبير وهيثم والعاق مرموش وغيرهم كتير هيكونوا بذرة المنتخب اللي هيعود لافريقيا بأمجاده مرة تانية

 

[بأحث في التاريخ]

حسام حسن خلانا نشوف كأس العالم سهله .. ممكن مش هيفهم الكلام ده غير حد مر بالتجربة دي زي مشجعين الأهلي مع موسيماني في بطولة افريقيا وحتى كأس العالم للأندية

ومش عايز اشرح علشان مش عايز أروح لفكرة الأهلي لكن تاني .. حسام حسن خلانا نشوف كأس العالم سهله

يعني ايه؟ يعني حسام نقلك لفكرة هو ليه منقدرش ننافس على كأس العالم؟ وتقلها بقلب جامد

بعد ما كان طموحك توصل لكأس العالم وتتأهل كده حنكشه وبعدين تخرج من الدور اللي بعده وهننبسط

حسام وجهازه نقلك طب بقلك ايه تعالى نغلب الأرجنتين بطلة العالم .. وبعدها هتقابل كولومبيا ولا سويسرا أقل صعوبه من الأرجنتين فتكون في السيمي فاينال وربنا يكرمنا فيه احنا اصلا عدينا الصعب فتوصل للنهائي او اقل تقدير تالت ورابع

حسام حسن نقلك لليفيل ده وتصدقه .. أكيد مش هشغل دماغي بناس دماغهم برأس بخاخه مقهورين من نتايجنا وشمتانين ومن جواهم هيموتوا من البطولة دول كده كده بها.ي.م

لكن انك تتنقل للمرحلة دي ويخليلك كأس العالم سهله .. تتقدم على بلجيكا وهي اللي تتعادل معاك وتضيع كذه فرصه بعدها ونيوزلندا تتقدم فتضربها بالتلاته وايران تتقدم عليها بعد اقل من ١٠ د وتضيع كذه فرصه محققه

وتروح لاستراليا وتهلفتها لدرجة ميكنش لها فرص اصلا محققه على جونك وتضيع فرص كتير جدا وتتأهل

وتقابل بطل العالم وتتقدم ٢/٠ وباقي ١٠د فقط لو ضاع منهم ٥ بس كنت هتكسب .. وبغض النظر عن السيناريو التحكيمي بس قهرتهم ومرمطت بوش بطل العالم بأفضل لاعب في العالم الأرض

خليت انفانتينو وأعضاء الفيفا عالخط بره حالتهم النفسية والعصبية منهاره

خليت الحكم الظالم والفار الأعمى ينضموا للأرجنتين على حسابك لأنهم عارفين لو راحوا لقوانين الكورة هتكسب

انت متخيل علشان يكسبوك كل ده حصل ..

فحسام فعلا خلى فكرة هو احنا ليه "مننافسش" على كأس العالم؟ ده سهله طول ما معاك رجاله فعلا ١١ ضد ١١ ومعظمهم محليين

شكرا لحسام حسن وجهازه .. انتم أبطال كأس العالم من وجهة نظرنا عالأقل اديتوا أمل للأجيال الجايه انه عندنا حاجه نبني عليها

ربنا يوفقكم في اللي جاي

 

[بأحث في التاريخ]

خروج النهارده ده تقريباً نفس مشهد حزن عدم تأهل مصر للمونديال من الأساس في 2022 او اكتر .. لكن عارف مدربك وقتها قال ايه؟ ، كيروش قال انا عندي لاعيبة معندهاش اساسيات الكورة.!!

الناس وقتها كانت مقتنعة بـ ده و تقريباً محدش هاجم كيروش و كانوا فرحانين بـ كرته الدفاعية لأن ده الأمل الوحيد ان منتخبنا يعمل حاجة .. و ده لحد ما جه راجل بيثق فيهم ، راجل قال انا معايا احسن لاعيبة في العالم في نظري ، راجل لغى اساليبه القديمة و بدأ يطرح تكتيكات جديدة.!!

من اول ماتش كرواتيا قبل سنتين و هو بيطبّق اساليب جديدة ، دخل المونديال ده بـ قرارات جريئة و اختيارات تدل على إن ده شخص تابع ماتشات الدوري المصري .. بعد ما كنا بنحتفل بـ هدف روسيا و احنا خسرانين 3/0 علشان بس نحل عقدة مجدي عبدالغني.!!

بلجيكا اللي كسبت امريكا 4 دي هو عملك عليها ماتش ، كسب اول ماتش بتاريخ مصر المونديالي ، تأهل على استراليا في الاقصائيات ، النهارده احرج بطل العالم 80 دقيقة كاملة و وقفوا مش عارفين يعملوا ايه من التنظيم ده و لولا البدني! .. شكراً حسام حسن على احسن مونديال في تاريخ مصر..

 

[abdo 22]

والله المنتخب شيل منه صلاح ومرموش وكملوا بالمحليين هتلاقي التيم فيه الروح

مشكلة الناس ان شايفه ان صلاح ومرموش هم المنقذين لمصر ، والله ع مدار تاريخنا بنفشخ إفريقيا باللعيبه المحلية

صلاح طوال البطولة لم يظهر الا في لحظات قليله لكن شوف مثلا امام عاشور ولا شوبير ابناء البطولة المصرية كيف كانوا يلعبون

اللاعبين المحليين لياقتهم واقعة.
لازم نضبط الحتة دى.

 

[بسيط نجم.]

خروج النهارده ده تقريباً نفس مشهد حزن عدم تأهل مصر للمونديال من الأساس في 2022 او اكتر .. لكن عارف مدربك وقتها قال ايه؟ ، كيروش قال انا عندي لاعيبة معندهاش اساسيات الكورة

والناس لسه بتطبل له لحد دلوقتي
عقدة الرجل الابيض