متابعة مستمرة كأس العالم لكرة القدم 2026

[بأحث في التاريخ]

@Marwan2001 @Logan Roy @batteryneon

 

[بأحث في التاريخ]

كابتن طارق ذياب:
بالنسبة لي، حسام حسن أصبح من أفضل المدربين في كأس العالم. إذا قيمنا الأداء الفني، فأراه أفضل من العديد من المدربين في البطولة. منذ المباراة الأولى، كانت تدخلاته ناجحة، ويجيد قراءة المباريات، والتعامل مع المنافس، واختيار الخطة المناسبة لكل مواجهة.

أن تُبقي عمر مرموش على مقاعد البدلاء وتدفع بحسن في أول مباراة له بهذا المستوى، فهذا يُحسب للمدرب. كما أن مصطفى زيكو يُعد اكتشافًا كبيرًا، ويتطور من مباراة إلى أخرى.

أن تلعب بفريق يعتمد بشكل كبير على لاعبي الدوري المصري ومدرب وطني، وتفرض سيطرتك على الأرجنتين لمدة 80 دقيقة، فهذا أمر يدعو للفخر. أداء المنتخب المصري في هذه المباراة يُدرّس.

صحيح أن الهزيمة كانت قاسية لأن مصر كانت الأفضل لفترات طويلة، لكن هذه هي كرة القدم، والهدف الأول للأرجنتين أربك الفريق، ولا يمكن تجاهل تأثير ميسي في الدقائق الأخيرة.

ما قدمه منتخب مصر سيبقى مباراة تاريخية. الوصول إلى دور الـ16، وكان قريبا من بلوغ ربع النهائي، بلاعبين محليين، يُظهر قوة الكرة المصرية. ولا أعتقد أن هناك منتخبًا عربيًا يستطيع تحقيق ذلك بالاعتماد على لاعبي الدوري المحلي.

منتخب مصر خرج مرفوع الرأس، والأهم الآن هو البناء على هذه التجربة، وتطوير الدوري، لأن مصر تمتلك لاعبين مميزين، وأتوقع احتراف 5 أو 6 لاعبين في أوروبا بعد هذه البطولة.

كل الشكر لمنتخب مصر، ولحسام حسن، وإبراهيم حسن

 

[Marwan2001]

@Marwan2001 @Logan Roy @batteryneon

حسام حسن اكتر واحد انا زعلان له لاني بطالب بوجوده من قبل مايمسك الاردن

المدرب الوطني خصوصًا لو كان مهاجم فترة لعبه + وشخصيته قوية = المدرب المثالي لمصر

اعتقد حسام حسن هيجهز فريق قوي جدا من الجيل الجديد زي محمود صابر واقطاي وشوبير وهيثم والعاق مرموش وغيرهم كتير هيكونوا بذرة المنتخب اللي هيعود لافريقيا بأمجاده مرة تانية

 

[بأحث في التاريخ]

حسام حسن خلانا نشوف كأس العالم سهله .. ممكن مش هيفهم الكلام ده غير حد مر بالتجربة دي زي مشجعين الأهلي مع موسيماني في بطولة افريقيا وحتى كأس العالم للأندية

ومش عايز اشرح علشان مش عايز أروح لفكرة الأهلي لكن تاني .. حسام حسن خلانا نشوف كأس العالم سهله

يعني ايه؟ يعني حسام نقلك لفكرة هو ليه منقدرش ننافس على كأس العالم؟ وتقلها بقلب جامد

بعد ما كان طموحك توصل لكأس العالم وتتأهل كده حنكشه وبعدين تخرج من الدور اللي بعده وهننبسط

حسام وجهازه نقلك طب بقلك ايه تعالى نغلب الأرجنتين بطلة العالم .. وبعدها هتقابل كولومبيا ولا سويسرا أقل صعوبه من الأرجنتين فتكون في السيمي فاينال وربنا يكرمنا فيه احنا اصلا عدينا الصعب فتوصل للنهائي او اقل تقدير تالت ورابع

حسام حسن نقلك لليفيل ده وتصدقه .. أكيد مش هشغل دماغي بناس دماغهم برأس بخاخه مقهورين من نتايجنا وشمتانين ومن جواهم هيموتوا من البطولة دول كده كده بها.ي.م

لكن انك تتنقل للمرحلة دي ويخليلك كأس العالم سهله .. تتقدم على بلجيكا وهي اللي تتعادل معاك وتضيع كذه فرصه بعدها ونيوزلندا تتقدم فتضربها بالتلاته وايران تتقدم عليها بعد اقل من ١٠ د وتضيع كذه فرصه محققه

وتروح لاستراليا وتهلفتها لدرجة ميكنش لها فرص اصلا محققه على جونك وتضيع فرص كتير جدا وتتأهل

وتقابل بطل العالم وتتقدم ٢/٠ وباقي ١٠د فقط لو ضاع منهم ٥ بس كنت هتكسب .. وبغض النظر عن السيناريو التحكيمي بس قهرتهم ومرمطت بوش بطل العالم بأفضل لاعب في العالم الأرض

خليت انفانتينو وأعضاء الفيفا عالخط بره حالتهم النفسية والعصبية منهاره

خليت الحكم الظالم والفار الأعمى ينضموا للأرجنتين على حسابك لأنهم عارفين لو راحوا لقوانين الكورة هتكسب

انت متخيل علشان يكسبوك كل ده حصل ..

فحسام فعلا خلى فكرة هو احنا ليه "مننافسش" على كأس العالم؟ ده سهله طول ما معاك رجاله فعلا ١١ ضد ١١ ومعظمهم محليين

شكرا لحسام حسن وجهازه .. انتم أبطال كأس العالم من وجهة نظرنا عالأقل اديتوا أمل للأجيال الجايه انه عندنا حاجه نبني عليها

ربنا يوفقكم في اللي جاي

 

[بأحث في التاريخ]

خروج النهارده ده تقريباً نفس مشهد حزن عدم تأهل مصر للمونديال من الأساس في 2022 او اكتر .. لكن عارف مدربك وقتها قال ايه؟ ، كيروش قال انا عندي لاعيبة معندهاش اساسيات الكورة.!!

الناس وقتها كانت مقتنعة بـ ده و تقريباً محدش هاجم كيروش و كانوا فرحانين بـ كرته الدفاعية لأن ده الأمل الوحيد ان منتخبنا يعمل حاجة .. و ده لحد ما جه راجل بيثق فيهم ، راجل قال انا معايا احسن لاعيبة في العالم في نظري ، راجل لغى اساليبه القديمة و بدأ يطرح تكتيكات جديدة.!!

من اول ماتش كرواتيا قبل سنتين و هو بيطبّق اساليب جديدة ، دخل المونديال ده بـ قرارات جريئة و اختيارات تدل على إن ده شخص تابع ماتشات الدوري المصري .. بعد ما كنا بنحتفل بـ هدف روسيا و احنا خسرانين 3/0 علشان بس نحل عقدة مجدي عبدالغني.!!

بلجيكا اللي كسبت امريكا 4 دي هو عملك عليها ماتش ، كسب اول ماتش بتاريخ مصر المونديالي ، تأهل على استراليا في الاقصائيات ، النهارده احرج بطل العالم 80 دقيقة كاملة و وقفوا مش عارفين يعملوا ايه من التنظيم ده و لولا البدني! .. شكراً حسام حسن على احسن مونديال في تاريخ مصر..

 

[abdo 22]

والله المنتخب شيل منه صلاح ومرموش وكملوا بالمحليين هتلاقي التيم فيه الروح

مشكلة الناس ان شايفه ان صلاح ومرموش هم المنقذين لمصر ، والله ع مدار تاريخنا بنفشخ إفريقيا باللعيبه المحلية

صلاح طوال البطولة لم يظهر الا في لحظات قليله لكن شوف مثلا امام عاشور ولا شوبير ابناء البطولة المصرية كيف كانوا يلعبون

اللاعبين المحليين لياقتهم واقعة.
لازم نضبط الحتة دى.

 

[بسيط نجم.]

خروج النهارده ده تقريباً نفس مشهد حزن عدم تأهل مصر للمونديال من الأساس في 2022 او اكتر .. لكن عارف مدربك وقتها قال ايه؟ ، كيروش قال انا عندي لاعيبة معندهاش اساسيات الكورة

والناس لسه بتطبل له لحد دلوقتي
عقدة الرجل الابيض

 

[بأحث في التاريخ]

اللاعبين المحليين لياقتهم واقعة.
لازم نضبط الحتة دى.

ده المفروض يتظبط من و هم ناشئين حاليا صعب

يعني شوف جسم حمزه عبدالكريم و هو في الاهلي و قارنه لما راح برشلونه

 

[viber 90]

حكم مباراة مصر فرنسي و يقال حكم مباراة المغرب ارجنتيني هل هي مصادفة يقول احدهم سبحان الله

 

[EL-3kaad]

فيه كلمتين كده محشورين جوايا لازم اقولهم .. خلاص انتهت رحله كأس العالم و خرجنا مرفوعين الرأس و بشرف أكثر المتفائلين مستحيل كان يتوقع مصر توصل للمرحله دي اصلا و ينافس بطل العالم و يخسر منه بفضيحه تحكيميه !

بس لازم نبدأ من مكان ما انتهينا المغرب في كأس العالم 2018 خرجت من دور المجموعات بعد ما خسرت من إيران والبرتغال و اتعادلت مع أسبانيا
وقتها حصل ثوره رياضيه و تم البحث عن المواهب المغربيه في جميع دول العالم و تجنيسهم بعد اقناعهم بالمشروع الرياضي .

ايه اللي حصل بعد كده؟

المغرب اول حاجه عملتها قامت بتكوين منتخب للمحلين و لعبت بيه بطوله امم أفريقيا للمحليين 2020 و كسبتها بعدها بدأت تجنس اي لاعيبه مغربيه زي هيثم حسن كده و رجعت كأس العالم 2022 تشكيله تضم لاعبين من المنتخب المحلي اللي فاز ببطوله أفريقيا مع اللاعبين المتجنسه و عملت منتخب مرعب قدر يبهر العالم و يحقق مركز رابع في كأس العالم و يفوز على منتخبات تقيله و بعدها موقفش عند كده كملت و جابت لاعبين زي ابراهيم دياز اللي أسبانيا كانت خلاص قربت تضمه ليها بس هو اختار المغرب و السبب في كده ان العالم كله شاف المغرب عملت ايه في كأس العالم و انبهر بيها و كمان المشروع الرياضي في المغرب و وجود خطه شجع لاعبين كتير تنضم للمغرب ..
انا ليه بقول كل الكلام ده لان احنا لازم نبدأ ندور على لاعيبتنا المصريين عاوزين الف واحد زي هيثم حسن و اظن احنا شوفنا الواد عامل ازاي في الملعب انهارده كان مبهدل لاعيبه الأرجنتين و اكلهم النجيله حرفيا

لازم نبدأ نطلع كشافين عن المواهب المصريه لازم نرجع منتخب المحليين و نلعب بيه بطولات و لازم المدرب اللي يمسكه يكون مصري و ياريت يكون مدرب وادي دجله لانه مدرب شاب ممتاز و عنده كوره .

اتمني الناس كلها تبدأ تنادي بالكلام ده عاوزين نشوف مصر في 2030 بتحقق مركز و ميداليه و ليه لا يمكن ربنا يكرم و ننافس علي البطوله كمان المغرب كانت بتحلم بكده و احنا من حقنا نحلم كمان

الدوري المصري اثبت انه دوري قوي و فيه جوده لاعبين ممتازه زي زيكو و مصطفي شوبير بالأخص ارجوكم بعد البطوله اي لاعب يجيله عرض سيبوه يحترف و ياخد خبرات اللعب في دوريات أوروبا .

مصطفى شوبير بعد البطوله دي لازم يحترف لازم نشوفه زي كورتوا و اليسون لانه مش اقل منهم .

شكرا حسام حسن انت اثبت انك مدرب كبير كنت كل استديو تحليلي تقول نفسي امسك المنتخب و هطلع احسن حاجه عند اللاعبين و فعلا انت طلعت احسن نسخه منهم احنا شوفناها في حياتنا و بذات محمد هاني و زيكو

ان شاء الله تكمل المسيره و تاخد بطوله أفريقيا ٣ مرات زي حسن شحاته لانك تستاهلها

متفق معاك في اللي قولته، بس عندي كام ملحوظة
أولًا، المصريين اللي بره آخر اهتماماتهم كرة القدم، بعكس المغاربة
ثانيًا، اللاعب المصري المحلي عنده موهبة تكفي وتوفي، لكن محتاج بطولة عليها عين، ونقل تلفزيوني كويس، واهتمام حقيقي من الدولة والإعلام.
فاكر لاعب كان نسخة من رونالدينيو في المهارات، ولعب في الدوري الممتاز لكن لأنه ملقاش وكيل أعمال يعرف يسوقه وينجمه اضطر يسيب الكورة كلها ويروح يشتغل في مصنع أسمنت.
عندنا المواهب موجودة لكن اللي ناقص هو منظومة اكتشاف وتسويق ورعاية

 

[reavlaw]

 

[abdo 22]

ده المفروض يتظبط من و هم ناشئين حاليا صعب

يعني شوف جسم حمزه عبدالكريم و هو في الاهلي و قارنه لما راح برشلونه

ممكن برضه يتحسن بس مش هيكون كتير.
الجيل الجديد لازم ينضبط بدنيا ، شغل شلل الأطفال ده مش هينفع نروح بيه لبعيد.

 

[الوشمي]

قلت لك الانحياز موجود حتى في مباريات اخرى هذا ليس حصرا عليك
لاكن ليس هناك ضربة جزاء والهدف الغي لوجود خطأ
تقبلو انكم اقصيتم بسبب مدربكم ولاعبيكم
صعبة بالنظر الى انكم ضيعتم التأهل بسذاجة لاكن هذا هو الواقع ​

كلامك متناقض. تعترف بان هناك تحيز . ولكن لم يؤثر. على اي اساس حكمت انه لم يؤثر؟
حلوه ذي. المفروض ان ما يكون هناك تحيز و لا عنصرية في بطولة دولية كهذه.
عندما ادخل مباراة و اعرف ان ميسي مقدس و اي احتكاك فيه يعني طرد. بينما لاعبي يصفع و لا يحصل خصمة على كرت. هل ساستطيع ان العب لعب رجولي ضد ميسي؟ الاحتكاك ادى الى خروج لاعببن رئيسين لمصر. تخيل ان احد لاعبي مصر احتك بميسي و اخرجه من المباراة مثلا. هل تستطيع الارجنتين الانتصار؟؟
التحيز واضح و مستفز حقيقة. انظر الى البطاقة الصفراء الممنوحة للاعب المصري و قارنها بجميع اللعب الخشن الارجنتيني و الذي لم يحصل اي لاعب منهم على كارت اصفر رغم ان كثير منها اشد خشونة.
ربما لو كان هذا الظلم التحكيمي ضد المغرب لما قلت ما قلته.

 

[جلاد المجوس]

اللاعبين المحليين لياقتهم واقعة.
لازم نضبط الحتة دى.

مع ذالك اشوف ان المدرب حسام غلط غلطه كبيرة ووقع في فخ الطمع كان المفروض بعد الهدف الثاني يغير كل باقي تغيراته الا واحد ويسحب كل اللاعبين اللي طاحت لياقتهم وواضح انهم كانو كثيرين ويلعب على تقفيل كامل لمناطقة يعني باقي ربع ساعه اقاتل فيها بدفاع كامل ان شاء الله ما اهجم ولا هجمه كانت كلها ربع ساعه وتخلص وماهو عيب تراك تلعب قدام بطل العالم لكن قدر الله والحمدلله

 

[بأحث في التاريخ]

المنتخب دا لازم يتكرم ....و حسام أثبت نفسه خير إثبات ....و فعلاً لازم البطولة دي يتبني عليها ....إنت وصلنا لللي وصلنا له دا بمفيش إمكانيات مش إمكانيات قليلة ....عشان كدا والله العظيم والله العظيم أنا مقدر غضب الناس من الحكم، و أنا كمان ....بس مش لازم يبقي فيه غلوشت عن الحلو اللي حصل و الاخطاء الطبيعية اللي حصلت ...احنا سنة أولى كاس عالم....بما فيها تحيز الحكم و الضغط الجماهيري و الاعصاب و ازاي تدير ماتشات من النوع ده .....عايز أقول معلبة إعادة الهيكلة ....بس مش حقول....مصر مش محتاجة ثورة كروية ....مصر محتاجة ترجع بس للأساسيات ....اندية جماهيرية و شوية إستثمار بسيط في اكاديميات الناشئين في الاماكن دي و ازاي تلقط اللعيبة من بدري ....مصر في ٦ سنين بس طلعت ناس من الهواء

إمام عاشور و مهند و عبد المنعم و هيثم حسن و حمدي فتحي و زيكو ....ياسر إبراهيم و ربيعة كبير في السن اعدنا إكتشافه و لاعب أنا شخصيا بموت فيه ....و فتوح و مرموش ....كل دول مكانش فيه أثر لهم من ٦ سنين بس يا جماعة .....مصر فيها مخزون مواهب غير طبيعي ....خسارة من الارجنتين بالإسلوب دا برغم قسوتها و برغم كل اللي حصل هي معجزة في ظل المعطيات دي ....مش عايز الكلام عن الحكم يخلينا ما نشوفش اللي بادينا نغيره ....أنا باتكلم عن إسلوب تفكير أكبر في الحياة و له علاقة بمصر في كل المجالات ....خليك في اللي تقدر تغيره ....و اللي نقدر نغيره في البلد كثير بأيدينا برغم أي مؤامرات أو مؤثرات خارجية

أتمني أتمني بهدوء تكون نقطتي و وضحت ....و نفسي أطلع في فيديو طويل أتكلم عن كل النقط دي عشان حاسس البوستات مش بتتفهم مظبوط خالص في ظل الهيستيريا بتاعة امبارح

 

[بأحث في التاريخ]

يا جماعة ...أنا أسف معلش ....أنا شايف كلام كثير إن الماتش متزبط ....و الصهيونية العالمية .....كفاية تكاسل و تخاذل و استسهال .....مصر لعبت ماتش عظيم ....لعبت ضد بطل العالم و أحسن لاعب في العالم اللي ما سابش حد و أهانه ....و إنت هينته و خرجت لعيبة الارجنتين معيطة بعد الماتش ....احترموا عقول الناس ....مصر خسرت على أرض الملعب في أخر ربع ساعة عشان سرحنا و دي عادة مصرية و تمام ....درس لازم نتعلمه ....قرارات الحكام في كل البطولات بيحصل فيها الكلام ده ....ما تقنعوش الناس بالتخاذل دا ....اللعيبة دي ابطال ....و وقفت الارجنتين ٧٥ دقيقة .....و ارفعوا راسكم مصر في دور ال-١٦ لأول مرة ....و كان قاب قوسين انها تعدي ....فكر في احساسك قبل البطولة ....و شوف إنت زعلان قد إيه دلوقتي انك ما كسبتش الارجنتين

ياريت البطولة دي تكون درس لينا اننا عندنا كرة برغم كل الفساد و الفشل في الدوري المصري ....دي امكانياتك بلعيبة كسر و دوري كسر و بتناطح الارجنتين

ما بالك لو عندنا كرة بجد و عدد محترفين كبير

و الكرة للجماهير و مبروك لينا البطولة العظيمة دي

 

[بسيط نجم.]

المنتخب دا لازم يتكرم ....و حسام أثبت نفسه خير إثبات ....و فعلاً لازم البطولة دي يتبني عليها ....إنت وصلنا لللي وصلنا له دا بمفيش إمكانيات مش إمكانيات قليلة ....عشان كدا والله العظيم والله العظيم أنا مقدر غضب الناس من الحكم، و أنا كمان ....بس مش لازم يبقي فيه غلوشت عن الحلو اللي حصل و الاخطاء الطبيعية اللي حصلت ...احنا سنة أولى كاس عالم....بما فيها تحيز الحكم و الضغط الجماهيري و الاعصاب و ازاي تدير ماتشات من النوع ده .....عايز أقول معلبة إعادة الهيكلة ....بس مش حقول....مصر مش محتاجة ثورة كروية ....مصر محتاجة ترجع بس للأساسيات ....اندية جماهيرية و شوية إستثمار بسيط في اكاديميات الناشئين في الاماكن دي و ازاي تلقط اللعيبة من بدري ....مصر في ٦ سنين بس طلعت ناس من الهواء

إمام عاشور و مهند و عبد المنعم و هيثم حسن و حمدي فتحي و زيكو ....ياسر إبراهيم و ربيعة كبير في السن اعدنا إكتشافه و لاعب أنا شخصيا بموت فيه ....و فتوح و مرموش ....كل دول مكانش فيه أثر لهم من ٦ سنين بس يا جماعة .....مصر فيها مخزون مواهب غير طبيعي ....خسارة من الارجنتين بالإسلوب دا برغم قسوتها و برغم كل اللي حصل هي معجزة في ظل المعطيات دي ....مش عايز الكلام عن الحكم يخلينا ما نشوفش اللي بادينا نغيره ....أنا باتكلم عن إسلوب تفكير أكبر في الحياة و له علاقة بمصر في كل المجالات ....خليك في اللي تقدر تغيره ....و اللي نقدر نغيره في البلد كثير بأيدينا برغم أي مؤامرات أو مؤثرات خارجية

أتمني أتمني بهدوء تكون نقطتي و وضحت ....و نفسي أطلع في فيديو طويل أتكلم عن كل النقط دي عشان حاسس البوستات مش بتتفهم مظبوط خالص في ظل الهيستيريا بتاعة امبارح

تكريم حسام يجب ان يكون عبر إرجاعه للأهلي رغم أنف الخطيب

تعاقد مع امام عاشور اللي شتم الاهلي وجمهوره وصالح سليم
تعامل مع النادي المصري

لكن ييجي على حسام حسن ويرفض
انسان غريب

 

[Marwan2001]

اللاعبين المحليين لياقتهم واقعة.
لازم نضبط الحتة دى.

مش موضوع لياقه واقعه ، اللي يشوف ماتش استراليا يقولك لعيبه مصر زيرو طاقه خصوصًا في نهايه ال ٩٠ دقيقه لكن بعد ال ٩٠ المنتخب رجع تاني ولياقته كانت ممتازة

ابن البطولة المحليه عنده غيرة ع التيشرت لذلك تلاقيه بيفرك يمين وشمال عكس صلاح اللي بيتمشي في الملعب ولا مرموش اللي بيدور ع مجد شخصي عشان يبني عليه مستقبله

العيب المصري الوحيد هو العقلية الانهزاميه امام المنتخبات الكبيرة ، لذلك بتلاقيه عمال يدافع وخلاص بدون هدف ومصر تاريخيا معروف انها مابتعرفش تركن باص لذلك انت عاوز حد يبرز العوامل النفسية الجيدة ويخلصهم من النفسيه السلبيه وحسام حسن ابرز حد يعملها

انت لو لاحظت مدافعين مصر كانوا نايمين في منطقه السته ياردة وخط النص ع اول منطقه الجزاء فيبان ان المنتخب متراجع لكن لو المدافعين بيدافعوا منطقه من برا وخط الني بيضغط ع الاجنحه مكناش هنحس بخطورة الارجنتين ، وده شيئ سلبي لانهم مش مصدقين انهم هيخرجوا بطل العالم

وغير كده اللي يخف الضغط عن الدفاع هو الهجوم ، وماشاء الله صلاح فين وفين لما يضغط جايز بحكم السن

انا مش متخيل ان الاهلي جنس وسام ابو علي جنسبه فلسطينيه عشان يضمه ، مهاجم زي ده جنسه مصري والله لو موجود مع المنتخب واحد زب وسام ابو علي كنت هتشوفنا بعيد

 

[بأحث في التاريخ]

تكريم حسام يجب ان يكون عبر إرجاعه للأهلي رغم أنف الخطيب

تعاقد مع امام عاشور اللي شتم الاهلي وجمهوره وصالح سليم
تعامل مع النادي المصري

لكن ييجي على حسام حسن ويرفض
انسان غريب

حسام الأفضل يبقى في المنتخب و يفضل مده حلوه و يأخد صلاحيات عاليه كمان

 

[Marwan2001]

تكريم حسام يجب ان يكون عبر إرجاعه للأهلي رغم أنف الخطيب

تعاقد مع امام عاشور اللي شتم الاهلي وجمهوره وصالح سليم
تعامل مع النادي المصري

لكن ييجي على حسام حسن ويرفض
انسان غريب

استحالة ، انت شكلك صغير في السن ومحضرتش الواقعه

إبراهيم حسن ده وهو لاعب سب جمهور الاهلي كله في المدرج وسب ثابت البطل الله يرحمه ، وكان كل ماتش يخلص يطلع يسب الجمهور حتي وهو ف الزمالك ،

مختلفناش انه اهلاوي لكن سلوكه دمره في اخر ايامه