- إنضم
- 16 أكتوبر 2011
- المشاركات
- 13,178
- التفاعل
- الدولة
اعتقد الجميع تحدث عن سيادة القرار فهو في النهاية حق للامارات. بس سالفه الإمارات تقول عندي وين اللي عندك؟ انت متضرر من هرمز وناقصه امداداتك للسوق يعني لا يمكن انك تلبي شي حاليا. و عندما كنت في اوبك كان الفارق مليون برميل عن قدرتك الانتاجية. احسب قدرتك الحاليه في ضل الوضع الحالي في الخليج لا يمكن لك ان تصدر حتى لو عندك استطاعه. عندما يكون هناك ضمان لحرية الملاحه ايضا قدرتك الانتاجية غير مؤثرة على الاسعار او على الطلب العالمي. اوبك+ هي لضمان استقرار الاسعار للمصدرين واذا ما اعجبتك سياسيتهم ليه قاعد فيها خمسين سنه!! اطلع من اول حقك ولا احد يقدر يقولك لا. السالفه كلها انه قرار متسرع قصير المدى ولا يخدم الإمارات نهائيا فعندما تنخفض اسعار النفط مع من تتفاوض لضمان ارتفاعها مجددا؟ مع نفسك؟ وعندما ترتفع الاسعار بشكل جنوني وبدأت الدول الكبيرة مثل روسيا والسعودية بالبيع باسعار مخفضه عن سعر السوق واصبحت انت بدون حصه خالي الوفاض. هذا اذا بنتكلم بشكل منطقي وموضوعي بعيدا عن التراشقات الغير مفيدة.يا جماعة، بتندمون و مؤامرة كونية خلوها على صوب شوي
الإمارات ما خذت القرار لأنها زعلانة من حد، ولا لأنها داخلة مسلسل مؤامرات ولا هي طالعة من قروب واتساب الإمارات شافت أرقامها، طاقتها، استثماراتها، ومصلحتها، وقالت: ليش أظل مربوط وأنا قادر أتحرك ترى التوقيت هذا بالذات هو الذكاء كله
طلعنا وقت العالم محتاج براميل، والسوق حساس، والإمدادات عليها ضغط، وأسعار النفط مرتفعة يعني بالعربي:
تطلع يوم قيمتك عالية، مب يوم محد يسأل عنك
لا يالطيب، هذا يسمونه توقيت تفاوضي ممتاز يوم السوق متوتر والكل يبا مورد موثوق، الإمارات تقول: أنا موجودة، عندي قدرة، عندي بنية تحتية، وعندي سياسة مستقلة هذا مب تآمر، هذا إدارة سوق
خلنا نكون واضحين:
نحن ما طلعنا من اوبك، نحن طلعنا من القيد فرق كبير يا طويل العمر
الإمارات استثمرت مليارات في أدنوك، والبنية التحتية، ورفع القدرة الإنتاجية أدنوك نفسها تستهدف رفع الطاقة الإنتاجية إلى 5 ملايين برميل يوميا بحلول 2027 فكيف تباني أبني ماكينة قوية وبعدين أخليها واقفة عشان كوتا؟ هذا مب اقتصاد، هذا موقف سيارات
وحد ييلي بكلمة بتندمون : الندم للي عنده قدرة وما يستخدمها، مب للي يعرف يبيع وقته وبرميله صح
والأذكى بعد؟ القرار ما يعني إن الإمارات بتفتح الصنبور من أول يوم وتغرق السوق القرار يعطيها حرية الحرية غير الفوضى
الإمارات تقدر تزيد تدريجي، تقدر تثبت عقود، تقدر تفاوض آسيا وأوروبا والهند والصين مباشرة، وتقدر تستخدم إنتاجها حسب مصلحتها، مب حسب اجتماع طويل ينتهي ببيان دبلوماسي
يعني واحد يقولي: ليش طلعتم؟
اقولك: لأنك يوم تبني ماكينة تنتج أكثر، ما تخلي مفتاحها عند غيرك
وبالنسبة لفكرة بتندمون:
نندم على شو بالضبط؟
على إن القرار صار وطني أكثر؟
على إننا نقدر نبيع حسب السوق؟
على إننا نستفيد من استثماراتنا؟
على إننا نتحرك أسرع من البيروقراطية؟
على إننا ما نخلي مستقبل الطاقة عندنا مربوط بكوتا ما تعكس قدرتنا الحقيقية
والامارات مب طالعة تكسر السوق، طالعة عشان تدير حصتها بعقل
والحلو في التوقيت إن أثره القريب على السوق ممكن يكون محدود، لأن في ظروف إمدادات وضغط شحن وإنتاج موجودة اساسا، فالإمارات مش قاعدة تسوي صدمة فجائية للسوق؛ قاعدة تحجز لنفسها حرية أكبر للمستقبل HSBC قال إن الأثر القريب على أوبك+ محدود، لكن على المدى الأطول يعطي الإمارات مجال ترفع إنتاجها بعد ما ترجع ظروف الشحن والإمداد لطبيعتها
مب كل قرار ما يعجبك يصير مؤامرة
احيانا الموضوع أبسط:
دولة عرفت قيمتها، عرفت توقيتها، وعرفت إن مصلحتها فوق المجاملة
نسأل الله ان يرزق عبادة بمنه وفضله وكرمه عن من سواه.
