معرض إيديكس 2025 مصر

[Marwan2001]

 

[batteryneon]

ممكن درون لانشر؟

مفيش الية تعديل زاوية اطلاق .. الحاويان ملحومة في البدن افقيا
ليه تطلق دروت عمودي على مستوى منخفض من سطح الارض حيقع قبل ما يطير

 

[rorschach]

loader حامل لصواريخ ؟
اصل صعب تبقى منصة اطلاق بوضع افقي كدا بدون امكانية تعديل زاوية اطلاق

هاون ،، نسخة الهاون من العربة المدرعة ،، اللي ظاهر في الصورة خزان ذخائر الهاون.

 

[batteryneon]

لو بصينا لاي حاجه قبل ماتتعرض كمثال مثلا درونات انتحاريه بمدي ١٥٠٠ و ٢٠٠٠ و ٢٨٠٠ كم وقلتلك من كذا شهر ان عندنا الكلام ده هتقولي تتمني بس صعب جدا

ببساطه كل حاجه موجودة في انتظار اعلانها فقط يعني ببساطه لو تم الاعلان اذا هي موجودة والعكس صحيح

تقنيات الصواريخ حساسه جدا والاعلان عنها بيفتح باب مشاكل ، بس سؤال تقني هل تعتقد ان صناعه الصواريخ اكثر تعقيدا من صناعه المسيرات الانتحاريه ؟

حاجه تانيه اللي تخليك تطمن ، حماس في ٢٠٢١ اطلقت علي الصهاينه صاروخ اعتقد اسمه عياش او حاجه زي كده وصل لمدي ٣٠٠ كم تقريبا

تفتكر المعدات والورش اللي موجودة عند حماس تضاهي ٥% من اللي موجود في مصر ؟

والسؤال الاهم اللي يخليك تطمن انه ازاي مصر بالعقود الملياريه دي لم تتعاقد علي اي راجمات صواريخ ، هل القوات المسلحه عندها اقتناع ان الصواريخ ملهاش لزمه مثلا ؟

متنساش ان عقيدتنا شرقيه يعني تميل للصواريخ اكثر من المقاتلات الجوية

ما الشكلة في التبعات دي وجهة نظري اكيد عارفين بس الريسك
هل عدم الاعلام بيجنب الخطورة .. كان ممكن اتفق قبل 7 اكتوبر لكن دلوقتي نتنياهو ممسمر راسه على صورايخ ايران تحديدا و اليمن يمكن اكتر من النووي حزب الله ربنا يرحمه

فكرة انك تعمل صاروخ مش ازمة .. تيوب و عبي راسه شحنه و الباقي معادلة مدى مقابل حمولة
المشكلة التقنية اللي تفرقك عن حماس او الصواريخ الغبية .. قنوات توجيه الصاروخ لتقليل ال cep و مناورته على سرعات عالية لتفادي الدفاع الجوي او counter measures (دي حوار و مش سهلة) خصوصا ان ممكن تخرج عن الغلاف الجوي و تنزل تاني فا ممكن تحتاج كومبيوتر على الصاروخ للتحكم في الطيران يعني رقائق و سوفتوير و حتتواصل معاه ازاي للتوجيه هل فيه قمر صناعي و لو مفيش + الوقود و انواع و خلطات فواحده واحده حتلاقيها اغلى من الدرونز و اصعب طبعا صاروح ايران ال 1200 كلم مش فاكر اسمه عامل 5 مليون دولار تكلفه .. الدرونز اسطامبات اونلاين اطبع و طير المعضلة بطارية / وقود في فورم فاكتور صغير

 

[batteryneon]

هاون ،، نسخة الهاون من العربة المدرعة ،، اللي ظاهر في الصورة خزان ذخائر الهاون.

نفس المشكلة مكنش باين من الصورة ان الحاوية يمكن ان تعدل زاويتها

 

[rorschach]

نفس المشكلة مكنش باين من الصورة ان الحاوية يمكن ان تعدل زاويتها

عربة الهاون بيكون لها ماسورة متحركة و غالبا قابلة للطي كأنها ماسورة حديدة داخل العربة و هذا قد يكون كافيا لخداع مصور غير متخصص.

 

[Marwan2001]

ما الشكلة في التبعات دي وجهة نظري اكيد عارفين بس الريسك
هل عدم الاعلام بيجنب الخطورة .. كان ممكن اتفق قبل 7 اكتوبر لكن دلوقتي نتنياهو ممسمر راسه على صورايخ ايران تحديدا و اليمن يمكن اكتر من النووي حزب الله ربنا يرحمه

فكرة انك تعمل صاروخ مش ازمة .. تيوب و عبي راسه شحنه و الباقي معادلة مدى مقابل حمولة
المشكلة التقنية اللي تفرقك عن حماس او الصواريخ الغبية .. قنوات توجيه الصاروخ لتقليل ال cep و مناورته على سرعات عالية لتفادي الدفاع الجوي او counter measures (دي حوار و مش سهلة) خصوصا ان ممكن تخرج عن الغلاف الجوي و تنزل تاني فا ممكن تحتاج كومبيوتر على الصاروخ للتحكم في الطيران يعني رقائق و سوفتوير و حتتواصل معاه ازاي للتوجيه هل فيه قمر صناعي و لو مفيش + الوقود و انواع و خلطات فواحده واحده حتلاقيها اغلى من الدرونز و اصعب طبعا صاروح ايران ال 1200 كلم مش فاكر اسمه عامل 5 مليون دولار تكلفه .. الدرونز اسطامبات اونلاين اطبع و طير المعضلة بطارية / وقود في فورم فاكتور صغير

ببساطه احدث تكنولوجيات الصواريخ لدي روسيا والصين والغرب فيها حزم توجيه

اغلي حاجه في الصاروخ المحرك بتاعه ومصر ليها صوالات وجوالات في استيرادها سواء من الصين او كوريا ش او شرق اوروبا

حزم التوجيه والمحركات تباع ع ارصفه بكين بالكيلو وبالمناسبه ايران بستوردها ايضا

كانت الصواريخ القديمه عندنا بدون حزم توجيه وكانت دقتها بالخمسين وال ١٠٠ وال ٢٠٠ متر

مصر من النوع اللي بتخزن الصواريخ بوقودها وشحنتها التفجيريه وكل كام سنه نفككها ونغيرلها كل مايلزم عكس دول تانيه بتحتفظ بصواريخها مفككه

لما مصر حبت تتخلص من المخزون القديم خصوصا الصواريخ المديات القصيرة كنا بنستخدمها في التدريب والمديات الكبيرة بنعمل لها اعاده صياغه يعني لو المحرك شغال بنحطه علي صواريخ بنسميها في الجيش buffer

وقتها اعتقد القيادة كانت مؤمنه بوجود المعدات اللي بتصنع الصواريخ ومحركاتها اكتر من الصواريخ نفسها بحيث لو لقدر الله دخلنا حروب نقدر ننتج كميات ضخمه يوميا

الصواريخ تحت ٨٠٠ كم في مصر بتتصنع بمحركات محليه واعتقد ده كافي ووافي للخصوم اما الصواريخ ذات المديات الكبيرة بنستورد محركاتها وفي ٢٠١٧ كان في خطه لتوطين صناعه محركها واعتقد بنسبه كبيرة حصل

حزم التوجيه علي الصواريخ متوطن صناعتها في مصر من زمان واي جديد بيطرأ ع الصناعه بنتجه لاستيراد التقنيه لتعميمها وادخالها علي صواريخنا

الناس بتتكلم علي مدي ضعف القوات الجويه في مواجهة الصهاينه وانا موافقهم لكن الجميع يتناسي سلاح المدفعيه ومايمكن فعله في الصهاينه

اقسم بالله وده حلفان اتحاسب عليه المدفعيه عندنا كفيله تطلع مطارات كامله ومصانع كامله ومحطات كهربا وغاز ومياه ومعسكرات تدريب ومصانع سلاح بمخازنها في اول نص ساعه لو حصل بيننا اي حروب

عاوزك تتطمن لو معندناش ردع حقيقي كانت اسرائيل مرحت في مصر كلها من فوق لتحت وضربوا اتفاقيه السلام عرض الحائط

فيه تفاصيل كتير ممكن اكتبلك بيها صفحات وجرايد حرفيا ، والاطفال اللي هنا في المنتدي اللي بينتقدوا علي بطال مايعرفوش ان بلدانهم شخصيا دعموا فترة التوطين دي ماديا باقصي قوتهم

 

[Forget Them All]

متنساش ان النهاردة كان ممنوع الزيارات وكانت مقتصرة ع الاعلام التلفزيوني بالكتير واللي اغلبهم مابيفهمش حاجه

انا كان ليا صديق هناك النهاردة واللي معرفش يستفسر عن اي حاجه بسبب مشغوليه مسؤلي الاقسام مع الزيارات الرسمية

بخصوص السؤال اللي قولتلك عليه
الحمد لله اللواء طارق رئيس الشركة العربية العالمية للبصريات في مستهل شرحه للرئيس جاوبني عليه وذكر بأنه جاري العمل على تطوير منظومة الاتزان للبرج للسماح بالضرب من وضع الحركة
ارجو منك لو أمكن تخلي حد يسأل امته هيخلص التطوير ونشوفه منور على كل دبابات الام ٦٠

 

[Marwan2001]

بخصوص السؤال اللي قولتلك عليه
الحمد لله اللواء طارق رئيس الشركة العربية العالمية للبصريات في مستهل شرحه للرئيس جاوبني عليه وذكر بأنه جاري العمل على تطوير منظومة الاتزان للبرج للسماح بالضرب من وضع الحركة
ارجو منك لو أمكن تخلي حد يسأل امته هيخلص التطوير ونشوفه منور على كل دبابات الام ٦٠

ياراجل الباتون دي تترمي في الزباله ، خساره فيها الصرف ، لازم بقا دبابه وطنيه ، احنا بننتج الصلب المدرع وانظمه التوجيه والسوفتوير والقذائف ، نشوف حته نوطن بيها صناعه المحرك ونخش ع الدبابه ع طول ، وياسلام نتعامل مع كوريا ج والصين تقنيا عشان نعمل حاجه نضيفه بدل الصرف ع الخردة المعلبه

 

[TORNADO.SA]

رداء للتخفي الحراري من المسيرات ..

.. Thermal stealth Anti drone


مشاهدة المرفق 826741

@لؤى النوبى

اولا : الله يعطيك العافيه مجهود مميز مع الأخوه ونطمح تكون التغطيه شامله بما ان الحدث في مصر بما فيها فيها جودة الصور...
والنقاش نتمنى ان يكون محدود

https://defense-arab.com/vb/threads/208909/

---

@batteryneon

---

@الجراح
@برلين
@موالا

لاتحرمونا من تغطيتكم المميزه

 

[Forget Them All]

ياراجل الباتون دي تترمي في الزباله ، خساره فيها الصرف ، لازم بقا دبابه وطنيه ، احنا بننتج الصلب المدرع وانظمه التوجيه والسوفتوير والقذائف ، نشوف حته نوطن بيها صناعه المحرك ونخش ع الدبابه ع طول ، وياسلام نتعامل مع كوريا ج والصين تقنيا عشان نعمل حاجه نضيفه بدل الصرف ع الخردة المعلبه

اهو بنجرب فيها نفسنا لمه ربنا يفرجها