اشطا هعرضلك الي في رائي بس بشرط ترد بادب و تتناقش بعقلانيه فعلا لانه موضوع كويس و اتمني احنا الاتنين نستفاد من بعض فيه او علشان لو اي عضو اخر حب يشارك
الفكره كلها ان الصراع مش جديد بل يعتبر بدا من ايام عبدالناصر لان من ايامه و البلدين كله واحده فيهم بتحاول تتزعم المنطقه و تجليات الصراع شفنها مثلا في اليمن و سوريا و غيرها خصوصا ان عبدالناصر كان بيدعم ازاحه اي نظام ملكي و كان معروف بتوجهاته ضد الانظمه الملكيه و كمان ميوله القوميه و الاشتراكيه المعاديه للدين وغيرها الموضوع فضل كده لغايه هزيمه 67 ساعتها حصل حاجه زي صلح و عبدالناصر عقل و بطل الشغل التافهه الي كان بيعمله و بقي مركز علي مصر بس و ساعتها حصلت مصر علي دعم عربي كامل و فضل الموضوع كده لغايت حرب اكتوبر و رجع الخلاف تاني بسبب مسار السلام الي اتخذه السادات و حصلت المقاطعه تاني و ساعتها طلع بقي صراعات تافهه تاني زي موضوع انتم مش عرب لا احنا اخوالكم لا مش عارف ايه و مشاكل اقل ما يقال عنها تافهه لكنها اختلافات بين حكومات بردو جاء مبارك و تم اصلاح العلاقات و ظاهريا الموضوع كان تمام في خلافات طبعا تحت السطح و كل دوله بتتنافس علي اخذ قياده المنطقه و غيره لكن كان في تعاون كبير
المشاكل الحقيقيه ظهرت فعلا من بعد 2011 لما حصل تخوف في السعوديه من انتقال الثوره ليها و بعد كده لما مسكوا الاخوان تعاونت السعوديه مع النظام العسكري للاطاحه بيهم لان طبعا خطورتهم معروفه لكن المشكله بقي ان النظام بقي مفكر انه خلاص انتم ملزمين بدعمنا بالاموال لاننا حميناكم من خطر انتقال الثروه و انهينا خطر الاخوان و شويه الخلافات يتم تحريكها اعلاميا من قبل لجان معروفه و شويه يتم اخمادها علي حسب ظروف الحكومه و العلاقات ماشيه ازاي
و طبعا في ملفات فيه اختلافات فيها زي غزه و سوريا و الاداره الاقتصاديه الفاشله للبلد و كمان ملفات اخري ان اديتك عرض شامل و غير مفصل علي حسب طريه ادارتك للنقاش نشوف هنكمل ولا لا
