- شايفين البت اللي في الصورة دي .. دي الوحيدة اللي خلت جولدا مائير بنفسها تترجى السادات ...
• هبة عبدالرحمن سليم عامر اتولدت سنة ١٩٤٧
كانت بنت مرفهة جدا .. كانت من عيلة يعدوا من اغنياء المهندسين ، وكانت يدوب مقضية حياتها بين نادي الجزيرة و أحدث صيحات الموضة ..
اول ما هبة خلصت الثانوية العامة من هنا فضلت تزن علي ابوها كتير عشان تسافر فرنسا تكمل تعليمها هناك ، لكن ابوها رفض تمامًا ، ابوها في الوقت ده كان وكيل لوزراة التربية والتعليم، ومع إلحاح شديد من هبة ابوها وافق ..
هبة كانت متفتحة جدا ومعندهاش مشكلة ان
" ولاد ال$$^& " محت.لين بلدها ، عشان كدة اول ما سافرت اتصاحبت على بنت يهود ية من اصل بولندي اسمها " ريتا "
ومن هنا ريتا عرفت هبة على واحد في حفلة من الحفلات اللي كانوا بيروحوها اللي كان مفهمها في الأول إنه صحفي وهو اصلا " ظابط في المو.ساد" طبعا هبة قعدت تحكي معاه عن حياتها ومن ضمن الكلام والحكايات قالتله ان فيه ظابط في الجيش المصري بيحبها وهيمو ت عليها برتبة مقدم اسمه " فاروق الفقي " اللي كان رئيس الفرع الهندسي لقوات الصاعقة منصب جامد من الاخر يعني .. طبعا هبة كدة بالنسبالهم لقُطة وفرصة متتعوضش، الظابط ده طلب منها إنها ترجع مصر فورا وتقرب من فاروق حتى لو وصل الأمر إنها تتجوزه ..
رجعت هبة علي مصر ابتدت تتقرب من فاروق واتقدم ليها واتخبطوا فعلا، وابتدت تسحب منه المعلومات واحدة واحدة ، وهو طبعا عشان كان بيحبها فضل يحكي لها على كل حاجة لدرجة أنه في يوم وراها خرائط سرية جدا عشان يثبت ليها قد إيه إنه جامد اوي يعني
وإنه يعرف كل كبيرة وصغيرة في الجيش.. الله يخر بيتك يا فاروق الزفت. مش كدة وبس ده قاله على مواقع قواعد الصو اريخ اللي جابوها من روسيا .. قال ايه عشان يطمنها ان مفيش حد من ولاد ال&%$# يقدر يقرب من البلد وكدة يعني ..
وطبعا هبة خدت منه المعلومات كلها وراحت على طول بعتتها للظابط ايااه في باريس .
و اول ما المعلومات دي وصلتهم مصدقوش نفسهم وطلبوا منها إنها تجند. فاروق معاها ، وطبعا فاروق مخدتش في ايد هبة غلو ة وعلى طول قدرت .تجنده معاها .
وكان اول حاجة بعتهلهم مكان قواعد الصو اريخ سام 6 المضادة للطايرات ، وعلي طول السلا.ح الجوي بتاع ولاد الو&%# راحوا ضر بوا القواعد دي ، و ده طبعا سبب قلق كبير عندنا في المخابرات. الحربية ، اللي هو ازاى كل اما يعملوا قواعد جديدة تتضر ب على طول كدة بسهولة ، وبسرعة قالوا " يبقى كدة فيه خا ئن ما بينا "
وكان لازم هبة تتكافئ من ولاد ال&%$# ، طلبوا منها إنها لازم تسافر ليهم على تل أبيب، عشان عاملين ليها حفلة تكريم صغيرة كدا ، وبالفعل سافرت باريس ومن هناك بعتوا ليها طايرة خاصة مش كدة وبس ده كان فيه طايرتين
حر بيتين بيستقبلوها كحرس شرفي ، واستقبلوها احسن استقبال كأنها ملكة لدرجة ان جنرالات كانوا بيعملوا ليها تعظيم سلام وفجأة تبص تلاقي "جولدا مائير" قدمها اللي كانت بتفتخر بيها قدام كل القادة العسكر.ية عندهم وأصبحت هبة فتاة جولدا مُدللة.
بعد كدة هبة رجعت على باريس يدوب مقضيها فسح وشوبنج على حسابهم و فاروق عمال يبعت في معلومات خطيرة لولاد ال&%$# والدنيا عندنا كانت مقلوبه وعمالين يدوروا على الخا ين اللي وسطهم ، لحد اما في يوم ولاد ال&%$# دول ضر.بوا مدرسة الصاعقة في الوقت ده المخابر ات عرفت على طول ان الخا.ين من جوه الصاعقة ، وحطوا الكل تحت المراقبة لحد اما في يوم وقع تحت ايدهم جواب من فاروق لهبة وكان من ضمن الكلام اللي مكتوب انه بيقولها " أنا ركبت سلك الاريل " ومن هنا فضلوا يدور ورا فاروق وعرفوا إنه عمال يبعت في معلومات اول بأول للتانيين في ألمانيا لدرجة ان القائد بتاعه ماكنش مصدق اصلا ان فاروق اللي كان بيعتبره ابنه يعمل كدة ، وبس اتقبض على فاروق واول ما اتقبض عليه انهار واعترف بكل حاجة بس قال ان هبة مالهاش دعوة باي حاجة فقالوه اتو.كس دي هبة دي اصلا مرتبطة بريتا .. جدع يا فاروق
وبعد القبض على فاروق طلبوا منه انه يفضل شغال معاهم وهما يقولوا ليه على المعلومات اللي مفروض يوصلها ليهم وقعدوا على الحال ده لمدة شهرين في سرية تامة ..
في الفترة دي كانوا بيخططوا ازاى يستدرجوا هبة عشان يرجعوها مصر ، لحد اما سافروا لابوها اللي كان في ليبيا ف الوقت ده ، وقالوا ليه إنها متورطة مع منظمة فلسطينية. عشان يخطفوا طايرات بتاعت الجماعة اياااهم وان احنا مش عايزين مشاكل معاهم دلوقتي ابعت ليها وقولها انك تعبان وهي لازم تجيلك هنا وفعلا بعت ليها و اتقبض عليها في ليبيا وتم ترحيلها لمصر ، واتحكم عليها بالاعد.ام بعد ما اعترفت بكل حاجة ..
وفي اسوان سنة ١٩٧٤ جه هنري كيسنجر وزير خارجية أمريكا طلب من الرئيس السادات وقاله ان ماما جولدا بتستسمحك انك تخفف الحكم عن هبة ، قاله هبة ؟! دى اتعد مت النهاردة.
كان مدير مكتب المخابرا ت واقف ورا السادات وفهم على طول إنه بيطلب منه تنفيذ الحكم دلوقتي وفعلا طلب سجن. القناطر وقالهم هبة تتعد.م حالا ، وبعدها بكام يوم كدة اتنفذ حكم الاعد.ام على فاروق رمي بالر صاص .. واللي نفذ الحكم القائد بتاعه .. تستاهل يا فاروق.
• القضية دي بقت من ضمن أخطر. قضايا التجس.س في سجل المخابر ات ، واتعمل عنها فيلم اسمه
الصعود إلي الهاوية بطولة مديحة كامل ومحمود يس
