مصر توقع صفقة غاز مع إسرائيل ب 35 مليار دولار

[الوشمي]

ميركيل في عهدها اعتمدت على الطاقة الروسية الرخيصة بشكل مبالغ لهذا لما بدت الحرب في أوكرانيا كانو أكثر المتضررين هما الشعب الألماني والشركات
وفي عهدها زاد الاعتماد على الصين الي جعل المنافسة داخل المانيا قوية ورجع بالضرر على شركاتهم
وهي برضوا الي اعتمدت على امريكا بزيادة لحماية ألمانية وقلصت الجيش الألماني من 250000 إلى 180000
ومشاريع تسليح بطيئة وصفقات سلاح تتأخر سنين وسوء إدارة للميزانية
وكانتش متخذة تهديدات روسيا للحرب على محمل الجد والان كلنا نشوف أن لو امريكا لتقرر فعليا لا سمح الله ترفع دعمها منهم المانيا بتبقى ملط قدام روسيا
اغلب إنجازاتها كانت على صعيد قصير المدى لكن عيوبها كانت تبان كل ما يتقدم الوقت
اغلب مشاكل المانيا الي بتلاحقها الان كانت بداياتها من حقبة ميركيل
يعني لما شخص بده يستشهد بي كفائة النساء في السياسة المفروض مش ميركيل اول واحدة تخطر في باله ابدا

منقول

للاسف الخوف ان احنا نعاني من السيناريو ده

فيه قناة يوتيوب اسمها المخبر الاقتصادي صاحبها دكتور اقتصاد مصري اسمه اشرف ابراهيم. تكلم في حلقتين عن اقتصاد المانيا و جيشها و ميىكل. كلامه مبسط وجميل . انصحك تتابعه

 

[الوشمي]

صدقوني يا اخواني المصريين نحن في الوطن العربي لسنا غاضبون من صفقة الغاز او تعاملاتكم السياسية و الاقتصادية والسياحية مع الكيان الصهيوني بل ان جل غضبنا من كمية الاستشراف لدى البعض منكم على العالم العربي اجمع وحتى على من ليس لهم اي تعامل مع الكيان

اتفق معك ١٠٠% . مصر في وضعها الحالي صفقة الغاز هي مجال المناورة الوحيد و الي بينتقدها يتقدم و يعطيها غاز او يسكت.
يا ليت حقيقة يتوقفون عن التدخل في شؤونا و انتقادنا ونسب كل شي جميل في بلدنا لعقولهم و خططهم الخ و الاستشراف علينا و محاولة فرض مصر علينا. عني انا بضمن لهم اغلب السعوديبن بيوقفون حملتهم ذي.

 

[Forget Them All]

الصفقة مر عليها ٣ ايام ولا يكاد يخلو موقد غاز في مصر إلا وقد وصل اليه الغاز الإسرائيلي واصبح الغاز الإسرائيلي ينتشر في كافة ربوع مصر من شرقها لغربها ومن شمالها لجنوبها والسعادة تعلو وجوه المصريين وأخصّ هنا بالذكر سيدات مصر بعد ان أشادوا بجودة الغاز الإسرائيلي وقدرته على طهي الطعام في أقل وقت ممكن مع إضفاءه نكهة خاصة للطعام متفوقاً بذلك على انواع الغاز المستورد من دول أخرى

الغاز غازنا والفلوس فلوسنا والاكل احنا اللي هناكله
واحنا واسرائيل أسرة مع بعضينا
ومع هذا وذاك لايزال الموضوع مسبّب أرق عند بعض الأعضاء والصياح ومسلسل الاستشراف مستمر
تباً لكم وعجباً لأمركم

 

[sami kh]

سبحان الله صرنا و شفنا الجالية المصرية هنا اصبحت تنادي الصهاينة بالاشقاء و تنعت مصر و اسرائيب بدولتين الشقيقة
يا خسارة و يا حيف على الشهداء الذين سقطو في الحرب المصرية و بني صهيون لو يرو الان ما يجري

 

[الوشمي]

الغ

الصفقة مر عليها ٣ ايام ولا يكاد يخلو موقد غاز في مصر إلا وقد وصل اليه الغاز الإسرائيلي واصبح الغاز الإسرائيلي ينتشر في كافة ربوع مصر من شرقها لغربها ومن شمالها لجنوبها والسعادة تعلو وجوه المصريين وأخصّ هنا بالذكر سيدات مصر بعد ان أشادوا بجودة الغاز الإسرائيلي وقدرته على طهي الطعام في أقل وقت ممكن مع إضفاءه نكهة خاصة للطعام متفوقاً بذلك على انواع الغاز المستورد من دول أخرى

الغاز غازنا والفلوس فلوسنا والاكل احنا اللي هناكله
واحنا واسرائيل أسرة مع بعضينا
ومع هذا وذاك لايزال الموضوع مسبّب أرق عند بعض الأعضاء والصياح ومسلسل الاستشراف مستمر
تباً لكم وعجباً لأمركم

الغاز هذا يختلف عن غاز الطبخ. حاجتين مختلفه. فارجوا تصحيح الموضوع لاخواتنا المصريات . الغاز اللي بتطبخوا فيه غاز مصري لسه . اتطمنوا.

 

[Adelll]

الصفقة مر عليها ٣ ايام ولا يكاد يخلو موقد غاز في مصر إلا وقد وصل اليه الغاز الإسرائيلي واصبح الغاز الإسرائيلي ينتشر في كافة ربوع مصر من شرقها لغربها ومن شمالها لجنوبها والسعادة تعلو وجوه المصريين وأخصّ هنا بالذكر سيدات مصر بعد ان أشادوا بجودة الغاز الإسرائيلي وقدرته على طهي الطعام في أقل وقت ممكن مع إضفاءه نكهة خاصة للطعام متفوقاً بذلك على انواع الغاز المستورد من دول أخرى

الغاز غازنا والفلوس فلوسنا والاكل احنا اللي هناكله
واحنا واسرائيل أسرة مع بعضينا
ومع هذا وذاك لايزال الموضوع مسبّب أرق عند بعض الأعضاء والصياح ومسلسل الاستشراف مستمر
تباً لكم وعجباً لأمركم

التطبيع الشعبي في اوضح صوره

 

[Forget Them All]

الغ

الغاز هذا يختلف عن غاز الطبخ. حاجتين مختلفه. فارجوا تصحيح الموضوع لاخواتنا المصريات . الغاز اللي بتطبخوا فيه غاز مصري لسه . اتطمنوا.

غريبة
مع ان من خلال متابعتي لمشاركات الأخوة الأعضاء
اللي هلكوا سمانا استشراف وتنظير
حّسسوني بأن الغاز خلاص دخل بيوت المصريين واصبح المصريين بياكلوا في لحوم إخوانهم الفلسطينين

 

[Forget Them All]

التطبيع الشعبي في اوضح صوره

الله يعطيك العافيه

 

[بأحث في التاريخ]

سبحان الله صرنا و شفنا الجالية المصرية هنا اصبحت تنادي الصهاينة بالاشقاء و تنعت مصر و اسرائيب بدولتين الشقيقة
يا خسارة و يا حيف على الشهداء الذين سقطو في الحرب المصرية و بني صهيون لو يرو الان ما يجري

هو عضو واحد و بيتكلم كرخامه و هو بيمثل نفسه بس

 

[Forget Them All]

يا خسارة و يا حيف على الشهداء الذين سقطو في الحرب المصرية و بني صهيون لو يرو الان ما يجري

لاء
هوه الحقيقة لو رأو الان ما يحدث لمصر من تطاول بعد ما قدّموه من تضحيات للعنوا اليوم اللي فكّروا فيه انهم يحاربوا إسرائيل نيابة عن العرب

 

[وطني حتى النخاع]

الصفقة مر عليها ٣ ايام ولا يكاد يخلو موقد غاز في مصر إلا وقد وصل اليه الغاز الإسرائيلي واصبح الغاز الإسرائيلي ينتشر في كافة ربوع مصر من شرقها لغربها ومن شمالها لجنوبها والسعادة تعلو وجوه المصريين وأخصّ هنا بالذكر سيدات مصر بعد ان أشادوا بجودة الغاز الإسرائيلي وقدرته على طهي الطعام في أقل وقت ممكن مع إضفاءه نكهة خاصة للطعام متفوقاً بذلك على انواع الغاز المستورد من دول أخرى

الغاز غازنا والفلوس فلوسنا والاكل احنا اللي هناكله
واحنا واسرائيل أسرة مع بعضينا
ومع هذا وذاك لايزال الموضوع مسبّب أرق عند بعض الأعضاء والصياح ومسلسل الاستشراف مستمر
تباً لكم وعجباً لأمركم

ابو كالد فرع المنوفية

Adel emam​

 

[Forget Them All]

ابو كالد فرع المنوفية

Adel emam​

بعد مرور ما يقارب الساعة على مشاركتك
حابب اعرف منك دلوقتي
ايه هوه احساسك بعد ما حدّش رد عليك ولا عبّرك؟

 

[Logan Roy]

الأعضاء اللي معترضين على الصفقة كمناكفة في مصر والمصريين، لو قام أميرهم ولا ولي عهدهم بصفقة مماثلة لتحدثوا عن روعة الاستثمار والنظرة المبعدية لأولي الأمر ولطفقوا يتحدثوا عن مصالح بلدهم الأولى بالرعاية والنظر. كما شهدنا في العديد من الصفقات المشابهة والمشبوهة مع الجانب الأمريكي والبريطاني

وأقول لكل فرد معترض ولكل عربي متحمس، احنا مستعدين ناخد منك أنت الغاز بشرط يكون بنفس سعر الإسرائيلي. أرمي بياضك.

لكن الحقيقة لن يوافق أي فرد. ولن توافق أي حكومة عربية (كانوا وافقوا قبل كده !). لا بيرحموا ولا عايزين رحمة ربنا تنزل.

عمومًا خلي الناس هنا تاكل عيش وتزايد. عادي احنا متعودين على كده. بالتوفيق يا شباب. تعليقات أكتر بقى

 

[rorschach]

وانا بدور على فرص دكتوراه كان اكتر اعلانات في مجالي مفتوحه للدكتوراه هيا دكتوراه في أمن الطاقة.. جامعات ومراكز بحثيه فيها اقسام كاملة عن الطاقة وعلاقتها بالأمن القومي.. وبصراحه مكانتش اختياري الأول.. لكن عملت مقابلتين وذاكرت لهم كويس وقتها.. ووانا بذاكر لهم اكتشفت ان المجال ده لا يقل بل قد يتفوق على حاجه زي مجال الدفاع مثلا..

موضوع الطاقة رغم اهميته وحساسيته.. للأسف تاني زي موضوع الدفاع.. اتبعت للجان اليكترونيه بسكريبتات جاهزه٫ واعلام الدولة نازل بنفس الكلمات للتبرير.. مشهد عبثي تاني.. ومش بقول انهم غلط.. للحق فيه كلام بيقولوه صح.. لكن الموضوع لا يمكن اختزاله في معلومتين.. محتاجين نشوفه من كل الأبعاد عشان نفهم ايه اللي بيحصل..

تعالى بحياديه نشوف التفاصيل.. وانت احكم بنفسك هل هيا في صالح مصر ولا لأ.. وهسيب كل المصادر (تقريبا 60 لينك) في التعليقات اتأكد بنفسك من كل معلومة كتبتهالك..

وبالمناسبة.. لو منتظر اني اقولك ان السيسي خاين وعميل.. فانت في البوست الغلط فمتضيعش وقتك..

أولا وقبل كل حاجه.. للأسف اختيار استيراد الغاز من اسرائيل كان اقتصاديا هو الخيار الوحيد قدامنا.. عشان كده السؤال اللي محتاجين نسأله هو ليه وصلنا النقطة دي.. وهل الحل ده أفضل خيار بين خيارات سيئة ولا احنا عملنا غلطة استراتيجية بيروقراطية هتستمر معانا لعشرين سنة قدام..

لما قريت في المصادر وحاولت افهم الموضوع بتفاصيله لاقيت إن المشكلة الحقيقية اللي عند مصر مش مشكلة اقتصادية فقط.. المشكلة اقتصادية وإدارية وسياسية في نفس الوقت.. وهتفهم دلوقتي ليه بقول كده..

انت دولة كانت قاعدة الغاز لمنطقة الشرق الأوسط كله.. حقول ضخمة.. إمدادات غزيرة.. وفي 2015 اكتشفت حقل ظهر اللي كان يعتبر أكبر اكتشاف في المتوسط.. وقولت بنفسك إن المشكلة اتحلت وإن مصر راجعة للسوق وعندها غاز لحد 23 سنة قدام.. مش بس اكتفاء ذاتي.. لكن كمان تصدير..

بس المشكلة الدولة عملت إيه بالفلوس اللي كانت المفروض تستثمرها في الحقول دي وفي دعم Eni عشان توسع الإنتاج؟

بالظبط اللي انت اتوقعته.. الفلوس ما راحتش في التطوير.. واتصرفت على حاجات تانيه مش أولويات وقتها.. والنتيجة بعد ما حققنا الاكتفاء الذاتي لمدة 3 سنين.. جينا 2022 لاقينا إننا قدام مشكلة أو في الحقيقة كارثة.. الإنتاج بقى اقل من الاحتياج المحلي.. بعد ما كنا بنتكلم في تصدير من 3 سنين قبلها.. وكنا نقدر نصدر فعلا.. مكانش مجرد كلام..

من 2023 لأول مرة بعد 20 سنة تبقى مصر محتاجه بشكل عاجل وضروري انها تستورد غاز.. الدولة خسرت قدرتها على تلبية احتياجاتها الأساسية من الطاقة.. وفي صيف 2024 كلنا فاكرين مشاكل قطع الكهربا على الناس لأن ما فيش غاز كافي..

السؤال اللي محدش عاوز يسأله.. مش ليه محتاجين الغاز الإسرائيلي دلوقتي لكن ليه وصلنا هنا أصلا؟

والإجابة نقدر نختصرها في كلمة واحدة.. إدارة.. أو كلمتين.. سوء إدارة..

الحكومة / وزارة البترول كانت عايزة توصل للاكتفاء الذاتي.. هدف واضح.. بس الشركات التي بتدير الحقول والاستثمارات حصل بينهم وبين الحكومة فشل في التواصل.. وحصل من الحكومة سوء إدارة.. حتى لما اكتشفنا حقل ظهر مكانش فيه خطة واضحة لإعادة الاستثمار في الحقول القديمة.. ولا كانت فيه مؤشرات إنذار تقول لنا فيه انخفاض في الإنتاج هيعمل كارثه قريب..

ده معناه ايه؟ معناه انك قولت انا خلاص لاقيت حقل غاز هيحل لي كل مشاكلي.. فسيبت الحقول اللي موجوده ومحطيتش استثمار كافي فيها.. وبالتالي قلت طاقتها الإنتاجية.. في نفس الوقت اللي توقعاتك من الحقل الجديد مكانتش مظبوطه.. النتيجة.. البس عشان خارجين..

والجزء الخطير اللي محدش بيتكلم فيه بصراحة ووضوح هو إن الدولة فقدت الحس بالأمن القومي المتعلق بالطاقة.. لأن لو كانت عندها احساس بالمخاطر مكانتش حطت كل رهانها على حقل واحد.. مكانتش سابت الحقول التانية تتدهور وتقل طاقتها الإنتاجية..مكانتش رفضت شركات كانت عاوزه تستثمر في الحقول القديمة وتطورها وتعلي انتاجها.. مكانتش صرفت ميزانيتها على مشاريع مش أولوية في الوقت اللي سابت فيه الأمن القومي المتعلق بالطاقة..

وده كان السبب الأساسي اللي وصلنا للنقطة اللي الدولة مضطرة توقع على عقد طويل المدى مع إسرائيل.. تزود نفسها ب 130 مليار متر مكعب من الغاز الإسرائيلي لحد 2040.. فأيوه وبكل صراحة وحقانية.. احنا محتاجين الصفقة دي.. بس برضو محتاجين نفكر في الكلام الجاي ده كويس..

الصفقة في حد ذاتها لا بتحل المشكلة ولا بتعمل حاجة غير إنها بتأجل أزمة وبتفتح باب خطير جداً من ناحية الأمن القومي..

أول حاجة.. السعر.. أيوه الغاز الإسرائيلي أرخص من LNG العالمي.. يعني بدل ما نستورد ب 14-16 دولار للمليون BTU هناخد ب 7.29 دولار.. وده بيوفر لنا حوالي 2 مليار دولار سنوياً.. ودي حسابات صح من الناحية الاقتصادية قصيرة الأجل.. وده الكلام اللي متوزع على اللجان لو حد متابع اكيد شافه..

لكن.. ولكن هنا مهمة.. جدا..

الصفقة دي مش مجرد عقد تجاري عادي.. وعامة أي صفقة طاقة مش بتكون صفقة تجارية.. لأن الطاقة أمن قومي.. وأمن قومي حساس جدا كمان..

مش هقولك لو قامت حرب بين مصر وإسرائيل.. لأ ده دلوقتي سيناريو بعيد جدا.. لكن تخيل معايا الحالة اللي حصلت في يونيو 2025.. حرب بين إسرائيل وإيران.. وإسرائيل قالت ل بل أتكيف (اللي بيشغل الغاز): اقفل الحنفيه يابني.. وقف التصدير وحول الإنتاج كله علشان الجيش الإسرائيلي محتاج الغاز ده..

في خلال كام ساعة فقط مصر هتخسر 3 مليار متر مكعب شهريا.. وده معناه إن مصر هتضطر تقفل مصانع الأسمدة بالكامل ومعظم مصانع التصنيع الثقيل.. بل ومعظم الكهربا بتاعت الإسكان.. حرفيا بدون أدنى تهويل.. هتكون كارثة بكل معنى الكلمة..

انت دلوقتي اكيد بتقول الكلام ده أوفر أوي صح؟

تعرف ان اللي بقوله ده حصل فعلا في يونيو 2025؟ وحصل مشاكل في شبكات الطاقة في مصر بسبب الحرب.. المصادر فيها تفاصيل اللي حصل وحجم الضرر على الصناعه التقيلة وقتها..

بل إن إعادة الفتح كانت بأمر إسرائيلي.. يعني مفتحتش بسبب ضغط مصري.. رغم ان مصر ضغطت لإعادة فتح الغاز.. لكن إسرائيل فتحت وقفلت كذا مره في نفس الأزمة.. وده عمل مشاكل في شبكة الطاقة في مصر..

ده اللي بيسموه في الأدبيات الأكاديمية استخدام الطاقة كسلاح سياسي.. وروسيا عملتها مع أوكرانيا وأوروبا عشرات المرات.. يعني الموضوع مش اختراع جديد ولا حدوثه مستحيل..

الفكرة بسيطة جداً.. انت لما تبقى معتمد على إسرائيل في تزويدك باحتياج يومي.. فمعناه إن إسرائيل بتشارك مصر في كل قرار سياسي أو عسكري عاوزه تاخده.. لأنك ببساطة لو عملت حاجة مش عاجبه إسرائيل.. ممكن توقف الغاز.. وفي ساعات معدودة تنهار خدماتك.. وبالمناسبة ده برضو حصل قبل كده بدون حروب.. والأسباب كانت ايه ده.. ده حصل عندنا عطل معلش يا جماعه.. هنكمل بكره.. لأ هنكمل الاسبوع الجاي..

المشكلة الثانية والأخطر هي إن الصفقة دي بتمنع مصر من التنويع.. لأن 130 مليار متر مكعب اتفاق لحد سنة 2040 يعني مصر قالت بوضوح انا مصدر طاقتي لمدة 15 سنة هو اسرائيل.. فكده أي دولة تانية هتحاول تستثمر في غاز المتوسط.. أو أي شركة كبيرة هتحاول تقرب من مصر بعرض بديل.. هيلاقي إن مصر ملتزمة التزام طويل الأجل.. وإسرائيل هي الشريك الاستراتيجي..

في الاقتصاد لما يكون فيه استثمار اتعمل خلاص لمدة معينة.. بيبقى عندك sunk cost.. وده بيضعف موقفك في المستقبل.. عشان كده دايما العقود اللي زي دي المصلحة فيها للمشتري انها متكونش طويلة.. لأن الطرف التاني قادر يقول بعد كده انا هغير الشروط.. وانت هتبقى مضطر توافق..

الوضع ده بالضبط هو اللي بيحصل كل يوم في العلاقات المتعلقة بالطاقة بين الدول..

وفيه مثال واضح بقوة.. ولسه من كام سنة حصل.. أوروبا والغاز الروسي.. روسيا عذبت أوروبا كلها بعد حرب أوكرانيا.. شوية بالسعر اللي غيرته.. وشوية بقطع الغاز تماما..

أوروبا لحد النهارده عاملين تحالف بقيادة بولندا عشان يتخلصوا من مشكلة الطاقة مع روسيا.. بولندا استثمرت في محطات LNG (اللي اللجان بتقول دي غاليه.. لكن اوروبا اضطرت ليها عشان متوقعش في الفخ اللي مصر رايحه عليه).. بولندا برضو استثمرت في خط Baltic Pipe (من النرويج).. واستثمرت في توسعة البنية التحتية.. كل ده عشان بس تقدر تقول لروسيا مش محتاجين منك غاز..

انما احنا عملنا صفقة على 15 سنة من الاعتماد على ليفياثان... ولحد النهارده مفيش خطة بديلة..

مشكله كمان هي إن مصر بتاخد الغاز ده من ليفياثان عن طريق EMG pipeline.. يعني خط واحد في الأساس.. مع خطوط ثانوية بس لتوزيع محلي.. يعني لو ضربة عسكرية.. لو عطل تقني.. البديل سريع إيه؟ لا يوجد..

المشكلة التالتة هي انك بتفقد السيادة على قرار الطاقة.. دي نقطة بتتجاهلها حكومات كتير لأنها مش بتطلع في الأرقام اليومية.. لكن الأكاديميين والمحللين الاستراتيجيين بيقولوا إن لما دولة بتبقى معتمدة على دولة تانية في احتياجها الأساسي من الطاقة.. الدولة الموردة بتبقى عندها سيادة غير مباشرة على الدولة اللي بتشتري.. والسيادة نقطة جديدة ومختلفة عن اللي كتبته فوق..

الكلام ده مش تنظير.. الكلام ده كله موجود وحصل.. سوريا كانت معتمدة على إيران في الكهرباء والغاز.. لما اختلفت مع إيران في رؤيتهم في مستقبل المنطقة.. إيران قللت الإمدادات بشكل بسيط لكن كافي إن يخلق ضغط سياسي على الحكومة السورية..

وباكستان وتركيا عانوا من نفس المشكلة.. تركيا وصلت لنقطة إن 50% من احتياجاتها الغاز كانت عند روسيا وإيران.. وده خنقها سياسياً لسنين..

ساعتها تركيا فهمت الدرس وقررت تنوع.. بدأت تبني محطات LNG.. عملت عقود مع أمريكا.. استثمرت في الغاز البحري المحلي.. ودلوقتي تركيا ماشيه توقع عقود مع مصادر مختلفة عشان تحاول توقف عقدها مع روسيا لو احتاجت ده بعدين لأنها هيبقى عندها بدائل..

مصر اخدت الطريق العكسي تماماً.. يعني أولا سوء إدارة خلق أزمة عميقة.. وبدل ما نحل الأزمة فقط أجلناها.. وحتى في التأجيل ده فيه مشاكل.. بدل ما نعمل تنويع في المصادر.. عملنا عقد التزام لمدة 15 سنة!

وهنا محتاجين نتكلم عن الأمن القومي في الطاقة لأن ده بالضبط هو وقته.. لأن معناه إنك قادر تضمن إن احتياجاتك من الطاقة موصولة بشكل مستقر.. بدون ما تكون رهينة لقرارات سياسية خارجية.. بدون ما يكون فيه طرف تالت عنده حق فيتو على قراراتك..

وصفقة الغاز دي ببساطة من أول أصل المشكلة لحد توقيع الصفقة.. هي عكس التعريف اللي فوق ده تماما..

دلوقتي عاوزك تسأل نفسك أسئلة مهمة..

لو حصل حرب تاني.. ولو إسرائيل قررت تقطع الغاز تاني.. هل مصر عندها بدائل سريعة؟

أقولك باختصار.. مصر معندهاش محطات LNG كافية لتحويل ل 130 مليار متر مكعب من الواردات.. ومحطات إدكو ودمياط اللي عندها بالأساس مفيهاش الطاقة الكافية لتخزين شهر واحد..

ليه مصر معملتش استثمار في حل بديل بدل ما تعتمد 20 سنة على إسرائيل؟

الأسباب هي الأزمة المالية.. قلة الاستثمار.. الديون..الصرف في مشاريع مش أولوية.. وفي نفس الوقت القرار السياسي اختار الحل الأسرع والأرخص بدل الحل اللي يكون حريص على الأمن القومي..

أهم سؤال.. هل ال 2 مليار دولار اللي بنوفرهم كل سنة من فرق السعر ده يستحق إنك تفقد استقلاليتك في الطاقة لمدة 20 سنة؟

لأ.. قولا واحدا.. لأن اللحظة اللي إسرائيل هتقطع فيها الغاز.. الفلوس اللي وفرتها دي هتدفع أضعافها في استيراد سريع.. وفي عطلة المصانع والخدمات في البلد..

لم بقى الكلام ده كله جمب بعضه.. هتفهم إن الصفقة دي عبارة عن ربط استراتيجي.. يعني إن مصر قالت لإسرائيل بوضوح لو عاوزه تضغطي عليا سياسيا لمدة 15 سنة مفيش مشكلة.. أنا معتمد عليكي في الغاز.. فحرفيا قرار واحد منك يوقف لي البلد كلها بمصانعها بخدماتها بتصديرها بقناة سويسها..

والإسرائيليين أكيد فاهمين ده جداً.. ولو قريت التقارير الإسرائيلية نفسها هتلاقي كلام واضح إنهم شايفين الصفقة دي مش كصفقة تجارية ضخمة رغم انها الاكبر في مجال الطاقة في تاريخ اسرائيل.. لكن انها بتديهم سيادة مطلقة على أهم دولة من دول الجوار.. وبرضو المصادر في التعليقات.. ده مش كلامي..

وعندي كام سؤال للحكومة المصرية.. انتوا قولتوا في تصريح رسمي بالنص “الصفقة تجارية بحتة”.. طيب حلو..

هل حد حسب التكلفة الحقيقية للصفقة؟ ولا انتوا بصيتوا علي السعر الفوري أو الرقم المحاسبي بدون حسابات الأمن القومي والسيادة واضافة تكلفة الحسابات دي؟

هل فيه scenario planning لما إسرائيل تقطع الغاز تاني؟

هل فيه خطة بديلة لو الصفقة انهارت؟

هل استثمرت مصر في تطوير القدرات المحلية بالتوازي؟ ولا خلاص صرفتوا الفلوس كلها في الاستيراد؟

هنفضل لحد امتى بنتعامل بمنطق تأجيل المشاكل حتى لو التمن أمنك القومي؟

مصر بكل وضوح اختارت الراحة قصيرة الأجل على حساب الأمن القومي.. واختارت إنها تتكل على دولة ليها معاها تاريخ من الندم والمشاكل بدل إنها تستثمر في نفسها..

ده مش خطأ اقتصادي.. احنا بنتكلم عن غلطة استراتيجية وإدارية كلنا بلا استثناء هندفع تمنها غالي أوي..

منقول عن مؤمن اشرف

المقال ده مش بيحكي عن الطاقة المتجددة مثل الشمس و الرياح او حتى المحطة النووية ،، و كلها هتوفر كميات من الغاز او المزيج الاحفوري المستخدم لتوليد الطاقة ،، مصر بتعمل مشاريع عملاقة في كل انواع الطاقات النظيفة و الشمسية و الرياح ،، بنبان ٢ جيجا و نجع حمادي ١,٥ جيجا في الطاقة الشمسية ،، مزارع الرياح استثمارات مليارية خصوصا شركة السعودية اكوا باور ١٠ مليار دولار ده غير مزارع جبل الزيت في الزعفرانة ،، مشروع الضبعة ٤,٨ جيجا و ٣٠ مليار دولار ،، كمان لازم نشير الى الجهود المبذولة لتطوير المحطات الكهرومائية في السد العالي و بناء قناطر في اسيوط و ترعة الإبراهيمية ،، استثمارات ضخمة و عملاقة عشان نحل ازمة الطاقة المزمنة.

كمان الكاتب مش بيشير الى اعتماد مصر التاريخي على مصادر الطاقة الخارجية ،، يعني قصة امن الطاقة الاستراتيجي كانت نقطة ضعف طول عمرها ،، عبدالناصر و السادات اتكلموا عن الاستغلال السياسي للنفط وقت الحرب و كانو بيشتكوا*.

شوف ،، معادلة الطاقة المصرية في طريقها الى انقلاب تاريخي و مصر هتصدر الطاقة اللي كانت طول عمرها بتستوردها.

*في مقطع مشهور للسادات ،، كان بيحكي ان شاه ايران حول مسارات سفن البترول في عرض البحر و اعاد توجيهها الى مصر ،، و كان بيحكي عن ناس تانية مرتاحين ،، و دي الامارة.

 

[الوشمي]

الأعضاء اللي معترضين على الصفقة كمناكفة في مصر والمصريين، لو قام أميرهم ولا ولي عهدهم بصفقة مماثلة لتحدثوا عن روعة الاستثمار والنظرة المبعدية لأولي الأمر ولطفقوا يتحدثوا عن مصالح بلدهم الأولى بالرعاية والنظر. كما شهدنا في العديد من الصفقات المشابهة والمشبوهة مع الجانب الأمريكي والبريطاني

وأقول لكل فرد معترض ولكل عربي متحمس، احنا مستعدين ناخد منك أنت الغاز بشرط يكون بنفس سعر الإسرائيلي. أرمي بياضك.

لكن الحقيقة لن يوافق أي فرد. ولن توافق أي حكومة عربية (كانوا وافقوا قبل كده !). لا بيرحموا ولا عايزين رحمة ربنا تنزل.

عمومًا خلي الناس هنا تاكل عيش وتزايد. عادي احنا متعودين على كده. بالتوفيق يا شباب. تعليقات أكتر بقى

اتفق معك. اللي معترض على صفقة الغاز يعوضها للمصريين. البلد تطفى عليها الكهرباء لنقص الغاز و اسرائيل وفرت بديل. تعترض عطهم غاز بنفس السعر او اسكت .
حبيبي انت شايف انت كيف زعلان لما الناس تستشرف عليك؟ ترا هو نفس الشعور اللي نحس فيه لما يجي اخ مصري او عربي و يمارس نفس الشي علينا و يمارس الوصاية علينا او على بلدنا.
شعور مقرف بصراحة و ما الومك.

 

[Abohjaj]

وأقول لكل فرد معترض ولكل عربي متحمس، احنا مستعدين ناخد منك أنت الغاز بشرط يكون بنفس سعر الإسرائيلي. أرمي بياضك.

بصرف النظر عن الكارثة الأخلاقية المتمثلة في المساهمة بتمويل الآلة العسكرية للكيان ضد شعب مسلم.

فإن اختزال المشهد في (عامل السعر) يعد سذاجة مقززه من المصريين

بهذه الصفقة أنت لا تشتري الغاز فحسب بل منحت عدوك ورقة ظغط استراتيجية لتتحول طوعاً إلى رهينة خاضعة لإرادته وقراراته

عالعموم مبروك جبتوا قون ​

 

[Abohjaj]

طول حياتي لم ارا دولة تضع حبل المشنقة حول رقبتها بهذي السذاجة ​