مصر توقع صفقة غاز مع إسرائيل ب 35 مليار دولار

[Forget Them All]

بصراحة وبعيدا عن اني متفق تماما فيما مع ما تقوم به بلدي من إعلاء لمصلحتها ووضع مصلحة شعبها فوق أي اعتبار إنما تبرير اللجان الشعبية للصفقة
شئ مثير للضحك

 

[طسم]

بعد نجاح اسرائيل في السيطرة على مجال الطاقة المصري والأردني وسلبهم استقلالهم في هذا المجال تسعى لنفس الأمر في لبنان

وتسعى اسرائيل بحلول 2040 ايضاً للسيطرة على مجال المياة في لبنان ومصر وسلبهم استقلالهم ايضاً في هذا المجال بعد أن نجحت بسلب الأردن استقلاله في مجال المياة

 

[طسم]

رئيس وزراء اسرائيل نتنياهو سيعقد لقاء قمة مع الرئيس المصري السيسي في دولة غربية بعد نجاح الضغوط الامريكية والاسرائيلية على مصر في اتمام اتفاق صفقة الغاز والانسحاب التدريجي للقوات الامنية والعسكرية المصرية من مواقع انتشارها الجديدة في سيناء

 

[Jokerr]

نتنياهو اخذ 35 مليار دولار من ميزانية الدولة المصرية عشان يسمح للجيش المصري انه يسحب قواته من سيناء

يخرب بيتك يا نتنياهو على هذي العمله ولله طلع مهو بسيط يشتري اسلحته على حساب اعدائه ​

 

[Jokerr]

بعد نجاح اسرائيل في السيطرة على مجال الطاقة المصري والأردني وسلبهم استقلالهم في هذا المجال تسعى لنفس الأمر في لبنان

وتسعى اسرائيل بحلول 2040 ايضاً للسيطرة على مجال المياة في لبنان ومصر وسلبهم استقلالهم ايضاً في هذا المجال بعد أن نجحت بسلب الأردن استقلاله في مجال المياة

ابو محمود كان يروج ان مصر سوف تزيد عدد جنودها في سيناء بعد الاتفاقية لكن حصل العكس و الجيش المصري انسحب نتنياهو جالس يربح في سيناء ​

 

[deter]

دعايه بس ده مذكوره على قناه العربيه فى تقريرها . و هما ملهمش مكان تانى يوده فيه

ايوه بس مش مذكورة في القرآن

اهم شي انك مصدق جو الخناقات الاعلامية والسياسية مع اسرائيل

 

[الدبلوماســي]

هذه مغالطه كباقى كلامك وًمحاوله يائسه لقلب حقيقه يعلمها القاسى و الدانى و أنا اتقول شى لا سمح الله عليك و لكن رفضك لسماع الحقيقه الصعبه بيخليك تغلط و تخبى عنيك و تدفن رأسك فى الرمال ،
رأى الرئيس الامريكى معروف و مسجل و أنا لا اتقول شى .
معلش

ليس لدي مغالطات .انا اتكلم عن خطا ترتكبه دولتك ..وعن كلام بعض الشعب المصري اللي مايعرف كوعه من كرسوعه.
راي الرئيس الامريكي بماذا.ممكن تقولي ماهو راية بالسعوديه وحكامها.

 

[صاعق-2]

ايوه بس مش مذكورة في القرآن

اهم شي انك مصدق جو الخناقات الاعلامية والسياسية مع اسرائيل

لو كلام على سعوديه =نصدق كلو
كلام مش على هوانا= خرط

و نفس حجة الاشقاء و الاخوان بلون 2

 

[فهد1234]

اذا كان الأمر صحيح فهي أكبر اهانة لمصر و للعرب و المسلكين على العموم
مصر تشتري الغاز المسروق من فلسطين و تدعم خزينة الصهاينة و التي تتغنا بأنه هو العدو الاول لهم
من يوم مسك السيسي مصر و هي ذاهبة للهاوية

مصر الان ستعتمد على اسرائيل في ربع احتياجاتها للغاز.

 

[deter]

لو كلام على سعوديه =نصدق كلو
كلام مش على هوانا= خرط

و نفس حجة الاشقاء و الاخوان بلون 2

ايه الكلام اللي اتقال على السعودية مثلا !
انا اتكلم عن صفقة في ظرف ماء وبوجود تصريحات كان البعض يعتقد انها سلبية وتوترات

 

[Alucard]

‏ هناك جاران أحدهم مصري و الأخر فلسطيني
‏هجم الإسرائيلي على بيت الفلسطيني وقتل أبناءه و شرّد من بقي منهم
‏و سرق محتوياته وعرض الأثاث الملطخ بالدماء للبيع فلم يشتريه أحد ألا المصري
‏

و حين سؤل ليش اشترى اثاث اخوه المسروق؟

قال لقيته بنصف السعر! ​

 

[🕒رُبـع سـاعـة🕒]

​

 

[EL-3kaad]

وانا بدور على فرص دكتوراه كان اكتر اعلانات في مجالي مفتوحه للدكتوراه هيا دكتوراه في أمن الطاقة.. جامعات ومراكز بحثيه فيها اقسام كاملة عن الطاقة وعلاقتها بالأمن القومي.. وبصراحه مكانتش اختياري الأول.. لكن عملت مقابلتين وذاكرت لهم كويس وقتها.. ووانا بذاكر لهم اكتشفت ان المجال ده لا يقل بل قد يتفوق على حاجه زي مجال الدفاع مثلا..

موضوع الطاقة رغم اهميته وحساسيته.. للأسف تاني زي موضوع الدفاع.. اتبعت للجان اليكترونيه بسكريبتات جاهزه٫ واعلام الدولة نازل بنفس الكلمات للتبرير.. مشهد عبثي تاني.. ومش بقول انهم غلط.. للحق فيه كلام بيقولوه صح.. لكن الموضوع لا يمكن اختزاله في معلومتين.. محتاجين نشوفه من كل الأبعاد عشان نفهم ايه اللي بيحصل..

تعالى بحياديه نشوف التفاصيل.. وانت احكم بنفسك هل هيا في صالح مصر ولا لأ.. وهسيب كل المصادر (تقريبا 60 لينك) في التعليقات اتأكد بنفسك من كل معلومة كتبتهالك..

وبالمناسبة.. لو منتظر اني اقولك ان السيسي خاين وعميل.. فانت في البوست الغلط فمتضيعش وقتك..

أولا وقبل كل حاجه.. للأسف اختيار استيراد الغاز من اسرائيل كان اقتصاديا هو الخيار الوحيد قدامنا.. عشان كده السؤال اللي محتاجين نسأله هو ليه وصلنا النقطة دي.. وهل الحل ده أفضل خيار بين خيارات سيئة ولا احنا عملنا غلطة استراتيجية بيروقراطية هتستمر معانا لعشرين سنة قدام..

لما قريت في المصادر وحاولت افهم الموضوع بتفاصيله لاقيت إن المشكلة الحقيقية اللي عند مصر مش مشكلة اقتصادية فقط.. المشكلة اقتصادية وإدارية وسياسية في نفس الوقت.. وهتفهم دلوقتي ليه بقول كده..

انت دولة كانت قاعدة الغاز لمنطقة الشرق الأوسط كله.. حقول ضخمة.. إمدادات غزيرة.. وفي 2015 اكتشفت حقل ظهر اللي كان يعتبر أكبر اكتشاف في المتوسط.. وقولت بنفسك إن المشكلة اتحلت وإن مصر راجعة للسوق وعندها غاز لحد 23 سنة قدام.. مش بس اكتفاء ذاتي.. لكن كمان تصدير..

بس المشكلة الدولة عملت إيه بالفلوس اللي كانت المفروض تستثمرها في الحقول دي وفي دعم Eni عشان توسع الإنتاج؟

بالظبط اللي انت اتوقعته.. الفلوس ما راحتش في التطوير.. واتصرفت على حاجات تانيه مش أولويات وقتها.. والنتيجة بعد ما حققنا الاكتفاء الذاتي لمدة 3 سنين.. جينا 2022 لاقينا إننا قدام مشكلة أو في الحقيقة كارثة.. الإنتاج بقى اقل من الاحتياج المحلي.. بعد ما كنا بنتكلم في تصدير من 3 سنين قبلها.. وكنا نقدر نصدر فعلا.. مكانش مجرد كلام..

من 2023 لأول مرة بعد 20 سنة تبقى مصر محتاجه بشكل عاجل وضروري انها تستورد غاز.. الدولة خسرت قدرتها على تلبية احتياجاتها الأساسية من الطاقة.. وفي صيف 2024 كلنا فاكرين مشاكل قطع الكهربا على الناس لأن ما فيش غاز كافي..

السؤال اللي محدش عاوز يسأله.. مش ليه محتاجين الغاز الإسرائيلي دلوقتي لكن ليه وصلنا هنا أصلا؟

والإجابة نقدر نختصرها في كلمة واحدة.. إدارة.. أو كلمتين.. سوء إدارة..

الحكومة / وزارة البترول كانت عايزة توصل للاكتفاء الذاتي.. هدف واضح.. بس الشركات التي بتدير الحقول والاستثمارات حصل بينهم وبين الحكومة فشل في التواصل.. وحصل من الحكومة سوء إدارة.. حتى لما اكتشفنا حقل ظهر مكانش فيه خطة واضحة لإعادة الاستثمار في الحقول القديمة.. ولا كانت فيه مؤشرات إنذار تقول لنا فيه انخفاض في الإنتاج هيعمل كارثه قريب..

ده معناه ايه؟ معناه انك قولت انا خلاص لاقيت حقل غاز هيحل لي كل مشاكلي.. فسيبت الحقول اللي موجوده ومحطيتش استثمار كافي فيها.. وبالتالي قلت طاقتها الإنتاجية.. في نفس الوقت اللي توقعاتك من الحقل الجديد مكانتش مظبوطه.. النتيجة.. البس عشان خارجين..

والجزء الخطير اللي محدش بيتكلم فيه بصراحة ووضوح هو إن الدولة فقدت الحس بالأمن القومي المتعلق بالطاقة.. لأن لو كانت عندها احساس بالمخاطر مكانتش حطت كل رهانها على حقل واحد.. مكانتش سابت الحقول التانية تتدهور وتقل طاقتها الإنتاجية..مكانتش رفضت شركات كانت عاوزه تستثمر في الحقول القديمة وتطورها وتعلي انتاجها.. مكانتش صرفت ميزانيتها على مشاريع مش أولوية في الوقت اللي سابت فيه الأمن القومي المتعلق بالطاقة..

وده كان السبب الأساسي اللي وصلنا للنقطة اللي الدولة مضطرة توقع على عقد طويل المدى مع إسرائيل.. تزود نفسها ب 130 مليار متر مكعب من الغاز الإسرائيلي لحد 2040.. فأيوه وبكل صراحة وحقانية.. احنا محتاجين الصفقة دي.. بس برضو محتاجين نفكر في الكلام الجاي ده كويس..

الصفقة في حد ذاتها لا بتحل المشكلة ولا بتعمل حاجة غير إنها بتأجل أزمة وبتفتح باب خطير جداً من ناحية الأمن القومي..

أول حاجة.. السعر.. أيوه الغاز الإسرائيلي أرخص من LNG العالمي.. يعني بدل ما نستورد ب 14-16 دولار للمليون BTU هناخد ب 7.29 دولار.. وده بيوفر لنا حوالي 2 مليار دولار سنوياً.. ودي حسابات صح من الناحية الاقتصادية قصيرة الأجل.. وده الكلام اللي متوزع على اللجان لو حد متابع اكيد شافه..

لكن.. ولكن هنا مهمة.. جدا..

الصفقة دي مش مجرد عقد تجاري عادي.. وعامة أي صفقة طاقة مش بتكون صفقة تجارية.. لأن الطاقة أمن قومي.. وأمن قومي حساس جدا كمان..

مش هقولك لو قامت حرب بين مصر وإسرائيل.. لأ ده دلوقتي سيناريو بعيد جدا.. لكن تخيل معايا الحالة اللي حصلت في يونيو 2025.. حرب بين إسرائيل وإيران.. وإسرائيل قالت ل بل أتكيف (اللي بيشغل الغاز): اقفل الحنفيه يابني.. وقف التصدير وحول الإنتاج كله علشان الجيش الإسرائيلي محتاج الغاز ده..

في خلال كام ساعة فقط مصر هتخسر 3 مليار متر مكعب شهريا.. وده معناه إن مصر هتضطر تقفل مصانع الأسمدة بالكامل ومعظم مصانع التصنيع الثقيل.. بل ومعظم الكهربا بتاعت الإسكان.. حرفيا بدون أدنى تهويل.. هتكون كارثة بكل معنى الكلمة..

انت دلوقتي اكيد بتقول الكلام ده أوفر أوي صح؟

تعرف ان اللي بقوله ده حصل فعلا في يونيو 2025؟ وحصل مشاكل في شبكات الطاقة في مصر بسبب الحرب.. المصادر فيها تفاصيل اللي حصل وحجم الضرر على الصناعه التقيلة وقتها..

بل إن إعادة الفتح كانت بأمر إسرائيلي.. يعني مفتحتش بسبب ضغط مصري.. رغم ان مصر ضغطت لإعادة فتح الغاز.. لكن إسرائيل فتحت وقفلت كذا مره في نفس الأزمة.. وده عمل مشاكل في شبكة الطاقة في مصر..

ده اللي بيسموه في الأدبيات الأكاديمية استخدام الطاقة كسلاح سياسي.. وروسيا عملتها مع أوكرانيا وأوروبا عشرات المرات.. يعني الموضوع مش اختراع جديد ولا حدوثه مستحيل..

الفكرة بسيطة جداً.. انت لما تبقى معتمد على إسرائيل في تزويدك باحتياج يومي.. فمعناه إن إسرائيل بتشارك مصر في كل قرار سياسي أو عسكري عاوزه تاخده.. لأنك ببساطة لو عملت حاجة مش عاجبه إسرائيل.. ممكن توقف الغاز.. وفي ساعات معدودة تنهار خدماتك.. وبالمناسبة ده برضو حصل قبل كده بدون حروب.. والأسباب كانت ايه ده.. ده حصل عندنا عطل معلش يا جماعه.. هنكمل بكره.. لأ هنكمل الاسبوع الجاي..

المشكلة الثانية والأخطر هي إن الصفقة دي بتمنع مصر من التنويع.. لأن 130 مليار متر مكعب اتفاق لحد سنة 2040 يعني مصر قالت بوضوح انا مصدر طاقتي لمدة 15 سنة هو اسرائيل.. فكده أي دولة تانية هتحاول تستثمر في غاز المتوسط.. أو أي شركة كبيرة هتحاول تقرب من مصر بعرض بديل.. هيلاقي إن مصر ملتزمة التزام طويل الأجل.. وإسرائيل هي الشريك الاستراتيجي..

في الاقتصاد لما يكون فيه استثمار اتعمل خلاص لمدة معينة.. بيبقى عندك sunk cost.. وده بيضعف موقفك في المستقبل.. عشان كده دايما العقود اللي زي دي المصلحة فيها للمشتري انها متكونش طويلة.. لأن الطرف التاني قادر يقول بعد كده انا هغير الشروط.. وانت هتبقى مضطر توافق..

الوضع ده بالضبط هو اللي بيحصل كل يوم في العلاقات المتعلقة بالطاقة بين الدول..

وفيه مثال واضح بقوة.. ولسه من كام سنة حصل.. أوروبا والغاز الروسي.. روسيا عذبت أوروبا كلها بعد حرب أوكرانيا.. شوية بالسعر اللي غيرته.. وشوية بقطع الغاز تماما..

أوروبا لحد النهارده عاملين تحالف بقيادة بولندا عشان يتخلصوا من مشكلة الطاقة مع روسيا.. بولندا استثمرت في محطات LNG (اللي اللجان بتقول دي غاليه.. لكن اوروبا اضطرت ليها عشان متوقعش في الفخ اللي مصر رايحه عليه).. بولندا برضو استثمرت في خط Baltic Pipe (من النرويج).. واستثمرت في توسعة البنية التحتية.. كل ده عشان بس تقدر تقول لروسيا مش محتاجين منك غاز..

انما احنا عملنا صفقة على 15 سنة من الاعتماد على ليفياثان... ولحد النهارده مفيش خطة بديلة..

مشكله كمان هي إن مصر بتاخد الغاز ده من ليفياثان عن طريق EMG pipeline.. يعني خط واحد في الأساس.. مع خطوط ثانوية بس لتوزيع محلي.. يعني لو ضربة عسكرية.. لو عطل تقني.. البديل سريع إيه؟ لا يوجد..

المشكلة التالتة هي انك بتفقد السيادة على قرار الطاقة.. دي نقطة بتتجاهلها حكومات كتير لأنها مش بتطلع في الأرقام اليومية.. لكن الأكاديميين والمحللين الاستراتيجيين بيقولوا إن لما دولة بتبقى معتمدة على دولة تانية في احتياجها الأساسي من الطاقة.. الدولة الموردة بتبقى عندها سيادة غير مباشرة على الدولة اللي بتشتري.. والسيادة نقطة جديدة ومختلفة عن اللي كتبته فوق..

الكلام ده مش تنظير.. الكلام ده كله موجود وحصل.. سوريا كانت معتمدة على إيران في الكهرباء والغاز.. لما اختلفت مع إيران في رؤيتهم في مستقبل المنطقة.. إيران قللت الإمدادات بشكل بسيط لكن كافي إن يخلق ضغط سياسي على الحكومة السورية..

وباكستان وتركيا عانوا من نفس المشكلة.. تركيا وصلت لنقطة إن 50% من احتياجاتها الغاز كانت عند روسيا وإيران.. وده خنقها سياسياً لسنين..

ساعتها تركيا فهمت الدرس وقررت تنوع.. بدأت تبني محطات LNG.. عملت عقود مع أمريكا.. استثمرت في الغاز البحري المحلي.. ودلوقتي تركيا ماشيه توقع عقود مع مصادر مختلفة عشان تحاول توقف عقدها مع روسيا لو احتاجت ده بعدين لأنها هيبقى عندها بدائل..

مصر اخدت الطريق العكسي تماماً.. يعني أولا سوء إدارة خلق أزمة عميقة.. وبدل ما نحل الأزمة فقط أجلناها.. وحتى في التأجيل ده فيه مشاكل.. بدل ما نعمل تنويع في المصادر.. عملنا عقد التزام لمدة 15 سنة!

وهنا محتاجين نتكلم عن الأمن القومي في الطاقة لأن ده بالضبط هو وقته.. لأن معناه إنك قادر تضمن إن احتياجاتك من الطاقة موصولة بشكل مستقر.. بدون ما تكون رهينة لقرارات سياسية خارجية.. بدون ما يكون فيه طرف تالت عنده حق فيتو على قراراتك..

وصفقة الغاز دي ببساطة من أول أصل المشكلة لحد توقيع الصفقة.. هي عكس التعريف اللي فوق ده تماما..

دلوقتي عاوزك تسأل نفسك أسئلة مهمة..

لو حصل حرب تاني.. ولو إسرائيل قررت تقطع الغاز تاني.. هل مصر عندها بدائل سريعة؟

أقولك باختصار.. مصر معندهاش محطات LNG كافية لتحويل ل 130 مليار متر مكعب من الواردات.. ومحطات إدكو ودمياط اللي عندها بالأساس مفيهاش الطاقة الكافية لتخزين شهر واحد..

ليه مصر معملتش استثمار في حل بديل بدل ما تعتمد 20 سنة على إسرائيل؟

الأسباب هي الأزمة المالية.. قلة الاستثمار.. الديون..الصرف في مشاريع مش أولوية.. وفي نفس الوقت القرار السياسي اختار الحل الأسرع والأرخص بدل الحل اللي يكون حريص على الأمن القومي..

أهم سؤال.. هل ال 2 مليار دولار اللي بنوفرهم كل سنة من فرق السعر ده يستحق إنك تفقد استقلاليتك في الطاقة لمدة 20 سنة؟

لأ.. قولا واحدا.. لأن اللحظة اللي إسرائيل هتقطع فيها الغاز.. الفلوس اللي وفرتها دي هتدفع أضعافها في استيراد سريع.. وفي عطلة المصانع والخدمات في البلد..

لم بقى الكلام ده كله جمب بعضه.. هتفهم إن الصفقة دي عبارة عن ربط استراتيجي.. يعني إن مصر قالت لإسرائيل بوضوح لو عاوزه تضغطي عليا سياسيا لمدة 15 سنة مفيش مشكلة.. أنا معتمد عليكي في الغاز.. فحرفيا قرار واحد منك يوقف لي البلد كلها بمصانعها بخدماتها بتصديرها بقناة سويسها..

والإسرائيليين أكيد فاهمين ده جداً.. ولو قريت التقارير الإسرائيلية نفسها هتلاقي كلام واضح إنهم شايفين الصفقة دي مش كصفقة تجارية ضخمة رغم انها الاكبر في مجال الطاقة في تاريخ اسرائيل.. لكن انها بتديهم سيادة مطلقة على أهم دولة من دول الجوار.. وبرضو المصادر في التعليقات.. ده مش كلامي..

وعندي كام سؤال للحكومة المصرية.. انتوا قولتوا في تصريح رسمي بالنص “الصفقة تجارية بحتة”.. طيب حلو..

هل حد حسب التكلفة الحقيقية للصفقة؟ ولا انتوا بصيتوا علي السعر الفوري أو الرقم المحاسبي بدون حسابات الأمن القومي والسيادة واضافة تكلفة الحسابات دي؟

هل فيه scenario planning لما إسرائيل تقطع الغاز تاني؟

هل فيه خطة بديلة لو الصفقة انهارت؟

هل استثمرت مصر في تطوير القدرات المحلية بالتوازي؟ ولا خلاص صرفتوا الفلوس كلها في الاستيراد؟

هنفضل لحد امتى بنتعامل بمنطق تأجيل المشاكل حتى لو التمن أمنك القومي؟

مصر بكل وضوح اختارت الراحة قصيرة الأجل على حساب الأمن القومي.. واختارت إنها تتكل على دولة ليها معاها تاريخ من الندم والمشاكل بدل إنها تستثمر في نفسها..

ده مش خطأ اقتصادي.. احنا بنتكلم عن غلطة استراتيجية وإدارية كلنا بلا استثناء هندفع تمنها غالي أوي..

منقول عن مؤمن اشرف

من الناحيه الاقتصاديه

القول إن الصفقة رخيصة صحيح فقط قبل الإسالة
وبعد الإسالة تزول هذه الأفضلية السعرية
فالغاز الإسرائيلي يسوق بسعر ~7.3$ للمليون وحدة حرارية كغاز خام عبر الأنابيب.
بعد الإسالة + التشغيل + الشحن + إعادة التغويز يرتفع السعر إلى ≈13–14$.
النتيجة: بعد الإسالة الغاز الإسرائيلي ≈ الغاز القطري LNG سعرا… والفرق كان قبل الإسالة فقط. ..
إسرائيل مهمه ليها انها تتحكم فى أمن الطاقة لمصر وامن المياه للأردن عشان تكون ليها الكلمه العليا فى بعض الملفات

 

[davv]

ايوه بس مش مذكورة في القرآن

اهم شي انك مصدق جو الخناقات الاعلامية والسياسية مع اسرائيهجو

هو أنا اللى جبته ممن عندى و لا قناه غير مصريات. أساسا إلى ذكرت مش احسن معمل زيك و ارمى الناس بسواد القلب زيك بدون دليل

 

[davv]

ليس لدي مغالطات .انا اتكلم عن خطا ترتكبه دولتك ..وعن كلام بعض الشعب المصري اللي مايعرف كوعه من كرسوعه.
راي الرئيس الامريكي بماذا.ممكن تقولي ماهو راية بالسعوديه وحكامها.

طب يا شيخ أنا مش هرد عليك عشان كل إلى فى المنتدى فاكر هو قال اه كويس و ان مكنتش انت فاكر اسال جونى بوى عارفه هيقولك ؟

 

[محمد_نبيل]

غاز منطقة شرق المتوسط كمياته غير مستدامة بالأساس

كلاهما مصر واسرائيل بالأضافة للبنان وسوريا والأردن سيحتاجون بعد 2040 لمشاريع طاقة تستتبعهم في مجال الطاقة لدول الخليج العربي مثل برامج عقود الاستيراد أو مشاريع الأنابيب

بعد عام ٢٠٤٠ ستكون الطاقات المتجددة والهيدروجين قد أحدثا تحولا كبيرا فى سوق الطاقة.

 

[الدبلوماســي]

طب يا شيخ أنا مش هرد عليك عشان كل إلى فى المنتدى فاكر هو قال اه كويس و ان مكنتش انت فاكر اسال جونى بوى عارفه هيقولك ؟

اشرهه علي اللي يرد على مهرج مثلك انت عوز تقول انه قال شي لكن ماتعرف وش قال وتنتقد ماتدري وش تنتقد..روح نام بس

 

[Forget Them All]

أدّيله أدّى بصوت ام خالد

 

[ابو ثامر]

لان الغاز اللي مطهو بيه الأكل في مصر غاز اسرائيلي
فلو شفناهم في مصر بياكلوا في مطعم هنفضحهم ونشهّر بيهم

كلام سليم واشكرك صراحة على تنبيهنا.
وابشرك قريباً بأذن الله راح نظلق حملة مقاطعة المنتجات المصرية لنفس السبب
​

 

[Forget Them All]

كلام سليم واشكرك صراحة على تنبيهنا.
وابشرك قريباً بأذن الله راح نظلق حملة مقاطعة المنتجات المصرية لنفس السبب
​

ميرسي جدا وبصفتى مصري بشد على ايدك وبقولك ما حد داري عنك غير ثامر يابو ثامر وباقي أعضاء المنتدى ومعالي اللواء @سمير فرج
اتوكل على الله
وابقى قابلني أن حد عبّرك