بالعكس اسمحلى أختلف معاك
طول مده الحرب وخصوصا حرب زى دى عايش فيها المجتمع الاسرائيلى تحت القصف (حتى ولو بشكل محدود ) مش فى صالح الكيان
هتلاقى كثير من مزدوجى الجنسيه ودول عددهم كبير جدا بيحاولوا يخرجوا ولو مؤقتا + ضغط أقتصادى وخصوصا لما ميناء مهم زى حيفا يعتبر شريان دخول البترول والواردات الاسرائيليه يتضرب على فترات
بالمقارنه أيران برغم كل الضرب اللى بتتلقاه حالتها تسمح بالحروب الطويله لأنها دوله كبيره بموارد ممتازه فى مجال الطاقه وعندها تصنيع عسكرى لكل أسلحتها تقريبا (حتى ولو مش قد كده ) وفيه دول ممكن تقدملها ( أو تكون بالفعل بتقدملها الدعم ) عسكريا زى الروس والصينين اللى فى أسوا الأحوال هيعتبروها قطعه شطرنج مهمه فى اللعب مع الأمريكان , دى حاله مختلفه تماما عن حزب الله
نتيانياهو بيعمل البدع علشان يشد الأمريكان معاه لأنه زى فعلا ما قال ترامب مش هيقدر يكسر شوكه أيران لوحده والموضوع ممكن يتحول لصراع طويل مش فى صالحه
اللى ممكن يعمله نتيانياهو لوحده فى أفضل الأحوال هو تأخير البرنامج النووى الأيرانى مش أكثر
اعتقد الإسرائيليين مش شاغلين بالهم بالتكاليف المالية أو العسكرية أو الصناعية
امريكا وأوروبا فاتحين خزاءنهم ليها على البحري
ولنا في اوكرانيا مثال بل وإسرائيل اهم من اوكرانيا
ومش لسواد عيون الإسرائيليين ولا عشان الهولوكوست زي ما معظم الناس فاكرة
طب ما الأرمن والاكراد اتبادوا ومحدش بيدعمهم
في مسؤول اوروبي طلع وقال السبب سواء بقصد او هفوة منه
المستشار الألماني قال إسرائيل تقوم بالعمل القذر في ايران نيابة عنا
نفس وضع اوكرانيا مع روسيا
دماء أوكرانية وإسرائيلية لحماية الغرب
تخيل مع مديات الصواريخ الإيرانية ورؤوس نووية كيف سيكون وضع أوروبا مع نظام مؤدلج ومتطرف كما إيران
الروس في مستنقع حقيقي وإذا دعموا هيكون بشكل محدود وممكن يترصد ويتضرب خاصة أن الأجواء مستباحة
الصين لم تصل بعد للرغبة في الصدام المسلح المباشر مع الغرب حيث لم تستكمل قدراتها العسكرية لتكون مؤهلة لهكذا مواجهة
العامل الوحيد اللي ممكن يعطي قبلة الحياة لإيران هو عدم تدخل امريكا بشكل مباشر واستعادة إيران اجواءها
والنقطتين شبه مستحيل يتحققوا
بعد القضاء على إيران وربما تهجير جزء معتبر من سكان غزة خارج المنطقة بالكامل على الأقل المرتبط بمقاتلي حركة حماس وذويهم
ستدخل المنطقة حالة هدوء طويلة الأمد تتوسع فيها المستوطنات داخل اجزاء من سوريا ولبنان وتصبح اقوى أضعاف واضعاف خاصة أنها أثبتت للغرب فائدتها
هذا على الأرض اما في الجو فستملك السيادة الجوية بالكامل على لبنان وسوريا والعراق وايران
لذلك اتمنى هزيمة إسرائيل في هذه الحرب ولو أنه شبه مستحيل لكن مفيش حاجة بعيدة على ربنا
