منقول
مين اللى بيحارب في سوريا؟
أنا هحكي لك، البداية كانت أن في رجل اسمه الجولاني وهو سوري الأصل وله حلم أن يأسس دولة سنية في سوريا، لما بدأت حرب العراق، راح انضم للمجاهدين هناك وبايع تنظيم الدولة بعدها عرض فكرة أننا نأسس حركة في سوريا، فرئيس التنظيم وافق وأصبح اسم الحركة دي " جبهة النصرة" المهم الجولاني دا له كاريزما وحضور ومفوه فبدا الناس تتجمع حوله،شوية بشوية تنظيم الدولة البيض بدأ يقلق من زيادة شعبية جبهة النصرة وزيادة نفوذ الجولاني وبدأ يطلب منه أنه يهاجم الجيش الحر "مجموعة ضباط منشقين عن الجيش السوري ومعاهم شوية ثوار" أو يبدأ يعمل عمليات في تركيا، الجولاني مش دموي على عكس التنظيم فبدا يماطل ويهدي فيهم فبدؤوا يرسلوا له ناس فهو يماطل لحد ما جابوا أخرهم فقال لهم إننا نحتكم للأمير العام وهو أمير القاعدة، فالامير حكم أن التنظيم في العراق والنصرة في سوريا، لكن التنظيم البيض نقض الاتفاق دا وانشق عن القاعدة وأعلن أنه اسمه دا//عش ودي اختصار دولة العراق والشام، فبدأ الناس ينفضوا من حول الجولاني وينضموا لد//عش بعدها بفترة تنظيم القاعدة بدأ يعاني من حوار أنه مصنف كمنظمة إرهابية وطبعا جبهة النصرة زراعها في سوريا، فالجبهة تأثرت زيها زي القاعدة فقرر الجولاني أنه يرسل للأمير هناك ويقوله أحنا تمام بس انا بعاني فأنا هنفصل عنك لكن مشروعنا زي ما هو، وأصبح اسمها جبهة تحرير الشام بدل جبهة النصرة.
الجولاني مسيطر على أدلب وعنده حكومة صغيرة كده وعامل شوية نظام بيحاكي بيه دولة فعلا، يعني تقدر تقول أدلب دي هي دولة مصغرة على حدود تركيا.
مين اللى بيحارب حاليا؟
بطريقة ما مجهولة: الجبهات دي اتحدت مع الجيش الحر وهما الضباط المنشقين عن الجيش السوري وبيحرروا حلب والداعم لهم تركيا اللى بتدعم أدلب.
العدو:
روسيا إيران ونظام الأسد ومليشيات شيعية تابعة له.
في حد تاني كده واحد جنب ودا حبيب ماما أمريكا ودول مجموعة أكراد ملاحدة مسميين نفسهم قوات سوريا الديموقراطية " قسد" ومش مشاركين في الحرب لكنهم ضد الثوار في العموم يعني وعمرهم ما حاربوا النظام أبدا.
؟
