العكس هم موافقين تماما اليابان هم المتعنتين
بشكل اوضح
المشروع مقسم على ثلاثه ( تصنيعياً) و فكرة بريطانيا و ايطاليا تقول خلاص ندخل السعوديه معنا و نقسم المشروع على اربعه
اليابان تقول لا، تبون السعوديه تدخل حصتي تبقى الثلث زيي ماهي انتم الثلاثه تقاسموا الثلثين الباقيه
وبريطانيا و ايطاليا ما اعجبهم هالكلام يقولون لا، تدخل و القسمه على الجميع او لا
يعني مشكلتنا مع اليابان و المشكله ما عندنا شي نلوي ذراعهم فيه
وبالنهايه كذا كذا حتى لو دخلنا ما راح نصنع الا اجزاء مثل البدن و شغلات زيي كذا اما الاشياء المهمه عندهم
مختلف عن بعض الاتفاقيات اللي تقول الشركاء يصنعون على الاجزاء و الطلبيات تقسم على الجميع مثل مثلا لو كان فيه طلبيه ١٢ طائرات كل واحد يصنع ٤ ويسلمها للعميل
لكل بحال الاتفاقيه هذي لا، لما تطلب مثلا من بريطانيا الطلبيه، تصنع اجزاءها الخاصه فيها وتجيب الاجزاء الباقيه من المشاركين الثانيين و بريطانيا هي تجمعهم
يعني يستفيد التجميع بالإضافة لصناعة اجزاءها