- إنضم
- 6 ديسمبر 2014
- المشاركات
- 10,423
- التفاعل
- الدولة
المشاركة دي دسمة اوي و حلوة اويموضوع التوسع فى سلاح الدرونز واضح إنه لا مفر منه وتشكيل قوة خامسة أو إلحاقه على قوة قائمة بالفعل داخل القوات المسلحة لازم يرجع للفكر من وراء استخدام النوع ده من الأسلحة. الفكر ثم الاستراتيجية ثم التكتيك.
على مستوى الفكر يتضح الاهتمام المصري مؤخراً بشكل كبير وبدأ يتبلور فى صورة فعاليات ومنتجات، مثل:
* المسابقات فى مجال الUAVs اللى بتعملها الفنية العسكرية وبتداوم عليها وبتشارك فى مسابقات خارجية بقوة مؤخراً.
* الفوائد من استخدام الدرونز فى عمليات سيناء وتأمين الحدود الغربية يعزز من مكانة الدرونز فى عقلية متخذ القرار.
* الانتاج المتنوع لعدد كبير من الدرونز من استطلاع لمسلح ثقيل وعرضه فى المعارض الأخيرة EDEX و العلمين. لو رجعت بالذاكرة هاتلاقي تحوت وتحتمس و ٣٠ يونيو و ٦ أكتوبر وغيرهم.
* انتاج والاستحواذ علي معدات مختلفة للتعامل مع درونات العدو بشكل الكتروني من أول البنادق المحمولة وحتي المعدات التخصصية فى حجم شاحنات.
إذاً نخلص إلي أنه فى إدراك لأهمية السلاح الجديد وده مهم جداً جداً.
الاستراتيجية:
هل هناك مؤشرات على التحول لاستراتيجية جديدة ؟!
الاجابة: عشان نكون منصفين ، احنا مشوفناش تحولات ضخمة تذكر عند أكتر جيش ديناميكي على الأرض فى تشكيلاته وفكره (الأمريكان). رغم القدرة والكفاءة. فلا تتوقع مننا تغيير جذري ضخم فى وقت قليل لأن الموضوع لا زال محل دراسة عند الكل.
تجارب الاستخدام الواسع لم تحدث إلا فى أوكرانيا مؤخراً والاستخدام فى أرمينيا كان مجرد مثال صغير كبداية وإن كان منظم أكثر وداخل نسق عمليات مفهوم مش قط وفار FPV زى أوكرانيا.
لذا الأمنية الأوقع بالنسبة لنا (أقرب للحدوث فى حالة صراع مصري اسرائيلي) هى استخلاص الدروس بشكل صحيح من أرمينيا وسوريا ٨٢ أكتر من أوكرانيا.
لتنفيذ الاستراتيجية دي أياً كانت ملامحها يلزم امتلاك الأدوات وهو أمر صار موجود بعد ما كنا بنقول انه صعب تحقيقه لفترة طويلة. (أن تأتي متأخراً خير من ألا تأتي)
دلوقتي فى درونز محلية الصنع بأحجام ومواصفات مختلفة و نقطة غاية فى الأهمية بقى فى ذخائر ذكية وقدرة على تحويل ذخائر تقليدية لذخائر موجهة. وده تقدم عظيم جداً يلزمه السعى نحو التحسين والانتاج الكمي بسرعة.
على مستوي التكتيك:
الأفكار كتير جداً لا تكاد تنتهي بسبب مرونة السلاح الجديد وخسائرة المقبولة بقدر كبير لأن مفيهاش عامل بشري تقريباً فى أرض المعركة ، هو دائماً خلف الشاشة يصنع الحدث.
آخر حاجه على بالي من فترة هى عناصر ال JTAC ممكن يلعبوا أدوار مهمة فى الإطار ده. بقدرتهم الكبيرة على التوجيه وتحديد الأهداف والتنسيق مع قوات الدعم القريب الجوية، ممكن يتم التوسع في العناصر دي مع الحاقها على كل الفرق للعمل بشكل مستقل بعيد عن قيادة السلاح (المظلات) بحيث تبقي تحت قيادة الفرقة أو اللواء و الفرقة تمتلك القدرة على تحريك وحدات جوية درونز فقط ، المقاتلات تبقي فى التسلسل المعتاد (القرار فى تقييد الدفاع الجوى او اطلاق يده لازم يبقي سهل فى مقابل عدو متفوق جوياً وإلكترونياً ) وبكده حتى لو حصل نيران صديقة فهي بلا خسائر فى أصول عالية التكلفة كالطيار أو المقاتلة باهظة الثمن(حل سحري لمشاكل التنوع الكبير فى معداتنا الجوية والدفاع الجوى وتخوفات فشل ال IFF , أى خدمة).
الفكر من كلامك لسه استكشافي و دا طبيعي لاي جهة عقلانية ، بش مش معنى ان الامريكان مش بيجدولو نفسهم لدا بشكل جذري حاليا اننا نستناهم ، واقعنا غيرهم تماما ... في النهاية دول مصنعين و مستخدمين top tier حيلاقي حل في اي وقت و مع ذلك دروس اليمن و اوكرانيا و مواجهة الصين بتعيد تشكيل المارينز لقوات خفيفة الحركة بمعدات اصغر و اكثر ايلاما و استقلالا يمكل نشرها متفرقة على خط الجزر حول الصين في استلهام لتجربة الحوثي حرفيا حيخلصو من كل الابرامز و يركنو لبطاريات صواريخ بحرية و درونز
موافقك جدا ان ارمينيا منظمة اكتر من اوكرانيا في الاستخدام للدرون حسب الفكر العسكري التقليدي بس تطويع المعدة لفكر قديم تكرار لنفس السلوك اللي نضج او تطور او تاقلم اكتر في اوكرانيا بسبب الظروف و هنا المهم لان عاجلا ام اجلا الدنيا بتتغير و حتتغير معاها في سيوف بقى في 1580 ميلادية او 2060 هيا process فا اختيارك حيكون عايز تقود التغيير و لا يقودك دا تحفيز مش استنكار
الحلو في الموضوع انك مش محتاج تعقيد صناعي ضخم ، بقدرتنا الصناعية الحالية تقدر تعمل درونز عادي تغطي اغلب احتيجاتك باي شكل من الخسائر تقدر تعوض و زي ما شرحت في ال JTAC كفكرة يمكن تصحيح المدفعية و الدعم الجوي و ممكن توفير دعم جوي مستقل للفرق و الالوية و المفروض الكتائب و السرايا و المجموعات الاصغر كمان ... احسن حاجة نعملها لجيشنا انه يبقى decentralized بحيث تدي فرصة لكل مكون منه بحاجة تافه و جدا و رخيصة جدا و تعوض جدا حسب ظرف المكون دا وقت القتال
ممكن تستعملها كمنصات تشويش متقدمة او اسراب هجوم على السفن المعادية و تتجاوز شبكاتها الدفاعية المعقدة او منصات اتصالات زي ستار لينك بس اكثر قربا و افضل من الاجهزة المحمولة بانتينا مع الجنود كشبكة درونز فردية او اسراب و تعوض غلاء الاقمار الصناعية و ضعف حمايتها ، ممكن تلحم مع واحد منهم سوفتوير زي بيجاسوس الاسرائيلي و تبعته لموقع معادي حيوي و تخترق شبكاته المؤمنة
بس كلامك عن الفكر هوا اهم شئ عنوان الليلة حرفيا عايزه قعده مطولة و جوبين و بمزاجك بقى لان الاوبشنز كتييييير و لسه مش حاسبين ال AI لما يدمج في العملية و اعتقد دا اللي موقف الامريكان حاليا لحين النضج لان دا حياخد الموضوع لابعاد ضخمة جدا و دا محتاج شغل زيه زي الدرونز بالضبط و قدامنا سنتين تلاتة بالكتير قبل ما الباب دا تحديدا يتقفل لان مش حينفع دا يشتغل من غير دا بعد 4 او 5 سنين
التعديل الأخير:
