مصر ترفع اسعار الوقود

[الخفاق الأخضر]

اتفق معاك تماما؛ هوه بيتعامل مع واقع مرير فرضه عليه غيره وعاوز يغيّره في أقل وقت ممكن وباقي سرعة ولكن للأسف الشعب بيدفع ثمن السرعة دي

هو بيتعامل مع واقع مرير نعم

فرضه عليه من سبقوه نعم


لكن هل ادارته لهذا الواقع صحيحة او لا

هنا الكلام

مافي احد قال ان البلد جنه هو حولها لجحيم

 

[KaspeR]

نعم أخي الكل يعلم ان عندنا فشل إقتصادي رهيب وتخبط وسوء في إدارة الدولة والعضو الفاضل قاعد يكلمني على سياسة الدعم

عندنا عدة شماعات نستخدمها ونعلق عليها فشلنا..

ياخي انت تدعم الخبز ( الي اغلبه يرتمي علف للاغنام ) وتدعم الدواء وتدعم الوقود وتدعم الكهرباء وتدعم الغاز وتعليم وصحة .

ماهي قدرة مصر على تقديم هذه الدعوم واساسا الميزان التجاري عندها مختل ( الواردات اعلى من صادرات )

انت الكويت مثلا ؟

بدل هذا الدعم العيني ياخي خصص دعم نقدي لشريحة معينة اصحاب الدخول المحدودة وراح توفر مصر الكثير

 

[masrawy_2020]

ياخي انا لم اقل لك ان السيسي ملاك نازل لانقاذ مصر السيسي رئيس لديه وعليه لكن والواقع مصر لن تكفيها 100 مليار دولار انت عندك بنية تحتية مهترئة ومتجمدة من سنين كل اسبوعين كنا نسمع عن حوادث قطارات وغرق عبارات في مصر

محطات الكهرباء من سبعينات الطرق مزدحمة العشوائيات غرقت المدن ، المصانع مأممة للحكومة وتشتغل بخسارة ، المطارات والموانىء المصرية لا تنافس حتى مدينة خليجية واحدة

والشعب عايش لان الاكل والمعيشة رخيصة بفضل الدعم .

السيسي على مساوئه واخطاءه الا انه عمل انجازات ومشاريع عملاقة ومشكلته الكبيرة انه عايز يلحق يعمل الي كان المفروض ينعمل من سنين وعشان كذا ضاغط على الشعب بزيادة .

مشاريع وانفاق و جسور ومترو ومحطة نووية وموانىء ومطارات و13 مدينة جديدة وعاصمة جديدة وتفريعة قناة السويس ومصانع وعايز يقضي على العشوائيات ويستصلح ملايين الفدانات كل هذا بظرف سنين قليلة هذه مشاريع ضخمة بعضها راح ينجح الان وبعضها مردوده راح يتاخر لسنين وبعضها راح يفشل لكن على الاقل الراجل تحرك افضل من غيره وخرج من منظومة الفشل السابقة .


الذي يأتي بعد السيسي راح يلاقي على الاقل اسس قوية ومشاريع عملاقة تساعده على نجاح منظومته

سأرد عليك.. بس قولي هل انت مصري أخي؟

واذا كنت من مصر..من أي المحافظات؟

سأنتظر الرد وسأرد عليك

 

[KaspeR]

سأرد عليك.. بس قولي هل انت مصري أخي؟

واذا كنت من مصر..من أي المحافظلت؟

سأنتظر الرد وسأرد عليك

لست مصري ، وما علاقة كلامي بردك

 

[محمد الجميل]

هو بيتعامل مع واقع مرير نعم

فرضه عليه من سبقوه نعم


لكن هل ادارته لهذا الواقع صحيحة او لا

هنا الكلام

مافي احد قال ان البلد جنه هو حولها لجحيم

هوه لازم نفصل بين حاجتين أن النية طيبة وأنه بيحاول يغير الواقع ده بأي شكل من الأشكال ودي نقطة ماعتقدش أن فيه ناس مكن تختلف معايه فيها ولكن الطريقة هيه اللي ممكن تكون محل خلاف فعلا وانه كان بالإمكان أفضل مما كان ولكن لازم ناخذ في الاعتبار أن تحميله هوه المسؤلية لوحده فيها شئ من الاجحاف بحقة وأن كل الناس اللي بتطلع على شاشات الفضائيات تاكل دماغنا وتعمل نفسها خبراء اقتصاديين هم بالحقيقة خبراء في فرقعة البومب وهوه بنفسه طلع وقال فيه ناس كتير َمنهم أتعرض عليها مناصب وزارية ورفضوا يغامروا بتاريخهم ومصالحهم الشخصية لإنقاذ بلدهم

 

[The Egyptian history]

واذا راح السيسي راح تلاقي جروبات تتندم عليه وتحط بوستات على مشاريعه وانجازاته بمصر هذا شيء طبيعي والحياه كده وليس من انجازات مبارك .

المشكلة ان البعض يعتقد ان البلد راح تتطور وتنافس دول كبرى من غير ما يتم لمس منظومة " الدعم " الي هي اساسا اسسها مبارك والذي الناس بتحن عليه حاليا بسبب منظومة الدعم التي عززها بعهده .

منظومة الدعم هي منظومة فاشلة وخربت مصر لعشرات السنوات وجمدتها في فراخ رخيص وعيش رخيص وفلافل وعشوائيات وبلاد مستهلكة لابسط احتياجاتها بينما الدول ارتفعت مصر تجمدت بمكانها .

انت مش الخليج ولا عندك ربع امكانياتهم عشان تعمل نهضه وتنمية بدون ما تلمس منظومات الدعم او الدخل المرتفع للمواطنين .

طبيعي اذا مصر عايزه ترتفع لدول مثل فيتنام وتركيا وتصدر منتجات مثلهم وهي تقرييا الاقرب من حيث السكان وافضل من مصر من حيث الموارد الطبيعية .

مصر الان عايزة تبني نفسها وهذا الكلام كان المفروض يحصل في سبعينات القرن الماضي ايام ما كان التضخم رخيص والسكان قليل والمنافسة ضعيفة.


اما الان عايز تنافس في ظل تضخم عالمي متوحش ومنافسة لا محدودة ولازم تحصل جزء من كعكعة التصدير العالمية في ظل صادرات الصين وتركيا والخليج وشرق اسيا واوروبا .

انت متجمد اكثر من اربعين سنه وعايش في دوامة الدعم وعايز تنهض لازم تتحمل الظروف المعيشية الواقعية

الأمور ليست كما تظن فاللي إيده في المياة مش زي الي أيده في النار ومش عندنا إعتراض علي فكرة الإصلاح الإقتصادي إنما علي الأولويات ما هو ما ينفعش تجوعني علشان تعمل مشاريع فنكوشية تتمنظر بيها وأنا أموت أنا وعيالي من الجوع ثانيا الفساد اللي تضاعف أضعاف ما كان في عهد مبارك وبرعاية الدولة والنظام ودفاع الرئيس نفسه عنهم ونفي شبهة الفساد ورميها علي اخطاء النظام السابق أو في أحسن الأحوال علي سوء التخطيط وحتي الحظ السيئ ثالثا سفه الإنفاق علي مشاريع وإهمال ملفات لا تقوم الدول الا بها زي التعليم والصحة والراحل ده رغم أنه ممكن يبان من بعيد علي أنه رجل الإنجازات إلا أنه في الحقيقة خرب ودمر الجيل الحالي والأجيال القادمة دا إحنا وصلنا الي أننا مش لاقيين أدوية نقصها يمثل خطورة علي الحياة لشهور كثير بدون أي شعور بالمسؤولية منهم

 

[The Egyptian history]

هوه لازم نفصل بين حاجتين أن النية طيبة وأنه بيحاول يغير الواقع ده بأي شكل من الأشكال ودي نقطة ماعتقدش أن فيه ناس مكن تختلف معايه فيها ولكن الطريقة هيه اللي ممكن تكون محل خلاف فعلا وانه كان بالإمكان أفضل مما كان ولكن لازم ناخذ في الاعتبار أن تحميله هوه المسؤلية لوحده فيها شئ من الاجحاف بحقة وأن كل الناس اللي بتطلع على شاشات الفضائيات تاكل دماغنا وتعمل نفسها خبراء اقتصاديين هم بالحقيقة خبراء في فرقعة البومب وهوه بنفسه طلع وقال فيه ناس كتير َمنهم أتعرض عليها مناصب وزارية ورفضوا يغامروا بتاريخهم ومصالحهم الشخصية لإنقاذ بلدهم

مش هو اللي جايبهم طيب ما فيه ناس محترمين ما جابهمش ليه وبعدين ما سألش نفسه الناس المحترمين بيرفضوا الشغل معايا ليه؟

 

[masrawy_2020]

الأمور ليست كما تظن فاللي إيده في المياة مش زي الي أيده في النار ومش عندنا إعتراض علي فكرة الإصلاح الإقتصادي

حاجه تجنن والله مش مصري وبيتكلم بلسان المصريين.. هوه واسرته لا يتحملون العيش ب ٨٠ دولار وجاي مش عاجبه سعر الخبز يقولك بتعطوه للحيوانات.. مقولة ايام مبارك ان العيش بيروح من ضمن العلف جاي يضرب بيها المثل..هوه مش عارف اصلا ان المواطن بياخد 5 ارغفه فقط يسد بيهم جوعه ويقولي علف!!

قلنا لهم ١٠٠ مرة احنا وطنيين وبنحب بلدنا ونرفض المساس بها او الشماته فيها رغم ما يحدث ..لكن احنا في ازمة إقتصادية بسبب سوء التخطيط والإدارة والمسخرة اللي قاعدين يعملوها...

 

[بسيط نجم.]

احا..

مش مصري وقاعد تكلم ابن البلد وتقوله ماعلاقة ذلك.. لما انت مش مصري قاعد بتألف ليه ؟

وتقولي منظومة الدعم..قاعد تاكل وتشرب بره ومش مصري وجاي تحاسبنا؟!!!

بنيه تحتيه ايه... انت صدقت اللي كاتبه؟!!!

وقاعد تقولي المدن كانت تغرق والسكك الحديدية كانت مهرتأه..

يا معلم قضبان السكك الحديديه كما هي تم ادخال بعض العربات والجرارات..وتم تشديد الرقابة على المزلقانات فقط انزل شوف قطارات الدلتا كلها خررة والناس بتركبها زي الهند.. زحام شديد وبعربات مهرتأة

الأمطار لازالت تغرق المدن بما فيهم التجمع الخامس..طبعا انت معتقد انه غير منظومة الصرف الصحي!!

مستشفيات حكومية خررررة وبلا خدمات وادوية

كهرباء يتم قطعها وايام مبارك لا تقطع وتقولي في طفرة..

عشوائيات وزباله أكثر من عهد مبارك..سرقات ونهب من موازنات الدولة..

فرحان بشوية العمارات اللي بناهم؟..

مشاريع استذراع سمكي فشل..صوبات زراعيه فشلت.. مدن جديدة فشختنا ولا علاقة لها بالشعب..وروح شوف العلمين والعاصمة..مدن هااااوية

شوية كباري وطرق عملها.. سمتوهم البنيه التحتيه!!

بنى قصور فخمه له أكبر من مساحة البيت الأبيض..

تضخم وغرق للعمله وديون وفقر وجوع ومرض..

انت من اي دولة..انجز رد عليا؟

رد علي كلامه باحترام لو سمحت، ولا داعي يقول هو من اي دولة ، هو يمثل نفسه وليس وزير خارجية بلده

 

[KaspeR]

رد علي كلامه باحترام لو سمحت، ولا داعي يقول هو من اي دولة ، هو يمثل نفسه وليس وزير خارجية بلده

الشخصية الهادئة والنقاش العقلاني المؤدب راح كله لما ينحشر بزاوية .

حسب رؤيته اذا انت مش مصري معناه لا تحط رأيك ولا تناقش فيه .

 

[The Egyptian history]

حاجه تجنن والله مش مصري وبيتكلم بلسان المصريين.. هوه واسرته لا يتحملون العيش ب ٨٠ دولار وجاي مش عاجبه سعر الخبز يقولك بتعطوه للحيوانات.. مقولة ايام مبارك ان العيش بيروح من ضمن العلف جاي يضرب بيها المثل..هوه مش عارف اصلا ان المواطن بياخد 5 ارغفه فقط يسد بيهم جوعه ويقولي علف!!

قلنا لهم ١٠٠ مرة احنا وطنيين وبنحب بلدنا ونرفض المساس بها او الشماته فيها رغم ما يحدث ..لكن احنا في ازمة إقتصادية بسبب سوء التخطيط والإدارة والمسخرة اللي قاعدين يعملوها...

اعذره يا اخي اللي هيبص من بعيد هيقول الراجل ده بيعمل عظمة وما يعرفوش اللي فيها والثمن اللي الشعب بيدفعه من عرقة ودمه وجوعه وضياع شبابه وهجرة خيرة كوادره ويا فرحتي اعمل شوية طرق وكباري وضيع مستقبل جيل بحاله وكان ممكن يعمل كل ده بثمن أقل بكثير لو احسن التصرف في الأموال وإعتمد علي الكفائات مش علي المحاسيب بتوعه بتوع كله تمام سيادتك

 

[masrawy_2020]

رد علي كلامه باحترام لو سمحت، ولا داعي يقول هو من اي دولة ، هو يمثل نفسه وليس وزير خارجية بلده

خليك انت في حالك ولا تقتبس لي..

اللي مايشوفش من الغربال يبقى أعمى

ما اكونش سوري مثلا وأروح اتكلم عن معبشة السوريين اللي لا أعرف عنها شيء!!

 

[محمد الجميل]

رد علي كلامه باحترام لو سمحت، ولا داعي يقول هو من اي دولة ، هو يمثل نفسه وليس وزير خارجية بلده

M @masrawy_2020
فعلا، مش معنى انه مش مصري فان مش من حقه يقول رايه

 

[Amr Ghoniem]

بعيدا عن الكلام النظري هذا..

في عهد مبارك انت حكمت ان الدولة لم تنهض بسبب سياسة الدعم

الان في عهد الرئيس السيسي تقول انه من أبرز إنجازاته انه مس منظومة الدعم

طيب اخذنا من الخليج مايقرب من ١٠٠ مليار دولار بين منح ودعم وصفقات وخلافه.. ومس منظومة الدعم وقبض على الإخوان وارتفعت الضرائب والرسوم.. وزادت الديون واصبح الإقتصاد المصري هش

أين النهضه التي حدثت؟

انا مصري ولا أريد التحدث عن الفساد المستشري والنهب...

خلينا ساكتين احسن.. أصلح الله حالك يابلدي

اول ماتعدل قانون الرقابه وقانون المناقصات واصبحت تعطي بالامر المباشر وعلي الهواء من سياده رئيس العزبه عرفت انها عشريه سودا !

انت عارف بقي ان في دول لا تمتلك غاز ولا قناه سويس ولا دعم خليجي كما الحال في تركيا رفعت الدعم المقدم للمواطن من مليار ليره في 2002 الي اكثر من ترليون ليره تركيه العام الحالي !

هل تعلم ان ميزانيه التعليم فى تركيا عشر اضعاف مصر !
هل تعلم ان ميزانيه الصحه 11 ضعف مصر !
هل تعلم ان ميزانيه البحث العلمي ومراكز البحث والتطوير الف ضعف مصر !!
كل دا وهما فاتوره استيرادهم للطاقه فوق 150 مليار دولار ..
ناهيك عن ان الحد الادني للاجور عن تجار الدين المنافقين دول فوق ال 700 دولار

Türkiye 2024 budget targets quake recovery, sustainable growth

Vice President Cevdet Yılmaz on Tuesday presented details of the government budget proposal for the upcoming year, highlighting the earlier medium-term...

www.dailysabah.com

 

[masrawy_2020]

الشخصية الهادئة والنقاش العقلاني المؤدب راح كله لما ينحشر بزاوية .

حسب رؤيته اذا انت مش مصري معناه لا تحط رأيك ولا تناقش فيه .

زاوية مين

انا سألتك انت مصري ام لا لأنك تتكلم عن مصر غير اللي احنا عايشين فيها!!

شرحت لك ان كلامك كله لا يمس للواقع بصله..

انت من اي البلاد؟

 

[masrawy_2020]

M @masrawy_2020
فعلا، مش معنى انه مش مصري فان مش من حقه يقول رايه

الراجل مش عايش في مصر..

وقاعد يقولك في طفرة !!

يا رجل قريبا ستجد راس جميله اتباعت هي كمان..

الاخ الفاضل مش مصررررري.. مش مدرك للحالة التي وصلت لها مصر.. أصبحنا أضعف عن أي فترة مضت..واقتصادنا هش جدا وديون.. وشعب غرق في الفقر..

مصر محتاجه يتعملها فورماااات وتغيير شامل

 

[بسيط نجم.]

خليك انت في حالك ولا تقتبس لي..

اللي مايشوفش من الغربال يبقى أعمى

ما اكونش سوري مثلا وأروح اتكلم عن معبشة السوريين اللي لا أعرف عنها شيء!!

مع احترامي، لكن أنت موجود في المنتدى ليه.؟
يعني المصري يتكلم مع المصريين بس
والسوري مع السوريين
دا اسمه المنتدى العربي وليس المصري


انت شايف أنه لا يعرف أحوال مصر
تقدر تنقل له وجهة نظرك باحترام وتعرفه معلومات عامة بقدر يفهم من خلالها
لكن ملكش دعوة هو بلده ايه


لو انت هتتقمص يبقى مش تناقش إلا المصريين بس

 

[محمد الجميل]

الراجل مش عايش في مصر..

وقاعد يقولك في طفرة !!

يا رجل قريبا ستجد راس جميله اتباعت هي كمان..

الاخ الفاضل مش مصررررري.. مش مدرك للحالة التي وصلت لها مصر.. أصبحنا أضعف عن أي فترة مضت..واقتصادنا هش جدا وديون.. وشعب غرق في الفقر..

مصر محتاجه يتعملها فورماااات وتغيير شامل

ياخي هوه مش مصري ولكن بيحبها ومحروق عليها زيك نقوم احنا نكرّهه فيها ونقوله خلك في حالك وملكوش دعوة بيها ؟طول بالك

 

[masrawy_2020]

@KaspeR

شوف اخي.. انا احترم كل الأشقاء ولكن ما تراه في الإعلام عن القطار الكهربائي الموجود بالعاصمة لا علاقة له بقطارات الدولة في المحافظات الاخرى..فأغلبها مهرتأ ومصدي وكراسي مؤلمة وشبابيك تعاني من ضعف الصيانه ولازال هناك حواث عشوائية..

البنية التحتيه التي تتكلم عنها في المحافظات غير موجودة..اقسم بالله اغطية المجاري سرقت واطفال وقعوا فيها .. وصارت مرتع للفئران والحشرات والزباله..وبتطفح..ولا يوجد تعليم وصحه


امطار تغرق المدن عادي

مافيش عيش بيروح للعلف خلاص.. الشعب بياكل عيش بالعافيه..

انت مش في مصر والله.. ولو نزلت مصر ستزور بعض المناطق السياحيه فقط ولن ترى الصورة الحقيقية لمناطق الشعب

 

[masrawy_2020]

مع احترامي، لكن أنت موجود في المنتدى ليه.؟
يعني المصري يتكلم مع المصريين بس
والسوري مع السوريين
دا اسمه المنتدى العربي وليس المصري


انت شايف أنه لا يعرف أحوال مصر
تقدر تنقل له وجهة نظرك باحترام وتعرفه معلومات عامة بقدر يفهم من خلالها
لكن ملكش دعوة هو بلده ايه


لو انت هتتقمص يبقى مش تناقش إلا المصريين بس

يا اخي اتقمص ازاي احنا بنقوله الوضع مأساوي وهو يكتب عن اشياء سمع عنها في الإعلام ولم يراها على ارض الواقع..

اتقمص دا لو واحد بيقول مصر سيئة ..وانا ازعل!!

لكن احنا المصريين حاليا بنقول يا ناس لا الاخوان ولا اليهود ولا الحوثيين سبب أزمتنا.. ولا الاشقاء العرب سبب أزمتنا.. بل اعطونا المال...

مصر تحتاج تغيير شااااامل لسياستها ..عشان نقدر نخرج من الأزمة الموجودة