الناس دول بيحاربوا امريكا مش اسرائيل بس
دعم عسكرى و دعم استخباراتى لا محدود ... تغطيه اعلاميه منحازه .. تغطيه دبلوماسيه دوليه لدرجه التهديد بفرض عقوبات على المحكمه الجنائيه الدوليه وحتى الضغط على حلفائها العرب للوقوف بصفها او على الاقل اخد موقف الحياد والاكتفاء بالتنديد او الصياح بمعنى اصح
الاباده بتتم بموافقتهم وبسلاحهم وبتغطيتهم ...اسرائيل بالنسبه لهم جزء منهم بيدافعوا عنه زى مابيدافعوا عن نفسهم
ونتيناهو عارف ده ... وزى اى مندوب مبيعات شاطر ووسخ بيحاول يحقق كل احلامه فى المنطقه طالما مفيش حد قادر يقف فى طريقه ...اللى عايز يعرف الناس دى بجد عايزه ايه يشوف كلام اللى بيتكلموا بصراحه عندهم زى بن غفير وسموتريتش ووزيره الاستيطان الحيزبونه دى واللى ناسى اسمها .. هتلاقيهم بيقولوا بكل صراحه اللى نتيناهو وبايدن بيخفوه ...تهجير الفلسطينين لسيناء او لاوروبا واللى باقى يعيش فى اسرائيل تحت الرجلين مواطن درجه ثانيه .. علشان يركزوا فى المستقبل ويشوفوا هيعملوا ايه مع باقى الدول العربيه ياما الجزره (ينضموا ليهم ضد ايران ومن وراها روسيا والصين ويبقوا حبايب وولاد عم زى ما البعض هنا بيقول عليهم لغايه مايروقوا ليهم بعدين) ... ياأما العصايه (عزلهم عن اخوتهم مع حصار اقتصادى او عسكرى واثاره حروب داخليه وتفتيت من الداخل لحد مايقضوا عليهم - سيناريو سوريا والعراق والسودان وليبيا )
دا الواقع الاسود للاسف اللى مستنى المنطقه دى