ولي العهد يطلق شركة سير الوطنية لصناعة السيارات الكهربائية

[رٍسِـــلآنٍ]

ماكان وكيلها سنع
والا الصيني حاليا ماشي بالسوق و مسوقه اقوى
والمشكله الفعلي وجود الوكلاء كوسيط بيع
بدل ان تفتح عندنا الوكالات

حرام عليك وش جاب اللادا لصيني

الصيني متفوق على الكوري والياباني يارجل

 

[باحث بالشأن الروسي]

الصيني متفوق على الكوري والياباني يارجل

الصيني متفوق على التويوتا الياباني ؟؟
يارجل !!!

 

[رٍسِـــلآنٍ]

تبي الجد لو كانت البطاريات نافعه بقوه كانت تقدر تحل محل بطاريات الماء والنحاس سابقا لا اعتقد مااحد اكتشف هالامر

يالحبيب البطاريات موجوده اصلا من زمان واشهرهم بطاريه اوبتيما وتشدك الى سبع سنوات
وكذلك بطاريه تروجان
كلها بطاريات ديب سايكل

 

[رٍسِـــلآنٍ]

الصيني متفوق على التويوتا الياباني ؟؟
يارجل !!!

نعم متفوق عليهم !!

 

[رٍسِـــلآنٍ]

يابن الحلال وشدخل النوم ، انا ما عندي استعداد اجلس اكثر من 10 دقايق بالمحطة ... اللي عنده استعداد يجلس الله يسهل عليه

وانا ماعندي استعداد اروح محطه والشاحن في بيتي

 

[رٍسِـــلآنٍ]

مرحبا يا أخوة
صحيح ولا أعتقد أنه سيسمح مستقبلا بإستيرادها من قبل الوكالات، والسبب بظني أن الممكلة تريد ايقاف المهازل والفوضى التي تحدث بوكالات السيارات، ولم ترفض وجود تسلا هنا بالمملكة ولكنها كانت ترغب ببيعها عن طريق موزعين.

بظني بأن المملكة تنتظر دخول لوسيد وسير للإنتاج الفعلي أو حتى دخول شركة آخرى للسيارات التقليدية لتصدر قرارا بمنع استيراد السيارات من الوكلاء وعلى الشركات المصنعه بيعها بنفسها بالمملكة وفتح مقرات لها

اي مهازل واي فوضى بوكالات السيارات وشغلهم كله بالنظام ؟

 

[٣٠ يونيو [حالم]]

عندي فكرة للسيارات الكهربائية ما ادري اذا ممكن تطبيقها شحن السيارة ذاتياً عبر الطاقة الشمسية

 

[رٍسِـــلآنٍ]

عندي فكرة للسيارات الكهربائية ما ادري اذا ممكن تطبيقها شحن السيارة ذاتياً عبر الطاقة الشمسية

الفكره موجوده وليست جديده ولكن المساحه بالسياره لا تكفي للخلايا الشمسيه لشحن السياره لان سعاتها كبيره
وشخصيا اعتقد انها تحتاج لاربع ايام على الاقل لو طبقتها والله اعلم


افضل طريقه توفير محطه شحن بالطاقة الشمسيه في المنزل بحيث تستطيع تركيب الواح شمسيه كبيره

 

[Alucard]

عندي فكرة للسيارات الكهربائية ما ادري اذا ممكن تطبيقها شحن السيارة ذاتياً عبر الطاقة الشمسية

صعب للغاية اخوي. كفاءة الالواح الشمسية في أفضل الظروف المثالية الممتازة 20% اضف او نقص شوي من هالنسبة.

وهذي الطاقة يضيع جزء منها في التحويل من نمط إلى نمط ويضيع جزء منها في مقاومة التيار ويضيع جزء منها في الحرارة.

وهذا في الظروف المثالية!!

الطاقة البديلة تحتاج ثورة حتى تكون جزء كبير من حياتنا. حتى الان هي يتم إحلالها ببطء حسب نضوج التقنيات المساندة.

لكن يوما ما (لا اعتقد انه قريب) ستكون جزء أساسي من حياتنا لكن ال baseline energy سيأتي من النفط والغاز والطاقة النووية (وطاقة باطن الأرض إذا استطعنا استخدامها بكفاءة كبيرة/تكلفة منخفضة لأنها ستكون الأكثر استدامة).

تحيج،

 

[القائـد في الظل]

عندي فكرة للسيارات الكهربائية ما ادري اذا ممكن تطبيقها شحن السيارة ذاتياً عبر الطاقة الشمسية

طبقوها هونداي
لكن سياره هايبرد ليست كهربائيه بالكامل

 

[iTURKE_ROYAL]

حنا داخلين بيدنا ورجلينا قبل الزحمه في هذا المجال من اساس التكلنوجيا حتى نستوعب كل صغيره وكبيره لكن العجيب للان مانشرنا محطات الكهرباء بنسبه كبيره معا اني افضل الشحن يكون بالسير على الطرقات + الشحن عبر المحطات + ابتكار فيش شحن بطاريه ذاتي يركب في مكان خلف شنطة السياره وبعد اتمام الشحن يفصل ذاتي

المحطات سهل سهل تركيبها تيسلا لوحدها بنت 10 الآف محطة في الصين في 2021 فقط .

 

[access1]

حرام عليك وش جاب اللادا لصيني

الصيني متفوق على الكوري والياباني يارجل

لا علم لدي بذالك
الصيني متفوق اول مره ارى شخص يشهد لهم

 

[access1]

يالحبيب البطاريات موجوده اصلا من زمان واشهرهم بطاريه اوبتيما وتشدك الى سبع سنوات
وكذلك بطاريه تروجان
كلها بطاريات ديب سايكل

صور لان لا اعتقد فيه بطاريه بديله للماء والنحاس

 

[access1]

وانا ماعندي استعداد اروح محطه والشاحن في بيتي

كم بتقطع من مسافه لاجل تعاود الشحن..!
بتروح يومين للرياض من الجبيل للرياض بحاجة شحن ومحطات للشحن..

تبي الفنادق تضع محطات شحن وايضا المجمعات وكذالك المواقف العامه ووو..!
على كذا الكرة الارضيه بتكون شاحن

 

[access1]

بالعكس
كانت اعطالها كثيرة و لا يوجد قطع غيار
في الطرق الرملية لا بأس بها لكن في المرتفعات ادائها منخفض جداً

ليست كل الفئات احد الاشخاص كان يشتغل في الجيش وشراها وكاله اللون احمر ههههه الى اليوم هذا يمدح بها

 

[رٍسِـــلآنٍ]

صور لان لا اعتقد فيه بطاريه بديله للماء والنحاس

وي غريبه ماتدري !!!

واصلا البطاريات اللي تتكلم عنها رصاص مو نحاس

 

[رٍسِـــلآنٍ]

كم بتقطع من مسافه لاجل تعاود الشحن..!
بتروح يومين للرياض من الجبيل للرياض بحاجة شحن ومحطات للشحن..

تبي الفنادق تضع محطات شحن وايضا المجمعات وكذالك المواقف العامه ووو..!
على كذا الكرة الارضيه بتكون شاحن

شحنه وحده توديك الرياض وتلف بك تمشيه ، الرياض فيها تفريبا خمس محطات شحن

خلها تشحن وادخل مول ولا روح تغد وخذها ولف بها على كيفك ، وقبل ترجع الجبيل اشحن بعد وامسك الخط

 

[باحث بالشأن الروسي]

شحنه وحده توديك الرياض وتلف بك تمشيه ، الرياض فيها تفريبا خمس محطات شحن

خلها تشحن وادخل مول ولا روح تغد وخذها ولف بها على كيفك ، وقبل ترجع الجبيل اشحن بعد وامسك الخط

الان لو انقطعت السيارة التقليدية بنزين ممكن تجلب جالون بنزين في اي مكان تنقطع فيه
ولكن سيارة الكهرباء لو انقطعت في مكان مقفر شلون تعبيها كهربا توصلك لاقرب محطة شحن؟

 

[٣٠ يونيو [حالم]]

@رٍسِـــلآنٍ
كم تكلفة شحن الموتر ؟
ماشفت حد تطرق لموضوع السعر

 

[عقربان]

الان لو انقطعت السيارة التقليدية بنزين ممكن تجلب جالون بنزين في اي مكان تنقطع فيه
ولكن سيارة الكهرباء لو انقطعت في مكان مقفر شلون تعبيها كهربا توصلك لاقرب محطة شحن؟

في باور بانك