ملوك وأئمة شبه الجزيرة العربية

اسواء شي حدث بالدولة السعودية الثانية هو تولي خالد بن سعود ال سعود الحكم و اذا ماني غلطان هو انقلب على فيصل بن تركي. وهو الي تحالف مع بني عثمان ضد عيال عمه من بني تميم. لكن الحمدلله ال سعود عائلة وٌلِدت للحكُم ماعندها مجاملات و الدليل على هذا ان فيصل بن تركي قال شعر كامل في بني تميم بعد مامردغو الجيش التركي بقيادة اسماعيل اغا و خالد بن سعود رغم ان قريبه الي انهزم لكن مايجامل هو

قال فيهم فيصل بن تركي

اقــــول ذا قــولــي وبــالـــرب وثـــــاق - أمـــدح رجـــالٍ مــــن تـمـيــمٍ مـنـاعـيـر
حاموا على الملة وقامـوا علـى سـاق - دون الـمـحـارم والــغــروس المـبـاكـيـر
وخــلاف ذا يــا راكـــبٍ فـــوق سـبــاق - هـمــلــيــع مـــربــــاه دار الـمـنـاصــيــر
بشـر هـل العـارض تـرى حظهـم بــاق - وحمـيـرهـم حـالــت علـيـهـا المـقـاديـر
مـابـيـن حــصــان ومــــا بــيــن تــفــاق - راحـــت فـــوات بـيــن ذيـــك الدعـاثـيـر
نـاروا مــع الصـفـره نشيفـيـن الاريــاق - ولا لـقــوا عـلــى نـقـمـة الله مـصـاديـر
صــم الـرزايــا ســـاق عـلــى الـســاق - مـتـحــدرٍ سـيـلــه وجــولــه مـحــاديــر
يــا ضبـعـة بالـخـرج مــن كــل فـسـاق - اكـلـي ونـــادي كـــل عـــوج المنـاقـيـر
ضفتي على العارض وعشوك باشناق - واهـل الفرع عشـوك روس الطوابـيـر
كــلــه لـعـيـنـا دعــــوة الله بـلاالـحــاق - وغــرايــس خــضــر وبــيــض غـنـاديــر
وصــلاة ربـــي بالعـشـيـة والاشـــراق - عـلـى النـبـي مظـهـر الـحــق تظـهـيـر
خالد بن سعود امره هين قدر ينهيه فيصل ويسترجع الحكم وسلم حكم مستقر ولايوجد اعداء خارجيين بذيك القوه بسبب تقديم محمد علي باشا لاكن يوم سلمه لولده وولي عهده عبدالله ثار سعود على اخوه وطالب بالحكم وصارت معارك وخلافات دامت فوق 25 سنة دمرت الدوله حتى جاء ابن رشيد واستولى على الحكم وللعلم من انشئ حكم ابن رشيد الإمام فيصل بن تركي وكان بينهم مصاهره
 
خالد بن سعود امره هين قدر ينهيه فيصل ويسترجع الحكم وسلم حكم مستقر ولايوجد اعداء خارجيين بذيك القوه بسبب تقديم محمد علي باشا لاكن يوم سلمه لولده وولي عهده عبدالله ثار سعود على اخوه وطالب بالحكم وصارت معارك وخلافات دامت فوق 25 سنة دمرت الدوله حتى جاء ابن رشيد واستولى على الحكم وللعلم من انشئ حكم ابن رشيد الإمام فيصل بن تركي وكان بينهم مصاهره
والله امره ماكان هين معه جيش عدده 8000 الاف ومدافع اي هين لولا الله ثم ملحمة نجد الكبرى كان هو من حكم بدال قريبه فيصل بن تركي وكل الناس عارفه هالشي كان ياخذ مدينة ورى مدينة الرياض اشيقر شقرا الرس عنيزة بريدة وغيرها الكثثير. ماوقفته الا معركة الحلوة. والحمدلله الحكم بنهاية وصل لمن يستحقه الي هو لعبدالعزير و اجداده و احفاده الله يحفظه ولا يهونون باقي القبايل وباقي ال سعود ونعم فيهم كلهم
 
والله امره ماكان هين معه جيش عدده 8000 الاف ومدافع اي هين لولا الله ثم ملحمة نجد الكبرى كان هو من حكم بدال قريبه فيصل بن تركي وكل الناس عارفه هالشي كان ياخذ مدينة ورى مدينة الرياض اشيقر شقرا الرس عنيزة بريدة وغيرها الكثثير. ماوقفته الا معركة الحلوة. والحمدلله الحكم بنهاية وصل لمن يستحقه الي هو لعبدالعزير و اجداده و احفاده الله يحفظه ولا يهونون باقي القبايل وباقي ال سعود ونعم فيهم كلهم
صحيح قواته ضخمه لاكنها قوات مصريه ارسلها محمد علي باشا كان هدفه بيخليه والي على نجد لاكن كسرت قوته ورجع ابن عمه وحكم واستقر له الحكم لاكن سبب تفكك ذي الدوله هو صراع ابناء الإمام فيصل بن تركي على الحكم فوق 25 سنه من الصراع والقتال حتى ضعفت الدوله وتفككت وجاء ابن رشيد واخذ الحكم
 
عودة
أعلى