هو النظام حاجة و السيسى حاجة؟ يعنى الملك حاجة و نظام الملك حاجة تانية؟؟؟
هو السيسى دكتاتور على مين؟ انا مش تابع لاى منظمة او جماعة او فصيل فا كلام الديكتاتورية و المصطلحات الى متبناها منظمات و جماعات و فصائل تخريبية انا ماشوفتهاش بس هل السيسى عنيف فى بعض اجراءاته؟؟ اه كان عنيف فيها و ده كان لازم فى الفترة الى فاتت و الحمد الله بقت تقل يعنى مثلا الغاء حالة الطوارئ والمبادرة و لا مش عارف اسمها ايه الى استراتيجية الوطنية لحقوق الإنسان الى بمساعده الاتحاد الاوروبى الى بعيده عن الامريكان و التمويل الاجنبى الى كان مفتوح على البحرى ده بداية حلوة نحلم انها تكمل ويبقى فى ديموقراطية و حقوق انسان بالشكل الى يليق بينا كا مصريين
شكرا على مشاعرك
مصر احسن من الاول فى حاجات و اسوء من الاول فى حاجات و لكل واحد "مصرى" رأى مختلف فى النظر على الحاجة الى تمسو الى هو شايف فيها اداء احسن او اداء اوحش و ربنا يقدرنا فى مساعدة البلد
حريةالرأى موجودة عن الأول و اظن الصفحات الى فاتت فى الموضوع ده من نواب من البرلمان بيثبت ده والا ماكنش حد استشهد بيهم و ماكنوش طلعو على الفضائيات و المقارنة ماتبقاش مابين مصر و دولة اخرى المقارنة تبقى ما بين مصر و مصر من 2014 ل 2022 و شوف هل الكلام الى انت بتسمعو كان ممكن يتقال مثلا فى 2015 او 2017؟ مثلا يعنى؟
مشكلة المعارضة انا من وجهه نظرى الى قد تصيب و قد تخطئ
1/ مفيش حد فينا معاه كل ملفات الدولة فا ممكن واحد يقدم حلول حلوة قوى لكن تطبيقها صعب مش عشان فساد الى موجود ولا فلوس ممكن عشان مش هتنفع بعد كام سنة او انت ممنوع منها من دول محتكرا ادوات الحلول الى انت بتطمح ليها بدون
2/ المشكلة ان الى هيقول رأية ده هل هو هيقول رأية عشان بيقول الحق للحق و لا هيقول كلمات حق يراد بيها باطل؟
طب لما الشخص الفلانى يقول كلام ما "معارض" للتوجه ايه ممكن يكون رد الارهابيين الى معاهم اعلام بيتشاف فى كل بلاد العرب و ليهم جماهير و اتباع فى مصر؟ انا هقولك انزل يبنى انت وهو و احشد و كسر و خرب و خد محمد على رئيس و زوبع رئيس اعلام وكل الهجص الى انا تابعتو و شوفتو بعينى فى برامجهم و رجعو يا مصريين جماعة الاخوان الحلوة الكيوت للحكم تانى
مصر مفيهاش حرية تعبير زى البره؟ ايوه صحيح
مصر ليها اعداء بالعبيط مش عاوزين يشوفها واقفة؟ و لا عمرهم هيوقفو
مفيش "مصرى" محترم هيعوز الخراب لمصر عشان السيسى يفشل و يمشى! الى بيفكر بالشكل ده من وجهه نظرى مش مصرى لان مصر اكبر من رئيس او جماعة او فصيل او حتى مؤسسة
ربنا يصلح الحال و التغير للافضل بيحتاج وقت و مصر دولة كبيرة و تغيرها محتاج وقت و تحديات مصر مش قليلة وده رأية الى قد يصيب او يخطئ
انتخابات مهزلة لا تحصل حتى في دول إفريقية؟ لا بيحصل و اسوء منها و احنا الاتنين من دول افريقية(احنا دافنينه سوا) مش قارة افريقيا الى تتكلم عن الانتخابات يا بو عمو ولا ايه
و كتير من الأبرياء دول خرجو بس "الأبرياء " الى بحق و حقيقى مش واحده يقولك انها مختفية قصرى وتطلع كانت فى السودان و شاركت فى قتل ظباط فى المخابرات السودانية و مش واحد يقولك يا حرام اصلة مهندس محترم و مالوش فى ايه حاجة و يطلع انه فى سيناء منضم لداعش
اصطوانة الاخوان ان فى 60 الف سجين برئ و النظام الشرير حابسهم عشان هما حلوين ده من اغبا الاصطوانات الى سمعتها منهم هل فى ناس بريئة؟ اه فيه و بيخرجو و إن شاء الله تعالى اشوف كل الناس البريئة خارج السجن بس الموضوع ده هياخد وقت لان الناس ده مش رايحة فى تهم سرقة
و رفع الاسعار ده موجود فى كل دول العالم مفيش دولة الاسعار مازدش فيها فى ال10 سنين الى فاتو بما فيها دولتك يا صديقى
انا الحمد الله كنت فى الجيش و ما سمعتش ولا تسجيل للواد ده بس برضه نقطة البدايه فى فساد ايوه فيه و بيتحارب و ان انت قاعد فى بيتك وشايف الناس الى بتتحبس و الناس الى بتتفضح ده ليه؟ لان فى ناس بتشتغل و بتقبض عليهم و اى بلد فى العالم لو عاوزا تخبى اى حاجة هتخبى احنا مش اول يوم سياسة
شركات حكومية؟
المحافظين ده معرفش اى حاجة عنها بس معقول يبقى الاغلبية من الجيش؟ انا مش مصدقها
+ انت فى رأيك الى يمسك محافظة يبقى خريج ايه؟
انت بتشوف الخطب كلها كاملة مكملة؟ انا بمشى فيها و بقطع فيها وبشوف ايه الكويس و ايه الوحش وايه الى الارهابين الى قاعدين فى استديوهات اعلاميه هقصوها و يستعملوها لو مش عجباك ماتسمعلهاش انت كده كده مش مصرى يعنى ولا هتكسب حاجة ولا هتخسر حاجة المهم الصحة ماتعملش حاجة بتتعبك و اعمل زيي
هو مش مالك البلد هو رئيس البلد
هو انت عارف يعنى ايه عبيد اصلا؟ يسطى ماتديش ودانك لاى حد و اعقل الكلام قبل ما تقولة
كل كلامك انا سمعتة كله فى اعلام الارهابيين السيسى ملك مصر و المصريين عبيد و ضعاف و محتاجين الى يحررهم و يا سلام لو بريطانيا ولا تركيا تحررهم و شيطنة السيسى و تلميع مقبضينهم والتحريض كل الكلام ده سمعناه بدل المره مليون و هى ده اسطوانتهم و فكرهك الى زى فكر الدواعش احنا الاسلام و لازم نحرر و ننشر الاسلام و احنا الاصلح و احنا و احنا و احنا
مصر مفيهاش عبيد يا زميلى اه ممكن يكون فيها مخيبين و من الطرفين بس مفيهاش عبيد هل انتو عندكو عبيد فى بالتالى شايف ان الدول كلها فيها عبيد؟ انا معرفش بس الى مع البلد مش عبد والى مع الارهابيين مش بطل و ثورجى و حر
متخلش اختلافك مع نظام يخليك تستخدم كلام مش صحيح لان اسهل حاجة الواحد ممكن يعملها فى العالم الرقمى الى احنا بنكلم بعض من عليه هو الاساءة
احنا مش احسن حاجة بس احنا احسن من غيرنا و طول ما احنا بنشتغل ربنا هيساعدنا
بس بقى اننا نثور و ننزل و نقصر و نحرق و نفسد بلدنا و نبوظها وهى محتاجة الى يصلحها و نرمى مصيرنا للمجهول عشان شويه ارهابيين مش عاجبهم رئيس مصر فا ده مش هيحصل.
من المصريين في الخارج و.... لذلك مصر المفروض لا تتأثر لكن المانيا عادي تتأثر. 
