باختصار كل روؤساء مصر من بعد 52 جابو العيد في الاقتصاد
عبدالناصر سياسات إشتراكيه وتأميم شركات ومصانع وخسارتها إداريا وتفتيت للأرضي الزراعيه ودخول حروب
السادات تحويل المجتمع من الاشتراكيه الصرفه لصدمه الانفتاح دون طرق تصاعديه سليمه مما أنتج عنه اقتصاد السماسره والتجار والسبوبه
مبارك اول عهده مع الجنزوري ومع حكومه نظيف كان رائع لكن مع حكومه عاطف عبيد اللي رسخ الفساد والطبقه المخمليه اللي فوق القانون ضيع كثير من إحساس المواطن للتنميه
هتفق معاك في الجزء دة ، لكن يشكر السادات انه خلصان من الفكر الاشتراكي و انفتحنا بدل الاشتراكية الفاشلة و تحولنا للمعسكر الغربي. طبعا تم التطبيق غلط زي محضرتك ذكرت
مرسي راجل علي باب الله لم يحكم شئ ولم ينفذ قرار اقتصادي مهم غير في تحسين التموين وزياده المرتبات
و لذلك ضاعت قروض قطر و تركيا و ليبيا بدون جدوي و السيسي كان مطلوب يسددها بدون عائد.
السيسي وسع شهيه الجيش للاقتصاد المدني ومع الاسراف في القروض ومشاريع بعضها جيد والبعض الأخر عشوائي وغير مدروس مما تسبب في ازمه عمله وسداد قروض وممكن توقف انشاءات بعض تلك المشاريع مستقبلا
ذي مثال موظف بيقبض 5000 جنيه واخد قرض من البنك واشتري عربيه وارض وبني عليها قصر فخم واشتري شاليه في مراسي طيب كيف سيسدد القرض بدون مداخيل إضافيه
العلم عند الله؟
العربية و القصر و الشالية أصول و قيمتهم بتزيد و سعرهم هيرتفع (في مصر البلد الوحيدة اللي العربيات المستعملة فيها سعرها بيزيد
) لذلك لو جاء البنك يحجر علية هيلاقي اصول و مش بيعيد يرجعلة فلوس كمان
لكن اللي طير الفلوس علي الاكل و الدروس الخصوصية و تجهيز العروسة. كله راح و بقي في السجن ، لانها فلوس بدون عائد و ابنه هيطفش من البيت و يهاجر و بنتة هتروح لجوزها و هو هيشرف في ابو زعبل
تم تدمير تلك المصانع وتقسيم المانيا لمعسكرين
المعسكر الغربي اخذ باسباب التقدم والعلم وليس بأفخم برج وأكبر مبني وخلافه
فولكس واجن اكبر شركة سيارات و مستحوزة علي مجموعة ضخمة من الشركات كانت قبل الحرب و رجعت اشتغلت بعد الحرب عادي ، الايدي العاملة و الناس اللي درست و أتعلمت في المانيا و شاركوا في صناعة مجد المانيا قبل الحرب هما هما اللي بنوها تاني.
و في المانيا محدش اعترض لما البلد خرجت من الحرب و عملت شبكة كباري ضخمة جدا و عنذهم مدن مسجلة انها اكثر مدن تحتوي علي كباري و بلاش نتكلم علي القطارات الكهربائية
بالمناسبة في اليابان نفس الكلام ، و قتها جت فكرة القطارات السريعة و خرج ناس زي حضرتك و قالوا تضيع فلوس و الناس خارجة مطحونة و اليابان اخدت قروض علشانها و الناس لن تحتاج لقطارات بهذة السرعة
النهاردة قطارات اليابان السريعة تعتبر درس عالمي
خد عندك مثال اخر حكومه الأمارات من بلد صحراويه لأفضل بلد في الشرق الأوسط لرياده الأعمال بسبب سهوله الإجراءات والإستثمار قبل البناء
صحيح
و ذكرت لحضرتك اننا محتاجين نستفيد من خبرة الامارات في فتح الاستثمارت و التعامل مع السياح
ده غير خبرتهم في الاداره و الوصول للعالمية. لذلك انا سعيد بدخولهم في السوق المصري و حصولهم علي شركات الحكومة. بكرة يكبروها و تبقي شركات محترمة
