يا حماعة عندي سؤال و الي فاهم يجاوب
الحين لما نوقع شراكات زي كذا هل هي دائمة او لها وقت و تنتهي و تستفيد سامي من الخبرة و المهارة الي اكتسبتها؟
خبر زي كذا مفرح جداً بس بالنسبة لي ودي سامي هي الي تبدا بالمشاريع من الصفر زي مايقولون الاجانب clean sheet design ليش ؟عشان سامي تكتسب ال know how و و تخرج بمنتج محلي و ملكية فكرية 100%
وعلى الاقل نحقق استقلالية
وشفنا في الحرب الروسية الاوكرانية اغلب الشركات الغربية قفلت و طلعت من روسيا حتى ماكدونلدز قفل و طلع من روسيا
ف اذا بنبني صناعات عسكرية ودي انها تكون مستقلة قدر الامكان و ما نربطها بالغرب
و السؤال الاول بارك الله فيكم الي يعرف يجاوب
الأعمال مجالي بالذات شق الشركات
بالنسبه ل jv او joint venture اللي مشروع مشترك
طبعا موجود في مجالات كثيره ، بالذات اللي فيها
ملكيه فكريه ، بحيث طرف الف يمنح طرف باء
سواء الملكيه بشكل كامل ، تصريح تصنيع محلي
وتختلف طبعا ، مثلا اعطيك حق تصنعها محلي
بنسبه متفقه لي او بدون ،وايضا اذا بعتك الملكيه
يكون حق تصدير التقنيه عن طريقك لطرف ثالث
مستقبلا متوفر او دخول مشاريع مستقبلا مع
طرف اخر مستقبلا وحبيت تستخدم التقنيه اللي
حصلت على ملكيتها في المشروع لتطويرها
ماقد مر علي مشروع مشترك يحدد بفتره معينه
ولكن عادي يتب حله مثلا لان الطرف أ قلت مكاسبه
في السوق او فرصه ، لأن الطرب ب طور نفسه
ودخل مشاريع أخرى، او حدوث خلاف
والشي الحلو بالذات ل عقود سامي مثلا مع
ثاليس ، فيها امتلاك كامل لمنظومة دفاع جوي
تقنيه الصواريخ و القذف و الالكترونيات بشكل كامل
وحرية بيعها لطرف ثالث مدري عاد بنسبه ام بدون
وهكذه
في شي اخير مهم هو خصوصية وحساسية
القطاع العسكري ، هنا عاد معرفتي تقل
يعني شركه عسكريه في اي دوله ماعندها مثلا
مرونه شركه تقنيه طبيه ، سواء صيدلانية يعني
ادويه او معدات طبيه ، توقع شراكه وتبيع وتشتري
ملكيه وتطور وتبيع وتشارك شركات في دول أخرى
مثل ماتبي
الشركات الدفاعية يكون لها جهات رقابيه
وتحتاج موافقات من الدوله
عاد في حالات اذا كانت الدوله صديقه
مثلا شركه في السعوديه دخلت شراكه مع
شركه كوريه و جنوب افريقيه
وخذيت تقنيه من هاذي وهاذيك وطورت انت محلي
وجيت بتصدر او توقع مثلا مع شركه في شرق
أوروبا اكيد بتاخذ تصريح من الدوله متمثله ب
وزارة الدفاع و غامي هيئه الصناعه العسكريه
في إجراء دولي متبع و أيضا في الحفاظ على المصالح
وحمايه لك بعد، يعني لو تحمست وبغيت تصدر للصين
كوريا الجنوبية ب تتحسس، جنوب أفريقيا ولو انهم
معهم في دول بركس ، لكن بتكون في أنظار
دوليه وايضا عقوبات على جنوب أفريقيا
اتمنى اكود افدت وهذ حد معرفتي ومازلت اتعلم
