هروب الأموال من مصر

[صَقر قُرَيْش]

احنا نقفل كليات طب دية احسن و نجيب اطباء اجانب. خصوصا من الهند

وهو في حد يقبل ييجي مصر عشان ملاليم
الهنود نفس الحكاية مكتسحين المعادلات الأجنبية

 

[EGY FTW]

من 2013 و انا بهاتي و بقول يا ناس ده فاشل و حرامي و هنروح في داهيه .. مره يقولو انتا داعشي و مره اخوان و مره ماسوني و مره تركي و مره موزمبيقي الخ ... انا اتحملت قرف المطبلاتيه سنين و اخيرا الوقت جه اللي انا ظهرت في اني كنت علي حق.

المشكلة اني عايز اشمت لكن انا عارف انها برضو هتتعك علي دماغنا كلنا مفيش فرق ..

ذكرتني لما قلولي انزل مظاهرات يناير علشان نشيل مبارك. علشان العيش ميبقاش فيه مسامير . و يبقي عندنا عدالة اجتماعية.

نفسي اشوف الدكر اللي هيخلينا زي أوروبا دة و هيخلي المرتبات كلها عالية و هيصرف علي الصحة و التعليم و الجنية قيمتة هتبقي عالية و هيصرف علي البحث العلمي و هيصنع السلاح و هيعمل قطارات متطورة مبتخبطش في بعض و تذاكرها رخيصة و الشقق هتبقي مدعومة و هيجوز الشباب و يقضي علي الفقر و الجهل و يعيد امجاد الاسلام.....

 

[البحرية عز وحرية]

المشكلة الاساسية لمصر هي انها اخذت التجربة الاسترالية وكان عليها اخذ التجربة الماليزية كمستوى اول وكمستوى ثاني التجربة الكورية الجنوبية باختصار شديد

استراليا في الثمانينات واجهت انهيار اقتصادي وعومت الدولار الاسترالي وخفضت رسوم وامور عدة لكن استراليا بقارة اخرى بجانبها قارات وممرات بالاضافة الى انها تتبع التاج البريطاني يعني هناك اشكال وانواع المساعدات والاحتياجات ومساحتها الضخمة والهجرة اليها كلها ساعدت ذلك وهذا لا يصلح بمصر هذا اعتقادي الخطأ الاول

الخطأ الثاني : وليست مصر فقط المشمولة فيه بل كثير من الدول العربية والغير عربية عندما يرون جيران في بلاد يتطورون لامور معينة مثلا هم يريدون تطبيق ذلك وهذا يسبب ضغط اقتصادي باختصار لان الجيران لديهم ثروات ضخمة واموال يستطيعون فعل ذلك بدولة كاملة بدون ان يتأثرون على العكس ان لديك اصلاحات كثيرة وتعاني اقتصاديا ومديونات وتريد عمل ذلك

الخطأ الثالث والاخير الصين مليار ونصف والهند مليار ونصف وعدد المهاجرين للصين 50 مليون والهند 25 مليون يعني بنسبة 2.5% في حين مصر 100 مليون والمهاجرين 10 مليون نسبة 10% من الشعب صحيح يعتبر دخل لكن وقتي لان انت معتمد على المهاجر المهاجر ممكن ان يستقر بالخارج ياخذ الجنسية يؤسس عائلة يجلب عائلته ممكن يترك عمله امور كثير ونسبة ضخمة

كان يجب من سنوات استغلال المصانع حتى لو تبيع براس المال فقط لتحريك عجلة الاقتصاد والعمل والتصنيع سابقا كوريا الجنوبية اسعار منتجاتها رخيصة وزهيدة واليوم بعد الطلب عليها اصبحت عالية لا تستطيع البدء بصناعه باسعار صينية وجودة اقل ولا باسعار امريكية وجودة صينية

اخيرا الله يوفق مصر والدول العربية لكل خير باذن الله انهم يخرجون من هذه الازمة

 

[EGY FTW]

معذور
لانك منذ المرحله الإبتدائيه يتم تشويه العصر الملكى

المطلوب منك
إنك ما تدافعشى عن واقع غلط مش أكتر
ما حدش بيفرض عليك حاجه إعمل اللى إنت عايزه و سيب غيرك يعمل اللى هو عايزه

فعلا فعلا معذور

ليس لديك تصريح لمشاهدة الرابط، فضلا قم ب تسجيل الدخول او تسجيل

ده كتاب المدرسة بتاعي

تخيل ايطاليا و الصحف الايطالية لم فصحت الملك و مغامراتة هناك و لا فرنسا و لا بريطانيا كانوا تبع العسكر و جمال عبد الناصر اللي حاربوة في العدوان الثلاثي و قالوا علية موسوليني.

انا مبفرصش حاجة علي حد ، و اللي عوز يعمل حاجة يعملها و الباب يفوت جملين.

وهو في حد يقبل ييجي مصر عشان ملاليم
الهنود نفس الحكاية مكتسحين المعادلات الأجنبية

علشان كدة كنت بقول لاحد الاعضاء ، المنافسة في الدول الأوروبية هتبقي صعبة جدا في المستقبل القريب بسبب الخرجين من الدول الاخري و هو زعل مني.

فية دول كتير جدا بتخرح اطباء و حلمهم يروحوا أوروبا و امريكا او حتي الخليج.

 

[Omar2000]

ليس دفاعا عن احد،

لكن ازمة كورونا + ازمة استيراد من روسيا واوكرانيا + ازمة طاقة


بالتأكيد ستترك اثرها على اي اقتصاد.



لكن على حسب علمي، مصر قررت خفض سعر الجنيه و رفع الفائدة، وهؤلاء قادرين على الحفاظ على رأس المال الاجنبي وجذب المزيد في الفترة القادمة..

لكن الأثار ستكون بنسب متفاوته يا طويل العمر
يعنى دوله لا تهتم بزيادة الإنتاج الصناعى و بتبوظ مصانع و تقفلها علشان يبيعو أرضها أرض مبانى و يبنو كمبوند للأغنياء
و لا تهتم بزيادة الرقعه الزراعيه و لا تحافظ على مواردها المائيه
فبالتاى اعتمدها على الإستيراد سيكون بنسبه كبيره
لا و إيه ما يعرفوش حاجه إسمها توفير للنفقات كل شويه مؤتمر لزوم الفشخره
فطبيعى ستمر بأزمه طاحنه

أما بلد منتجه و تعتمد على صناعتها المحليه و أمنها الغذائى و تحافظ على مواردها
أكيد ستمر بالأزمه و لكنها قادره على تخطيها بدون طحن مواطنيها

 

[صَقر قُرَيْش]

علشان كدة كنت بقول لاحد الاعضاء ، المنافسة في الدول الأوروبية هتبقي صعبة جدا في المستقبل القريب بسبب الخرجين من الدول الاخري و هو زعل مني.

فية دول كتير جدا بتخرح اطباء و حلمهم يروحوا أوروبا و امريكا او حتي الخليج.

المنافسة دي من زمان
الدول اللي دخل الطبيب فيها ضعيف الأطباء بتتنافس عشان يحسنوا مستواهم
و عادي المصريين بينجحوا و يشتغلوا هناك
كفاية ان Mayo Clinic افضل مستشفى في العالم فيها أطباء مصريين كتير

الموضوع ده مش في الطب بس ، في الهندسة ! و في التعليم و في خريجيين العلوم وخريجين الكليات التكنولوجية

كلهم بيسيبوا مصر عشان مفيش تقدير ليهم ،، في المقابل اي وظيفة عسكرية تتظبط و تعيش أحسن عيشة.

 

[البحرية عز وحرية]

لكن الأثار ستكون بنسب متفاوته يا طويل العمر
يعنى دوله لا تهتم بزيادة الإنتاج الصناعى و بتبوظ مصانع و تقفلها علشان يبيعو أرضها أرض مبانى و يبنو كمبوند للأغنياء
و لا تهتم بزيادة الرقعه الزراعيه و لا تحافظ على مواردها المائيه
فبالتاى اعتمدها على الإستيراد سيكون بنسبه كبيره
لا و إيه ما يعرفوش حاجه إسمها توفير للنفقات كل شويه مؤتمر لزوم الفشخره
فطبيعى ستمر بأزمه طاحنه

أما بلد منتجه و تعتمد على صناعتها المحليه و أمنها الغذائى و تحافظ على مواردها
أكيد ستمر بالأزمه و لكنها قادره على تخطيها بدون طحن مواطنيها

في شايب مصري رجل كبير بالعمر امريكي مصري يعمل في امريكا ومستقر في زيارته للسعودية ذكر الاهتمام بالسياحة يأتي في السنوات الحالية والقادمة بالتطور الاقتصادي والصناعي وهذا ما نشوفه مثلا في امريكا والسياحة فيها وفي كوريا الجنوبية حتى الصين المانيا فرنسا يجب الاهتمام اولا بالزراعه ثم الصناعه ثم الاقتصاد والعلاقات التجارية وبعده السياحة الي حاصل حاليا السياحة ثم العلاقات التجارية ثم الزراعه واخيرا الصناعه

 

[EGY FTW]

المنافسة دي من زمان
الدول اللي دخل الطبيب فيها ضعيف الأطباء بتتنافس عشان يحسنوا مستواهم
و عادي المصريين بينجحوا و يشتغلوا هناك
كفاية ان Mayo Clinic افضل مستشفى في العالم فيها أطباء مصريين كتير

الموضوع ده مش في الطب بس ، في الهندسة ! و في التعليم و في خريجيين العلوم وخريجين الكليات التكنولوجية

كلهم بيسيبوا مصر عشان مفيش تقدير ليهم ،، في المقابل اي وظيفة عسكرية تتظبط و تعيش أحسن عيشة.

الاطباء حديثي التخرج فقط اللي مطحونين. بعد كدة لو هو شاطر مش هتعرف تكلمة و الدقيقة معاه بفلوس.

من وجهة نظري مفيش وظيفة لها قيمة و المرتب مهما كان هيبقي ضعيف . البزنس هو الحل الوحيد لعمل فلوس. اللي يعرف يشتغل في البزنس صح هيعمل فلوس اكتر من اي حد.

انا بحس سبب نجاح امريكا ان شعبهم مهووس بالبزنس و الإستثمار و المضاربة بفلوسهم.

 

[البحرية عز وحرية]

الاطباء حديثي التخرج فقط اللي مطحونين. بعد كدة لو هو شاطر مش هتعرف تكلمة و الدقيقة معاه بفلوس.

من وجهة نظري مفيش وظيفة لها قيمة و المرتب مهما كان هيبقي ضعيف . البزنس هو الحل الوحيد لعمل فلوس. اللي يعرف يشتغل في البزنس صح هيعمل فلوس اكتر من اي حد.

انا بحس سبب نجاح امريكا ان شعبهم مهووس بالبزنس و الإستثمار و المضاربة بفلوسهم.

غير صحيح امريكا اهتمام حكومي كبير لهم وقت ازمة كورونا كانو يجلسون في بيوتهم يجيهم دخل ضخم من حكومتهم وفرص العمل الكثيرة والمتوفرة متناسبة مع دخل عالي حتى الفرص البسيطة المشكلة الاساسية في امريكا هي البنوك الهومليس تجد كثير منهم من كان يعمل بوظائف مقتدرة ووضعه ممتاز لكن من الديون والقروض والرهن اصبح مشرد

 

[EGY FTW]

في العام المالي 2011/2012، وصلت تحويلات المصريين في الخارج لـ18 مليار جنيه، وفي العام المالي 2012/2013، وصلت تحويلات المصريين بالخارج بـ18.7 مليار دولار.

في العالم المالي 2013/2014 انخفضت تحويلات المصريين في الخارج قليلا عشان تسجل 18.5 مليار جنيه، ثم عادت للارتفاع لتحقق في العالم المالي 2014/2015 عشان تسجل 19.3 مليار دولار.

في العام المالي 2015/2016، وصلت التحويلات الخاصة بالمصريين في الخارج لـ17.1 مليار دولار، وده العام المالي اللى سبق العام المالي اللى حصل فيه ما أسمته الحكومة وقتها "الإصلاح الاقتصادي".

في العام المالي 2016/2017، اللى حصل فيه تعويم الجنيه، تحويلات المصريين وصلت لـ21.8 مليار دولار.

 

[Omar2000]

في شايب مصري رجل كبير بالعمر امريكي مصري يعمل في امريكا ومستقر في زيارته للسعودية ذكر الاهتمام بالسياحة يأتي في السنوات الحالية والقادمة بالتطور الاقتصادي والصناعي وهذا ما نشوفه مثلا في امريكا والسياحة فيها وفي كوريا الجنوبية حتى الصين المانيا فرنسا يجب الاهتمام اولا بالزراعه ثم الصناعه ثم الاقتصاد والعلاقات التجارية وبعده السياحة الي حاصل حاليا السياحة ثم العلاقات التجارية ثم الزراعه واخيرا الصناعه

هذا كلام الناس اللى بتفهم
سنة 2002 إلتقيت بدكتور أحمد مصبح الله يرحمه كان علامه
قالى لى
الزراعه أولآ و بعدها الصناعه لتطور البلد
الزراعه تأمين للأمن الغذائى و للحفاظ على العمله الصعبه غير إنها بتشغل إيد عامله كتير
و كمان بيطلع منها خامات للصناعه
و بعد كده بيجى الأنشطه الأخرى

 

[EGY FTW]

غير صحيح امريكا اهتمام حكومي كبير لهم وقت ازمة كورونا كانو يجلسون في بيوتهم يجيهم دخل ضخم من حكومتهم وفرص العمل الكثيرة والمتوفرة متناسبة مع دخل عالي حتى الفرص البسيطة المشكلة الاساسية في امريكا هي البنوك الهومليس تجد كثير منهم من كان يعمل بوظائف مقتدرة ووضعه ممتاز لكن من الديون والقروض والرهن اصبح مشرد

اخي الكريم احنا بنتكلم ان الشعب نفسة بيحب الاستثمار و فتح بيزنس و small business في امريكا منتشرة بقوة. و بيحبوا يدخلوا البورصة و يخاطروا حتي في العملات الرقمية.

امريكا مركز تجارة العالم ليس من فراغ.

ده حتي القطاع الصحي عندهم بزنس. و الادوية عندهم بزنس.

 

[EGY FTW]

هذا كلام الناس اللى بتفهم
سنة 2002 إلتقيت بدكتور أحمد مصبح الله يرحمه كان علامه
قالى لى
الزراعه أولآ و بعدها الصناعه لتطور البلد
الزراعه تأمين للأمن الغذائى و للحفاظ على العمله الصعبه غير إنها بتشغل إيد عامله كتير
و كمان بيطلع منها خامات للصناعه
و بعد كده بيجى الأنشطه الأخرى

تعقيب صغير ، الزراعة والصناعة لم تعد مصدر لايدي العاملة بسبب الميكنة. واكتر قطاع بيوفر فرص عمل هو القطاع الخدمي.

هناك مشاريع زراعية و صناعية كثيرة لايتم تغطيتها اعلاميا و هنا هتلاقي معظمها بالصور و الخرائط

ليس لديك تصريح لمشاهدة الرابط، فضلا قم ب تسجيل الدخول او تسجيل

مشاريع ري و زراعة و صناعة و....

 

[البحرية عز وحرية]

هذا كلام الناس اللى بتفهم
سنة 2002 إلتقيت بدكتور أحمد مصبح الله يرحمه كان علامه
قالى لى
الزراعه أولآ و بعدها الصناعه لتطور البلد
الزراعه تأمين للأمن الغذائى و للحفاظ على العمله الصعبه غير إنها بتشغل إيد عامله كتير
و كمان بيطلع منها خامات للصناعه
و بعد كده بيجى الأنشطه الأخرى

يوم تناقش شخص فاهم يقولك هذا الفاهم لاحظ يقولك النسبة لاراضي مصر المناسبة للزراعه ضعيفة وتقوله طيب باقي الصحراء ؟ يقول دي صحراء يا عم تقول له الصين حولت الصحراء زراعية تستطيع عمل استصلاح زراعي وتكبير المساحة الجدية هي الاساس عندما يكون هناك قرار حقيقي سينجز

 

[البحرية عز وحرية]

اخي الكريم احنا بنتكلم ان الشعب نفسة بيحب الاستثمار و فتح بيزنس و small business في امريكا منتشرة بقوة. و بيحبوا يدخلوا البورصة و يخاطروا حتي في العملات الرقمية.

امريكا مركز تجارة العالم ليس من فراغ.

ده حتي القطاع الصحي عندهم بزنس. و الادوية عندهم بزنس.

حتى بمصر وكل دول العالم يدخلون البزنس حاليا اصبح حتى شباب صغير دخلهم بسيط يدخلون مجال العملات الرقمية تخيل في اوروبا وامريكا هناك رجال اعمال تساله رجل اعمال بايش او تاجر بايش يقولك بالكريبتو اصبح قطاع اعمال عالمي

 

[EGY FTW]

يوم تناقش شخص فاهم يقولك هذا الفاهم لاحظ يقولك النسبة لاراضي مصر المناسبة للزراعه ضعيفة وتقوله طيب باقي الصحراء ؟ يقول دي صحراء يا عم تقول له الصين حولت الصحراء زراعية تستطيع عمل استصلاح زراعي وتكبير المساحة الجدية هي الاساس عندما يكون هناك قرار حقيقي سينجز

كلام سليم مليون المية. و ذكرت سابقا مع احد الاعضاء @حُذَيفة بن اليَمَانِ ان بتكنولوجا الري و تحلية المياة و الوصوب الزراعية نقدر نحقق اكتفاء ذاتي من الزارعة و نحافظ علي المياة

 

[EGY FTW]

بمناسبة حديثنا عن الاطباء و كمان الدولار

الدكتور المحترم هاني الناظر

 

[Omar2000]

تعقيب صغير ، الزراعة والصناعة لم تعد مصدر لايدي العاملة بسبب الميكنة. واكتر قطاع بيوفر فرص عمل هو القطاع الخدمي.

هناك مشاريع زراعية و صناعية كثيرة لايتم تغطيتها اعلاميا و هنا هتلاقي معظمها بالصور و الخرائط

ليس لديك تصريح لمشاهدة الرابط، فضلا قم ب تسجيل الدخول او تسجيل

مشاريع ري و زراعة و صناعة و....

يا راجل ده تلميع مش أكتر
المشاريع دى تبقا موجوده و منتجه لما إنتاجها يوصل للمستهلك و تساعد على خفض الأسعار
إنما لا جديد يذكر

ما قالو هنصتصلح مليون و نص فدان !!!!!!
فين ؟؟؟

و حكاية الميكنه دى كلامك صحيح فى الدول المتقدمه
الفلاح فى الدلتا لسه بيستخدم أساليب بدائيه أيو احيانآ بيكون فى ميكنه
يا راجل حتى لو مصر متقدمه فى الميكنه الزراعيه برده هتحتاج إيد عامله و عمال للحصاد و نقل و تجار توزيع و خلافه

 

[البحرية عز وحرية]

كلام سليم مليون المية. و ذكرت سابقا مع احد الاعضاء @حُذَيفة بن اليَمَانِ ان بتكنولوجا الري و تحلية المياة و الوصوب الزراعية نقدر نحقق اكتفاء ذاتي من الزارعة و نحافظ علي المياة

مشكلة مصر في البنك الدولي وصندوق النقد الاساسية هي من تطرح لهم الاصلاحات لكن بجانب ذلك يجب على مصر القيادة ان تكون اصلاحات خاصة بها كثير لا يعلم ان مصر تمشي على تجربة استرالية في الجنيه وتجربة صناعية صينية وتجربة ماليزيا بالعلوم ما ينفع تاخذ تجارب من هذا شيء وهذا شيء شوف الانسب لك كا مصر وللشعب المصري ولمنطقتك خذها مع ابداعاتك الخاصة

 

[Hitler Elmasry]

حاليا تنزل ب200 جنيه ترجع من غيرها لنا الله