السعودية : حضور وانصراف الموظفين سيتم عبر “الذكاء الاصطناعي”

[D.A.S]

شوفوا كم ساعة توكلنا يعمل بالخلفية
مشاهدة المرفق 454998

المطور الي مايستحي ولا يمتلك بعقله الا خليتن عافس بطاريات العالم
انا ماغير اطفي واشغل اللوكيشن كلما استخدمه واشوفها طريقة متعبة

 

[Apollo]

المطور الي مايستحي ولا يمتلك بعقله الا خليتن عافس بطاريات العالم
انا ماغير اطفي واشغل اللوكيشن كلما استخدمه واشوفها طريقة متعبة

ماهي بيد المطور
هذي تعليمات له وهو ينفذ

 

[صنديد 91]

الزبده اللـَّـه يستر من القااادددددممم

صرت رسلان رقم ٢

 

[رٍسِـــلآنٍ]

من شيوخ التويوتا بس وش العلاقه هههههههه

تويوتا تمشي اقل من المكتوب بالطبلون بفارق يوصل بعض الاحيان الى ١٥ كيلو وفي الغالب فرق من ٥ الى ١٠
تبي السرعه الحقيقية شغل برامج قياس السرعه بالجي بي اس

الصراحه تويوتا تعامل مستخدميها على قد عقولهم لان سمعتكم سيئة بالسواقه

 

[رٍسِـــلآنٍ]

شوفوا كم ساعة توكلنا يعمل بالخلفية
مشاهدة المرفق 454998

يكفي انه يطلب تصريح البلوتوث وهو ماله دخل بالبلوتوث

 

[deter]

تويوتا تمشي اقل من المكتوب بالطبلون بفارق يوصل بعض الاحيان الى ١٥ كيلو وفي الغالب فرق من ٥ الى ١٠
تبي السرعه الحقيقية شغل برامج قياس السرعه بالجي بي اس

الصراحه تويوتا تعامل مستخدميها على قد عقولهم لان سمعتكم سيئة بالسواقه

فعلا كان معي كامري 2001 وسمعتي سيئة واذا تفرجت على الاشرطة ابوي الله يرحمه
يقول وين اهله هذا

حتى اخوي

 

[Staccato]

الشركات لا تتدخل في خصوصيتك الا لاهداف تسويقية رغم معارضتي للفكرة اصلا.

لكن الجهات الحكومية وش تبي تراقبني 24/7 ؟؟؟
مب لازم اكون مجرم او ارهابي حتى اخاف او اشمئز من الرقابة اللصيقة.

في اوروبا رفض العديد فكرة تطبيقات مماثلة لتطبيق توكلنا بسبب الخصوصية وظهرت هناك تطبيقات مشابهة لكن التسجيل بها طوعي وليس اجباري ولا يوجد بها تتبع. لكن رغم ذلك السواد الاعظم من الناس فضل الحصول على شهادات الكترونية PDF تفيد بإختبار سلبي او تاكيد اخد اللقاح يرسل عن طريق البريد الالكتروني.

فقط اظهار نتيجة فحص سلبية او تأكيد اخذ اللقاح.

هل الاوروبيين مجرمين جميعهم؟ ام ان لديهم بعد في وجهة نظرهم؟

على العموم متوقع في المملكة الاستهانة بالخصوصية دام الشعب متعود على اللقافة.

ولله انك حبيب بيناتك تنباع للكل سواء جهات استخبارية ولا جهات سياسية ومعروفه سالفة كامريدج اناليتكا وكيف قدرو يستخدمون البيانات لاستهداف الناخبين الامريكين وقلبهم لترمب


اقرا عن سنودن والبيانات الاستخبارتية الي تجمعها ال CIA والامن القومي عن المواطنين الامريكان وحتى الاوربين كل شي مراقب

السعودية رفضت استخدام انظمة مالية خارجية لانها ماتبغى اي كشف عن العمليات البنكية داخل السعودية الى درجت ان ابل بي اضطرت ان تستخدم سيرفرات سعودية عشان تدخل السوق السعودي

على العموم انا مع الدولة في مراقبة كل البيانات لان هذا له دور كبير في الكشف عن الخلايا والتنظيمات الارهابية

والي مسوى نفسه حق الخصوصية كل معلوماتك الالكترونية مسجله في سيرفرات امريكا والصين

 

[MD76]

ولله انك حبيب بيناتك تنباع للكل سواء جهات استخبارية ولا جهات سياسية ومعروفه سالفة كامريدج اناليتكا وكيف قدرو يستخدمون البيانات لاستهداف الناخبين الامريكين وقلبهم لترمب


اقرا عن سنودن والبيانات الاستخبارتية الي تجمعها ال CIA والامن القومي عن المواطنين الامريكان وحتى الاوربين كل شي مراقب

السعودية رفضت استخدام انظمة مالية خارجية لانها ماتبغى اي كشف عن العمليات البنكية داخل السعودية الى درجت ان ابل بي اضطرت ان تستخدم سيرفرات سعودية عشان تدخل السوق السعودي

على العموم انا مع الدولة في مراقبة كل البيانات لان هذا له دور كبير في الكشف عن الخلايا والتنظيمات الارهابية

والي مسوى نفسه حق الخصوصية كل معلوماتك الالكترونية مسجله في سيرفرات امريكا والصين

ماذا عن تسريب وزارة العمل او صندوق الموارد البشرية لمعلومات مضللة للمواطنين اكثر من مرة ؟ والكذب وتجاوز صلاحياتهم ؟؟

 

[MD76]

ما عندي كيني ميني (واكره المصطلح هذا حق الصحوية) لكن لو انت انسان حر ولد حر لن ترضى بوجود شخص او جهة تراقبك 24/7 وبل تستطيع عبر التقنية ان تشل حياتك بضغطة زر

لو كنت حر ابن حر كما تدعي لا ما اخذتك الحمية على ادارة تريد ان تجعلك عبد لها

و انت تناقض نفسك تماماً وتعمل كا ضابط جمارك ومحقق تسأل كل من ابدى رأيه عن جنسيته كي تعطيه الصلاحية والمباركة

 

[Staccato]

ماذا عن تسريب وزارة العمل او صندوق الموارد البشرية لمعلومات مضللة للمواطنين اكثر من مرة ؟ والكذب وتجاوز صلاحياتهم ؟؟

 

[MD76]

اعتقد انك لم تفهم ما احاول ايصاله

سؤالي بدون مقدمات

هل تأمن الحكومات الان على معلوماتك وهل تأمنهم على عدم استخدامها لتضليل وتشويه سمعتك؟

 

[Staccato]

اعتقد انك لم تفهم ما احاول ايصاله

سؤالي بدون مقدمات

هل تأمن الحكومات الان على معلوماتك وهل تأمنهم على عدم استخدامها لتضليل وتشويه سمعتك؟

نعم امنها
انت فاهم وش تتكلم عنه ؟ تراك في دولة ملكية الحكومة لو بغتك جابتك خرابيط تضليل وتشوية سمعة عند غيرنا
والي عنده مشكلة ديوان المظالم مفتوح رح اشتك زي غيرك

اذا ما تامن الحكومة على معلومات لقاحك اجل وش معنى البيعة والولاء !

 

[Saud06]

شوفوا كم ساعة توكلنا يعمل بالخلفية
مشاهدة المرفق 454998

انا دائماً اعطله ولا اعطيه اذونات الموقع والنت الا اذا احد طلبه مني "محلات والدوام"

 

[اباتشي KSA]

الجميع مخترق من امريكا او الصين او التطبيقات الحكومية بيانات المستخدمين بيد الجميع واكبر جامع للمعلومات هو الذكاء الاصطناعي و الاجهزة الاكترونية

 

[بحريني 1]

والله الانتاجيه ماله خص في حضور وانصراف هات رؤساء فاهمين وادارين كفو ماتجيب لي ناس تشك في امها ولها محسوبيات وعشق للكرسي نتيجة فشل بنظام ترقيات وفشل بنظام الزيادات وفشل بالبه العمل في مختلف القطاعات اللي يخش الموظف ويتقاعد مادرى وش اللرامج المفروضه عليه في سبيل تطويره الذاتي ولكل مرحله وظيفيه..
يخش ويموت او يتقاعد وهو كاتب ههه

بالعكس, خصوصا في مجتمعاتنا ان اعطيت الموظف وجه قام يلعب, اقنعني لو مابتحط بصمه بتحصل انضباط بالعمل ؟

ابصم لك 100% الوضع بيصير سبهلله وتسيب

 

[MD76]

نعم امنها
انت فاهم وش تتكلم عنه ؟ تراك في دولة ملكية الحكومة لو بغتك جابتك خرابيط تضليل وتشوية سمعة عند غيرنا
والي عنده مشكلة ديوان المظالم مفتوح رح اشتك زي غيرك

اذا ما تامن الحكومة على معلومات لقاحك اجل وش معنى البيعة والولاء !

مثل ما قلت انت في دولة ملكية ان ارادت انت تفعل بك ما تشاء سا تفعل ولا يوجد من يحاسبها

نظام الملكي نظام ابتدعه البشر وليس له علاقة في الدين والايمان الاعمى بكل ما يقولون سذاجة مفرطة

 

[ibrams]

احب ان ابشركم ان ذكاء الموظفين سوف يتفوق على الذكاء الاصطناعي و سوف يقومون بخداعه بكل سهوله

 

[iTURKE_ROYAL]

السواد الاعظم بالسعودية اساسا كل فرد منهم كان يعتقد نفسه مسؤول عن الاخر ويتدخل في خصوصيته. الفردانية ومفهوم الخصوصية كانت غائبة بقوة وقت الصحوة يوم كل شخص يتدخل في الاخر والهيئة البائسة منهم

وش رأيك في الفوائد الي ذكرتها ولا تجيب موضوع الخصوة والهيئة الرجعية . وش رايك في الإيجابيات الي تغلب السلبيات يا ابولو .

 

[abdovic]

شوفوا كم ساعة توكلنا يعمل بالخلفية
مشاهدة المرفق 454998

غير اعدادات اللوكيشن بعد ما توريهم توكلنا.. ماياخذ منك ولا 3 ثواني ورح تكمل معك البطارية يومين ثلاثة..

او احذف التطبيق وادخل على توكلنا من موقعهم << وهذا اللي مسويه انا من سبتمبر ولا احد دقق

 

[Apollo]

هههههه
اصبر قريبا سترى الوجه الاخر لتوكلنا

حتى ابشر اللي انا استفيد منه له جانب سلبي ومظلم بعد.

اساسا قبل ابشر ما احتجت اراجع دوائر حكومية بشكل كثير. يعني الامور اساسا لم تكن بذلك التعقيد قبل ابشر ما عدا تجديد اقامات العمال والخادمات

غير اعدادات اللوكيشن بعد ما توريهم توكلنا.. ماياخذ منك ولا 3 ثواني ورح تكمل معك البطارية يومين ثلاثة..

او احذف التطبيق وادخل على توكلنا من موقعهم << وهذا اللي مسويه انا من سبتمبر ولا احد دقق

تغيير الاعدادات كل شوي مزعج.
لكن راح اجرب موقع توكلنا