صفقة مصرية فرنسية لشراء قمر صناعى وطائرتين تزود بالوقود من نوع 330 MRTT

[Aymanop1709]

و الله ما قصرو الاخوة الفرنسيين .. حبيت و الله
و *** ** امريكا ... انا مش محروق من اسرائيل لان عادي بس امريكا حرقت دمي
up to no good مع الميتيور !! ليه واخدين ال death star و حنقوم بال empire تاني .. ايه شغل العيال دا
لا واحنا حنموت على تطوير الفايبر .. في المشمشيكو ... دا لو العربة الهامر اتطورت اقطع دراعي

لكن مبروك الميتيور و كمان وحدة مخصصة للصيانة و مساعدة تامة للدمج في منظومة ربط خاصة مصر تطورها مخصوص لدمج كل المقاتلات الشرقية و الغربية سيعلن عنها بافتتاح مقر وزارة الدفاع الجديد (لازلت لدي تحفظات او تخوفات من مدى كفاءة هكذا سوفتوير محلي و لكن سانتظر و نرى)

باذن الله لاتقلق

 

[batteryneon]

ماتقلقش مصر خبراتها العسكريه وخاصة التشغيليه مبنيه على تراكم معرفى وتقييم موضوعى وبالذات لانظمة الربط والاتصال واكيد اى نظام هيخضع للتجربه والتقييم بشكل عملياتى وفى ظروف مختلفه وفقا لاعلى مقاييس تجارب الاداء
مصر اتعلمت ان كل خطوه تبقى محسوبه ومؤكده جدواها تماما

اتمنى الصراحة لكن الموضوع مش بسيط
انت عايز تعمل داتا فيوشن من اكثر من مصدر مختلف الطريقة ل out put واحد و بدون latency >> سوفتوير وايز مش سهلة خالص .. اكبر الشركات المدنية بره بقالها سنين بتعالج الموضوع في منتجات عادية و لسه لدرجة ان ابل نقلت مرتين معامرية معالجتها عشان تزيد النقط دي و غيره

هل حتقدر ترمي r&d تقيل فيها ... اتمنى

 

[OSORIS]

الطليان عرفو فعلا ازاي تبقي في بقك وتقسم لغيرك وبيلعنو ريجيني وباترك زكي وكلام وزيره الجيوش الفرنسية حول توفير ٧٠٠٠ فرصه عمل مزعلهم جامد جدا

خلي الإنجليز ينفعوهم بقى ...

 

[Amenmobi]

اتمنى الصراحة لكن الموضوع مش بسيط
انت عايز تعمل داتا فيوشن من اكثر من مصدر مختلف الطريقة ل out put واحد و بدون latency >> سوفتوير وايز مش سهلة خالص .. اكبر الشركات المدنية بره بقالها سنين بتعالج الموضوع في منتجات عادية و لسه لدرجة ان ابل نقلت مرتين معامرية معالجتها عشان تزيد النقط دي و غيره

هل حتقدر ترمي r&d تقيل فيها ... اتمنى

معلش وضح أكتر يا أستاذنا عشان أفهم أكتر من فضلك

 

[batteryneon]

معلش وضح أكتر يا أستاذنا عشان أفهم أكتر من فضلك

يعني عشان تخلي ال IFF الروسي و الفرنسي (انظمة تحديد العدو من الصديق على المقاتلة) يشوفو بعض كاصدقاء لازم الاشاره تروح مركز ارضي تعالج و ترجع للطائرة (لانهم مصممين على رؤية بعض كاعداء) و دي حتاخد وقت خلينا نفترض 5 ثواني تاخير ال 5 دول حيعملو مشكلة في عمليات اشتباك او مشكلة مع انظمة الدفاع الجوي الصديقة الا لو قدرت تلغي عامل التاخير تماما او تقلله لمستوى مقبول عملياتيا و هنا التحدي لان ال IFF الغربي مختلف عن الروسي في شكل البيانات و الداتا (ويندوز و ماك os مثلا) فحيحتاج يتعالج في المركز الارض قبل اعادة بثه .. لان الطائرتين مش حيقدرو يتواصلو مع بعض الا لاسلكيا

طبعا في امور اخرى كنقل بيانات و احداثيات هدف معادي من رافال لسوخوي .. من سبيكترا لكمبيوتر الميج .. من الخبيني على السو للفالكون .. مستحيل يحصل لان شكل البيانات مختلف تماما .. فالبتالي سيبعت للمركز الارضي يعاد تشكيله بما يفهمه الطرف المراد ايصال المعلومة اليه و هكذا

لذا لابد من تطوير سوفت وير عملي و سريع لدمج كل هذا معا بدون تاخير و أجهزة قوية .. في كل الاحوال لن تتمكن من الدمج 100% لكن 50 او 80% جيد جدا جدا كمان .. بس المهم حتحتاج تصرف حلو على المنظومة و الكفاءات

 

[لوبل]

لذلك فرنسا افضل دولة اوروبية تشتري من السلاح ، دولة سياسته كدولة كبري و ليس تابع للهيمنة الامريكية في اوروبا و لا ننسي انسحاب فرنسا من الناتو من قبل بسبب تعارض سياستها مع الامريكان

الامريكان يستعدون لمغادرة الشرق الاوسط و بداية تحالفات جديدة في المنطقة و فرنسا في رأي هي من تتولي الشق العسكري في الاتحاد الاوروبي ومن خلفها الاوروبين لذلك لا يوجد تعارض علي التسليح الفرنسي لمصر بل منافسة فيما بينهم علي توريد السلاح لمصر
و الرئيس السيسي ذكي يستغل الوضع بتحدث الجيش المصري بأكبر قدر من الاسلحة الحديثة لذلك لا عجب من شراء مصر بنظام القروض لشراء اكبر كمية من السلاح الحديث

فعلا واعتقد ان فرنسا شريك استراتيجى وموثوق

 

[Guardian Eagle]

 

[MaD]

يعني عشان تخلي ال IFF الروسي و الفرنسي (انظمة تحديد العدو من الصديق على المقاتلة) يشوفو بعض كاصدقاء لازم الاشاره تروح مركز ارضي تعالج و ترجع للطائرة (لانهم مصممين على رؤية بعض كاعداء) و دي حتاخد وقت خلينا نفترض 5 ثواني تاخير ال 5 دول حيعملو مشكلة في عمليات اشتباك او مشكلة مع انظمة الدفاع الجوي الصديقة الا لو قدرت تلغي عامل التاخير تماما او تقلله لمستوى مقبول عملياتيا و هنا التحدي لان ال IFF الغربي مختلف عن الروسي في شكل البيانات و الداتا (ويندوز و ماك os مثلا) فحيحتاج يتعالج في المركز الارض قبل اعادة بثه .. لان الطائرتين مش حيقدرو يتواصلو مع بعض الا لاسلكيا

طبعا في امور اخرى كنقل بيانات و احداثيات هدف معادي من رافال لسوخوي .. من سبيكترا لكمبيوتر الميج .. من الخبيني على السو للفالكون .. مستحيل يحصل لان شكل البيانات مختلف تماما .. فالبتالي سيبعت للمركز الارضي يعاد تشكيله بما يفهمه الطرف المراد ايصال المعلومة اليه و هكذا

لذا لابد من تطوير سوفت وير عملي و سريع لدمج كل هذا معا بدون تاخير و أجهزة قوية .. في كل الاحوال لن تتمكن من الدمج 100% لكن 50 او 80% جيد جدا جدا كمان .. بس المهم حتحتاج تصرف حلو على المنظومة و الكفاءات

كلامك حقيقى لكن مع معروف أن مصر بتصنع الiff و هو موجود عالميج و آلاف و الرافال ..

اظن الموضوع عن لينك مثل لينك ١٦

 

[batteryneon]

كلامك حقيقى لكن مع معروف أن مصر بتصنع الiff و هو موجود عالميج و آلاف و الرافال ..

اظن الموضوع عن لينك مثل لينك ١٦

انا بوضح كمثال لل IFF و اتمنى نكون عملناها فيه لانه حيبقى اساس الباقي
يا ريت لو شئ زي اللينك 16 بس لو فيه قدرة مشابهة على هكذا انظمة محليا خلاص انت تبدا انتاج منظومات و تبيع
السوفتوير هوا نص قيمة اي معدة او منتج انهارده
حيبقى سهل عليك تعمل كروز او نظام ادارة قتال او نيران او حتى تبيع للشركات بره و حتكسب دهب
+ في جزء مش هين في الموضوع حيحتاج السورس كود للمنظومات دي و معرفش حتتعمل ازاي معتدقش فرنسا بالسخاء دا او روسيا
ممكن يجيلك يعمل الجزء الخاص بيه ضمن المنظومة و يمشي بس الله اعلم كدا حكون بفتي

 

[batteryneon]

امر اخر .. ال AFRICOM محتاجة تأديب ..

 

[(the eagle)]

ملخص :

1- صفقة الرافال تأخرت بسبب إصرار مصر على تسليم صواريخ ميتيور وضغوط من الولايات المتحدة وإسرائيل لمنع ذلك.
وانتهى الأمر إلى إتمام الصفقة متضمنة صواريخ ميتيور التي سيتم تسليمها مع المقاتلات.

2- الصفقة تضمن تطوير مقاتلات الرافال ال 24 لدى مصر (سوفت ووسائل إلكترونية) على الاغلب ستتمكن من إطلاق الميتيور أيضا.

3- اتفاق على إنشاء مركز صيانة وتدريب محلي في مصر لتتمكن مصر من صيانة الرافال محليا مع تدريب الكوادر المصرية.

4- أخبار عن نظام إلكتروني (سوفت وير) مصري يستطيع ربط المقاتلات المختلفة الطراز و المنشأ ومنها الرافال (سيتم دمجه محليا) ومن المتوقع إعلانه في افتتاح الاوكتاجون المصري.

أخبار كلها عظيمة جدا، أتمنى إتمامها جميعا في أسرع وقت.

ده محتاج موضوع منفصل
اتمني يتعمل علشان كمية المعلومات اللي فيه

 

[Ahmedkhaled3455]

امر اخر .. ال AFRICOM محتاجة تأديب ..

ممكن توضيح ؟

 

[SU35EG]

اتمنى يبقى فيه قدرة على دمج اسلحه شرقيه او محلية الصنع فى المستقبل

ليس لديك تصريح لمشاهدة الرابط، فضلا قم ب تسجيل الدخول او تسجيل

ليس لديك تصريح لمشاهدة الرابط، فضلا قم ب تسجيل الدخول او تسجيل

متهيألي كفاية كده

 

[Tamer tiger]

انا بوضح كمثال لل IFF و اتمنى نكون عملناها فيه لانه حيبقى اساس الباقي
يا ريت لو شئ زي اللينك 16 بس لو فيه قدرة مشابهة على هكذا انظمة محليا خلاص انت تبدا انتاج منظومات و تبيع
السوفتوير هوا نص قيمة اي معدة او منتج انهارده
حيبقى سهل عليك تعمل كروز او نظام ادارة قتال او نيران او حتى تبيع للشركات بره و حتكسب دهب
+ في جزء مش هين في الموضوع حيحتاج السورس كود للمنظومات دي و معرفش حتتعمل ازاي معتدقش فرنسا بالسخاء دا او روسيا
ممكن يجيلك يعمل الجزء الخاص بيه ضمن المنظومة و يمشي بس الله اعلم كدا حكون بفتي

اعتقد انه بيبقى متاح على السوفت وير تحديد اكواد للدول المشتريه لتحديد وتعريف العدو من الصديق من خلال البصمه الراداريه للطائرات ده تصور

 

[Egyptian Spirit]

اتمنى الصراحة لكن الموضوع مش بسيط
انت عايز تعمل داتا فيوشن من اكثر من مصدر مختلف الطريقة ل out put واحد و بدون latency >> سوفتوير وايز مش سهلة خالص .. اكبر الشركات المدنية بره بقالها سنين بتعالج الموضوع في منتجات عادية و لسه لدرجة ان ابل نقلت مرتين معامرية معالجتها عشان تزيد النقط دي و غيره

هل حتقدر ترمي r&d تقيل فيها ... اتمنى

Egyptian software engineers are top notch. طالما الموضوع سوفت وير اطمن!

 

[batteryneon]

ممكن توضيح ؟

حاشرين مناخريهم في الصفقة عشان الميتيور ... ليه ؟؟؟ طب لو الادرارة الامريكية او البنتاجون ماشي .. الافريكوم مال امه
فمحتاجين تاديب .. مش هما بيدورة على تمركز في السودان او اثيوبيا .. ابقو اعملوها بقى ...........

اعتقد انه بيبقى متاح على السوفت وير تحديد اكواد للدول المشتريه لتحديد وتعريف العدو من الصديق من خلال البصمه الراداريه للطائرات ده تصور

جميل طيب لنفرض انك عايز تعرف السو 35 على انها صديق على الرافال فحتروح للروس تاخود اكوادها مفتوحة و تطلع بيها على داسو يضيفوها على البرنامج في الرافال صح كدا لكن الروس مش حيوافقو لان اكواد التعريف بقيمة الطائرة حرفيا حيقلك انا اش ضمني ان داسو مش حتعمل كوبي للداتا و تقوم موزعاها على كل الناتو و بكدا السو 35 كمشروع كامل معدش ليه لازمة .. نفس الشئ للرافال لو حتروح لروسيا .. لو الموضوع ايطاليا و فرنسا او امريكا ممكن بنسبة اكبر

و بسبب نفس القضية تركيا خسرت الجوينت مقابل الاس 400 عشان النقطة دي لان انبعاثات و اكواد الطائرة اتعرفت و بالتالي المشروع كله معدش ليع لازمة ... فا لاي مدى تقدر تتفاهم مع مصنعيين مختلفين من معسكرات سياسية مختلفة

 

[Tamer tiger]

حاشرين منا خريهم في الصفقة عشان الميتيور ... ليه ؟؟؟ طب لو الادرارة الامريكية او البنتاجون ماشي .. الافريكوم مال امه
فمحتاجين تاديب .. مش هما بيدورة على تمركز في السودان او اثيوبيا .. ابقو اعملوها بقى ...........


جميل طيب لنفرض انك عايز تعرف السو 35 على انها صديق على الرافال فحتروح للروس تاخود اكوادها مفتوحة و تطلع بيها على داسو يضيفوها على البرنامج في الرافال صح كدا لكن الروس مش حيوافقو لان اكواد التعريف بقيمة الطائرة حرفيا حيقلك انا اش ضمني ان داسو مش حتعمل كوبي للداتا و تقوم موزعاها على كل الناتو و بكدا السو 35 كمشروع كامل معدش ليه لازمة .. نفس الشئ للرافال لو حتروح لروسيا .. لو الموضوع ايطاليا و فرنسا او امريكا ممكن بنسبة اكبر

و بسبب نفس القضية تركيا خسرت الجوينت مقابل الاس 400 عشان النقطة دي فا لاي مدى تقدر تتفاهم مع مصنعيين مختلفين من معسكرات سياسية مختلفة

ليس لديك تصريح لمشاهدة الرابط، فضلا قم ب تسجيل الدخول او تسجيل

ده موضوع على نظام التعريف

 

[Tamer tiger]

بالنسب للافريكوم فى توافق خلال الفتره اللى جايه لانهم طالبين مننا ادوار فى الخزء الشرقى من افريقيا تحديدا وعشان كده وتيرة انتقاد الادارة الامريكيه خلال الفتره دى اختلفت وقلة احنا بنستغل الخلاف الفرنسى الامريكى الحالى فى افريقيا
موضوع تاخر صفقة الرافال كان معروف ان اسرائيل وراها عشان استيعابهم للاف 35
وخصوصا بعد ما ابدت مصر سرعة لاستيعاب الرافال وعقبال مانستلم صفقه اضافيه
هيكون هما شكله اسراب من الاف 35 بس مش ده بس اللى خللى فرنسا تدعم الصفقه فى امور تانيه .المنطقه وتحالفت جديده بتتشكل من جديد ومافيش حاجه اسمها صداقه على طول والا عداء على طول .مصر بتتصرف كويس جدا

 

[MaD]

حاشرين مناخريهم في الصفقة عشان الميتيور ... ليه ؟؟؟ طب لو الادرارة الامريكية او البنتاجون ماشي .. الافريكوم مال امه
فمحتاجين تاديب .. مش هما بيدورة على تمركز في السودان او اثيوبيا .. ابقو اعملوها بقى ...........


جميل طيب لنفرض انك عايز تعرف السو 35 على انها صديق على الرافال فحتروح للروس تاخود اكوادها مفتوحة و تطلع بيها على داسو يضيفوها على البرنامج في الرافال صح كدا لكن الروس مش حيوافقو لان اكواد التعريف بقيمة الطائرة حرفيا حيقلك انا اش ضمني ان داسو مش حتعمل كوبي للداتا و تقوم موزعاها على كل الناتو و بكدا السو 35 كمشروع كامل معدش ليه لازمة .. نفس الشئ للرافال لو حتروح لروسيا .. لو الموضوع ايطاليا و فرنسا او امريكا ممكن بنسبة اكبر

و بسبب نفس القضية تركيا خسرت الجوينت مقابل الاس 400 عشان النقطة دي لان انبعاثات و اكواد الطائرة اتعرفت و بالتالي المشروع كله معدش ليع لازمة ... فا لاي مدى تقدر تتفاهم مع مصنعيين مختلفين من معسكرات سياسية مختلفة

اعتقد الأمر بيكون كود فالمنظومة نفسها مش فالسوفت وير للطائرة و ملوش علاقة ببصمة الطائرة ..

الموضوع مثلا زى الاى بى للشبكة الداخلية لو مش فنفس الجاتواى بيبقوا مختلفين.

يعنى بيكون كود بيتم إرساله من الرافال إلى الميج و. الميج تعيد ارسال كود اخر لو هو من ضمن الاكواد بيتم التعرف عليها كطائرة صديقة و لو لا فيتكون عدو.

اصل الموضوع لو كدة يبقى عندنا مشكلة كبيرة فالدفاع الجوى لأن دة معناه أن آلاف ١٦ و الرافال بيتعرفوا كعدو للاس ٣٠٠ و الميج لتتعرف كعدو للايريس مثلا

موضوع تركيا مختلف لأن روسيا سهل تتعرف على آلاف بعد ذلك من بيانات الرادار

 

[batteryneon]

اعتقد الأمر بيكون كود فالمنظومة نفسها مش فالسوفت وير للطائرة و ملوش علاقة ببصمة الطائرة ..

الموضوع مثلا زى الاى بى للشبكة الداخلية لو مش فنفس الجاتواى بيبقوا مختلفين.

يعنى بيكون كود بيتم إرساله من الرافال إلى الميج و. الميج تعيد ارسال كود اخر لو هو من ضمن الاكواد بيتم التعرف عليها كطائرة صديقة و لو لا فيتكون عدو.

اصل الموضوع لو كدة يبقى عندنا مشكلة كبيرة فالدفاع الجوى لأن دة معناه أن آلاف ١٦ و الرافال بيتعرفوا كعدو للاس ٣٠٠ و الميج لتتعرف كعدو للايريس مثلا

موضوع تركيا مختلف لأن روسيا سهل تتعرف على آلاف بعد ذلك من بيانات الرادار

ممكن بس هيا حترجع لحساسية المصنع و توجه دولته السياسي
ممكن يبقى مجرد كود فعلا منغير اي باب لمجمل منظومة المقاتلة بس تقدر كداسو تعمل باك دور لمجمل انبعثات الطائرة خصوصا ان فيه كذا مستشعر في المنظومة الكلية ردارات و انظمة رصد بصري و حراري او حتى تخترق منظومة الطائرة نفسها .. كل اللي انت محتاجه اشارة اتصال مؤمنة و مقبولة يعني متوافق انك تدخل بعدين يحلها حلال و هنا الحساسية حتى لو في ضامن

موضوع تعريف طائراتنا على منظومات شرقية كعدو اعتقد حقيقي لان كان في كذا زميل هنا ذكرو الامر و الاستاذ نمر كمان و مضمون الكلام ان نطاق عمليات المنظومات الشرقية هيا منطقة تحريم او ممنوع طيران للفالكون و اي نظير غربي .. عيوب تنويع مصادر السلاح حتعمل ايه

فدايما حترجع للمصنع و انت و قدرتك على التفاوض و التطمين او ممكن تتغاضى عن كل وجع الراس دا و تعمل المركز الارضي يهضم المعلومة اللي طالعة من الطيارة و يحولها لا input لمكون اخر .. كدا حيبقى اسهل اعتقد و الشركة تقولك الطيارة او الفرقاطة او منظومة الدفاع الجوي حتحتاج شكل بيانات عامل ازاي و اعتقد دا اللي حاصل حاليا حتى من ايام المنظومة القديمة .. الاواكس حتى مضطرة تبقى كدا لو حتجمع كله