انا باتكلم علي المواطن البسيط اللي بيعيش بالحد الأدنى انته لو فتحتها علي البحري وسميتها حياه كريمة مش هتخلص المصريين معظمهم مش مكتوب لهم يعيشوها إنما بقي مدارس أجنبية وفسح يا راجل تف من بقك احنا عايزين نربي عيالنا ونأكلهم
السيسي غير مبارك فعلا بيعمل وبيبني عكس مبارك اللي كان راقد علي بيض لكن السيسي ما بيهمدش عايز يعمل كل حاجة مرة واحدة وبجودة عالية والمواطن هو اللي يدفع تكلفة الخدمة وده الطبيعي بالمناسبة بس هو نسي حاجة مهمة جدا أن احنا زي ما قال فقراء قوي هنجيبله منين مش فاهم ثانيا اشمعنا لما حد بيطالب باي مطالب بتكون الاسطوانة احنا فقراء قوي وبينسو أن احناةفقراء لما ببفرض كل يومين ضريبة جديدة لازم يكون في موازنة بين دخل الناس والمطلوب منهم بالشكل ده الشعب هينفجر فيه تاني والبلد هترحع للوراء ومش هنخلص
لأننا اتاخرنا جامد يا وليد باشا ..صىراحه لما ابص مثلا لبنيه رقميه وتقنيه لبلاد حوالينا أصغر مننا وأحدث نشاءة مننا واحنا لسه ماشيين بالدفتر والعهدة انقهر والله ..والسيسي عمال يضغط عشان نلحق الدنيا اللي سبقتنا وسابتنا ورااا وكل ده بفلوس وبفلوس كتيره جدا... السنوات من ٢٠١١ إلى ٢٠١٦ كانوا اهم سنوات تحولنا الاقتصادي للاسف ضاعوا في متاهات السياسة والإرهاب وترتيب أوضاع البلد ...في مثل في الفلاحين عاقل قوي بيقول .. هتعمل لنفسك هتتستر ..وهتعمل لأهلك هتتزنق.... دي الزنقه اللي كانت هتحصل عاجلا ام اجلا عشان البلد دي تتبني صح .. احنا جيل هيدفع تمن بناء بلاده عشان أولادنا يعيشوا في بلد حقيقيه مش سويقه ماشيه بالتراضي وده كان قانون الحياه وقت مبارك .. نريح كل الناس ونكبر لبكره وبعد كده تلاقي الكارثه في وشنا زي ما حاصل الان .. الإصلاح الاقتصادي اللي لو كان اتنفذ وقت مبارك الطويل كان زماننا مرتاحين ...في وقت من الأوقات انا شخصيا كنت قلقان من عدم قدرة الدوله على دفع مرتبات الناس أو حتى الخصم منها خصوصا بعد سنه ٢٠١٦ بعد التعويم ودي كانت اصعب سنوات البلد الاقتصاديه ... الان المرتبات بتزيد بمعدل كل سنتين تقريبا وده مكنش بيحصل ايام مبارك الا ببوس الايادي والمنحه ياريس!!! الكورونا ضربت إيرادات الدوله في مقتل مش احنا بس كل الدول اللي حوالينا الغنيه منها والفقير .. والحمد لله على نعمه الستر والعافية
اللة ينور عليك دية ضريبة التاخير لو كان الإصلاح الاقتصادي الي بدأوا السادات والناس رفضت ساعتها كان زمنا مرتاحين جدا اصلاح في 40 سنة غير اصلاح في 10 سنوات
بالضبط ..والإصلاح ده مكنش اختياري كان اجباري غير كده معناه الانهيار ودخولنا بقى في متاهات زي متاهات بلاد كتيره في منطقتنا الان زي السودان والعراق ولبنان مثلا ..عمله كل يوم في النازل و أزمات متلاخقه في السلع عشان مفيش غطاء دولاري يغطيها ومرافق بتنهار لأن مفيش فلوس تغطي مصاريف تشغيلها
www.skynewsarabia.com
انت عايش في بلد غير مصر أنا موظف وبصرف الكلام ده و٤ أفراد بس تعليم ابتدائي تجريبي مش لغات مش بسمع الكلام الي انت بتقوله ده خالص
كل واحد علي حسب مصاريفة والمثل بيقول علي قد لاحافك مد رجليك
والموظفين في القطاع الخاص..والعمالة الغير منتظمة..والفلاحين وضعهم ايه في ارتفاع مستوى المعيشة
لا مش هتزيد لان الدولة بتنتج السلع الأساسية والإنتاج ليزيد والعرض اكتر من الطلب مفيش زيادة باذن الله
يا رب يكون كلامك صحيح
15000 جنيه لو ساكن في منطقه متوسطه الحال مثلا اكتوبر وهيا منطقه جيده للعرب
بس ارقام كبيره الي بيقولها دي
حقيقي الواقع أقل من كدة بكتير لان اسعار الخضار واللحوم والدواجن السلع الأساسية مستقرة ومع زيادة الإنتاج بتقل
كل واحد بيقيم مصاريف معيشته على كل أوضاع الناس ... طبعا هذا خطأ ... المواطنين نظام مصاريفهم سواء على الأساسيات أو الكماليات يختلف حتى لو كان من الفئات الأعلى دخلا يعني ممكن تلاقي مواطن دخل فوق ١٥ الف يصرف شهريا اقل من مواطن دخله ٦٠٠٠ مثلا ...القصة نسبيه
يعني يوصل ل 10000 مع الرفاهية وبدون ايجار
المبلغ دة ممتاز جدا في مصر حتي لو فية ايجار ب 2000 جنية بتبقي 8000 جنية مبلغ كويس جدا
خذ بالك أن حتى مساله الرفاهيات درجات ..يعني هناك أماكن تسليه رخيصه ومتوسطه وغاليه ...طبيعه الحياه في مصر مبتزعلش حد مهما صعبت الظروف
لا أنا اتكلمت بالإيجار والمرافق شامله
