«أرامكو» تحدِّث أسعار البنزين لشهر فبراير: بنزين 91 بـ1.81 وبنزين 95 بـ1.94

[جزيئ اكسجين]

1.8 درهم حسب معلوماتي @جزيئ اكسجين @m2abuassi l

تثبيت أسعار الوقود للشهر 11 على التوالي

ثبَّتت لجنة تسعيرة الوقود أسعار البنزين والديزل بأنواعه المختلفة، خلال شهر فبراير المقبل، للشهر 11 على التوالي.

www.google.ae

 

[Pre-Med]

مشكله اذا بتطور الدوله لجيل باقي ما خلق على حساب جيل يحاول يعيش

 

[طسم]

لا مايبون وزراء بس بيت وراتب يكفيه يعيش بكرامه لأخر الشهر ومايشحد هو وعياله

ولا هذه من مهمات الدولة المفترضة حلوة بيت وراتب هذه مهمتك كد مثل الرجال وبأذن الله تحصلها

شغل التبطح والدولة تدعم البنزين وتوظف وتزوج وتبني بيت انتهى اللي بعد ما استوعب هذا التغيير الله يعينه على حياته

 

[طير حر]

ليتهم يخلون الناس تبيع شاهي جمر البلدية تجي تقشهم

يمنعونهم افضل
رحمه في المسكين الي جالس في الشمس والبرد والحر وهو يعتقد انه بيكون مليونير ويكسب دخل خرافي

يعمل ١٢ ساعه وفِي الاخير ٣٠ ريال

الا يمنعونهم رحمه فيهم هو يبيع شاهي يبي يكذب على نفسه انه يعمل

على قولة الاقتصاديين يساهم في الناتج المحلي وهو حتى ما يقدر يساهم في ناتج بيته

 

[تكتيكي]

نعم تسلا وحتى سيارات الهايبرد او الكهربائية بالكامل اصبح هنالك توجه عام لتفادي ارتفاع المحروقات الكارثية لدينا , لكن غريب ان لا توجد سيارات كهربائية في المملكة العربية السعودية هل السبب هو عدم وجود عرض وطلب في السوق

انخفاض اسعار البنزين خلال السنوات الماضيه
وماقبلها لاتجعل فكره السيارات الكهربائيه مشجعه ناهيك عن تجهيز البنى التحتيه والصيانه الخ ايضا السيارات الكهربائيه لم يتم السماح باستيراداها الا في نطاق محدود جدا جدا
اضف لذلك نحن مثل الامريكان نعشق مكائن الثمان سلندر
يعني تلاقي عائله عندها سياره عائليه كبيره
وسياره صغيره للمشاوير اليوميه

 

[فينكس]

هذا موقع لي قياس متوسط اسعار البنزين آخر تحديث قبل يومين

Gasoline prices around the world, 28-Oct-2024 | GlobalPetrolPrices.com

Gas prices by country using official data sources.

www.globalpetrolprices.com

 

[طسم]

ال ٣ الف وش تسويله ؟ هذي ما تكفيك تشتغل حياة زبال لكن اللي يده في ماء مهب مثل اللي يده في النار

عادي اشتغل لنفسك واحصل على ٣ الاف وطور شغلك وعيش على قدك وبأذن الله تتيسر ويرزقك الله

 

[Abdullah12]

الله يعين المتقاعدين وموظفين القطاع الخاص

اللي يصير تخبط مهول

 

[The scorpion.]

انا مستغرب ليه مصر ارخص منا وهم مستوردين للبنزين

وتم تثبيت الأسعار عند 6.25 جنيه للتر البنزين 80، وعند 7.50 جنيه للتر البنزين 92، وعند 8.50 جنيه للتر البنزين 95​

طيب وطي صوتك بقي علشان ميسمعوش كلامك

 

[العزيزي]

ولا هذه من مهمات الدولة المفترضة حلوة بيت وراتب هذه مهمتك كد مثل الرجال وبأذن الله تحصلها

شغل التبطح والدولة تدعم البنزين وتوظف وتزوج وتبني بيت انتهى اللي بعد ما استوعب هذا التغيير الله يعينه على حياته

طيب ياشاطر كيف يكد ماعنده راس مال وارثه يتاجر فيه ولاعنده وظيفة يعيش منها وحتى البسطة لو يبيع شاي غرمته البلدية خمسة الاف وهو في حياته ماشاف شكل الخمسة آلاف
دبرها ليش تاخذ الدولة ضرايب اذا ماهو شغلها توظف ولاتصرف على الخدمات والبنية التحتية ولاتسوي شي
ليش تاخذ شي ماتحتاجه

 

[Abdullah12]

عادي اشتغل لنفسك واحصل على ٣ الاف وطور شغلك وعيش على قدك وبأذن الله تتيسر ويرزقك الله

للأسف انت لاتعيش معنى ابدا

 

[S-60]

عادي اشتغل لنفسك واحصل على ٣ الاف وطور شغلك وعيش على قدك وبأذن الله تتيسر ويرزقك الله

انا مدري انت عايش معنا في نفس الدولة ولا عايش في مكان ثاني ؟ مستوعب وش تقول انت

 

[طسم]

طيب ياشاطر كيف يكد ماعنده راس مال وارثه يتاجر فيه ولاعنده وظيفة يعيش منها وحتى البسطة لو يبيع شاي غرمته البلدية خمسة الاف وهو في حياته ماشاف شكل الخمسة آلاف
دبرها ليش تاخذ الدولة ضرايب اذا ماهو شغلها توظف ولاتصرف على الخدمات والبنية التحتية ولاتسوي شي
ليش تاخذ شي ماتحتاجه

أنت خلك ورى @رٍسِـــلآنٍ وبتشوف وين تروح انتظر الدولة تسوي لك كل شيء الله يعينك

 

[رٍسِـــلآنٍ]

عادي اشتغل لنفسك واحصل على ٣ الاف وطور شغلك وعيش على قدك وبأذن الله تتيسر ويرزقك الله

اقول ترا الدنيا شينه عليك اذا دارت
لهذا وقف استفزاز لناس نصيحه

 

[القائد العام]

ما يحتاج مصدر ولا راح تلقى هذه اسرار شركات ودول ياخي روح لمهندسين النفط واسألهم وشوف كلامي صح

 

[فينكس]

انا مستغرب ليه مصر ارخص منا وهم مستوردين للبنزين

وتم تثبيت الأسعار عند 6.25 جنيه للتر البنزين 80، وعند 7.50 جنيه للتر البنزين 92، وعند 8.50 جنيه للتر البنزين 95​

كيف أرخص الخمس وتسعين ٨.٥ جنية =٠.٥٢ دولار بي ٢ ريال

 

[رٍسِـــلآنٍ]

أنت خلك ورى @رٍسِـــلآنٍ وبتشوف وين تروح انتظر الدولة تسوي لك كل شيء الله يعينك

اذا حشرك لا تحشر رسلان بالسالفه

 

[طير حر]

لا والمشكله ان السعودية الي تبيع لهم النفط ومثبته لهم الاسعار


متى يجي اليوم الي نكون في اجانب في وطننا حتى نحظى بميزات يستحقها المواطن

سبحان الي رزقهم
ياخي يفكرون في الاجانب اكثر من السعودي

المشاريع هدفها كلها الاجانب فمن الانصاف ان يعمل فيها اجانب

 

[العزيزي]

أنت خلك ورى @رٍسِـــلآنٍ وبتشوف وين تروح انتظر الدولة تسوي لك كل شيء الله يعينك

انا ماني ورى احد وماني مطبل على العمياني
والحمد لله مااحد سوالي شي حتى حساب المواطن مااخذه كل شي من زواجي وحتى بيتي بتعبي حتى بنك التسليف ماعمر مر عليهم ورقي

 

[طير حر]

طيب وطي صوتك بقي علشان ميسمعوش كلامك

تبي الصدق
والله اتمنى ان يمسك السيسي عندنا الاقتصاد
من لا شي عمل المستحيل
ماشاء الله

عطونا ربع السيسي بس​