- إنضم
- 6 أغسطس 2020
- المشاركات
- 527
- التفاعل
- الدولة
حامله الطائرات مش بتمشي لوحدها في المياه .. اي حامله طائرات بتكون ماشيه حوليها اهلها و عشيرتها و عزوتها اللي بيتسموا كلهم علي بعض Strike Group او مجموعه قتال .. الStrike Group دول بيبقوا مدمرات و فرقاطات و كاسحات الغام و سفن انقاذ و غواصات و ليله كبيره اوي سعادتك .. طبيعي ان فرح العمده وهو في المياه يحتاج ان يتبعتله اي حاجه .. قطع غيار .. اكل .. ادويه .. بريد .. زياره من حد مهم في البلد .. زمان و زمان ده اللي هو قبل سنه 2000 لما كان الامريكان يحبوا يبعتوا اي حاجه لStrike Group كانوا بيحطوا الحاجات دي كلها علي طياره بنت ناس اوي اسمها C-2A Greyhound واسم Greyhound ده او الكلب الرمادي ملوش علاقه باسم الفيلم بتاع (توم هانكس Tom Hanks) خلي بالك .. الامريكان عشان بيدوا لاي حاجه بيعملوها اسم دلع ولازم يبقي من 3 حروف انجليزي فكانوا بيسموا الحكايه دي Carrier Onboard Delivery واختصارا بتبقي COD .. المهم ان زي ما حضرتك شايف الطياره C-2A Greyhound دي طياره كبيره بمروحتين يعني عشان تقلع و تهبط محتاجه مدرج اقلاع و هبوط وعشان كده كانت بتنزل علي حامله الطائرات ولو فيه حاجه محتاجه تروح لاي سفينه من سفن Strike Group كانت بتتحط علي طياره هلكوبتر و بتروح علي السفينه اللي محتاجه الحاجه دي .. جميل اوي الكلام .. ده كان System بياخد وقت و بتستخدم فيه طيارات كتير بس شغال و الناس بتوع القوات البحريه محدش فيهم كان معترض لحد ما جت سنه 2000 وزي اي ست بيت مصريه اصيله بصت علي حيطان الشقه بتاعتها وفضلت تزن فوق دماغ جوزها احنا لازم ندي البيت وش نظافه عشان لما حد اخواتي يزوروني ميتريقوش عليا .. الرجل عارف انه حيدفع دم قلبه بس كله يهون في سبيل ان مراته تنزل من علي ودانه بزنها وهنا يجي دور الكلام عن الطياره V-22 Osprey.
طياره C-2A Greyhound بتخبط فوق سطح حامله طائرات.
بدايه من سنه 2000 والناس بتوع القوات البحريه الاميريكيه كانوا عايزين يطلعوا الطياره C-2A Greyhound بره الخدمه لان دي طياره شغاله بقالها اكتر من 50 سنه .. التارجيت كان الاتي .. احنا عايزين طياره بتقدر تشيل نفس حموله C-2A Greyhound يعني طياره يا بتشيل 26 راكب يا بتقدر تشيل حموله 4.5 طن .. الحلول المقترحه كانوا:
الحل الاولاني وده اللي قالوه الناس بتوع القوات البحريه ان شركه نورثروب جرومان Northrop Gruumman عملت طياره استطلاع حلوه اوي اسمها E-2D و الطياره دي تبقي بنت عم C-2A Greyhound .. ايه الفكره برده؟ .. احنا نجيب الطياره E-2D دي زي ما هي كده نفضيها من كل الاجهزه اللي فيها و نخليها طياره نقل بتعمل نفس الوظيفه بتاعه C-2A Greyhound .. ده حل الناس الغلابه اللي عايزه تمشي حالها باللي موجود.
الحل الثاني وده اللي قالته شركه لوكهيد مارتن Lockheed Martin ودي الشركه اللي بتصنع الطياره F-35 و اللي قات ان فيه طياره قديمه برده قربت تطلع معاش اسمها S-3 Viking كانوا بيستخدموها في عمليات صيد الغواصات فممكن ناخدها نعدل فيها و نستخدمها كبديل للطياره C-2A Greyhound .. ده حل الناس اللي بتهبد عشان تجري ورا اي سبوبه وخلاص.
الحل الثالث وده اللي قاله الناس بتوع سلاح مشاه البحريه US Marines و اللي زي اي الست المصريه الاصيله قالوا ايه القرف ده .. Vikings ايه و Game of Thrones ايه .. انا عايزه حاجه سيكسي .. انا عايزه V-22 Osprey من تصنيع شركتي بوينج Boeing و بيل Bell.
كمبدأ و فكره عامه او Concept فالطياره V-22 Osprey دي متطلعش غير من نفوخ مهندس لسه ساحب نفس من سيجاره عنابي .. الفكره هي انك ليه لا تجيب اي طياره بمروحتين زي C-2A Greyhound مثلا و بدل ما المروحتين بتوعها افقي بس تخليهم بيلفوا 90 درجه بحيث ينفع المروحتين يبقوا رأسي في حاله الاقلاع و الهبوط .. لكن والطياره طايره في الجو المروحتين يلفوا 90 درجه و يبقوا افقي؟ .. فكره متطلعش غير من واحد محشش .. كفكره برده انت كده وفرت فلوس كتير .. انت بقي عندك طياره واحده بتهبط علي حامله الطائرات وهي نفس الطياره برده اللي بتطلع تطير توصل البضاعه للسفن بتاعه Strike Group .. انك تستبدل كذا طياره بطياره واحده دي ميزه حلوه اوي .. ومش بس كده .. الطياره V-22 Osprey بتطير اسرع و اطول من اجدعها طياره هليكوبتر في الخدمه .. خد عندك الطياره الهليكوبتر الاسطوريه UH-60 Blackhawk .. الطياره Blackhawk اخرها معاك تطير بسرعه ما بين 274-320 كيلومتر في الساعه و اخرها برده تطير مسافه 560 كيلومتر .. دي ارقام محترمه جدا بس لما تيجي تقارنها بامكانيات الطياره V-22 Osprey بتلاقي انها بتقدر تطير بسرعه 560 كيلومتر في الساعه و بتقدر تتزود بنزين في الجو .. زي ما قلتلك دي طياره كConcept فهي حلوه اوي بس زي ما الرجل اللي مراته بتزن فوق دماغه عشان يدي الشقه وش نظافه بيكون عارف .. اكيد الخازوق في الفلوس.
المميز و المختلف في الطياره V-22 Osprey هي ان المروحتين بتوعها بيلفوا 90 درجه عشان تقلب طياره عاديه بمروحتين.
سعر الطياره الواحده ما بين 70-100 مليون دولار .. علي فكره لما الطياره دي اتقالت فكرتها زمان وكانت لسه تصميماتها بتترسم اتقال ان الطياره الواحده حتكلف اخرها يعني 24 مليون دولار .. بس شوف يا اخي حتي ده مش مشكله .. مش عيب ادفع فلوس كتير في الاول عشان اخد حاجه نظيفه بتوفرلي بعدين و اقدر اعتمد عليها وانا مغمض .. المشكله ان V-22 Osprey لا هي بتوفرلك فلوس بعد كده ولا هي يعتمد عليها .. ساعه الطيران الواحده للطياره دي تكلفتها 11,000 دولار والفلوس دي اغلبها بيروح للصيانه .. ده تقريبا نفس ثمن ساعه الطيران بتاعه الطياره F-35 Lightening II .. ده تقريبا برده 3 اضعاف تكلفه ساعه الطيران بتاعه الطياره Blackhawk .. يعني انا دافع دم قلبي عشان اشتري طياره وكل ما اروح بيها للميكانيكي حفضل ادفع فلوس برده .. ده انا لو معايا عربيه رينو مش حيتعمل فيا كده .. مش بس كده .. الطياره بيتركبلها محركين لقوا ان وهي بتهبط عمود زي اي طياره هليكوبتر علي حامله الطائرات فالمحركات دي بتطلع كميه حراره بتبوظ الارضيات بتاعه مدرج الاقلاع و الهبوط بتاع حامله الطائرات .. ده برده بفلوس .. كل ده قصاد ان الطياره C-2A Greyhound الواحده تكلفتها كانت يدوبك 40 مليون دولار .. يا بلاش.
نيجي بقي لحته انه لا يعتمد عليها .. مفيش طياره كانت عامله مشاكل في مرحله Research and Development او R&D اختصارا زي الطياره دي .. ما بين 1991 لحد 2000 فيه اربع طيارات وقعوا ادوا لوفاه 30 شخص .. في 9 شهور بس خلال الفتره من ديسمبر 2016 لحد سبتمبر 2017 فيه 3 طيارات V-22 Osprey وقعوا في حوادث ادت لوفاه 3 بني ادمين .. زود عليهم طياره كمان وقعت في اليمن في عمليه عسكريه للقوات الخاصه في يناير 2017 و الامريكان لقوا ان بما انهم مش حيعرفوا يرجعوا الطياره فضربوا المكان اللي هي وقعت فيه بغاره جويه عشان يدمروها خالص .. يا مؤمن ده حتي سكان جزيره اوكيناوا في اليابان اللي عندهم قاعده عسكريه اميريكيه كبيره فيها سرب طيارات V-22 Osprey قدموا شكوي عشان الطيارات دي تتشال من القاعده عشان صوتها عالي اوفر و مرواحها قويه لدرجه انها لما بتطير فوق البيوت بتبقي عامله زي الاعصار .. كل ده كوم و المشكله اللي جايه دي كوم تاني.
زي ما حكينا قبل كده في كلامنا الكتير بشكل مستفز عن مشروع الطياره F-35 فالمفروض ان الطياره دي ليها 3 نسخ منهم النسخه F-35C اللي حتشتغل من علي متن حاملات الطائرات .. اكتر حاجه بتحتاج يتعملها صيانه او يمكن تتشال و يتركب مكانها واحده تانيه هي الموتور .. موتور الطياره F-35C اسمه F135 Turbofan وده موتور كبير حجما بشكل اوفر لدرجه انهم لما جم يحطوه جوه الطياره V-22 Osprey عشان ينقلوه من حته لحته معرفوش يحطوه جوه طياره .. هي صحيح الطياره V-22 Osprey بتشيل حموله اكبر من C-2A Greyhound لما تيجي تبصلها كوزن بس المساحه الفاضيه جواها اقل .. الحل اللي شافوه ان احنا نقسم الموتور نصين بحيث نص يتحط جوه الطياره V-22 Osprey و النص الثاني يتعلق بكابلات من بره وهي طايره والحل ده اتجرب فعليا سنه 2015 بس طبعا ده مشاكله كتير .. افرض لو حاجه حصلت و الكابل اتقطع ساعتها انت حتخسر موتور طياره كامل .. ده معناه برده ان نقل المحركات دي مينفعش يتعمل في ظروف جويه مش مناسبه.
لو اخدت بالك فطيارات V-22 Osprey وهي راكنه علي حامله الطائرات بيبقي مروحه جوه و مروحه بره زي ما انت شايف .. ده سببه عشان لما المراوح دي بتشتغل بتبقي قويه جدا فممكن تعور اطقم الحامله.
طب ايه رايك بقي احنا مش حنخلي الطياره V-22 Osprey تشيل المواتير بتاعه F-35C .. احنا حنخلي الطياره دي زي فيلم Transformers: Dark of the Moon تشيل عناصر قوات خاصه عشان تنزل بيهم خلف خطوط العدو وهم متصورين وشكلهم يجنن و صداع من كتر عظمه العساكر الامريكان .. جميل اوي .. فيه طياره هليكوبتر بمروحتين معروفه اوي اسمها تشينوك او CH-46 .. الطياره دي بتقدر تشيل 15 فرد قوات خاصه بكامل تسليحهم مسافه 255 كيلومتر .. قالك ان الطياره V-22 Osprey بتقدر تشيل 24 فرد قوات خاصه مسافه 375 كيلومتر .. مش بقولك صداع من كتر العظمه .. بس خلي بالك لقوا ان فيه مشكله غريبه جدا .. قالك ان الطياره دي اسرع بكتير من انك تخلي جنبها طيارات هليكوبتر AH-1Z مقاتله عشان تحميها .. وفي نفس ذات الوقت هي ابطأ من انك تطلع جنبها طيارات مقاتله F/A-18 .. ده معناه ايه؟ .. معناه ان فرقه القوات الخاصه اللي انت باعتها رايحه من غير اي غطاء جوي ومن غير ما تحميهم اي طيارات مقاتله .. طب ايه رايك بقي ان الطياره V-22 Osprey حتوصل بالسلامه و تنزل القوات اللي هي شايلاهم فحتلاقي فيه مشكله تانيه اغرب .. الطياره المروحتين بتوعها جامدين جدا لدرجه انها لو جت تهبط في بيئه صحراويه او فيها تراب كتير فلا الطيار ولا العساكر اللي فيها حيشوفوا حاجه .. الطيار في المواقف اللي زي دي بيعتمد بشكل كامل علي شاشات بالاشعه تحت الحمرا .. يكفي ان اقولك ان لما الامريكان جربوا الطياره دي في العراق في 2007 اكتشفوا انهم محتاجين الاول يبعتوا طيارات استطلاع عشان تشوف انهي مكان مناسب اكتر لهبوط الطياره V-22 Osprey .. انت متخيل الصداع؟ .. لا مش صداع من كتر العظمه .. صداع من كتر الهم.
انت رايح فين انا لسه مخلصتش .. عارف لما تبقي سايق عربيه طلمبه المياه بتاعتها مش شغاله .. بتلاقي كل ما بتقف في اشاره عداد الحراره بيعلي معاك اوي و العربيه مش بتبرد الا لو جريت بيها علي طريق مفتوح .. اهي دي برده من مشاكل المروحتين بتوع V-22 Osprey .. لانها لو طارت علي ارتفاع ثابت ومش بتتحرك لقدام فالمحركين بيسخنوا اوي و مش بيبردوا الا لو الطيار خلي المروحتين يلفوا 90 درجه و طار بيها كانها طياره عاديه عشان الهواء وهو بيطير يبرد المحركين .. ده السبب في ان الطياراه دي مينفعش تستخدمها في انك تحط فيها عناصر قوات خاصه و تقولهم انزلوا بحبال لارض المعركه .. مش بس عشان المحركات بتسخن .. لا .. عشان المرواح كمان .. بتوع القوات الخاصه بيسموا V-22 Osprey اسانسير الموت Elevator of Death عشان الحبال اللي بتنزل منها بتفضل تطير يمين و شمال فلو وانت نازل مش حاطط عينك في وسط راسك حتقع علي نفوخك .. وعشان كده لحد دلوقتي الامريكان مش بيستخدموا الطيارات دي في عمليات انزال لقوات خاصه بالحبال.
من العيوب القاتله في الطياره V-22 Osprey هي Brown-out Situation انها لما تيجي تهبط في بيئه صحراويه فالمرواح بتاعتها بتخلي لا الطيار ولا العساكر اللي بينزلوا منها شايفين حاجه من التراب.
من الاخر ده معناه انك دافع دم قلبك في طياره انت مينفعش تستخدمها في نقل قوات خاصه خلف خطوط العدو .. مينفعش تستخدمها في عمليات البحث و الانقاذ .. مينفعش تستخدمها في اي حاجه غير انك تحط عليها بضاعه عشان تنقلها من نقطه A لنقطه B .. ده معناه انك دافع فلوس عشان يبقي معاك عربيه دودج Dodge واذ تكتشف انك لما جيت تجربها ان دي امكانيات توك توك.
شوف يا اخي رغم كل المشاكل دي كلها فالقوات المسلحه الاميريكيه في يونيو 2018 مضت عقد مع شركه بوينج Boeing عشان تشتري 48 طياره V-22 Osprey عشان تحل محل الطياره C-2A Greyhound .. الناس بتوع القوات البحريه علي مدي 3 سنين اللي هم 2018 و 2019 و 2020 حيشتروا 3 طيارات كل سنه يعني بتتكلم في الاخر عن 12 طياره .. دول الناس الغلابه زي ما قلت .. الاخوه بتوع مشاه البحريه طالبين 360 طياره .. ست بيت نكديه زي ما الكتاب بيقول .. و الاخوه بتوع قياده القوات الخاصه طالبين 50 طياره .. ده معناه ان شاكب راكب انت بتتكلم عن 458 طياره حيتصنعوا .. الطياره دي دخلت الخدمه فعلا و شاركت في عمليات في العراق و افغانستان .. اسرائيل قالت انها عايزه تشتري شويه منها .. ليه محدش عارف؟ .. الحقيقه ان مشروع الطياره دي هو اكبر دليل علي ان الطيارات زيها زي العربيات .. ممكن عربيه امكانياتها تبقي حلوه جدا بس لما تشتريها تكتشف انك خدت احلي خازوق في حياتك.
مصادر:https://nationalinterest.org/blog/b...t-navy-thinks-it-could-be-very-special-149076
foxtrotalpha.jalopnik.com
warisboring.com
منقول
طياره C-2A Greyhound بتخبط فوق سطح حامله طائرات.
بدايه من سنه 2000 والناس بتوع القوات البحريه الاميريكيه كانوا عايزين يطلعوا الطياره C-2A Greyhound بره الخدمه لان دي طياره شغاله بقالها اكتر من 50 سنه .. التارجيت كان الاتي .. احنا عايزين طياره بتقدر تشيل نفس حموله C-2A Greyhound يعني طياره يا بتشيل 26 راكب يا بتقدر تشيل حموله 4.5 طن .. الحلول المقترحه كانوا:
الحل الاولاني وده اللي قالوه الناس بتوع القوات البحريه ان شركه نورثروب جرومان Northrop Gruumman عملت طياره استطلاع حلوه اوي اسمها E-2D و الطياره دي تبقي بنت عم C-2A Greyhound .. ايه الفكره برده؟ .. احنا نجيب الطياره E-2D دي زي ما هي كده نفضيها من كل الاجهزه اللي فيها و نخليها طياره نقل بتعمل نفس الوظيفه بتاعه C-2A Greyhound .. ده حل الناس الغلابه اللي عايزه تمشي حالها باللي موجود.
الحل الثاني وده اللي قالته شركه لوكهيد مارتن Lockheed Martin ودي الشركه اللي بتصنع الطياره F-35 و اللي قات ان فيه طياره قديمه برده قربت تطلع معاش اسمها S-3 Viking كانوا بيستخدموها في عمليات صيد الغواصات فممكن ناخدها نعدل فيها و نستخدمها كبديل للطياره C-2A Greyhound .. ده حل الناس اللي بتهبد عشان تجري ورا اي سبوبه وخلاص.
الحل الثالث وده اللي قاله الناس بتوع سلاح مشاه البحريه US Marines و اللي زي اي الست المصريه الاصيله قالوا ايه القرف ده .. Vikings ايه و Game of Thrones ايه .. انا عايزه حاجه سيكسي .. انا عايزه V-22 Osprey من تصنيع شركتي بوينج Boeing و بيل Bell.
كمبدأ و فكره عامه او Concept فالطياره V-22 Osprey دي متطلعش غير من نفوخ مهندس لسه ساحب نفس من سيجاره عنابي .. الفكره هي انك ليه لا تجيب اي طياره بمروحتين زي C-2A Greyhound مثلا و بدل ما المروحتين بتوعها افقي بس تخليهم بيلفوا 90 درجه بحيث ينفع المروحتين يبقوا رأسي في حاله الاقلاع و الهبوط .. لكن والطياره طايره في الجو المروحتين يلفوا 90 درجه و يبقوا افقي؟ .. فكره متطلعش غير من واحد محشش .. كفكره برده انت كده وفرت فلوس كتير .. انت بقي عندك طياره واحده بتهبط علي حامله الطائرات وهي نفس الطياره برده اللي بتطلع تطير توصل البضاعه للسفن بتاعه Strike Group .. انك تستبدل كذا طياره بطياره واحده دي ميزه حلوه اوي .. ومش بس كده .. الطياره V-22 Osprey بتطير اسرع و اطول من اجدعها طياره هليكوبتر في الخدمه .. خد عندك الطياره الهليكوبتر الاسطوريه UH-60 Blackhawk .. الطياره Blackhawk اخرها معاك تطير بسرعه ما بين 274-320 كيلومتر في الساعه و اخرها برده تطير مسافه 560 كيلومتر .. دي ارقام محترمه جدا بس لما تيجي تقارنها بامكانيات الطياره V-22 Osprey بتلاقي انها بتقدر تطير بسرعه 560 كيلومتر في الساعه و بتقدر تتزود بنزين في الجو .. زي ما قلتلك دي طياره كConcept فهي حلوه اوي بس زي ما الرجل اللي مراته بتزن فوق دماغه عشان يدي الشقه وش نظافه بيكون عارف .. اكيد الخازوق في الفلوس.
المميز و المختلف في الطياره V-22 Osprey هي ان المروحتين بتوعها بيلفوا 90 درجه عشان تقلب طياره عاديه بمروحتين.
سعر الطياره الواحده ما بين 70-100 مليون دولار .. علي فكره لما الطياره دي اتقالت فكرتها زمان وكانت لسه تصميماتها بتترسم اتقال ان الطياره الواحده حتكلف اخرها يعني 24 مليون دولار .. بس شوف يا اخي حتي ده مش مشكله .. مش عيب ادفع فلوس كتير في الاول عشان اخد حاجه نظيفه بتوفرلي بعدين و اقدر اعتمد عليها وانا مغمض .. المشكله ان V-22 Osprey لا هي بتوفرلك فلوس بعد كده ولا هي يعتمد عليها .. ساعه الطيران الواحده للطياره دي تكلفتها 11,000 دولار والفلوس دي اغلبها بيروح للصيانه .. ده تقريبا نفس ثمن ساعه الطيران بتاعه الطياره F-35 Lightening II .. ده تقريبا برده 3 اضعاف تكلفه ساعه الطيران بتاعه الطياره Blackhawk .. يعني انا دافع دم قلبي عشان اشتري طياره وكل ما اروح بيها للميكانيكي حفضل ادفع فلوس برده .. ده انا لو معايا عربيه رينو مش حيتعمل فيا كده .. مش بس كده .. الطياره بيتركبلها محركين لقوا ان وهي بتهبط عمود زي اي طياره هليكوبتر علي حامله الطائرات فالمحركات دي بتطلع كميه حراره بتبوظ الارضيات بتاعه مدرج الاقلاع و الهبوط بتاع حامله الطائرات .. ده برده بفلوس .. كل ده قصاد ان الطياره C-2A Greyhound الواحده تكلفتها كانت يدوبك 40 مليون دولار .. يا بلاش.
نيجي بقي لحته انه لا يعتمد عليها .. مفيش طياره كانت عامله مشاكل في مرحله Research and Development او R&D اختصارا زي الطياره دي .. ما بين 1991 لحد 2000 فيه اربع طيارات وقعوا ادوا لوفاه 30 شخص .. في 9 شهور بس خلال الفتره من ديسمبر 2016 لحد سبتمبر 2017 فيه 3 طيارات V-22 Osprey وقعوا في حوادث ادت لوفاه 3 بني ادمين .. زود عليهم طياره كمان وقعت في اليمن في عمليه عسكريه للقوات الخاصه في يناير 2017 و الامريكان لقوا ان بما انهم مش حيعرفوا يرجعوا الطياره فضربوا المكان اللي هي وقعت فيه بغاره جويه عشان يدمروها خالص .. يا مؤمن ده حتي سكان جزيره اوكيناوا في اليابان اللي عندهم قاعده عسكريه اميريكيه كبيره فيها سرب طيارات V-22 Osprey قدموا شكوي عشان الطيارات دي تتشال من القاعده عشان صوتها عالي اوفر و مرواحها قويه لدرجه انها لما بتطير فوق البيوت بتبقي عامله زي الاعصار .. كل ده كوم و المشكله اللي جايه دي كوم تاني.
زي ما حكينا قبل كده في كلامنا الكتير بشكل مستفز عن مشروع الطياره F-35 فالمفروض ان الطياره دي ليها 3 نسخ منهم النسخه F-35C اللي حتشتغل من علي متن حاملات الطائرات .. اكتر حاجه بتحتاج يتعملها صيانه او يمكن تتشال و يتركب مكانها واحده تانيه هي الموتور .. موتور الطياره F-35C اسمه F135 Turbofan وده موتور كبير حجما بشكل اوفر لدرجه انهم لما جم يحطوه جوه الطياره V-22 Osprey عشان ينقلوه من حته لحته معرفوش يحطوه جوه طياره .. هي صحيح الطياره V-22 Osprey بتشيل حموله اكبر من C-2A Greyhound لما تيجي تبصلها كوزن بس المساحه الفاضيه جواها اقل .. الحل اللي شافوه ان احنا نقسم الموتور نصين بحيث نص يتحط جوه الطياره V-22 Osprey و النص الثاني يتعلق بكابلات من بره وهي طايره والحل ده اتجرب فعليا سنه 2015 بس طبعا ده مشاكله كتير .. افرض لو حاجه حصلت و الكابل اتقطع ساعتها انت حتخسر موتور طياره كامل .. ده معناه برده ان نقل المحركات دي مينفعش يتعمل في ظروف جويه مش مناسبه.
لو اخدت بالك فطيارات V-22 Osprey وهي راكنه علي حامله الطائرات بيبقي مروحه جوه و مروحه بره زي ما انت شايف .. ده سببه عشان لما المراوح دي بتشتغل بتبقي قويه جدا فممكن تعور اطقم الحامله.
طب ايه رايك بقي احنا مش حنخلي الطياره V-22 Osprey تشيل المواتير بتاعه F-35C .. احنا حنخلي الطياره دي زي فيلم Transformers: Dark of the Moon تشيل عناصر قوات خاصه عشان تنزل بيهم خلف خطوط العدو وهم متصورين وشكلهم يجنن و صداع من كتر عظمه العساكر الامريكان .. جميل اوي .. فيه طياره هليكوبتر بمروحتين معروفه اوي اسمها تشينوك او CH-46 .. الطياره دي بتقدر تشيل 15 فرد قوات خاصه بكامل تسليحهم مسافه 255 كيلومتر .. قالك ان الطياره V-22 Osprey بتقدر تشيل 24 فرد قوات خاصه مسافه 375 كيلومتر .. مش بقولك صداع من كتر العظمه .. بس خلي بالك لقوا ان فيه مشكله غريبه جدا .. قالك ان الطياره دي اسرع بكتير من انك تخلي جنبها طيارات هليكوبتر AH-1Z مقاتله عشان تحميها .. وفي نفس ذات الوقت هي ابطأ من انك تطلع جنبها طيارات مقاتله F/A-18 .. ده معناه ايه؟ .. معناه ان فرقه القوات الخاصه اللي انت باعتها رايحه من غير اي غطاء جوي ومن غير ما تحميهم اي طيارات مقاتله .. طب ايه رايك بقي ان الطياره V-22 Osprey حتوصل بالسلامه و تنزل القوات اللي هي شايلاهم فحتلاقي فيه مشكله تانيه اغرب .. الطياره المروحتين بتوعها جامدين جدا لدرجه انها لو جت تهبط في بيئه صحراويه او فيها تراب كتير فلا الطيار ولا العساكر اللي فيها حيشوفوا حاجه .. الطيار في المواقف اللي زي دي بيعتمد بشكل كامل علي شاشات بالاشعه تحت الحمرا .. يكفي ان اقولك ان لما الامريكان جربوا الطياره دي في العراق في 2007 اكتشفوا انهم محتاجين الاول يبعتوا طيارات استطلاع عشان تشوف انهي مكان مناسب اكتر لهبوط الطياره V-22 Osprey .. انت متخيل الصداع؟ .. لا مش صداع من كتر العظمه .. صداع من كتر الهم.
انت رايح فين انا لسه مخلصتش .. عارف لما تبقي سايق عربيه طلمبه المياه بتاعتها مش شغاله .. بتلاقي كل ما بتقف في اشاره عداد الحراره بيعلي معاك اوي و العربيه مش بتبرد الا لو جريت بيها علي طريق مفتوح .. اهي دي برده من مشاكل المروحتين بتوع V-22 Osprey .. لانها لو طارت علي ارتفاع ثابت ومش بتتحرك لقدام فالمحركين بيسخنوا اوي و مش بيبردوا الا لو الطيار خلي المروحتين يلفوا 90 درجه و طار بيها كانها طياره عاديه عشان الهواء وهو بيطير يبرد المحركين .. ده السبب في ان الطياراه دي مينفعش تستخدمها في انك تحط فيها عناصر قوات خاصه و تقولهم انزلوا بحبال لارض المعركه .. مش بس عشان المحركات بتسخن .. لا .. عشان المرواح كمان .. بتوع القوات الخاصه بيسموا V-22 Osprey اسانسير الموت Elevator of Death عشان الحبال اللي بتنزل منها بتفضل تطير يمين و شمال فلو وانت نازل مش حاطط عينك في وسط راسك حتقع علي نفوخك .. وعشان كده لحد دلوقتي الامريكان مش بيستخدموا الطيارات دي في عمليات انزال لقوات خاصه بالحبال.
من العيوب القاتله في الطياره V-22 Osprey هي Brown-out Situation انها لما تيجي تهبط في بيئه صحراويه فالمرواح بتاعتها بتخلي لا الطيار ولا العساكر اللي بينزلوا منها شايفين حاجه من التراب.
من الاخر ده معناه انك دافع دم قلبك في طياره انت مينفعش تستخدمها في نقل قوات خاصه خلف خطوط العدو .. مينفعش تستخدمها في عمليات البحث و الانقاذ .. مينفعش تستخدمها في اي حاجه غير انك تحط عليها بضاعه عشان تنقلها من نقطه A لنقطه B .. ده معناه انك دافع فلوس عشان يبقي معاك عربيه دودج Dodge واذ تكتشف انك لما جيت تجربها ان دي امكانيات توك توك.
شوف يا اخي رغم كل المشاكل دي كلها فالقوات المسلحه الاميريكيه في يونيو 2018 مضت عقد مع شركه بوينج Boeing عشان تشتري 48 طياره V-22 Osprey عشان تحل محل الطياره C-2A Greyhound .. الناس بتوع القوات البحريه علي مدي 3 سنين اللي هم 2018 و 2019 و 2020 حيشتروا 3 طيارات كل سنه يعني بتتكلم في الاخر عن 12 طياره .. دول الناس الغلابه زي ما قلت .. الاخوه بتوع مشاه البحريه طالبين 360 طياره .. ست بيت نكديه زي ما الكتاب بيقول .. و الاخوه بتوع قياده القوات الخاصه طالبين 50 طياره .. ده معناه ان شاكب راكب انت بتتكلم عن 458 طياره حيتصنعوا .. الطياره دي دخلت الخدمه فعلا و شاركت في عمليات في العراق و افغانستان .. اسرائيل قالت انها عايزه تشتري شويه منها .. ليه محدش عارف؟ .. الحقيقه ان مشروع الطياره دي هو اكبر دليل علي ان الطيارات زيها زي العربيات .. ممكن عربيه امكانياتها تبقي حلوه جدا بس لما تشتريها تكتشف انك خدت احلي خازوق في حياتك.
مصادر:https://nationalinterest.org/blog/b...t-navy-thinks-it-could-be-very-special-149076
Stupid Move: Navy Will Buy V-22 Ospreys To Replace Its C-2 Greyhounds
In what is a highly controversial move, the US Navy has announced that it will procure tilt-rotor V-22 Ospreys to replace its venerable C-2A Greyhound Carrier On-board Delivery (COD) aircraft. Here's why it's such a terribly bad idea.
foxtrotalpha.jalopnik.com
Your Periodic Reminder That the V-22 Is a Piece of Junk
After a protracted, expensive and—for dozens of pilots and passengers—fatal development, the U.S. Marine Corps and Air Force have bought hundreds of V-22 Osprey tiltrotors and deployed them all over the world. The hybrid transport, which takes off and lands vertically like helicopter but cruises...
