هي دوله وحشه ومالهاش مصداقيه
انا بتكلم علي مصر تحب يتقال عليها وتاخد سمعه انه دولة فساد وظلم ونظامها بيتستر علي جرايم الشرطه ؟؟
انا مابشغلش نفسي بحد انا بابص لبلدي
النيابه العامه في مصر شوهت صورة مصر جدا في قضايا كتير مش ريجيني بس
الفيرمونت
الست بتاعة المحكمه
الواد ابن المستشار
وبنات التيك توك
والموديل بتاعت الهرم
واخير براءة اللي نزعو ملابس مسنه مسيحيه
وقضايا كتير زي كده
الحل مش اننا نبرر الهبل ده الحل اننا نعترف بان فيه مشكله ولازم نحلها
في قضية ريجيني تم اخفاء فيديوهات بتظهر الظباط دول يعني فساد وتواطؤ واتقتل ناس وقالو ان دول قتلة ريجيني
ايه الصوره اللي هاتتاخد عنك بعد الاحداث دي
ناهيك عن حبس الصحفيين وتجاوزات الداخليه
باختصار انت ماشي في سكه مش حلوه وبتدي لعدوك السلاح اللي بيحاربك بيه
يعني انا واحد يميني قومي متشدد لما الاقي الاحداث دي ادامي يبقي طبيعي هاشكك في الدوله ولما الناس اللي مش متابعه الشأن العام يشوفو الكلام ده هايصدقو دعاية الاخوان وترجعو تقولو ان الشعب ماعندهوش وعي
