مصر تصنع كاميرات مراقبة عالية الجودة بتكنولوجيا كورية

[Shokry]

كل الشركات الناجحه في مصر قطاع خاص
كل الشركات الفاشله بلا استثناء ومسببه عبء علي الميزانيه قطاع حكومي وقطاع اعمال وعليها ديون بالمليارات
المشكله في الشركات مشكله اداره وقوانيين وومحاباه
شركه ميتسوبيشي تصنع من اول التلفاز حتي الغواصات
ليه مثلا شركه ذي العربي ماتدخلش في تصنيع الكاميرات وتجهيزات المراقبه
او شركه السويدي في موصلات الدوائر الالكترونيه والبيانات والافينوكس
وهكذا
مازلت عند راي جو الاشتراكيه والحكومه تملك كل شئ اثبت فشله الحاد علي مدار عقود بل حول شركات ناجحه سابقا لخاسره وعليها ديون

كله هايحصل لكن في وقته وبالشكل الصح..زي ماكان ممنوع عنك سلاح كان ممنوع تصنع حاجة بشكل مباشر او غير مباشر..الموضوع مش سهل تنفيذه عشان كده بياخد وقت..و عشان تضمن تأمين سرية الصناعة مينفعش تصحى الصبح نقول يلا نفتح كله على بعضه..و مابين دا ما يحصل و الوضع الحالي لما نحاول كدولة بكل مشاكلها نعمل اي شئ ايجابي نقطع فيه فقط لانه مش مثالي كما نتخيل مع اعتبار عدم معرفتنا بأي خطط او مشاريع قائمة فعلا بتكتم و سرية.

جلد الذات داء عند المصريين..هانعالج الكورونا و دا مش هانعرف نعالجه.

 

[EL-3kaad]

مبارك اعتمد علي القطاع الخاص و خصخص كل شركات الدولة والنتيجة اقتصاد مدمر.. الجيش حاليا هو اللي ساند الاقتصاد المصري ولولاه عمرنا ماخرجنا من الانهيار الاقتصادي 2016
الرئيس بيعتمد علي اقامة مصانع و شركات والخطوة الجاية هيكون خصخصتها وطرحها في البورصة و يرجع تاني يعمل بفلوسها مشاريع اكبر

مع احترامي لسيادتك ده مش كلام علمي
الشركات الحكوميه المدنيه بتخسر كل سنه فوق 40 مليار جنيه
الشركات الخاصه في مصر هيا اساس الاقتصاد المصري لان جزء كبير من الموازنه معتمد علي الضرايب طبعا غير تشغيل العماله
لو جينا قارنا مصانع حلوان للاجهزه الكهربائيه اللي ما بتدفعش ضرايب بمصانع العربي او السويدي او النساجون الشرقيون او اورسكوم هتعرف الفرق
ثانيا الحكومه الحاليه بالفعل عايزه تخصخص الشركات عشان عبئ علي الموازنه
عصر مبارك كانت الخصخصه للمقربين من رجال الاعمال بتراب الفلوس عشان يبيعو الاراضي بسعر اغلي يعني فساد مش خصخصه
الجيش يا فندم ساند مصر امنيا نعم اما اقتصاديا لا شوف زياده حجم القروض الخارجيه والداخليه والمساعدات الخليجيه وانت تعرف كلامي علي العكس كتير من الشركات الخاصه والمصانع خرجت من السوق عندما دخل الجيش
الخلاصه كل دول العالم اتجهت للراس ماليه ونجحت

ليس لديك تصريح لمشاهدة الرابط، فضلا قم ب تسجيل الدخول او تسجيل